Ali Abdelkhaleq

Ali Abdelkhaleq Online science based coach.

Hello fam (or a potentiel member of the fam)
The intention of this page is to provide you with a flexible scientific approach to training/nutrition.

04/11/2025

جرب الطريقة ديه التمرينة الجاية 👊
لو محتاج نظام مبني على حسب احتياج جسمك مع نظام تمرين بيضمن انك بتطور و تتحسن من اسبوع للتاني + متابعة اسبوعية لتعديل النظام على حسب استجابة جسمك + متابعة شخصية ٢٤ ساعة على واتساب ابعتلي ‏Direct message ! .

هل الكارديو ( التمشية السريعة او العجلة او نوع يرفع نبضات القلب ) على معدة فاضية اول ما تقوم من النوم احسن ولا مش بتفرق ...
17/08/2019

هل الكارديو ( التمشية السريعة او العجلة او نوع يرفع نبضات القلب ) على معدة فاضية اول ما تقوم من النوم احسن ولا مش بتفرق لو الهدف هو خسارة الدهون ؟
اول نقطة لازم نوضح انك لو عملت كارديو كل يوم و عملت كل تمارن الدنيا في الجيم، و جيت فالآخر كلت سعرات ازيد من احتياج جسمك، مش هتخس ! يعني لازم الدايت بتاعك يبقى مظبوط قبل ما تفكر في اي حاجة تانية.
نيجي للسؤال نفسه، المنطق بيقول انك لما تعمل كارديو من غير اي اكل ( طاقة ) في جسمك، الجسم هيلجأ للطاقة اللي متخزنة على هيئة دهون ( لو شدة الكارديو قليلة/متوسطة ) او جلاكوجين ( لو شدة الكارديو عالية ).
و ده فعلاً اللي الدراسات بينته، لاكن ده اول نص من المعادلة ( محدش بيكمل الدراسة للآخر مش عارف ليه 🤷‍♂️😂 ) الدراسات لقت ان لما الجسم بيستهلك الدهون كمصدر طاقة في التمرين على معدة فاضية، بيقلل استهلاك الدهون على بقية اليوم و بيستخدم نشويات اكتر. و لما قاسوا استهلاك الدهون على مدار اليوم كله، لقوا ان مفيش فرق بين الكارديو على معدة فاضية و الكارديو في نص اليوم في معدل استهلاك الدهون.
لأ ثانية واحدة انت ازاي تقول كده و بطل العالم في كمال الاجسام كان متصور و هو بيعمل كارديو على معدة فاضية ؟
السؤال ده ينقلنا لفوائد الfasted cardio، اول حاجة بيخليك تخلص من جزء كبير و ممل جدا من التمرينة بتاعتك، فا لما تروح تتمرن تبقى فايق لتمرنية الحديد بس ( اللي هي اهم حاجة بالنسبة للعيبة كمال الاجسام و اي حد عايز يحافظ على العضل ).
تاني حاجة لو وقتك ميسمحش انك تطول في تمرينتك في نص اليوم، تقدر تقسم التمرينة كارديو لوحده اول ما تصحى و تمرينة الحديد بليل.
و ده كلام 2017 systematic review and meta-analysis:
“ These findings support the notion that weight loss and fat loss from exercise is more likely to be enhanced through creating a meaningful calorie deficit over a period of time, rather than exercising in fasted or fed states “
الترجمة بالبلدي كده و الملخص، التمرين و انت مش واكل حاجة او التمرين و انت واكل ملوش فرق كبير على خسارة الوزن او الدهون، العامل الاساسي في الموضوع هو الدايت.
يا رب الوضوع يكون فادكوا، قولولي في الcomments المواضيع اللي حابيين تعرفوا عنها اكتر.

‎‏

04/08/2019

‎طريقة مختلفة للتمارين، اسمع اللي انا بقوله في الڤيديو عشان تعرف تعمل التمارين ديه امتى ! هتعمل من ١٢ ل ١٥ عدة في كل تمرينة، و تريح ٦٠-٨٠ ثانية بين كل مجموعة !
‎جرب التمرينة و قوللي رائيك في الcomments 💪
‎‏ #لياقة #رياضة #مصر #القاهرة

