05/10/2025
بسم الله الرحمن الرحيم
بمناسبة اللغط والكلام الكتير حول الزمالك ومديره الرياضي ومشروعه لكرة القدم
البدايه.
الزمالك أحد الفرق والأندية الجماهيريه التي تسحق (بضم التاء) مع مرور الوقت تسحق إعلاميا ماليا سياسيا وعلي كل الأصعده من اتحاد كرة مرورا برابطة الأندية وكل الكلام الي الزمالكاويه عارفينه.
مع الوقت أصبح الزمالك يشبه الاسماعيلي والمنصوره والمصري والاتحاد وبقية الانديه الجماهيريه الي عفا عليها الزمن وكان الدور علي الزمالك قادم لا محالة طيب يكون السؤال ازاي بعد ما وصلنا للمرحله دي؟
إجابة الإدارة.
وجهة نظري أن الاداره بتحول النادي تدريجيا الي أشبه ما يكون لمشروع علي مدار سنين ليحاول المنافسه الفعليه
المشروع عباره عن نقاط مهمه أولها محاولة تحويل النادي شبيه لبروسيا دورتموند أو اياكس من بناء فرقه صغيره في السن بمبالغ ماليه قليله فعليا من حيث المرتبات قبل القيمه السوقيه لكل لاعب
ليه؟
علشان اقدر احقق موازنه صعبه الا وهي دفع المرتبات بانتظام وبشكل يحقق استقرار مادي داخل فريق الكره
الكلام ده ازاي؟
سهله هات حد محترف دي شغلته مفاوض جيد بيفهم كويس في البيع والشراء وعينه جيده وقراراته جيده
مين ياعم ؟
جون ادوارد
قبل ما نتكلم علي جون ادوارد ارجع تاني للكلام الي فوق هاتكتشف اني قولت احنا أشبه ببروسيا دورتموند أو اياكس ويمكن دي وجهة نظر الاداره مع اني انا شايف أننا أقل منهم كمان احنا أقل من البنك الاهلي والمصري كمان في الأمور الماديه وهما غير مطالبين ببطولات تعالي بقي نرجع لجون ادوارد تاني.
جون جه ينفذ قرارات الاداره في بعض المواضيع
١. غلق حنفية اسرار غرفة خلع الملابس والكواليس
٢ . التعاقد مع لاعبين بقيمه سوقيه متوسطه ومرتبات تكاد تكون متوسطه او اقل كمان
٣. التعاقد مع اداره فنيه جيده المهم يكون الراتب علي قدر النادي
٤. تحمل الفشل في حالة الفشل والتشارك في النجاح في حالة النجاح في التجربه مع الاداره
ودي النقطه الأهم بالنسبه للاداره
الثلاث نقاط الأولي نجح فيهم جون ادوارد نجاح باهر انقذ الاداره من لاعبين كان بيتم التعاقد معاهم بمبالغ كبيره جدا مقابل مردود سئ ولنا في العديد من اللاعبين عبره بدون ذكر اسامي
قبل الكلام عن وعود الاداره لجون نفسه
تعالو نتكلم عن التجربه
التجربه في أي مكان في العالم اخدت وقت ممكن سنه واثنين وثلاثه علي ما تظبط وتجيب نتائج مافيش حد عمل تجربه شبه تجربتنا الا واخد وقت كافي جدا مدير فني اخد وقته لاعبين تاخد وقتهم .
مشروع كامل بياخد وقته كامل بلا تدخلات. لناس الموسم الماضي بس غيرت مدرب واتنين وتلاته واربعه وخامس كمان والنتيجه كانت ايه صفر كبير جدا لو هاخد نفس الصفر ده الموسم ده أنا موافق بس صفر في النتائج لكن مع تغير جزري في شكل الفريق نظام صواب وعقاب في اداره بتدير الفريق مش رجال أعمال مش كلام وخلاص بدون أفعال أنا موافق بالصفر لكن مع وجود بصيص الامل وتكملة المشروع وبمناسبة تكملة المشروع ازاي مشروع بدون أموال للعلم جون ادوارد تعاقد مع الكل بالتقسيط الانديه هاتاخد فلوسها تقسيط مش دفعه واحده او دفعتين لا تقسيط مش بدافع عن جون ادوارد انا بدافع عن مصلحة الزمالك وبس انا بكتب كل شهر او شهرين مره يعني ولا فارق معايا ريتش او غيره انا بكتب الي عايز أقوله
تعالو بقي لآخر نقطه في البوست الا وهي
ماذا وعدت الاداره لجون ادوارد
الاداره وعدت
١ . بعدم التدخل في شؤون الفريق
٢. توفير السيوله الماليه يتم عن طريقه عمل استقرار مالي
خلينا في رقم واحد عدم التدخل وده حصل بنسبه معينه
والأمر الثاني
السيوله الماليه وزي ما حضراتكم شوفتم بيان الاداره للاعبين بالصبر لعدم وجود سيوله ماليه
من الاخر لو الاداره عملت الي عليها تقدر تحاسب جون ادوارد ولو لا
يبقي الحل ارميه للجمهور ياكل وينهش فيه مع جمهور الخصم. لو هاتحاسب حاسب الاداره وبما أن الاداره الي يعرف يحاسبها هما اعضاء الجمعيه العموميه.
فاهدا شويه علي المشروع أو اهدمه وهانكون زي الاسماعيلي بحالته حاليا
شكرا ايها الافاضل
