مركز شباب ستاد دمياط

مركز شباب ستاد دمياط ادمن

25/03/2026

Mo salah

‏صلاح هو الحدوتة الحلوة اللي كملت في خيال كل واحد فينا.. البداية الصعبة والمشوار الممتع اللي مليان مطبات وانتصارات.. مجد...
25/03/2026

‏صلاح هو الحدوتة الحلوة اللي كملت في خيال كل واحد فينا.. البداية الصعبة والمشوار الممتع اللي مليان مطبات وانتصارات.. مجد ونجومية ونجاح وتواضع.

‏صلاح خلانا نصدق اننا نقدر.. خلانا نعيش قصته كأنها قصتنا.. كل جول وكل لقب كنت بتحسه انه بتاعك.. مش علشان حاجة اكتر من انك مبسوط له وفرحان بيه.

‏صلاح مختلف عن كل اللي سبقوه لأنه راح لمساحة بكر.. مساحة خضراء محدش حط رجله فيها غيره.. عظمة نجاحه أن مكانش عنده مرجعية.. محدش راح في المساحة دي من النجومية والألقاب في إنجلترا وفي العالم عموما علشان يصدق ويمشي مشواره.. عظمة نجاح صلاح انه بقى المرجعية والأمل لكل اللي بعده.

‏بعد نجاح محمد صلاح: هتقول أنا عايز ابقى زي صلاح.

‏إنما صلاح قال لنفسه أنا عايز ابقى هناك.. عايز أبقى صلاح.

‏شكرا لكل لحظة حلوة عيشناها معاك.. وشكرا على الأمل.. وشكرا انك خلتنا نصدق أن المصريين يقدروا 🫡

‏شكرا يا صلاح 😍

🚨 رسمياً - محمد صلاح يعلن رحيله عن ليفربول بعد نهاية الموسم الحالي. 🔴
25/03/2026

🚨 رسمياً - محمد صلاح يعلن رحيله عن ليفربول بعد نهاية الموسم الحالي. 🔴

رجل الأعمال نجيب ساويرس نزل فيديو عن قائمة بأشهر لاعبي كرة القدم في العالم اللي معروفين بعطاءهم للأعمال الخيرية، والمفاج...
21/01/2026

رجل الأعمال نجيب ساويرس نزل فيديو عن قائمة بأشهر لاعبي كرة القدم في العالم اللي معروفين بعطاءهم للأعمال الخيرية، والمفاجأة كانت تصدر محمد صلاح للقائمة في المركز الأول.

الفيديو رتب صلاح كأكبر متبرع خيري بين اللاعبين واتبرع بملايين لدعم الصحة والتعليم والمحتاجين في مصر وخارجها، زي بناء مستشفيات ومدارس في قريته "نجريج" بالغربية.

الإعلامية هالة سرحان علقت على الفيديو ده وقالت عن محمد صلاح: " ده رقم واحد.. وسيد العطاء".

نجومية صلاح مش بس على الملعب وأرقام البريميرليج، ده اتحولت على أرض الواقع في قريته من خلال مؤسسة محمد صلاح الخيرية اللي دلوقتي بترعى حوالي 400 أسرة محتاجة برواتب شهرية منتظمة.

عمدة القرية، ماهر أنور شتيه، أكد إن صلاح مش بيكتفي بالمساعدات العابرة، وأنه بنى معهد أزهري متكامل بتكلفة عدت 17 مليون جنيه، عشان يعلم ابناء قريته

وقال العمدة كمان أن صلاح اتنازل في 2018، عن مكافأة مالية ضخمة كانت هدية صعوده المونديال، ووجهها إلى تطوير مستشفى بسيون المركزي بتكلفة 18 مليون جنيه، وجهزها بأعلى وحدة تنفس صناعي كاملة على حسابه.

صلاح كمان أسس كيان منظّم وبيحرص على تقديم الخير بطريقة منتظمة وهي مؤسسة محمد صلاح الخيرية.
وأكد الكابتن غامري السعدني، أول مدرب لصلاح في تصريحات صحفية، إن اللي الناس شايفاه من مساعدات هو "غيض من فيض"، يدوب جزء صغير لأن كتير من أعماله الخيرية بتتم بعيد عن الأضواء.

