كابتن مصر

كابتن مصر كابتن مصر للاخبار الرياضية وكل الشئون الرياضية

استطلاع رأي للجميع أي رأي حضراتكم في الاساطير بتاعتنا دي ؟علشان حال الكوره ينصلح في مصر ونوفر ملايين الدولارات المهدرة ل...
05/02/2024

استطلاع رأي للجميع
أي رأي حضراتكم في الاساطير بتاعتنا دي ؟
علشان حال الكوره ينصلح في مصر
ونوفر ملايين الدولارات المهدرة
لازم من وجود الاساطير دي الغيوره على البلد
حسام حسن المدير الفني 👍
حسن شحاته رئيسا لإتحاد الكرة ❤️

بعد حسن شحاتة المُتوج بـ 3 ألقاب متتالية 🇪🇬4 نسخ كأس أمم إفريقيا = 4 مدربين أجانب = 0 لقب ❌
04/02/2024

بعد حسن شحاتة المُتوج بـ 3 ألقاب متتالية 🇪🇬

4 نسخ كأس أمم إفريقيا = 4 مدربين أجانب = 0 لقب ❌

نسخة مصر ٢٠١٠ ف أنجولا مش واخدة حقها.. باعتبارها من أفضل النسخ ف تاريخ أمم أفريقيا مصر ف أمم أفريقيا ٢٠١٠ بتعمل رقم قي...
04/02/2024

نسخة مصر ٢٠١٠ ف أنجولا مش واخدة حقها.. باعتبارها من أفضل النسخ ف تاريخ أمم أفريقيا

مصر ف أمم أفريقيا ٢٠١٠ بتعمل رقم قياسي كأول منتخب بيفوز ب ست ماتشات ف نسخة واحدة من أمم أفريقيا

تالت منتخب بيكسب كل ماتشاته في أمم أفريقيا بعد غانا و الجزائر ١٩٩٠

أكثر من سجل في نسخة واحدة من أمم أفريقيا ١٥ هدف

لثاني مرة ف تاريخ أمم أفريقيا منتخب بيسجل ع الأقل هدفين ل خمس مباريات متتالية.. أول منتخب عملها مصر ١٩٧٤

لأول مرة منتخب غير مؤهل لكأس العالم بيكسب ٤ منتخبات مؤهلين لكأس ٢٠١٠

أكثر منتخب سجل أهداف في الأدوار الإقصائية ف نسخة واحدة من أمم أفريقيا

خمس لاعبين في التشكيل المثالي للبطولة و أفضل لاعب و الهداف و أفضل حارس

٦ ماتشات.. منتخب مصر بيعمل أربعة كلين شيت ويتلقى هدفين طول البطولة

الفوز ع نيجيريا ٣.. الكاميرون ٣.. الجزائر ٤.. غانا هدف

النسخة دي أعظم من أي نسخة عملها منتخب أفريقي أو عربي بس مشكلتها أنها جات بعد اداء ٢٠٠٨

أيام ما كان عندنا كورة بجد 🤍

- آلو مين معايا _ ايوة يا كاس افريقيا انا مشجع من مصر - اهلا و سهلا خير يا مصري - كنت عايز استفسر منك عن حاجة يا كاس افر...
31/01/2024

- آلو مين معايا
_ ايوة يا كاس افريقيا انا مشجع من مصر
- اهلا و سهلا خير يا مصري
- كنت عايز استفسر منك عن حاجة يا كاس افريقيا
- تأمر يا مصري اتفضل
- بس تجاوبني بصراحة
- يا سلام بس كدة من عيوني
- اخر مرة جيت معانا على مصر كانت سنة ٢٠١٠ مع المعلم حسن شحاتة و جيل العظماء ، من ساعتها و انت مخاصمنا و زعلان مننا و مش راضي تروح معانا ، هو انت زعلان مننا في حاجة ؟ احنا عملنا اية يخليك تبعد عننا ١٤ سنة بحالهم ؟؟
- بصراحة يا مصري انا فعلا زعلان منكم ، و مش راضي اروح معاكو حتى لما وصلتوا النهائي مرتين في ٢٠١٧ و ٢٠٢٢ ، صممت اني مش حاجي معاكو و فضلت اني اروح الكاميرون مرة و السنغال مرة
- طيب لية كدة يا كاس الذهب دة احنا عشرة طويلة ، دة انت روحت معانا ٧ مرات يعني اكتر من اي حد في افريقيا كلها ، ممكن تفهمني احنا عملنا اية مزعلك ؟
- اقولك بصراحة ، انتو افسدتوا كرة القدم في مصر ، و افسدتوا المنتخب اللي كان فخر افريقيا و غلب ايطاليا و هي بطلة العالم و عمل مباراة العمر و رفع راس افريقيا كلها قصاد البرازيل في كاس القارات ٢٠٠٩ ، ازاي عايزني اروح معاكو على مصر بعد ده كله ؟
- يا نهار ابيض دة الموضوع باين عليه كبير ، اية بس يا كاس الذهب ، احنا عملنا اية يخليك تقول كدة ممكن توضح ، يمكن نقدر نعالج الموضوع و نصالحك و ترجع لينا تاني ؟
- انا حكون صريح معاك و اقولك على كل حاجة

