Ahmed mahny 14

Ahmed mahny 14 لا تتعلق بشي فكلنا ذاهبون وان احببت احب بصمت فلا داعي للجنون فما الحياة سوي قطار قادمون ومغادرون

27/03/2025

- انا لو طلبت منك نرجع لبعض تاني هتوافق صح.؟!
= أوافق لـيه .!!
- مــش أنت بتحبنــي .!!
= كنت
- لأ اللي بيحب حد ميقــدرش يكرهه
= و مين قالك اني كرهتك ، الكره احساس وانا مبقتش احس ناحيتك بأي حاجه ..
- يعنـي مبقاش ليا اي وجود ف حياتك .!!
= انتي اللي طلبتي وكنتي فرحانه اوي بطلبك كأنك بتتحررى من سجن وانا كنت حبسك فيه ..
- انا .؟
= ايوة انتي .. لما حسستيني ان الدقيقه اللي بتردي عليا فيها موقفه حياتك اما كنت بشحت سؤالك واهتمامك اما كنتي بتتعلقي ف اي حجج واعذار عشان تهربي من وجودك جمبي ، لما حسستينــي إن وجــودي زي عــدمــه ف حياتك و إن مليــش لازمه و إن غيــري اهم عندك كنتي بتطلــبي انك تخــرجي مــن حياتي بفعلك قبل ماتطلبيها بلسانك ، انتي طلبتي و انا نفذت..
فاكره اما قولتيلي هي فعلا خلصت ..
اهو من اللحظه دي انت جوايا انتهيتي ..💔

27/03/2025

فيه فرق كبير بين الطبائع المختلفة والطبائع المؤذية
واحد انطوائي والتاني اجتماعي واحد كريم والتاني بخيل واحد منظم والتاني مش اوي واحد عاطفي والتاني عملي واحد فرفوش والتاني جد شويه
دي طباع طبيعية دي الي مهم نتعلم نستحملها ونحاول نتعايش ونتكيف معاها في اي علاقه لكن،،
واحده لسانها طويل وقليلة الادب
واحده مسيطره ومتحكمه
واحده مسرفه وخاربه البيت
واحده مهمله في بيتها واولادها
واحده نكديه علطول
واحد خاين وبتاع ستات
واحد لا يسمح بالتقصير وماسك الخرزانه عطول
واحد لسانه طويل وقليل الادب
واحد بخيل ، واحد نكدي عطول لا يبتسم الا بره البيت
دي طباع مين يستحملها انا بتكلم عن الطبائع غير المقبولة مجتمعيا والي كلنا عارفين انها طبائع صعبه ليه نستحملها
لو في الخطوبة بقول للناس افسخو عطول لكن بعد الجواز اهو بنحاول نصبر الأزواج بس هما مابيبصروش وانتو شايفين اعداد الطلاق كل واحد مسؤول عن نفسه وعن اصلاح خلل طباعه لكن اعتمادك علي التاني انه يستحملك
لو بيحبك ده قرار غلط لان كتر الاستحمال والصبر بيطفي المشاعر الحلوه مع الوقت