المشاريع والخدمات العامة اللي اتنفذت في القرية على نفقة صلاح، جزء بسيط من عطائه الحقيقي، ولو صلاح في نظر العالم صانع أهداف، فهو في عيون أهالي نجريج، ابنهم البار اللي دايمًا واقف جنبهم، واللي بيفتخروا بأخلاقه وأصله

محمد صلاح كمان صنفته صحيفة "The Sunday Times" البريطانية في 2022 ضمن أكتر 10 أشخاص كرما في بريطانيا

شيكابالا كركب الدنيا بتصريحه الأخير :خلّينا نتكلم بوضوح ومن غير تزيين ولا عواطف رخيصة:اسمك الكبير كلاعب مش تصريح تلقائي ...
20/01/2026

شيكابالا كركب الدنيا بتصريحه الأخير :
خلّينا نتكلم بوضوح ومن غير تزيين ولا عواطف رخيصة:
اسمك الكبير كلاعب مش تصريح تلقائي إنك تمسك منتخب مصر.
حسام حسن كان لاعباً عظيماً وأسطورة داخل الملعب، دي حقيقة تاريخية محدش يقدر ينكرها،
لكن برّه الخطوط الموضوع مختلف تماماً…
لأن التدريب مش هتاف، ومش حماس، ومش تاريخ قديم نعيّط عليه.
التدريب مسؤولية، علم، إدارة عقول قبل أرجل، وخبرة حقيقية اتبنت بالسنين،
واللي قاعد على دكة منتخب مصر لازم يكون جاي بسيرة ذاتية تقيلة،
مش باسم كبير فقط.
تعالى نسأل السؤال اللي الكل خايف يقوله:
إيه اللي قدمه حسام حسن كمدرب يخليه يقود منتخب بحجم مصر؟
درب كام نادي كبير؟
حقق إيه من بطولات؟
فين المشروع؟ فين البصمة؟ فين الإنجاز اللي يشفع للاختيار ده؟
منتخب مصر مش حقل تجارب،
ولا فرصة لإثبات الذات،
ولا تعويض عن أمجاد لاعب انتهت داخل المستطيل الأخضر.
واللي حصل ده مش مجرد اختيار غلط،
ده استهانة بحجم المنتخب،
وجريمة إدارية لازم يتحاسب عليها اللي خدوا القرار قبل أي حد تاني.
لو شيلت مسؤولية أكبر منك،
فاللوم مش عليك لوحدك…
اللوم الأكبر على اللي حطوك في المكان ده من غير معايير، من غير حساب، ومن غير رؤية.
المنتخب ده اسم دولة…
ومش كل أسطورة ينفع يكون قائدها.
دلوقتي السؤال اللي لازم كل واحد فينا يجاوب عليه بصدق ومن غير عاطفة:
هل منتخب مصر بيتدار بالكفاءة والمعايير…
ولا بالأسماء والتاريخ والشعارات؟
وهل إحنا مستعدين نكمّل ندفع تمن قرارات غلط،
ولا آن الأوان نقول كفاية ونحاسب اللي اختار؟🤔

كابتن حسن المستكاوي في تصريحات للتاريخ بالأمس : محمد صلاح مظلوم جدااا بسبب اللي حواليه، أديني 3 أختيارات تمرير وحاسبني، ...
20/01/2026

كابتن حسن المستكاوي في تصريحات للتاريخ بالأمس :

محمد صلاح مظلوم جدااا بسبب اللي حواليه، أديني 3 أختيارات تمرير وحاسبني، مفيش واحد هياخد الكرة ويلعب لوحده، عشان كدا الناس بتشوفه مع ليفربول دايما مختلف تمام🥹🇪🇬💔

طبيعي يكون مستواه مختلف لان هو أعلي وأحد فيهم ومحمد صلاح للاسف مظلوم وسط كل اللاعبين اللي معاه دول حاليا🥺🥺💔💔🇪🇬🇪🇬

