Potta Tactics

Potta Tactics Pharmacist 👨‍⚕️💉 Pianist 🎹 Football Tactics ⚽️❤️
(4)

https://youtube.com/channel/UCnNokfSvBEWsojcqh_KDhTQ

قناة اليوتيوب الشخصية ، بينزل عليها تحليل الماتشات الكبيرة تكتيكيا ..

احنا في بناء اللعب بنروح علي الطرف و نسهل علي البرازيل الضغط ب خط التماس و بعدها نخبطها في اي لاعب نازل ب ضهره و ربك ييس...
06/06/2026

احنا في بناء اللعب بنروح علي الطرف و نسهل علي البرازيل الضغط ب خط التماس و بعدها نخبطها في اي لاعب نازل ب ضهره و ربك ييسرها بقي ، تخبط في حد تاني و تتحول لينا بتحول عشوائي للامام ، يا اما تترد علينا تحول و ده حصل كتير للاسف ، و ده عشان معندناش لعيبه نص تقاوم الضغط ف حسام بيرمي اللعب في الطرف عشان امن اكتر !

المشكله بقي ان حسام مدي تعليمات ل ياسر يراقب رافينيا و حمدي يراقب تياجو ، المرجعيه المنافس ف هما مهملين المساحه اللي بين ياسر و هاني لان هاني بيتشد ناحيه فيني علي الطرف ، رافينيا كان سهل عليه يستلم بين الخطوط في الثغره دي ، او يعمل تحرك وهمي انه هينزل لتحت يسحب ياسر و بعدها يتحرك خلفه ، تياجو نفسه راح من ضهر ياسر مرتين بسهوله و عملوا فرصهم كلها من الثغره دي

شوط اول مفهوش اي حاجة حلوة غير هدف زيكو و تألق عظيم من مصطفي شوبير ❤️

اهو ماتش بلجيكا و تونس ده اكبر دليل ان مصر مينفعش تقف 90 دقيقه كامله ب بلوك منخفض و تفضل تستقبل لعب بالشكل دهبلجيكا اصلا...
06/06/2026

اهو ماتش بلجيكا و تونس ده اكبر دليل ان مصر مينفعش تقف 90 دقيقه كامله ب بلوك منخفض و تفضل تستقبل لعب بالشكل ده

بلجيكا اصلا مشكلتها هي مرحله بناء اللعب لان معندهمش جوده تكسر خطوط الضغط و دي بروين بيضطر ينزل معاهم عشان يطلعهم من اول خط ضغط

يعني لازم تستغل ده و تقسم الجيم و تضغط عالي بنظام المطارده و تجبرهم يمرروا ل كورتوا اللي عنده نفس المشكله ف هيضطر يلعب كورة طويله عشوائيه

لكن انك تقف ب بلوك منخفض الجيم كله زي تونس كدة دوكو هيزعلك و هيشد لعيبه كتير ناحيته و هيفضي مساحات ل دي بروين و دي قوة دي بروين لما بياخد وقت علي الكرة بيقدم قرار مؤثر جدا سواء تسديد او تمرير بيني او عرضيات

اتمني نكون اتفرجنا علي الماتش ده و عرفنا المفروض نعمل ايه

05/06/2026

بعد العيد ان شاء الله ✅
بعد كاس العالم ان شاء الله 🔜

فلورنتينو بيريز طلع عمل فزوره كبيره دلوقتي لجمهور ريال مدريدطلع قال انه هيتعاقد مع نجم جلاكتيكوس صغير في السن مش هيختلف ...
04/06/2026

فلورنتينو بيريز طلع عمل فزوره كبيره دلوقتي لجمهور ريال مدريد

طلع قال انه هيتعاقد مع نجم جلاكتيكوس صغير في السن مش هيختلف عن زيدان و رونالدو و فيجو و ب 150 مليون يورو كمان عشان يبقي اغلي صفقه في تاريخ النادي

بعد كدة قالهم الصفقه دي لا هي مهاجم ولا هي مدافع و مش بيلعب في الدوري الانجليزي ، ولا هي هاري كين ولا هي هالاند ولا هي اوليسيه ولا هي دوكو ، شايفك ياللي هتقول ايفيه هي فوضي و هجيبك

