21/09/2018
علشان تعرف ايه اسباب نزول الوزن السريع مع اي نظام من الانظمة اللي بتلغي عنصر كامل من الاكل او اللي بنسميها كا مختصين الانظمة الكيميائية , لازم الاول اشرح نقطة مهمه وهي
فين مخازن السكر في الجسم وازاي بيتعامل معاها:
بشكل تقريبي الجسم ممكن يخزن 2000 سعر حراري من السكر (الجليكوجين) glycogen يعني ٥٠٠ جرام من الكاربوهيدرات
لازم تفهم في الاول ان اي مصدر للكارب او النشويات الجسم لما يهضمها بيحولهاه لجلوكوز في الدم وبعد كده بتتخزن كجليكوجين في العضلات والكبد و في بعض الأماكن التانيه
التوزيع بيتم ازاي بقى؟
400جرام من الجلكوجين ممكن يتخزن في العضلات! و كل جرام كاربوهيدرات بيعادل 4 سعرات حرارية، فإ 1600 سعر حراري من السكر ممكن تتخزن في العضلات!
وعلشان كده كل ما زادت العضلات زادت امكانيه تخزين السكربشكل اكبر ! ودي حاجة مهمه لان كل ما حصل زيادة في الكتلة العضلية هايتخزن فيها السكر بدلا من تحوله لدهون في الجسم!
ولكن بس 100 جرام من السكر الصافي ممكن يتخزن في الكبد اي ما يعادل ٤٠٠ سعر حراري
طبعا الفائض من الجلوكوز سيتحول لدهون إذا كانت مخازن الجليكوجين مليانه (العضلات والكبد إلخ)
رياضات المقاومة او التمارين باوزان عموما والكارديو عالي الكثافة بتزود من حساسية الأنسولين وتخزين السكر كجليكوجين في العضلات بدلا من تحوله لدهون و هنا أهمية الرياضة في الإستفادة من مصادر الطاقة كالكاربوهيدرات خصوصا للرياضي أما الشخص اللي نشاطه قليل ومش بيعمل اي رياضه مش محتاج لزيادة الكاربوهيدرات لأنك مش بتحتاج لمد جسمك بطاقة كبيرة مابتستخدمهاش
علما بأن كل 1 جرام كاربوهيدرات يخزن ٣جرام ماء في الجسم وبالتالي ٥٠٠جرام سكر في الجسم ممكن يخزن كيلو ونصف ماء!
علشان كده الناس اللي بتخسر وزن في انواع الدايت قليلة الكارب (زي أتكنز كيتو قارطاي واي ريجيم منخفض بشكل كبير في الكارب هاينزل وزنك كام كيلو في الاول بسبب خروج الماء والسكر من الجسم ومش علشان خسرت الدهون مع الوقت ولما تفضى مخازن الطاقة دي ومع حفاظك على الدايت بتاعم هايبدأ الجسم يروح للخلايا الدهنية لتعويض عجز السعرات الحرارية من دهونك المخزنة.
اي نظام في الدنيا مش هاينجح الا لما تاكل اقل من احتياجك الانظمة اللي بنعتبرها كامختصين كيميائية زي الاتكنز و الكيتو والنباتيه وغيرهم هي انظمه لحالات خاصه وامراض خاصه وليست لنزول الوزن فقط هي انظمة مؤقتة ليس الا , الصح هو الاعتدال وعدم الحرمان ويكون نظام حياة ممتد عمرك كله.
أخيرا، ما زالت الدراسات تثبت بأن الكاربوهيدرات هي الاساس بلا منازع في تحسين الأداء الرياضي للرياضيين مقارنة باي نظام دايت قليل الكاربوهيدريتس.
باخنصار:
الناس اللي بيعملو ريجيم وبيشيلو حديد
واللي بيلعبو العاب قوئ
و السباحة القصيرة السريعة
و الحري السريع مسافات قصيرة
و الكروس فيت
واي حد هدفه يبني عضل وهو بيخسر دهون
يفضل يكون في نسبة كاربوهيدريتس معقولة في نظامه
احسن نظام تحقق بيه ده هو تدوير الكاربوهيدريتس
في اول تعليق لينك لموضوع سابق اتكلمت فيه بالتفصيل ازاي تعمل
carb cycling