الناس اللي بتزعل لما صلاح بيقول أننا مش مرشيح للبطولة لان معظم اللاعبين محليين،، دي الحقيقة للاسف وكمان في لعيبة كتيرة في المنتخب لا تصلح للعب أساس وكل تعثر للمنتخب للاسف صلاح هو اللي بيشيل الليلة كل مره لوحده🥺💔🇪🇬🥹👌

الناس اللي بتقارن صلاح بـ ماني دول مش بيفهمه حاجة خالص ماني معاه تيم قوي جدااا وكلهم محترفين تقريباً فا دا اللي مساعد (ماني) علي حصد البطولات،، صلاح ياحول الله لوحده هو ومرموش وبيحاول دايما بكل ما عنده علشان يكسب بطولة قارية مع منتخب مصر ويختم مسيرته العالمية التاريخية دي بس للاسف لسة مفيش نصيب والكورة مازالت بتعنده دايما🇪🇬💔🥺

أنت لو جبت ميسي نفسه ولا كرستيانو مع منتخب مصر هيفشله لأن الكرة لعبة جماعية وليست فردية🇪🇬💔🥹👌

تصريحات مؤثرة خرجت من أحد أعضاء اتحاد الكرة بعد حديثه مع محمد صلاح عقب مباراة نيجيريا 🇪🇬⚽الكلام ده مش مجرد جملة عابرة… د...
18/01/2026

تصريحات مؤثرة خرجت من أحد أعضاء اتحاد الكرة بعد حديثه مع محمد صلاح عقب مباراة نيجيريا 🇪🇬⚽
الكلام ده مش مجرد جملة عابرة… ده ملخص حكاية لاعب عمره ما شال غير هم بلده.
محمد صلاح، اللي الناس بتشوفه نجم عالمي وأسطورة في أوروبا، لسه قلبه معلّق بمصر والمنتخب. بعد المباراة، الرسالة كانت واضحة وصريحة:
“أي حاجة البلد محتاجاها… أنا تحت أمركم.”
مش بس كده، صلاح كمان أعلن استعداده الكامل للمشاركة في ملف اللاعبين مزدوجي الجنسية، عشان يدعم منتخب مصر بعناصر قوية قادرة تصنع الفارق في السنين الجاية. ده تفكير قائد حقيقي، لاعب مش بيفكر في نفسه ولا تاريخه الشخصي، لكن بيفكر في المستقبل، وفي منتخب محتاج دم جديد وحلم أكبر 🌍🔥
اللي يعرف صلاح كويس، يعرف إن الكلام ده طالع من قلبه، مش للاستهلاك الإعلامي ولا للشو. من أول يوم وهو بيحارب عشان اسم مصر يفضل عالي، سواء جوه الملعب أو برّه.
يمكن نختلف، نغضب، نزعل من نتائج… لكن الحقيقة الثابتة إن في لاعب اسمه محمد صلاح، لسه بيقول: مصر أولًا.
صلاح مش بس هدّاف ولا نجم…
صلاح مشروع وطن ❤️

الكابتن طاهر ابوزيد كابتن منتخب مصر والنادى الأهلى السابق. قال كلام يشفي غليل الشعب المصري كله احمد دياب يبقى مين ده...
16/01/2026

الكابتن طاهر ابوزيد كابتن منتخب مصر والنادى الأهلى السابق. قال كلام يشفي غليل الشعب المصري كله

احمد دياب يبقى مين ده وتاريخيه ايه عشان يتعين في منظومة الكورة في مصر عافية ويحط جدول دوري وجدول كاس لعب فين ده والله اغلب الجماهير ما عارفة شكله

ومين هاني ابوريدة وعمل اي للكورة في مصر نجح في اي قبل كدة ده سمير زاهر خدنا معاه 3 امم افريقيا ومكنش بالبجاحة بتاعته دي اومال لو مكنش فاشل كان عمل اي بالظبط

"في ناس مكنتش قادرة تتفرج على الماتش ده من كتر الوجع النفسي!”“الهدوء في الملعب دمر أعصاب كل المتفرجين!”“كان فاضل ثواني ح...
16/01/2026

"في ناس مكنتش قادرة تتفرج على الماتش ده من كتر الوجع النفسي!”