مش شايف قدامي حد بالمواصفات دي غير فيتينيا و نيفيز و موسيالا ، و الطبيعي يعني و اللي محتاجوا الفريق هو فيتينيا طبعا و متقوليش اي اسم تاني

طبعا اللي هيحصل في الاخر ان بيريز هيقولنا كنت بعشمكوا عشان تنتخبوني بس انتوا اخركوا معايا كوناتيه و دومفريس و عوده نيكولاس باز و اتصرف بقي يا مورينيو و شكلنا هنروح كلنا مع كامافينجا ان شاء الله

04/06/2026

عندي احساس شديد ان المفاجاه اللي هيعلن عنها بيريز بليل انه هيتعاقد مع انزو فيرنانديز

و لو حصلت هتبقي عملت توازن معقول عن الموسم الماضي ، علي الاقل هيبقي عندك لاعب ريجيستا مع هويسين يقدروا يدولك وقت علي الكرة في اول مرحله لعب

بس الفكرة انك هتستغني عن تشواميني لان انزو عايز جنبه لاعب دايناميك زي فالفيردي و صانع الالعاب طبعا المفروض هيبقي جولر ، فهل بقي هتستغني عن بيلينجهام كمان ، مفتكرش ده ممكن يحصل حتي في وجود مورينيو ، هتفضل اللعيبه النجوم هي اللي بتقود المشهد

و علي فكرة انا معنديش مشكله مع بيلينجهام لانه ك شادو سترايكر لاعب ممتاز ، بس مع مبابي مش هيشتغل و مش هيلاقي المساحات دي ، ف هترجع لنقطه انك محتاج مهاجم صريح ، و ساعتها تختار تكمل ب مبابي wide 9 مع ظهير خط او فيني جناح خط

في النهايه اللي عمل السكواد ده و خلاهم مع بعض هو اللي خرب الفريق و عشان توزن الكفه بنسبه طفيفه هتحتاج نوعيه انزو ، و مع مورينيو مش هتبني مشروع طويل الامد بهويه محدده ، اخرك هتعمل موسم او اتنين ممكن تكسب فيهم حاجة بس هتكتشف علي المدي البعيد ان مشكلتك مش مدرب علي قد ما انت مكون سكوادك غلط و لغيت مبدأ اسمه التوازن

انيس حاج موسي اللي سجل هدف عالمي دلوقتي امام هولندا و جاب بيه مكسب تاريخي للجزائر عنده رقم مذهل في الدوري الهولندي السنة...
03/06/2026

انيس حاج موسي اللي سجل هدف عالمي دلوقتي امام هولندا و جاب بيه مكسب تاريخي للجزائر عنده رقم مذهل في الدوري الهولندي السنة دي

حاج موسي المفروض صنع 6 اهداف فقط مع فينورد في الدوري الهولندي ، بس عارف ال xA بتاعه كام او الاسيستات المتوقعه ؟

تخيل انه 11.3 اسيست و ده اعلي رقم في الدوري كله ، يعني حاج موسي المفروض يصنع 11 هدف فيما فوق لان الطبيعي تصنع اكتر من المتوقع ، هو صنع 6 بس و ده بسبب الجوده الرديئه اللي بيلعب معاها في الفريق و اللي ضيعت عليه رقم ضخم جدا في صناعه الاهداف

الراجل ده صوره طبق الاصل من محرز فيما عدا بعض التفاصيل المختلفه ، بس نفس جوده التسديد و نفس جوده العرضيات المقوسه و نفس جوده البينيات ، محرز بصراحة امهر اكتر في المواقف الفرديه ، لكن الراجل ده في من محرز كتير

مكسب كبير اوي لمنتخب الجزائر 👏🇩🇿💚

03/06/2026

عصام الشوالي بيعلق عادي علي ماتش ريال مدريد و بايرن ميونيخ و بيقول الامور كانت ماشيه ، دخل كامافينجا ، روح هو و كامافينجا

عدا شهر و بقي اشهر تريند في افراح مصر و محدش فاهم الجمله اصلا ، المهم العريس هيروح مع كامافينجا ، طب كنتوا نقيتوا حد حليوه زي هويسين كانت هتبقي منطقيه علي الاقل ، بس لا احنا عايزين التريند ، كامافينجا كامافينجا احنا موافقين

