26/01/2025
🚩 زيادتك في الوزن سببها ان هرمونين في جسمك
دايما عاليين في السما .. لو ظبطيتهم هتحل مشكلتك للأبد
🚩عارفه انك تعبتي من كتر ما عملت دايت ومفيش نتيجه
عارفه ان نفسك تعملي دايت صح .. ومترجعيش تاني تزيدي
لاني عارفه كمان أنك عملتي كل حاجه في الدنيا ولسه مفيش نتيجه وعملتي جلسات وخدتي علاج بآلاف وف الفاضي
🔷هنا في البوست ده مش هسيبلك مشكله في الدايت
الا ومعاها حلها ... هاتو كوبايه شاي وتعالو ونركز اووووي
⚠️طول عمرك نفسك تظبط جسمك ووزنك .. شوفت مليون فيديو وبوست جربت كل ادويه الدنيا كلها ومفيش نتيجه ..
عملت تكميم وروحت چيم وبرضه مفيش فايده صح ؟!
طيب اشمعنا انا .. مستقصداني وجايه ليه دايما عليا 😅
🚩 اول حاجه انتي حابه تصلحي الدنيا خلاص بقي
ف يبقي لازم تعرفي اولا انك مش منحوسه
وانك مش بتزيدي ف الوزن عشوائي اكيد فيه سبب ..
اصل يادكتور في ناس مهما تاكل ميبانش عليها
ولا فارق معاها ..... دول معاهم مشاكل صحيه خلي بالك من كوليسترول ودهون ثلاثية وضغط وسكر ..
كلهم هنا عندي زيهم زيك 😅
.. طيب تعالا افهمك اللعبه كلها !!
🚩 زيادتك في الوزن سببها ان فيه هرمونين في جسمك
دايما عاليين في السما و دايما مستواهم عالي
🔶الهرمونين دول انت لو قدرت انك تقلليهم وتنزليهم
انتي وزنك هينزل لوحده من غير دايت ..
ومع دايت يناسب حالتك هتضرب النتيجه في ٣
اي هم الهرمونين دول
الكورتيزول والانسولين .. وخلينا نمسك واحد واحد
🔸الكورتيزول هو هرمون التوتر والضغط العصبي والنفسي هرمون الاجهاد و هرمون النرفززه والعصبيه وهرمون الخوف
ف تخيلي معايا بقي عصبيتك وديتك فين !!
الكورتيزول طول ما هو عالي في جسمك هتكوني دايما مورمه ومنفوخه و هتلاحظي دايما محيط بطنك عالي
وكف ايدك ورجلك منفوخين ومورمين
تبقي ماشيه بالمسطره علي الدايت
وتطلعي على الميزان تلاقيكي زايده ياريتك ثابته
بكل اختصار .. اتحكمتي في الكورتيزول وزنك هينزل
معرفتيش يبقي انسي خالص الموضوع ده
طب ايه اللي بيخلي الكورتيزول يزيد عندك ..ركزي معايا
اول حاجه .. انك عندك مشكلة في الغده الكظرية
استني انت شخص سليم ومتروحش لدكتور هقولك تعمل ايه
اقرأ بوست إجهاد الغده الكظرية.. هسيبه تحت
تاني حاجه ... التوتر ودائما تلاحظ دائما معظم السيدات
لما يكونوا مكتئبين أو مضايقين يروحوا ياكلو ودايما بليل
عشان يقعدوا يفكروا في مشكلتهم ويعيطوا ويتضايقوا اكتر
ف انتي رفعتي الكورتيزول للسما
وكمان رفعتي معاه الأنسولين
ف نصيحه حاولي تقللي الضغط العصبي والتوتر ده
واعرفي أن الدنيا بتمشي ومشكلتك اهون من مشكله في صحتك .. بسبب توترك وعصبيتك دي اللي مش هتحل حاجه
تالت حاجه ... السهر
قسما بالله سهرك هيضيع اي حاجه بتفكر تعملها في الدايت
انت بسهرك رافع الكورتيزول لان دي عكس طبيعه خلق جسمك .. وكمان عشان يفضل عالي لازم ترفعه بالانسولين والشهيه تفتح ف لازم هتاكل عشان تخلي الكورتيزول عالي
حاول ب اقصي قدر تنام ١١ اخرررك ..ده بعد اذنك يعني😅 ف عشان تقلل الكورتيزول ..نام بدري واصحي بدري معلش
▪️انسي التوتر والضغط النفسي والعصبي والنرفزه شويه
صحتك اغلي من المشكله اللي مضايقاكي
⚠️ مسألتوش نفسكم الرجاله دايما حرقها حلو
حتي لو شغله صعب ومرهق او مكتبي وحركته قليله
