15/07/2022
🔰ضخ الدم pump🔰
ايه هو ضخ الدم
ضخ الدم هو عملية تدفق الدم من القلب الى الاوعيه الدمويه ثم الى العضلات
هل ضخ الدم بيكون للعضلات بس ؟
لا .. ضخ الدم لكل عضو في جسم الانسان ( كليه - كبد - مخ - بنكرياس )
نوع العمليه دي ؟
هي عمليه مستمره على طول لان القلب عضله لا اراديه بتضخ الدم ف الجسم طول فترة حياة الانسان
بيحصل ايه للعضلات وقت التمرين ؟
بيزيد ضخ الدم لكل العضلات و خصوصا للعضلات المستهدفه بالتمرين فا بيوصلها كميات اكبر من الغذاء اللي ماشي ف الدم .
يعني بعد التمرين ضخ الدم للعضلات بيختفي ؟
الاجابه : لأ __ ضخ الدم بعد التمرين ( بيقل بس ) لكن مش بيختفي .
طيب ضخ الدم بيكون من القلب للعضلات في اتجاه واحد ؟ يعني الدم بيروح فين بعد ما يوصل للعضلات ؟
الدم لما بيوصل للعضلات بيحصل عملية التبادل الغذائي بين الدم و الانسجه العضليه
فا العضلات بتاخد من الدم ( العناصر الغذائيه )
وبعد كده الدم بيرجع من العضلات عن طريق الاورده الدمويه و بيوصل تاني للقلب وهكذا .
طيب ايه احسن طرق لزيادة ضخ الدم في وقت التمرين ؟
الاجابه : السؤال احسن يكون ايه احسن طرق لزيادة كفاءة التمرين
والاجابه : هي اننا نتمرن بنظام ذات كثافيه عالي زي
FST7 و Drop Sets و Super-Set
للمتابعه و التدريب الاونلاين تواصل علي رسائل الصفحه