انا بحب لويس انريكي و شايفه مدرب صاحب ثوره حقيقيه و جديده في عالم كرة القدم بفريق باريس الحالي اللي مليان جوده مبهره بال...
31/05/2026

انا بحب لويس انريكي و شايفه مدرب صاحب ثوره حقيقيه و جديده في عالم كرة القدم بفريق باريس الحالي اللي مليان جوده مبهره بالمناسبة

بس هتسالني عن النهاردة هقولك ان ارتيتا عمل شوط دفاعي يدرس و الموضوع اكبر من كونه اتوبيس بيترص عشان الناس بتريح دماغها و تقول كدة و شكرا تبخس حق ارسنال عادي يعني

ارتيتا النهاردة اتعامل صح مع التبادلات المركزيه اللي هي اساس لعب انريكي ، خلي الجناحين في الداخل ميرحلوش عند لاعب الخط في باريس الا اذا راحت له الكورة و مش هيروحوا لي بشكل كامل كمان ، ليه

ده عشان اللعيبه اللي بتتحرك في العمق عكس مراكزها الاصليه ، زي حكيمي و مينديز و نيفيز و دوي ، الهدف هنا ان جناحين ارسنال يقفلوا زوايا التمرير دي من البدايه ، مع وجود اوديجارد فوق رايس و سكيلي و مش عشان يضغط علي فيتينيا هو مجرد قريب منه في كل موقف ، لانه لو ضغط بالتبعيه هيحصل ترحيل طولي و ده اللي عايزه انريكي عشان يحرر لاعب بترحيل طولي عكسي للمساحه اللي هتتخلق لانك استفزيت ضغط ارسنال و ده هدف انريكي

اجنحه باريس كان بتتراقب من موسكيرا و هينكابي و مع الضغط المنخفض هافيرتز كان بيميل علي تروسارد و هينكابي عشان يعملوا تفوقات عدديه مع ترحيل عرضي متساوي المسافات ، ارسنال كان كومباكت اوي النهاردة و دفاع المنطقه كان مثالي و قدروا يحموا المساحات بشكل ممتاز و باريس كان عاجز تماما في اول شوط تحديدا

لو هتلوم ارتيتا في شئ هو اختياره للصفقات و النهج اللي لعب بيه موسم كامل لانك زي ما بتدافع لازم تتحول هجوميا و التحولات عايزه جوده قرار ، ف لا التحولات حصلت عشان تمركز الجناحين متاخر جدا في الضغط المنخفض ، ولا كان عندك جوده تعمل ده اصلا و تخلص المباراة زي ما تشيلسي عمل في نهائي كاس العالم بوجود بالمر و جواو بيدرو ، ف انت تشيل شيلتك لو كسبت او مكسبتش لانك بتلعب جيم احادي البعد ، يا موسكيرا يعمل ركلة جزاء يا ميعملش ، انت و نصيبك لانك قررت تحافظ علي النتيجة مش تضاعفها

30/05/2026

انتهت حلول الارض

سافونوف حارس باريس هيدخل التاريخ دلوقتي

30/05/2026

عشان باريس يسجل و يكسر بلوك ارسنال الغشيم ده ف انريكي محتاج ياخد ريسك و يخلي كفاراتسخيليا يسيب الطرف خالص و يبقي زاويه تمرير بين الخطوط و يخلي مينديز يمسك الخط مكانه

كفاراتسخيليا هو افضل مسدد موجود في باريس و لازم تبني عليه و تصنع مواقف تسديد لي ، كفارا من خرم ابره بيقدر يوجه الكرة في زوايا صعبه جدا

الريسك التاني هو جونزالو راموس و لازم ترفع تمركز فابيان رويز و يبقي شادو سترايكر و يهاجم المنطقه مع راموس ، الثنائي ده مطلوب جدا في البوكس و يقدروا يصطادوا عرضيات او يوفروا مساحات ل لعيبه تانيه انها تواجه المرمي

حتي الان ، جيم دفاعي جبار من ارسنال ، جماعيا اولا ، و فرديا ثانيا من جابريل اللي عامل شوط عملاق في التدخلات حرفيا

Address

10 Tanta Street/Haram/Giza/
Giza

Website

Alerts

Be the first to know and let us send you an email when Potta Tactics posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Potta Tactics:

Shortcuts

Share

Category