29/07/2019

ازاي تحافظ على الكتلة العضلية اللي في جسمك و انت بتخس دهون ( بتنشف ) ؟
اوقات كتير بنسمع عن شخص خس ٢٠-٣٠ كيلو، و بردو ميبقاش عجبه جسمه، او شخص نزل ل١٠٪؜ دهون بس ميبقاش باين على جسمه اي عضل او تقسيم، و ده بيبقى بسبب انهم خسروا كتلة عضلية يمكن تكون ازيد من الدهون اللي نزلوها وقت الدايت.
عشان تحافظ على العضل، فيه ٣ عوامل اهم من بعض. ١- السعرات. ٢- نسبة البروتين. ٣- التمرين.
١- السعرات : عشان تخس في الوزن لازم تاكل سعرات اقل من اللي جسمك محتاجها. حلو اوي يعني لو جسمي محتاج ٢٥٠٠ سعر ممكن انا آكل ٥٠٠ بس و هحرق الدهون كلها ؟ لأ طبعا، و ديه الغلطة اللي ناس كتير جدا بتقع فيها، بيمشوا على دايت قاصي جدا لفترة طويلة زي ال psfm ( ده احسنهم لو لفترة صغيرة بس ) او الكيماوي او صيام المياه، و يخسروا عضل كتير جدا ! عجز السعرات ممكن يبقى من اول ٢٥٠ لحد ١٠٠٠ سعر، اكتر من كده مش كويس لفترات كبيرة.
٢- نسبة البروتين: بعد ما تعمل عجز السعرات، لازم نسبة البروتين في الدايت تبقى عالية عشان تحافظ على معدلات عالية من تخليق البروتين العضلي في الجسم ( muscle protein synthesis ) و بالتالي هتساعد ان جسمك يحافظ او حتى يبني عضل و انت بختسس دهون بس. النسبة بتبتدي من ٢ لحد ٣ جرام من البروتين لكل كيلو من جسمك.
٣- التمرين : لو كل تمرينك عبارة عن كارديو ( خصوصا البنات ) جسمك هيخسر عضل كتير جدا عشان مفيش اي حافز للجسم انه يحافظ على العضل. تمرينك الاساسي لازم يبقى تمارين مقاومة و تمرن كل عضلة على الاقل ١٠ مجاميع في الاسبوع بشدة عالية. و تعمل كارديو طبعا لاكن الاساس هي تمارين المقاومة عشان تحافظ على العضل.
طب لو انا باكل بروتين كفاية و السعرات مظبوطة لاكن مش بتمرن ؟ يبقى هتخسر عضل برده. اي عامل من ال٣ دول لو وقع منك يبقى هتعرض نفسك للمشكلة ديه.
يا رب الpost يكون فادكوا، و استنوا الڤيديوهات الجاية 💪
‏ #لياقة #رياضة #مصر #القاهرة

21/07/2019

ده يعتبر من اكتر الاسئلة اللي بتدور في دماغ معظم اللي ابتدوا تمرين بقالهم شهرين و اكتر.
اليمين عندي اقوى/اكبر من من الشمال او العكس.
طبيعي ان الجانب اللي بتستخدمه اكتر في حياتك يبقى متمكن اكتر و اقوى من الجانب التاني، لاكن تمرنيك لازم يبقى عامل حساب الموضوع ده، و تعمل Unilateral exercises على كل عضلة عندك.
ايه هي الUnilateral exercises ؟ ديه التمارين اللي بتمرين كل جانب لوحده زي التمرين اللي فالڤيديو ده.
دائماً ابتدي بالجانب الضعيف الاول، يعني لو انت ايمن، ابتدي بالايد الشمال، هات اخرك في الوزن و العدات، و عيدهم على الايد اليمين.
طب انا بيبقى فيا طاقة اعمل عدات او وزن اعلى فاليمين !! ديه الفكرة، انك بتقوى الشمال لحد ما توصل لنفس كفائة الجانب التاني ! ( العكس او الشمال عندك اقوى )
برده طبيعي طبقى ايدك اليمين اقوى، و رجلك الشمال اقوى من اليمين ( انا كده ) فا انت بتتمرن على حسب جسمك و حالتك !
يا رب تكونوا استفدتوا، استنوا الڤيديوهات الجاية 💪

‏ #لياقة #رياضة #مصر #القاهرة

That’s the outcome of hard work and dedication put into the right path !Super proud of you, and as always, the best is ...
20/07/2019


That’s the outcome of hard work and dedication put into the right path !
Super proud of you, and as always, the best is yet to come🙏

