Bassma Farouk Mohamed

Bassma Farouk Mohamed Training - تدريب

24/05/2026

بلاش نكد قبل العيد بارك الله فيكم ✨️🫠🥹

23/05/2026

بعد الجواز الراجل بيحتاج يرجع بيته يلاقي أكل ياكله .. هدوء علشان يريح من وش اليوم الطويل .. وحتى لو في طلبات او تحديات واجهتك طول اليوم ممكن تحكيهاله بطريقة تتفقوا عليها علشان ساعات الرجاله بتفهم حكاوينا على أنها شكوى او مشكلة محتاجة حل منهم 🥹

وأهم حاجة .. كل واحد يلتزم بدوره ومسئوليته 😉

في ستات كتير وقفت شغل أو مشتغلتش أصلا مش لأنها مش قادرة .. لكن لأنها كانت شايلة مسؤوليات أكبر من طاقتها زي بيت .. أطفال ...
21/05/2026

في ستات كتير وقفت شغل أو مشتغلتش أصلا مش لأنها مش قادرة .. لكن لأنها كانت شايلة مسؤوليات أكبر من طاقتها زي بيت .. أطفال .. ضغوط 🥹

الحقيقة إن الرجوع لسوق العمل بعد فترة توقف مش مجرد قرار شغل .. ده بيكون قرار استعادة جزء من هويتها وثقتها في نفسها وطموحها 💪🏼

كنت سعيدة جدا أني حضرت إيڤنت ممكن فور هير .. اللي هدفه مكنش زي إيڤنتات التوظيف المختلفة اللي بنشوفها .. وإنما تمكين الستات إنهم يرجعوا يشوفوا نفسهم بإمكانياتهم من جديد ❤️

كل ست وقفت فترة .. ده مينتقصش منها حاجة .. لأن ساعات التوقف بيكون مرحلة نعيد فيها ترتيب أولوياتنا ومش نهاية الطريق أبدا 💫

يمكن بقول الكلام ده علشان أنا مريت بوضع شبه ده .. وانقطعت فترة عن الشغل .. ويمكن لما رجعت رجعت بشكل مختلف مش متعودة عليه وفاهمه يعني ايه الوحدة مننا بتكون ساعات محتاجة حد ياخد إيدها ويدعمها حتى لو بكلمة تشجيع أو أي شكل حتى لو يبدو بسيط إلا أنه عندها بيكون له معنى كبير 🌟

فرحت قوي أني قابلت ناس كتير حلوة .. وفرحت أكثر أني شفت ستات قمرات سواء كوتشز وزملاء أو من متابعيني على السوشيال عرفوني وسلموا عليا 💃🏻😍

وحسيت ساعاتها أني ماشيه في الطريق الصح اللي أنا حاطاه لنفسي واتخضيت من فكرة أني بأثر في ناس بمحتوى أنا كنت شايفاه عادي لحد ما وحده من اللي قابلتهم قالت لي أنا حضرت لك ورشة مع راحة بالي وكنتي بتقولي كلام كأنه ليا 🥹

وأخيرا حابه أشكر كل اللي قابلتهم واتصورت معاهم علشان كانوا من الداعمين ليا شخصيا .. بشكل أو بآخر حتى لو الدعم ده كان مسچ على الدايركت أو مكالمة .. شكرا بحبكم ❤️❤️

الراجل بعد الجواز ممكن يستحمل الضغط والتعب والمسئوليات الكتير بس أكثر حاجة بتفرق معاه وبتخليه يكمل هي التقدير 💫أنك تشوفي...
20/05/2026

الراجل بعد الجواز ممكن يستحمل الضغط والتعب والمسئوليات الكتير
بس أكثر حاجة بتفرق معاه وبتخليه يكمل هي التقدير 💫

أنك تشوفي مجهوده وتحسي بتعبه وتقدري اللي بيعمله 👏🏼

كلمة حلوة منك أو اهتمام بتفصيلة خاصة بيه
أو احساس أن اللي بيعمله له قيمه ❤️
ممكن يفرقوا جدا في نفسيته وفي علاقته بمراته 😊

الراجل اللي بيحس بالتقدير في علاقته الزوجية
غالبا بيبقى أحن وأقرب وقادر أكثر على الاحتواء 🫠

أوقات كتير الراجل مش بيطلب التقدير
بس بيكون محتاج يحس أن تعبه له قيمة عندك 🙏🏼
وحاجات كتير بتتغير في طريقته وعلاقته الزوجية لما بيلاقيه 😍