27/03/2025

الي ستات البيوت نداء ورجاء خاص
الفتره الجايه جوزك هيبقى متوتر جدا هيسرح كتير وهيسكت كتير هيبقى خايف عليكو من بكره اوي والقلق هيزيد عشان ،،، عشان كده عايز اقولك شويه حاجات تخلي بالك منها
ارجوكي بلاش السؤال ده ،، مالك ،، هو انت مالك ،،
عشان والله والله والله ما هيرد عليكي وهيتعصب واحتمال كبير تقلب خناقه لان بنسبة كبيرة مش عارف ماله ومش هيعرف يعبر عن الي جواه ومن الاخر حتى لو عارف مش هيحب يبان ضعيف قدامك بخوفه وقلقه ده
تاني حاجه لو ابتدي رده على طلباتك كلام عمره ما كان بيقوله زي اي لازمتها ، مش وقته دلوقتي ، بعدين ، ارجوكي برضو متحسسيهوش انه بقا بخيل ومستخسر فيكي انتي وولادك حاولي انتي الي ترتبي اولوياتك وتتطلبي الضروريات لازم تعرفي ان معظم الرجاله دلوقتي بتنزل الصبح وهي مش عارفه هتروح تلاقي شغلها زي ما هو ولا لا اذا كان موقف أو هو صاحب الشغل ولو عليه اقساط وجمعيات كل شهر بجانب المصاريف الأساسية اكيد خنقته هتبقي اكتر فا ارجوكي برضو بلاش خناقات على حاجات متستهلش حاولي تكبري دماغك شويتين تلاته خليكي انتي الي الحاجة الحلوه في يومه الي بيستني يروح البيت عشان تخفف عنه واقولك بقا على حاجه مهمه اوي اقعدي مع الاولاد فهميهم أننا مش عايزين نضغط على بابا هنطلب الضروري بس ،،،، الراجل اكتر حاجه توجعه انه يحس انه مش مكفي بيته ولادة عايزين حاجه ومش عارف يجيبها
يحس كمان انكو عايزين بس مش عارفين تتطلبو
عدو المرحلة بسلام ومدام عارفين السبب ده في ذاته حاجه كويسه تخلينا نصبر ونفوت لبعض ومندخلش نفسنا في مشاكل اكبر واحنا مش واخدين بالنا
انا عارف انك هتقدري تعملي كده واكتر كمان عشان انتي ياما عديتي ازمات هتعدي زي ما غيرها عدي

27/03/2025

صباح الخير
ام كلثوم الي فتنت الناس بصوتها ماتت بسبب سرطان في الحنجرة ومرض الغدة وعجز الأطباء عن علاجها حتى ماتت
اسماعيل يس الذي ملئت حياته بالضحك واللهو مات مكتئبا فقيرا افلس في اخر ايام حياته حتى انه عاد يعمل منولوجست في الكباريهات
محمود المليجي كان يستعد لتصوير مشهد في احد افلامه وفجأة اصيب بنوبة قلبية حادة فمات على الفور
الملحن زكريا احمد جلس في بيته ثم ادار المذياع ليسمع اللحن الجديد الذي وضعه لام كلثوم فداهمه ملك الموت وقبض روحه في لحظتها ومات
قاسم امين الذي نادى بتحرير المرأة العربية من قيود الشريعة الإسلامية ونادي بخلع الحجاب مات وهو جالس بين فتاتين رومانيتين اثر سكته قلبيه مفاجئه
المخرج نيازي مصطفى مات مشنوق في شقته
سعاد حسني سندريلا الشاشه العربيه الذي ملأت الدنيا مرحا وضحكا كانت تعاني من الاكتئاب ثم ماتت مقتوله
ماركس ذلك الملحد الذي قضى حياته ينادي انه لا اله ولا رب للكون وهو في سكرات الموت وجده تلاميذه يحملق بعينيه للسماء ويشهق ويقول يا إلهي ويستغيث
المطرب طلال مداح مات فجاه وهو يغني على خشبة المسرح
/////
عمر بن الخطاب رضي الله عنه استشهد وهو يصلي الصبح جماعة
عبدالله بن ادريس وهو في سكرات الموت بكت ابنته فقال يا ابنتي لا تبكي فقد ختمت القرآن أربعة آلاف ختمه كلها لاجل هذا الوقت
عامر بن عبدالله بن الزبير كان على فراش الموت وأهله حوله يبكون وبينما هو يصارع الموت سمع المؤذن ينادي لصلاة المغرب وقد اشتدت عليه السكرات فلما سمع الاذان قال لمن حوله خذو بيدي قالو الي اين قال الي المسجد قالو وانت على هذا الحال قال سبحان الله اسمع منادي الصلاة ولا اجيبه خذو بيدي فحملوه بين رجلين فصلي ركعة مع الإمام ثم مات في سجوده
الشيخ كشك عاش داعيا ومجاهدا بالحق فمات وهو يصلي سنة صلاة الجمعة
الخليفه الراشد عمر بن عبدالعزيز مات وهو يردد قوله تعالى
تلك الدار الآخرة نجعلها للذين لا يريدون علوا في الارض ولا فسادا والعاقبه للمتقين
ابن تيمية مات وهو يردد قوله تعالى ان المتقين في جنات ونهر في مقعد صدق عند مليك مقتدر
انت تختار طريقك فأحسن رسمه
اللهم احسن خاتمتنا وثبتنا على دينك الصحيح ولا تقبض ارواحنا الا وانت راض عنا