لان الكتلة العضلية عند الرجال بطبيعتهم وفطرتهم اكتر واعلي من الستات وبيجيي من شغله مهدود وقرفان بس تعبان وبينام علطول ف جسمه بيتشافي كتير بنومه بدري
بلاش حسد 😂
🚩 طيب خسيت ونزلت حلو ومجرد ما سيبت الدايت
وشهرين لخبطه رجعت تاني بكل سهوله
لانك عملت حاجتين غلط
اول حاجه .. انك فاكر ان الدايت مده وخلاص وهلخبط براحتي .. مبتتحسبش كده انت مفروض في رحله الدايت
اتعلمت تحافظ علي نفسك واتعلمت ازاي النشويات والسكريات بتبهدل جسمك وتتعلم ازاي تتصرف وتحسبها صح ..مع اي لخبطه أو دروب يحصل .لانك معرض طبعا لده
وده دور طبيب التغذيه الشاطر اللي فاهم حالته
تاني حاجه انك .. بتبقي مركز انك تنزل ميزان بس مش فارق معاك غير انك تنزل علي الميزان وناسي ان لازم الكتله العضلية تكون زادت في نهايه الرحله لان دي اللي هتحافظ عليك ومهما لخبطت هتلاقي الأمر تحت السيطره
ركز ف انك تعمل تمارين مقاومه .. لو التزمت عليها هتزيد كتله عضليه وانسي يبقي في ترهلات ولا شكل وحش
كل م الكتله العضلية زادت ف انت معدل حرقك زي الفل
وشكلك حلو حتي لو وزنك ٩٠ وطولك ١٧٠
شوفت لاعبيه كمال الاجسام بيبقي وزنهم ١٢٠ وشكلهم حلو
ليه ؟ لان الكتله العضلية اكترررر من الدهون عنده
ف انت لو بتخس والترهلات بتزيد يبقي نزولك غلط
والدايت ده غلط ... طيب اعرف ازاي اني بخس صح
هدومك بتوسع حلو ومحيط جسمك بينزل ومجهووودك احسن مش أقل وملكش دعوه بالانبودي ده اشتغاله ...
اسمع مني وصدقني ... وغير وكلامي ده انت ماشي غلط
ف اهتمي جدا بتمارين المقاومه طول فتره الدايت وبعد ما تخلصي دايت ... دوري بسهوله عليها علي اليوتيوب
ممكن تعمليها في البيت عادي زي بلانك وسكوات وغيره
-----------
🔹تاني هرومون ... الانسولين
ده بقى بيزيد كل ما تاكل تخيل بقى معايا انتي بتاكلي كام مره في اليوم يا ست الكل انتي جعانه بتاكلي شبعانه بتاكلي زعلانه بتاكلي فرحانه بتاكلي جايلك ضيوف بتاكلي رايحه تزوري ناس بتاكلي فرح أو ميتم بتاكلي 😂
حرام عليكي يا شيخه 😅 !
عدي بقى معايا انتي على مدار اليوم اكلتي كم مره
ومقصدش اكل كميات ..يعني مثلا صحيتي الصبح شربتي كوبايه شاي بمعلقتين سكر وبعدين فطرتي روحتي شغلك شربتي كوبايه قهوه بمعلقه سكر بعدها بساعتين اخذتي بسكوته بعدين بشويه موزه وروحتي البيت معجنه اكل
بعدها بساعه شويه لب في السهره وكيس شيبسي و فشار انتي مع اي حاجه بتدخليها من بقك بتزودي الانسولين وبتعملي دهون حوالين الكبد .. يبان في محيط بطنك العالي
الكبد هيفضل شغال معاكي ويستحمل سنييين لحد ما يجيب اخره بعدين هتلاقي الجسم يضايقك بمشاكل صحيه
زي كوليسترول ودهون ثلاثيه و نقرس أو ضغط و سكر
و كل دي علامات تحذيريه من الجسم
بيقول لك فوق كفايه كده .. انا تعبت منك ومن عمايلك
🚩طيب اعمل ايه يا دكتور ؟؟؟
هقولك حسب المشكله اللي معاك دلوقتي الدايت بيتحدد مش ورقه تتطبعلك وامشي عليها والسلام .. لااااا ده تهريج
١.لكن الدايت الامثل هو انك تمشي صيام متقطع لا يقل على 14 ساعه ولا يزيد عن 18 ساعه ... لازم جسمك يجوع عشان ياخد من الدهون المتخزنه ويحولها لطاقه يشغل بيها نفسه
ويدور علي الاعطال اللي جواه ويصلحها
٢. ندخل بقي في أكتر حاجه بتكون صعبه عليكم وهي النشويات هقولكم تتصرفوا ازاي .. اي خدمه ركزززوا بقي
1️⃣لو انت حاليا لو سليم ومفيش عندك اى مشاكل مرضية خالص لا مقاومة إنسولين ولا دهون على الكبد ..