‏ #لياقة #رياضة #مصر #القاهرة @ Cairo, Egypt

.‏ #لياقة #رياضة #مصر #القاهرة
10/07/2019

.
‏ #لياقة #رياضة #مصر #القاهرة

طبق المهلبية الدايت، Zero fats😋 🤤المقادير ديه بتعمل ٦ اطباق :١ كيلو لبن خالي الدسم.٢-٣ معالق سكر دايت، انا بستخدم ايزوسو...
06/07/2019

طبق المهلبية الدايت، Zero fats😋 🤤
المقادير ديه بتعمل ٦ اطباق :
١ كيلو لبن خالي الدسم.
٢-٣ معالق سكر دايت، انا بستخدم ايزوسويت، هتحطهم في حلة و تقلبهم لحد ما اللبن يبتدي يغلي و هتوطي عليه !
٥٠ج نشا، هتحطهم في كوباية و تقلبهم في مياه سقعة الاول لحد ما يدوبوا خالص الاول بعدين هتنزلهم على اللبن المغلي و تقلب كويس !
بس كده، هتسيبهم في التلاجة و تحط عليهم اللي انت عايزه !
سعرات كل طبق واحد :
٧٠ سعر، ١٢ كارب، ٥ بروتين، زيرو فات!
اللي يجرب الوصفة ديه يصورها و ينزلها عنده في الstory ! ابدعوا بقى 😉
#دايت ‏ #مكملات #ضخامة #تخسيس #تنشيف

04/07/2019

كل المعلومات اللي محتاج تعرفها قبل ما تشتري مكمل الكرياتين !
فيه معلومة زيادة على الڤيديو، الكريتاين بيتاخد في فترات التضخيم و التنشيف، و مهم جدا في الاتنين !
ايه المكمل اللي انت بتحب تجيبه على طول ؟ و ليه ؟🤔
#مكملات #ضخامة #تخسيس #تنشيف

01/07/2019

كل اللي محتاج تعرفه عن مكمل الBcaa.
للأسف انا من الناس اللي جابت المكمل ده كتير جدا اول ما ابتديت اتمرن بسبب النصائح اللي بتتقال على طول في الجيم 🤦‍♂️ بس محدش بيتعلم ببلاش !
حاجة اخيرة، لو مش بتجيب احتياج جسمك من البروتين في اليوم زي ما قولت في رابع نقطة، فا الاذكى انك تجيب مكمل بروتين مش احماض امينية.
الڤيديو اللي جاي هتكلم على مكمل الكرياتين ان شاء الله 💪

‏ #لياقة #رياضة #مصر #القاهرة

18/06/2019

ازاي تكبر البايسبس ؟
العامل الاساسي عشان تزود الحجم في اي عضلة هو الProgressive overload، يعني من تمرينة للتانية تزود وزن، عدة او ضغط على العضلة.
تاني اهم عامل هو انك تمرنها من كل الزواية، بدل ما نعقد الموضوع و اقول اسم كل عضلة، هقولوكوا طريقة سهلة تثبت في دماغكوا على طول.
اول زاوية، الكتف يكون جمب الجسم، زي اول ڤيديو، Bar curl، و بفضل انه يبقى بالبار الزيجزاج عشان يريح الريست.
تاني زاوية، الكتف قدام الجسم، زي الpreacher curl، تاني ڤيديو ! و ديه بتركز اكتر على الاسترتش، و الاحسن هنا تركز انك تزود عدات قبل ما تزود اوزان.
تالت زاوية، الكتف يبقى ورا الجسم زي الDumbbell incline curl، زي آخر ڤيديو، ديه بتركز اكتر على الlong head و مهمة جدا لحجم العضلة.
رابع حركة ديه عضلة ناس كتير بتنشها و هي الشاكوش او الHammer curl، و ديه عضلة تحت البايسيس، لما بتركز عليها بتدي شكل ضخم للدراع كله !
زي ما قولت في ڤيديو قبل كده ان كل عضلة لازم تمرنها مرتين، فا الاحسن انك في كل مرة تاخد زويتين مختلفين، و تركز على الProgressive overload.
بس كده، قولولي لو الpost فادكوا و لو فيه عضلات تانية عايزين عليها بوست لوحده😉
‏ #لياقة #رياضة #مصر #القاهرة

Address

Cairo

Website

Alerts

Be the first to know and let us send you an email when Ali Abdelkhaleq posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Ali Abdelkhaleq:

Shortcuts

Share

Category