27/03/2025

الي بيطلع من بيته وهو جعان هيدور علي اي اكل ياكله بره البيت عشان يشبع غريزة الجوع وبنفس المنطق العواطف
فا لو طرف قصر في إشباع رغبات التاني
لو الأهل قصرو في إشباع أبناؤهم بالحب والحنان
طبيعي جدا هنطلع من البيت جعانين
ولما الجوع من النوع ده بيقرص علينا في مجتمع كل اتجاهاته ملوثه وتحليل الغلط فيه سهل كل حاجه هتبوظ
ومع فكرة انا الراجل هي المفروض تعمل كده وكده
وانا الست وعاوزه اهتمام واحتواء الأول عشان اعرف ادي
بقينا واقفين مستنين بعض مستنين العطاء بانانيه شديدة وحاطين شروط لتقديم الحاجة وده زود نسبة الأنا والنرجسيه ،، باختصار
لو سايب الي معاك جعان متلومهوش انه طلع ياكل بره
الي متبناش في الأول هينكسر في النهاية

27/03/2025

بقيت ازعل اوي لما اكتب بوست او اشوف محتوى عن العلاقات او المشاعر خاصة بين الراجل والست واشوف كومنتات الناس سوء الظن وسلبيه التفكير في المستقبل والهجوم بدون تفكير ما بين الطرفين اصبح شي منتشر وواضح جدا ومتزايد
الستات شايفه أنها لازم تشتغل بحجة أنها هتتطلق وهتتخان وهتتساب في لحظه
الرجاله شايفه ان الستات بقت صعبه ومعندهاش عندهم صلاحية يقومو بدور الام وانها هتعيش تحت ضغط ونكد
والجيل الصغير شايف انه هيطلع تايه وابوه وامه مش فاضينله ولا شايفينه حتي حاسين بيه
وكل طرف ماسك في نقطة معينة في الدين وبيفسرها بمزاجه هو رغم أن ربنا قال في القران يا ايها الناس انا خلقناكم من ذكر وأنثى وجعلناكم شعوبا وقبائل لتعارفو وما خلق الذكر والانثى ان سعيكم لشتي
مش فاهم ليه المجتمع حولها لحاله حرب وياس ليه ادخل على حياة وانا راسم ليها خطوط سوده ومتوقع الاسوء ماهو طول ما انا متوقع الوحش هتكون ردود افعالي عنيفة حتى لو حاسس ان الي معايا كويس طول ما انا متخوف غصب عني هظلمه وهعند معاه
فين الود والرحمة والونس انا عارف اني هلاقي ردود غريبه
الي هيدخل يقول مفيش حب
والي هتقول مفيش رجاله وكلهم خاينين
والي هيقول الستات بقت فاشلة وبتدور علي التحري والحرية والفلوس
والي هيقول الستات بقت تخون اكثر من الرجاله
كله متجه ناحية اللون الاسود غرقانين في نص الكوبايه الفاضي فقدنا اليقين فقدنا اصلا مبادئ الحب وفقدنا معالم الصورة الحلوة

27/03/2025

من يستر عورات الناس فوق الارض يستر الله عورته يوم العرض
ثلاثة أشياء لا تعود الكلمه اذا خرجت والزمن اذا مضي والثقه اذا ضاعت
الحياة مثل السوق الكبير تتجول فيه وتأخذ ما يطيب لك من المعروض ولكن تذكر أن الحساب امامك وستدفع تمن كل شي اخدته
بر الوالدين قصه تكتبها انت ويرويها لك اولادك
عندما يتربي المجتمع على العيب قبل الحرام لا تتعب من رجل لا يصلي ويامر زوجته بالستر من الادب
إن لا تسال أحد عن شي يخفيه عنك فإن لم يكن ظاهرا لك فهو غالبا لا يخصك
الموت لن ينتظر استقامتك استقم وانتظر الموت
الجاهل ليس من يجهل القراءة والكتابة الجاهل من يعرف اتجاه القبله ولا يصلي
سبب عدم حضور الأشخاص لبعض المناسبات لا يكون لانطوائهم غالبا يكون لعدم تحملهم المشاعر الزائفه التي يتظاهر بها اغلب الحاضرين
الصداقه أشبه بالكتاب تحتاج لثوان معدودة لحرقه لكنك تحتاج سنين لكتابته
اتدري ما معنى قول المظلوم حسبي الله ونعم الوكيل اي انه نقل ملف القضية من الأرض الي السماء
البعض يؤمن بأن العين حق أكثر من إيمانه بأن الله خير الحافظين
من اشد انواع الظلم الاجتماعي هو بحث الاهل عن زوجه صالحه لابنهم السئ
بعيدا عن سخافات العشق وما فيه من ألم حقيقة لا يتالم في الشتاء سوي الفقراء فا تصدقو
الابكم يتمنى أن يرتل كتاب الله والاصم يتمنى أن يسمعه والاعمي يتمني ان يراه ونحن اهلكتنا هواتفنا

