06/08/2017
ازيكوا ياشباب 😄 انا مش نشرتلكوا حاجه امبارح كنت مشغوله 😁😁😂😂😂هتكلم عن :
الفورمه او ال Shape
انا عاوز/عاوزه اعمل shape كويس و بقالي شهر و لا شهرين و مفيش أي نتيجه ؟
و ناس تبعتلي صورها قبل و بعد و الاقي في تغيير رهيب بس فجأه يشتكو أن مفيش تطور و الدنيا وقفت
طب نسيب الجيم و لا نوقف تمرين و لا نعمل ايه ؟
لازم تعرفو أن في كام حاجه ممكن تكونو بتعملوها غلط و مآثره عليكم بالسلب
1 ) الأكل : لازم اكلك يبقي متوازن
بروتين ، كاربوهيدرات ، فات ، ألياف و تاخدو احتياجاتكم من كل العناصر دي كامله و خصوصا الكارب لأنه الوحيد اللي بيفرق في حسابات الضخامة و التنشيف
2 ) نظام تمرينك : لازم تمرينك يبقي صح و تشتغل علي تطوير عضلاتك للأفضل مبتدئ / مبتدئه و مش عارفين تبدأو صح اطلبوا مساعده ال trainer أو المدرب في الجيم من حقك مادام دافعين اشترك شهري و ناويين تتغيرو لشكل أفضل و مش رايحين تقولو عاش و خلاص
3) جداول التمارين : جدول تمرينك و تمارينك اللي بتشتغل بيها علي العضله لازم تتغير كل 3 أو 4 اسابيع علي الأقل
مينفعش تروحو الجيم تلعبو نفس التمارين لمده طويله و خصوصا البنات بقي و ما أدراك ما البنات و طريقه تمرينهم الغلط ، تدخل علي الحديد تشيل كيلو و تلعب Squat بال 500 مره و نفس الكلام كل يوم و تيجي تقولي مفيش نتيجه !!!!!
و لا عمرك هتشوفيها طول ما بتلعبي غلط و لا بتهتمي بتمارين الرجل عموما و شغلك كله علي تمرين واحد بس
4 ) الأوزان : حاولو تزودو تدريجيا في الأوزان و لازم تزودو مينفعش تفضلو علي نفس الوزن لفتره طويله
5) النوم : لازم أقل حاجه من 6 ل 8 ساعات نوم تريحو عضلاتكم و تاخد فرصه للنمو وقت النوم
6 ) الراحه : خلي بالكم مينفعش تلعبو علي نفس العضله يومين ورا بعض
7) الصبر و الارداه : مادام ماشيين في مشوار تكملو للآخر حتي لو بطيء و خلي الجمله دي دايما قدام عينكم
*slow progress is better than no progress
لازم تعرفو أن عمليه بناء العضل عند البنات ضعيفه بالمقارنة بالولاد لقله هرمون الtesterone
يعني العضل اللي هتبنيه في سنتين ممكن يبنيه ولد في 10 شهور بس
أقل فتره علشان نقول أن في تطور من 4 ل 6 شهور و علي حسب إلتزامك طبعا سواء ب التمرين أو الأكل أو النوم
8 ) الثقه في النفس : اتفقنا أن نفسيتكو تبقي كويسه علشان تقللو من إفراز هرمون الكورتيزول و متخزنوش دهون في أجسامكم علي الفاضي
اعملو foucs علي هدفكم و متسمعوش لأي حد يأثر عليكم خصوصا الأزواج و الأهالي
دي معظم الأخطاء اللي المبتدئين بيقعو فيها و دايما بيحسو بإحباط انهم مش شايفين نتيجه و افتكرو في النهايه أن الحديد لعبه أكل و نوم و نفسيه متظبطه و
No pain ، No gain
😍😘😘
