25/08/2025
يمكن البوست ده جه متأخر شويه
وكان المفروض انزل البوست ده من اخر يوم ليا ف التمرين معاكم بس حصل خير
بس كان لازم أوجه شكر لكل ولي أمر علي كل كلمه وكل دعم منهم 😍🌹🌹🌹
لاعبتي الحلوين 🥋🫂❤️ يعلم ربنا انتو واحشني قد اي 🥹🥋❤️
وحلمي كان نفسي اكمل تدريب معاكم لغايه مااشوفكم مكسرين الدنيا ف البطولات ومدربين ومعاكم لاعبيه بأسمكم كمان والحمد نص حلمي اتحقق وربنا كرمكم ببطولات محافظه وجمهورية كمان 🥇✌🏻🔥
وبقي فيه مدربين صاعدين انا فخور اني كنت مدربهم زي
الكوتش القادم محمد سعيد 🥋🔥
الكوتش القادم فرح محمد 🥋🔥
الكوتش القادم ميار تامر 🥋🔥
وفيه لاعبيه هيكونو مدربين صاعدين بس المسأله مسأله سن ووقت وهيكونو مدربين عالمين بإذن الله 🤲🏻🥋🔥
شكراً لكل ولي امر كان بيديني ابنه وبنته ومأمنني عليهم ويارب اكون قد الثقة دي واكون اديت ووفيت ف كل تدريبه وكل بطوله كنت مسؤول فيها عن اللاعبين واتمني لو كنت مصقر ف يوم تسامحوني 🙏🏻
الحمد لله من اول يوم تدريب ماكنتش واخده كتدريب بس إنما الحمد لله وبتعاون حضراتكم جميعاً قدرنا نكون عيلة اكاديمية النجوم في حزنها قبل فرحها وكنت سعيد جداً لما بلاقي أوليا الأمور بيتجمعو ويكون صداقات مع الغير وبكون اسعد لما اللاعبين بيكونو صحوبيه ومع زمايلهم وكمان بينصحو بعض وبيساعدو بعض بشكل غير متوقع ف الحمد لله واتمني العيلة دي تفضل موجودة ومستمرة طول العمر 🙏🏻
اتمنالكم من قلبي كل خير ف حياتكم التعليمية والرياضية 🤲🏻🥋✌🏻❤️ واشوفكم دايماً ف احسن الاماكن 🥋✨
ومحدش يزعل مني لو كنت قاسي شويه ف التمرين قصدي شويتين تلاته 😅😅 بس يعلم ربنا كل شده ليا ف التمرين أو عصبية كان عشان خاطركم وعشان اشوفكم ف اسعد لحظات حياتكم وانتو ف البطولة زي ماشوفتكم والدهب ف حضنكم 🥇🥋🔥
ودعواتكم ليا ف اللي جاي 🤲🏻 ✨ ❤️ ❤️ 🌹
نفسي اتكلم كتير بس عمري ماهوفي اللي ف قلبي ليكم ومعلش لو طولت عليكم 🙏🏻
كابتن / احمد حمدي 🥋♥️