27/03/2025

وحشتيني ، متستغربيش لان القلوب ملهاش دعوه بخلافتنا بمشاكلنا ملهاش دعوه بكرامتنا وبمادئنا القلوب هتفضل تحب وتشتاق وتحن واكبر دليل هو ان كل مرة بنقرر فيها نسيب كانت مقابلة بترجعنا وكل مره فيها بتقفل علي اتفاق منكملش كنا بنتلكك ونفتح كلام ونعاتب بعض
مليتي المشاكل واتمنيتي لو البدايات ترجع
مليتي العياط المستمر وانك مش شايفه الا عيوبك الي كنت بظهرهالك في كل مره بنتخانق فيها
اذيك انا عايز افتح اي كلام واشرحلك الفرق بين نارك وجنة غيرك واحكيلك ان مشاكلك كانت بنسبالي حياة ، مشكله وياكي ولا مليون كلمه حلوه مع غيرك ، جايز بكره يبات غيري في حضنك ويشاركك سفره جايز يدخل صابعك في دبلة حلوه بس مش على مقاسك لانها مش بتاعتي
جايز تخلفي وتربي عيال حلوين شبهك
لكن مش هتبطلي توحشي قلبي انتي بعيده وانا ثابت من اخر مره مشيتي مش عارف اروح فين ولمين
لو كنت عارف انها اخر مره كنت مانعت الساعه تمشي
مكنتش هسمحلك تمشي ، وحشتيني وده مش بأيدي ومش في ايديا غير اني اكتبلك جوابات واقولك فيها وحشتيني يمكن مره تقرايها وتعرفي اني عمري ما انساكي ولا انسالك

27/03/2025

هو احنا ليه مابنشوفش عيوب الي بنحبهم علميا: المخ بيفرز هرمون اسمه الدوبامين دا بيخلينا نشوف الناس الي بنحبهم ملايكه ومعندهمش اي أخطاء أو عيوب بنوصل لمرحلة أننا شايفين انهم اجمل ناس اتخلقت على الأرض واطيب ناس واحسن ناس وده شعور بنحسه ما بنحسش بالسعادة غير معاهم ولو حطينا صورهم مع صور اجمل ناس في الدنيا برضو هنشوف الناس الي بنحبهم هما الاجمل والاكثر جاذبية
واقعيا: طبيعي الشخص الي بتحبه فعلا متشوفش عيوبه أو يمكن انت بتتعمد متشوفهاش لانك عايزو جميل وبس بتشوفه حلو لانك عايز تشوفه كده احنا بطبيعتنا انا بنحب بنحب كل حاجه في الشخص ده شكله وكلامه وافكاره وطريقته في نطق الكلمات وغيره
الهرمون ده وطبيعتنا فا الموضوع بيبقى اعمق مما تتخيل عشان تحافظ على نفسك من تلاعب الهيرمونات لان الواقع وظروفه مش بيعترف بيها اصلا لو حسيت بمشاعر معينه اتجاه شخص قرب من العتمه بتاعته المس كل عيوبه وشوف كل غلطاته النقطه دي مهمة عشان تتفادي تلاعب الهيرمونات ومتلبسش في حيطه بعد كده لازم تقرب من الجانب المظلم وتعاشر ابليس الي جواه
قدرت تتعامل مع ابليس الي جوه كل واحد فينا وحسيت انك بتحب عتمته واقتنعت بفكره أن هو مش احسن شخص ولا اجمل شخص وان هو بشر عادي عنده مميزاته وعيوبه أو راضي بيها وموافق يبقي كده تمام انت في الطريق الصحيح للحب
لكن هتقرب من الجانب الحلو بس احب ابشرك بنهاية مأسويه مع الوقت بس

