27/10/2024
كلنا بيجيلنا تحديات في حياتنا ، تحديات في العلاقات ، الشغل و الصحة اللي بتخلينا احيانا نقفل علي نفسنا
و مانشاركش اوجعنا حتى مع أقرب الأقربين
لما حد يسألك مالك تبتسم و تقول انا ميه ميه كله زي الفل
في حين أنت من جوه حزين،محتار و حاسس بوحده و فراغ داخلي
نفسك تفتح قلبك و تشارك همومك مع حد انت بتحبه لكن خايف
خايف يشوفك ضعيف لأنك دائما القوي اللي بيدي و يساعد كل اللي حوليه
خايف يقول عليك انك شخص negative و طول الوقت عمال تشتكي
خايف تتكلم مع حد و يروح يحكي مشاكلك مع ناس تانيه
خايف حد يستهزئ بمشاعرك و يقولك عادي ده stress من الشغل
فاللي بيحصل انك بتكتم جوه نفسك وما بتعبرش عن احتياجاتك ورغباتك من الناس اللي حواليك
خوفك ده بيجي من أنه
قد يكون ان ماكنش ليك صوت و انت صغير في بيت اهلك
او لانك شفت مماتك ملهاش رأي في البيت و كانت دائما بتقول حاضر وبس
او ان ابوك عمره مكان بيقول لا علي اي حاجة انت محتاجها
فكبرت و اعتقدت إنك مينفعش تعبرعن احتياجاتك او مشاعرك لحسن الناس اللي بتحبهم يمشوا و يسبوك ، فبقيت بتدي بدون مقابل و بتخاف تقول لا عشان الناس متزعلش منك
لما تكتم في نفسك كل حاجة في حياتك بتتلخبط
يعني لما زميلك أو مديرك يديك شغل زيادة و ما تقولوش اسف مش هقدر دلوقتي
هنا أنت كتمت استيائك ورفضك للموقف و اخدت الشغل فوق دماغك
رجعت البيت لقيت مرآتك بتقولك الولاد عايزين فلوس عشان يخرجو مع اصحابهم
قلت لها ماشي و انت عارف ان ده خارج قدراتك في هذه اللحظة
هنا أنت كتمت مشاعرك و ضغط على نفسك
لما أصحابك يكلموك و يقولوا يلا نخرج ، و تقول لهم ماشي و
لما تقعدوا تلاقي القعدة أصبحت كلها شكاوي عن حال البلد
فتقوم مروح و انت تعبان مش فرحان
يوم وراء يوم صحتك بتدهور لانك بتكتم جوا نفسك و بتحط كل همك في شرب السجائر لانك حتي مش قادر تفتح بقك تقول لمراتك اقرب واحده ليك انت حاسس بايه
شايف هنا اد ايه انت ظلمت نفسك و أهملتها بشيلك كل الحمل جوه نفسك
في حين أنك لو قلت لالا لا بس كفايه انا مش قادر كنت وفرت على نفسك كل التعب و الضغط ده
طيب نعمل ايه دلوقتي
تقف وقفة مع نفسك تشوف فيها انت فين دلوقتي وعايز حياتك تروح على فين
هتقولي انا كده تمام هقولك بص علي صحتك و بسمتك هل هي من قلبك حقيقي ولا مزيفة
حتقولي حاولت كتير ومفيش حاجة نفعت او اتغيرت،
هقولك كنت بتحل مشاكلك من علي الوش مش من الجذور الأساسية
لان لو كنت حلتها صح مكنتش بقيت تعبان لحد دلوقتي
هتقولي مش عارف اعمل ايه : هنّا اقولك انك محتاج حد يساعدك تشوف نفسك و حياتك من مكان مختلف
و ده اللي احنا بنعمله لما بنشتغل مع بعض
لما بنشتغل مع بعض انت بتحس بالأمان و الراحة و بتقدر تفتح قلبك ليا من غير ما تخاف ( لان اللي بيتقال في الجلسة بيدفن في الجلسة)
انا باسمع كل كلمه انت بتقولها و كل كلمه انت مش بتقولها
انا بخليك تشوف قدراتك وإمكانياتك اللي جواك و انت صغير و ناسيها او مش شايفها
أنا حوريك ازاي تتصالح مع طفلك الداخلي و تغير مفاهيمك اللي اتربت عليها و انت صغير
لما بنمشي الرحله ديه مع بعض
تعرف تتواصل مع كل مشاعرك حتى اللي انت مش عارف انها جواك
بتقدر تقول لا كفايه بثقة في نفسك و من غير ما تخاف تخسر حد
طاقتك بتتغير وروحك المعنوية ترتفع لانك بتطلع الطفل الداخلي اللي مكانش له صوت
بيصبح عطائك و اهتمامك بالناس اللي حواليك ليه حدود
لانك بتتعلم ازاي تدي الناس وانت سعيد مش و انت حاسس بإلزام او تعب
لو مهتم و جاهز تمشي الرحله دي معايا ابعتلي رساله لمعرفة تفاصيل الاشتراك
