11/02/2025
بمناسبة تصريح رئيس نادي الوكرة القطري إن مفيش حاجة بدون مقابل إلا للكابتن محمود الخطيب، هو ده نفسه اللي حصل في صفقة بن شرقي لما الناس كانت زعلانة في نادي الريان الخطيب قرر السفر ليهم لإنهاء الخلاف ده كان الساعة 9 بالليل تقريبا وبمجرد مالناس عرفت هناك إنه رايحلهم مخصوص، رئيس نادي الريان هو اللي بادر بالاتصال بيه وقاله مش محتاج تيجي والساعة 9 الصبح كان طلع قرار الاستغناء والاعلان الرسمي ..
أحمد رضا بتاع بتروجيت بعد ماقعد مع حسين السيد عضو الزمالك وخلص معاه كل حاجة الخطيب تاني يوم الصبح بمكالمة مع رئيس النادي الموضوع خلص
المفاجأة في صفقة حمدي فتحي الخطيب كان متواجد طبيعي في قطر وجمعته جلسة مع رئيس ناديه وجت سيرة اللاعب الخطيب قالها بدون أي جدية وماكنش مرتب للصفقة ووسط الكلام رئيس النادي قاله دي هديتنا ليك والاعلان الرسمي هيطلع حالا
وبمناسبة الفلوس رجل أعمال مصري كبير قرر إنه يدي النادي مبلغ وقدره بالدولار بمكالمة للخطيب ولشخص الخطيب تقديرا ليه وقاله حطه تحت أي بند سواء اعلانات او غيره
ده بس اللي حصل في خلال كام يوم فاتو وعرفناه تخيل بقى اللي بيحصل على مدار سنين ومانعرفهوش .. سبحان من وضع القبول والحب في وجه هذا الشخص .. لازم الأطفال تعرف قيمة وقدر كابتن محمود الخطيب كويس ولو هنختلف معاه يبقى بإحترام ❤️