27/03/2025

ليه ربنا مبيعملش حاجه لما بيشوفنا ليه بيرضي بكده
اهلا بك تيجي نقرأ مع بعض قصه بسيطة كده طيب وبعدين نجاوب
فيه سوره في القران اسمها سوره الاحزاب عارفها طبعا السوره بتحكي قصه غزوه من أصعب الغزوات الي مرت على النبي وأصحابه عشان اصورلك الوضع ، النبي كان معاه كام الف واحدكل قباءل العرب كله قرر يتجمع وييجو يحاربو المؤمنين دول عن بكرة أبيهم بقا من اولهم لاخرهم وبالتالي النبي استشار الصحابة قالو انه نحفر خندق من ناحية المشركين راحو يحفرو الخندق وهما حالتهم كالاتي
هواء شديد والأرض صخريه جعانين جدا ومش لاقيين اكل وسايبين شغلهم والنبي رابط حجر على بطنه من الجوع والأرض جافة مش تراب فا بيحفرو بفؤوس اخر فرهده وفي وسط كل ده قاعدين بيقولو اي بقي اللهم لا عيش لنا إلا عيش الاخره فاغفر لنا وللانصار والمهاجره ، نفسيات
وبعدين حفرو الخندق في ظل كل هذا الكم من التعب نستريح بقي لا لقو الكفار وصلو وبالتالي لازم يباتو في أماكنهم في الخندق والدنيا برد شديد لدرجة أن النبي بيقولهم من يأتيني بخبر القوم سيكون رفيقي في الجنه ولا واحد منهم قام تخيل الصحابة دول مش احنا من شده البرد
خلصت كده لا يجيلهم خبر ان اليهود الي هما في الناحية التانية في المدينة خانو العهد وهنا القران يوصف وانا اسكت بقي ،، قال تعالى ،، اذا جاؤوكم من فوقكم ومن اسفل منكم وإذا ذاغت الأبصار وبلغت القلوب الحناجر وتظنون بالله الظنونا هنالك ابتلي المؤمنين ولزلزلو زلزالا شديدا إذ يقول المنافقون والذين في قلوبهم مرض ما وعدنا الله ورسوله الا غرورا،،
تخيل ناس وسطهم رسول الله ولزلزلو زلزالا شديدا وتظنون بالله الظنونا ده والنبي معاهم
في قصة تانيه في غزوة أحد النبي والصحابة كانو منتصرين وفي ظرف دقائق اتقتل 70 واحد من الصحابة ومنهم عمه حمزه بن عبد المطلب واتحول النصر لهزيمه والنبي شح رأسه وكسرت اسنانه والخوده دخلت في جلد وجهه الشريف وجرحته وعاد المسلمين وقد هزمو
تفتكر ليه ربنا سابهم يتالمو كده وليه هما مقالوش ليه يارب سيبت عبادك يتالمو طب هو ربنا مكانش قادر ياعني ينقذ النبي بمعجزة ولا حاجه بدل ما يجرح في وجهه الشريف
المشكلة يا صديقي في الاسئله دي أن احنا بنختار من حاجتين اولا : انه ربنا لازم يورينا انه تدخل مباشره لحل مشاكلنا وده قصور في فهمنا عن رب العالمين وعن الدنيا الي هي دار ابتلاء وعن حكمه ربنا الي ممكن يقدر الشر على نبيه ورسوله حتى لحكمة يعلمها
مين قالك أن ده مش خير ليك هسالك سؤال
لو يوم القيامة جيت لقيت في ميزان حسناتك مليون حسنه ومليون سيئه وانشالو تقول ده اي يقولولك بالمرض الفلاني هتحس ان ده احسن صح ، طب ليه باصص تحت رجليك بس ، بص لقدام للاخره هتلاقي كل قدر الله خير وعشان كده ندعي ،، اللهم بعلمك الغيب وقدرتك على الخلق احييني ما علمت الحياة خيرا لي وتوفني إذا كنت الوفاة خيرا لي اللهم وأسألك خشيتك في العيب والشهادة وأسألك كلمه الحق في الرضا والغضب
ارضي بكل حاجه بتحصلك لأنها في الاخر هي خير من عند ربنا ،، ربنا يرزقكم برد الرضا والخير