“الهدوء في الملعب دمر أعصاب كل المتفرجين!”

“كان فاضل ثواني حرفيًا والحلم كله يضيع!!”

في نوفمبر 2009 مصر كانت محتاجة تكسب الجزائر بفارق هدفين عشان تحافظ على أمل التأهل لكأس العالم وندخل ماتش فاصل للصعود..

الضغط النفسي والجسماني على اللاعيبة كان مرعب…

الشوارع كانت فاضية حرفيًا.. والجو نفسه كان متوتر لأقصى درجة، كله قاعد قدام التليفزيون وبيدعي..

بدأ الماتش.. وفجأة جبنا جول في أول دقيقة!!!

الناس كانت بتتنطط من الفرحة.. افتكرنا إننا كده سيطرنا على الماتش!

وبدأنا ندعي ييجي الجول التاني على طول علشان نهدى..

لكن اللي حصل بعدها كان غريب.. الدقايق بتمر ومفيش أي أمل في هدف، لا من الفريق ده ولا ده… هدوء بيدمر أعصاب أي حد بيتفرج..

الدقيقة 70 ومفيش حاجة!.. 80 ومفيش حاجة برضه..
الدقيقة 90 ولسه برضه مفيش حاجة!!!!

كل ده والنتيجة لسه 1-0..

هنا الكل سلّم بالأمر الواقع.. وقالوا خلاص كده مفيش أمل.. والفوز ده ملوش لازمة.. والفرحة الكبيرة اللي حصلت في أول الماتش بقى مكانها حزن عميق..

لدرجة إن الماتش مكنش لسه خلص، بس الجمهور في المدرجات بدأ يعيّط من الوجع والقهر.

وفجأة في الدقيقة 95، في آخر لحظة حرفيًا وفي الوقت الضايع.. عماد متعب بيطير في الهوا ويحط كورة بالرأس في الجول..

الناس سكتت للحظات وسألت: ده جول بجد؟!

وبعدها حصل زلزال في استاد القاهرة…
الناس كلها نزلت الشوارع تصرخ من الفرحة!
الناس اللي كانت فاقدة الأمل ومكتئبة من دقيقة بس بقوا مالين الشوارع بيحتفلوا ويغنوا في كل مكان!

الدنيا كلها اتقلبت، ومعظم الناس صوتها راح من الصويت والتشجيع!!!

من قمة اليأس لقمة الفرح!!

اللاعيبة حكوا بعد الماتش إنهم في الدقائق الأخيرة مكنوش حاسين برجليهم من كتر التعب، كان في وجع جسماني وتشنجات عضلية رهيبة، بس اللي خلاهم يكملوا بالطريقة دي هي الروح!

متعب نفسه كان نازل الماتش وهو مش في أحسن حالاته، بس اللحظة دي غيرت تاريخه…

‏سقراط :- انت فيلسوف ؟- لا .. أنا إنسان اجروء على السؤالدوستويفسكي :- انت كاتب روايات- لا .. أنا أكتب عن الإنسان ما ينكر...
14/01/2026

‏سقراط :
- انت فيلسوف ؟
- لا .. أنا إنسان اجروء على السؤال

دوستويفسكي :
- انت كاتب روايات
- لا .. أنا أكتب عن الإنسان ما ينكره

أينشتاين :
- أنت عبقري ؟
- لا أنا امزج الرغبة في المعرفة بالخيال

فان جوخ
- أنت فنان
- لا أنا أرى الجمال كامن في تلك التي تبدو للناس شديدة القبح

كارل يونغ
- انت عالم نفس عظيم ؟
- لا أنا انظر إلى داخلي لا إلى العالم

سيوران
- انت إنسان عدمي؟
- لا أنا إنسان أعيش موتي

Address

Damiette
34716

Website

Alerts

Be the first to know and let us send you an email when مركز شباب ستاد دمياط posts news and promotions. Your email address will not be used for any other purpose, and you can unsubscribe at any time.

Shortcuts

Share

Category