▪️الجسم بتاعك معندهوش اى مشكلة مع النشويات تماما ف عادى تدخلها فى الوجبتين بتوعك في الفطار و الغداء لكن بكميات محدودة لان ببساطة لو افرطت فيها هتخنك كتير
لانك مش شخص رياضى و مش هتحرقها .
2️⃣ لو انت شخص بقى بيعانى من التهابات شديدة + مقاومة إنسولين او دهون ع الكبد .. للأسف انت هنا هتضطر تقللها بشكل كبير اوي اوي.. تقللها لدرجه قريبه من المنع
▪️لان الجسم بتاعك مش عارف يتعامل معاها دلوقتى ومش هيستخدمها كمصدر طاقة لوجود مقاومة داخل جسمك ف هيخزنها دهون وبالتالى احتمالية اصابتك بالمشاكل الصحيه وأولها السكر والضغط .. كبيره جداا
🔸طيب هتعمل ايه برضه ؟
1. هتاخدها في وجبة واحده بس فى اليوم مش اكتر من كده علشان نحافظ على عدم حدوث هدم عضلى
وحاول انك تاخدها عن طريق مصدر نشويات معقده
( نشويات معقده يعنى... مش بترفع سكر الدم بسرعه)
اللى هى زى ايه " فول ؛ بطاطس مهروسة ؛ بطاطا ؛ فريك ؛ الشوفان ؛ الشعير ؛ البسلة ؛ الفاكهة ؛ الفاصوليا الخضراء ؛ القرنبيط " دى كلها نشويات بالمناسبة
لكن معقده ..طيب يعني اي نشويات معقده ؟؟؟
يعني مش بتأثر على سكر الدم كتيير
ف مش هتعملك مشكلة كبيرة...
2. ابعد تماما عن النشويات البسيطة اللى هتسببلك مشاكل اكتر فى الوقت الحالى زى ( " العيش ؛ الأرز ؛ المكرونة ؛ المعجنات ؛ المخبوزات ؛ الحلويات ؛ إلخ ... )
لحد ما جسمك يرجع طبيعى ويتعافى تماما و وقتها ترجع لـ كل شئ بحدود لما جسمك يرجع يقبله من جديد و يتعامل معاه بـ شكل طبيعى ...لان فى الوقت الحالى جسمك مخزنلك جوا كتير جدا لازم يستخدم منه ..
ومش هيستخدم منه غير لما تقطع الجديد اللى داخل .
⚠️ف النشويات اللى فى حياتك مش العيش و الرز و المكرونة بس.. في انواع تانية كتير حاول تنوع مصادرها .
لكن لو منعت الكل بـ معنى كله معقد و بسيط .. اللى هيحصل فقدان عضلات .. مناعه ضعيفة .. تساقط شعر .. تجاعيد و كل اللى هتخسه بترجع تزيده تانى ..
🔶 مش انت في رمضان بتبقى تبقى صايم صيام اسلامي وبتجوع جسمك ب 16 ساعه وبترتاح جدا مع الصيام
فنفهم من ده ان انت جسمك بيحب الصيام
وكبدك بيتعافى بالصيام صدقني هو ده حلك الوحيد
⚠️ما تصدقش اي حد يقولك هديلك نظام كل ٣ أو ٤ ساعات تاكل بس حاجات بسيطه .. وان ده نظام بيعلي الحرق
انت فهمت اهو مع أي حاجه تدخلها جسمك..بترفع الانسولين
🚩نصيحه بجد .. ابعد ايدك عن جسمك مش كل حاجه علاجها دوا ابداااا .. ربنا خالق جسمك يعرف يصلح نفسه والله طيب جدي وجدك ولا خدوا برشامه .. لأنهم مدخلوش حاجه لجسمهم ابدا .. ادي جسمك فرصه للتعافي ..
🚩ف متاخدش دوا من غير ما تعالج السبب .. مين أخد دوا واتعالج يرد عليا في التعليقات.. استحاله بالعكس اللي كان معاه ضغط بقي ضغط وسكر والعكس ..وهكذا
من كل المشاكل الصحيه
🔷ابدأ دايت فوررررااا مع حد فاهم بجد ... ومتتوقعش نتيجه عاليه وياريت متشغلش بالك بالميزان ابدا ابدا
لانك بتتعالج وعاوز كبدك يشتغل بكفاءه تاني
🚩 نجاحك في الدايت .. هو أن محيط بطنك يقل وينزل
وان صحتك تتحسن
او
للتواصل
علي الارقام التاليه او رساله ع الواتس
010 02268828