27/03/2025

الحب هو الحاجة الوحيدة الي مينفعش معاها لا تخطيط ولا تطنيش ، مينفعش لا تدخل بقلب جامد ولا تقاوح وتقول مش داخل ، مينفعش تقول هتعلم ان طول الوقت مش لازم اشتاق ومتقدرش برضو تمسك روحك ومتخدش الا الحاجات الي تكاد تكون كلها انه بيحاول في حكايات بنات ا
البنت الجامده الي مابيعجبهاش ولا حاجه ولا حد قافلة قلبها ، حياتها ، صحابها ، شغلها ، وبس بتضحك بتخرج بتسافر والي يجبلها سيرة الجواز كانه بيقولها هقيم عليكي الحد لحد ما ظهر سي عاصم ودنيتها اتقلبت ومن كتر ما استغربت دنيتها بعده وتقبلها بحاجات عمرها ما كانت هتتقبلها ولا تصدق انها في يوم كانت تتقبلها وتعديها
في مره قالتله انت تاعبني،تاعبني ومضايقني جدا مش عارفه اخد منك موقف بتوديني وتحبني زي ما انت عايز ومش عارفه اخد منك موقف وبعد نص ساعة انسي كل الحكايه دي مضيقاني عشان انا مش كده مش طبيعتي كده مش عارفه اعمل اي
في حب اعمي كمال مره والحكايه كان بيفضفض لزهير صاحبه عند مكان دايما كان بيجمعه بي نيهان وذكرياته معاها وقاله في كل مره اجول وادور واتي الي هنا يا زهير في كل مره اتي الي هنا واستند لا استطيع تجاوز هذا لا استطيع تخطيه لا استطيع ان اتركها واذهب تحولت إلي جليد لا اتالم لكني عندما اراها لمره واحده يصبح كل شي كذبا وفي كل مره لم اطلب سوي شي واحد فقط
أن اطرق بابها لتفتحه وتدخلني
احمد صيام في حب لا يموت مره قال جمله حبيتها اوي قال ،، في حب عامل زي المايه ضرورة عشان تعيش بس نسي يقول إن اصلا هو ده الحب
وفاء ،، قالت وهي في حالة استنكار لكل حاجه وعكسها بتحصل في اي حدوته حب ليه دايما بنبص اعلي من مستوى نظرنا ، ليه كل الممنوع مرغوب ، ليه دايما كل الي احنا عايزينه بيحصل عكسه ، اسئله كتير ملهاش جواب
تعرف أن العذاب غريزة مرتبطه بالحب وبالرغم من كده لما اتسالت عن الحب اي معناه قالت،، الحب ، عطاء ، تضحيه ، حد يحبك ويخاف عليكي اكتر من نفسه مش ممكن تلمسه لكن تقدر تحسه يعني باختصار هتلاقي نفسك معاه في كل حاجه وعكسها هتنصح احيانا بالي مقدرتش تعمله وتعمل الي نفرت من انه يتعمل هتخاف، يمكن عشان متطمن هتقرر تمشي وانت بتجري علي مكان يفكرك بيه هتقول هتكرهه وانت بتتشعبط في اي فرصة تملي عينك تشوفه المهم
خلينا نقول ان الحب الي اسمه حب مش الي بيسموه حب مبيطلعش غير بطلوع الروح

