26/03/2022
الناس اللي تايهة ومتلغبطة من كتر الكلام ومش عارفة هتعمل ايه في رمضان تجمع في البوست ده 💪🏻
1- اول يومين دول مش لازم تأزم نفسك فالدايت والتمرين وتحرم نفسك من فرحة ولمة العزايم مع الأهل والعيلة الأيام دي مش هتتعوض ومحدش ضامن اللمة, عيش براحتك واستمتع
2- التمرين أساسي بعد الفطار مينفعش ابداً تتمرن وإنت صايم لسلامة صحتك والحفاظ علي كتلتك العضلية وكمان علشان يكون الحرق بنسبة أعلي لأن جسمك بيكون في مرحلة دفاع عن الطاقة المختزنة فجسمك علشان عمليا الحيوية تشتغل
3-المياه والعصائر الفريش(من غير إضافة سكر) أهم حاجة فرمضان... لكن متفطرش عليها علشان متحسش بخمول وتخمة لفترة طويلة بعد الفطار… افطر علي تمر وحليب . والمشاريب اكيد باعتدال وتكون طبيعية بدون سكر مصنع ومحسوبة في نطاق سعراتك .
4- المكسرات والفواكه المجففة مش ممنوعة مهمين جداً علشان نعوض المعادن اللي بنخسرها في فترة الصيام لكن برضه بحساب وإعتدال
5-قمر الدين مش صحي... عليه نسبة سكر عالية جداً
6-العرقسوس مفيد بس بإعتدال علشان بيعلي الضغط
7-الخروب الطبيعي مفيد بس من غير تحليته بالسكر
8-كل وجباتك وسعراتك اللي بتاكلها فيومك العادي من فترة الفطار للسحور
9- اخيراً مش علشان تروح الجيم متصليش التراويح , الجيم بعد التراويح 😀
و لو إنت شخص بتضعف قدام الاكل وصعب تلتزم علي دايت فرمضان ... تعالي انا هقولك علي الحل أضعف الإيمان
1- لو اتحط قدامك مالذ وطاب صينية مكرونة بشاميل مثلاً وسمبوسة... خد قطعة صغيرة بالحجم مش لازم تاكل نصف الصينية 😅
2- لو في كنافة وقطايف حضرتك مع كوباية شاي او قهوة.. خد قطعة صغيرة جداً مش لازم تاخد 4 -5 قطع وتحس بتخمة وتبوظ الدنيا عالاخر.
3- المشاريب لو بتشرب الحاجة فيها 4 معالق سكر ويستحيل تمنع السكر خالص... اشرب ب 2 معلقة سكر او واحدة.
4- ألعب رياضة ... اتحرك اوعي يومك يعدي من غير مجهود. بالشكل ده ممكن تطلع فيومك مش معدي سعراتك اساساً وتحافظ علي وزنك او تنزل كمان فالوزن
وأختم بقوله تعالي: وَلَا تَجْعَلْ يَدَكَ مَغْلُولَةً إِلَىٰ عُنُقِكَ وَلَا تَبْسُطْهَا كُلَّ الْبَسْطِ فَتَقْعُدَ مَلُومًا مَّحْسُورًا ♥️
رمضان مبارك ❤️