التقدير بالنسبة للراجل مش رفاهية بالعكس ده احتياج عاطفي حقيقي 🌟✨️

احكي لي بقى موقف بسيط التقدير فرق فيه في علاقتك 🧩🧡

13/05/2026

يوميات اتنين متجوزين من زمان 👫❤️
ايه اللي مش بيعجب الراجل في الست اللي معاه ؟ 🤔

مش كل الستات بعد الجواز بتدور على الحب ..  أوقات كتير اللي بتكون محتاجاه بجد هو إحساس الأمان الأمان في العلاقة مش معناه ...
12/05/2026

مش كل الستات بعد الجواز بتدور على الحب ..  أوقات كتير اللي بتكون محتاجاه بجد هو إحساس الأمان

الأمان في العلاقة مش معناه إن مفيش مشاكل .. لكن معناه إن الست تحس إنها :
مسموعة .. مش مضطرة تدافع عن رأيها ومشاعرها طول الوقت .. بتقدر تتكلم من غير خوف من الهجوم أو السخرية .. مطمنة إن شريكها موجود نفسيا وجسديا .. حاسة إن البيت مكان راحتها وأمانها مش ساحة معركة وخناق

بس لما الأمان بيكون مش موجود .. أبسط المواقف ممكن تتحول لخناق وانسحاب وصمت عقابي وبرود

كتير من مشاكل الجواز سببها مش قلة الحب .. وانما سببها غياب الاحتواء والأمان النفسي

الراجل اللي بيفهم احتياج شريكته للأمان بيكسبها وبيكسب أنوثتها وصراحتها وقربها وحبها .. علشان الست لما بتحس بالأمان بتعرف تحب وتحتوي بشكل صح

في رأيكم بقى إيه أكتر حاجة بتخلي الست تحس بالأمان بعد الجواز غير اللي مكتوب في البوست ؟

07/05/2026

يوميات اتنين متجوزين من زمان 👫❤️

بتحسي ساعات انك مش بتستحقي أفضل وأحسن حاجة في الدنيا
28/04/2026

بتحسي ساعات انك مش بتستحقي أفضل وأحسن حاجة في الدنيا

19/04/2026

فاكرة نفسك سوبر وومن؟ 🦸‍♀️
عماله تنقذي وتصلحي وتستحملي وتعذري وفاكره ان ده حب واهتمام 🥹

مبرووووك 🎉🎉
إنتي رسميا ماسكة وظيفة منقذة بشرية من غير مرتب 😅

حبيبتي .. ركزي لأنك مش في شيفت انقاذ
علشان ببساطة ممكن محدش يكون محتاج اللي بتعمليه 🤦🏻‍♀️

الحب مش إنك تشيلي حد على ضهرك .. بالعكس الحب إنك تساعدي اللي حواليكي يكون واقفين على رجلهم 👌

قوليلي بقى 👇
اتعالجتي وبطلتي انقاذ .. ولا لسه ماسكه الشيفت 🤣🤣

15/04/2026

بسنت سليمان
في الحوادث اللي زي دي .. لازم نكون واضحين ✋🏼

إحنا مش بنشجع على ده ولا بنقول إن اللي حصل صح، ولا بنبرر إن إنهاء الحياة هو الحل .. لأن مفيش أغلى من الروح اللي ربنا خلاها أمانة عندنا 🤍

الغرض من الفيديو ده إننا نفهم إن الحساب مش بتاعنا .. الحساب عند اللي خلقنا.

احنا كبشر ملناش غير إننا نترحم وندعي لولادها بالصبر ونتعظ من القسوة اللي ممكن توصل إنسان للمرحلة دي.

المرض النفسي .. الضغط .. الظلم .. حاجات حقيقية ومحتاجة رحمة مش أحكام.

اللي بينها وبين ربنا خلاص بقى في إيد ملك مقتدر وهو أرحم بعباده من الأم بأولادها.

ربنا يرحمها ويغفر لها ويصبر أهلها ويجعلنا دايماً سند لبعض مش سبب في وجع بعض. 🤍🤍

09/04/2026

أنا وسماح حنحكي لكم عن الحضور .. وازاي نطبقه وليه مهم على المستوى الشخصي وعلى مستوى العلاقات كمان

نشوفكم يوف السبت الجاي ١١ أبريل
٧ بالليل بتوقيت القاهرة
٩ بالليل بتوقيت الإمارات

ومش محتاجين تسجلوا في أي حاجة .. لأنه حنكون معاكم لايف انستجرام 😉❤️

Address

Cairo

Opening Hours

Monday 9am - 2pm
Tuesday 9am - 2pm
Wednesday 9am - 2pm
Thursday 9am - 2pm

Website

Alerts

Be the first to know and let us send you an email when Bassma Farouk Mohamed posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Bassma Farouk Mohamed:

Shortcuts

Share

Category