27/03/2025

عقبال كل بنوته لسا مجالهاش عدلها وربنا يسعد كل المتجوزين بس لو سألت اي حد فينا اي الوقت الي حصل في فرح شوفته على النت او اثر فيك هيقولك
شوفت فرح العريس قام من الكوشه وشال امه العجوزه ولف بيها وهو بيغنيلها يارب يخليكي يا امي والمعازيم عيطو لان الموقف اثر فيهم ،، علي فكرة هو لو شال عمته خالته جدته كنا هنتاثر برضو لان الفكرة فكرة تقدير
اني افتكرك وسط اللمه اقدرك واميزك بحضن بضحكه رغم انشغالي مهو الفكرة مش فكرة اني بكلمك لما افضي الفكره فكرة اني افضيلك نفسي رغم انشغالي
كان محمود الخطيب سمتعه بيحكي انه راح هو وأصحابه يزور الشيخ الشعراوي فقال موقف ،، الخطيب بيقول انهم اكلو عند الشيخ وكان هو الي بيخدم عليهم رغم كبر سنه فا لما حسو انهم تعبوه وطولو قالو نمشي فا الشيخ خرج يستقبلهم عند الباب وكان واقف بيسلم عليهم واحد واحد الخطيب بيبص علي الشعرواي لقاه باين عليه الارهاق والتعب فا قعد على كرسي جمب الباب وكان الخطيب هو اخر واحد خرج والي قبل الاخير جه يمد أيده للشيخ ويسلم ويمشي فا الشيخ مكانش قادر يقف فقام ماسك ايد الشخص الي بيسلم عليه وباسها وقاله دي بدل وقوفي يا ابني مش قادر اقف اسلم عليك هبوس ايدك تقديرا ليك
الخطيب بيقول انا اتصدمت من أدب الشيخ واحترامه وانه شخصية عظيمة زيه يبوس ايد شخص مننا بس لانه مقدرش يقوم يسلم عليه فالخطيب بيقول طبعا وانا خارج مرضتش امد ايدي واسلم عليه لاني خفت يبوس ايدي انا كمان ومسكت راسه وبوستها وودعته
زي ما القوار بيهدي اي حرقان في الصدر
زي ما اللحاف الفيبر بيدفي الواحد في عز التلج
الي احنا فيه زي ده شويه البنزين من غيرهم العربية تقف وبيهم تمشي كذلك التقدير بيهدي اي مشكله بيدفي العلاقات ويحتويها بيمشيها ميوقفهاش
عمرك كتبت بالجاف علي ورقة وعرفت تمسحه التقدير برضو مابيتمسحش لانه بيعلم بالجاف في قلب الي قدرته
ضحكه لابنك وهو بيذاكر قوله ربنا يوفقك انت كده قدرته
تكلم صاحبك أو مراتك أو تكلمي صاحبتك وانتي بتبصيلها مش بتبحلقي في التليفون ده برضه تقدير
جوزك داخل عليكي ولو بكيس عيش تطبطبي علي صدره وتقوليله الله مايحرمنيش منك ده تقدير
الطقم الي صاحبك تقوله عليك شياكه ده تقدير
اتاخرت علي ميعاد مفيش مشكله اعتذر ساعتها هتطفي النار الزعل في قلب الي قدامك لانك قدرته ، ياأخي حتي لو انت معدي الطريق هتلاقي عربيه بتهدي والي فيها بيشاورلك ويقولك عدي بيقدرك قدره انت كمان وارفعله ايدك وابتسم وقوله شكرا ساعتها هيكررها مع غيرك
قوه اعمل لنفسك شاي وقول لمراتك الصبح محبتش اصحيكي لانك حسيتك همدانه هتفتكرهالك حتي ربنا سبحانه وتعالى بيحب الي يقدر بيقول ،، لأن شكرتم لازيدنكم قدر النعمة ، واشكرني ساعتها هزيدك
فعلا رجاله وستات مستعدين يشقو ليل نهار وينسو اي شي بيبذلوه مقابل اي ، مقابل كلمه تقولها الست لراجلها دا انا غرقانه في خيرك وعايشه بحسك والست كذلك مش مستنيه تقوم تاخدلها الهدوم فومين ، ومش مستنيه تقولها الشقه متروقه واخر جمال ، الهدوم نضيفه ، تسلم ايدك ، تطيب خاطرها بحضن دافي وبوسه علي دماغها وتقولها بحبك يا ست الناس يا سنداني
شكسبير بيقول ،، لا تبادلني بالاهتمام فقط اقنعني انك تستحقه

Address

محمد علي
El-Mahalla El-Kubra

Telephone

+201007439175

Website

Alerts

Be the first to know and let us send you an email when Ahmed mahny 14 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Ahmed mahny 14:

Shortcuts

Share

Category