* اولا : رب العزة قال ( إن الله لا يصلح عمل المفسدين )
و انتو عندكو اتحاد كرة فاسد ماشي بالواسطة و السبوبة ، و المصالح هي اللي بتحكمه مش العداله يبقى عمر المنتخب ما حيعمل حاجة بسبب الفساد الاداري المنتشر في المنظومة الكروية عندكو

* ثانيا : انا زمان كنت بحب اروح معاكو علشان كنتو منتخب مصر يعني منتخب كل مصر و منتخب الساجدين ، مش منتخب صلاح ، زمان كان كل اللاعبين في خدمة المنتخب دلوقت كل اللاعبين في خدمة صلاح ، عمرك سمعت عن منتخب مارادونا ؟ او منتخب بيليه ، دة حتى ميسي و رونالدو لم يطلقوا اسمائهم على منتخبات بلادهم ، لما ترجعوا منتخب مصر ابقى ارجع ليكو

* ثالثا لما شارة القيادة ترجع بالاقدمية و يرجع كابتن الفريق يعرف يعني اية قيادة منتخب وطني ، مش شخص معاه الشارة لمجرد انه محترف في ليفربول ، و لما يكون المحترف الاول بتاعك عارف قيمة تيشيرت منتخب بلده و بيلعب معاه زي ما بيلعب مع ناديه الانجليزي ، مش مجرد تأدية واجب ابقى ارجع ليكو

* رابعا لما اعضاء اتحاد الكرة يبطلوا يتدخلوا في خيارات المدير الفني و يضم مين و يسيب مين ، و ترجع الاختيارات بالمجهود و بالعرق ، مش برغبة احد اللاعبين و مين صاحبه و بيحبه و مين بيكرهه ابقى ارجع ليكو

* خامسا لما يكون عندكو اتحاد كرة عنده خطة و فاهم ازاي يقود المنظومة الكروية في مصر مش اتحاد مصالح و سبوبة و شوية ارزقيه قاعدين على الكراسي و بيقبضوا سمسرة من وراء التعاقد مع اي مدير فني على الله حكايته ابقى ارجع ليكو

* سادسا لما يكون المسئول عن المنتخب في اتحاد الكرة فاضي للمنتخب و مركز في شغله ، مش بيشتغل محلل في ٣ قنوات منهم قناة خارج مصر و في وقت فراغه بيشتغل عضو اتحاد كرة و مسئول عن المنتخب ابقى ارجع ليكو

* سابعا لما يكون تعيين المدير الفني للمنتخب بالكفاءة و الشغل الفني مش بترشيحات من لاعب معين و علشان اعضاء الاتحاد ياخدوا كام الف دولار لنفسهم كل شهر من مرتب المدير الفني ابقى ارجع ليكو

* ثامنا لما يكون اتحاد بلدك على مسافة واحدة من كل الاندية و بيعرف يطبق العدالة على الجميع و يقدر يطبق اللائحة اللي هو بنفسه واضعها و معتمدها من الفيفا على جميع الاندية و مش بيخفي الخطابات علشان يجامل دة او يضيع فرصه على دة ابقى ارجع ليكو

- يااااه يا كاس افريقيا دة انت معبي مننا جامد ، احنا عملنا كل المشاكل دي ؟ و كل اللي احنا فيه نتيجة الفساد الاداري و المجاملات و اتحاد السبوبة ؟
- ما انا قلت لك ( ان الله لا يصلح عمل المفسدين) و الفساد ضرب الاتحاد كله و تسلل الى المنتخب ، و الواسطة و السبوبة هي اللي بتحكم ، عايزني اعمل ايه ؟
- عندك حق يا كاس الذهب ، احنا اللي عملنا في نفسنا كدة .
- صلحوا الفساد يا مصري و ساعتها انا حرجع معاكو على مصر ، قبل كدة ما تتوقعش مني اي حاجة
- فهمت يا كاس الذهب بس الموضوع كبير و صعب
- انا قلت اللي عندي و انتوا احرار ، سلام يا مصري
- سلام يا كاس افريقيا ، و هنحاول نصلح يمكن نقدر نعمل حاجة و ترجع لينا تاني

البداية كانت من ان حسن شحاته يمشي لانه معرفش يصعد كاس الامم 2012 ..تخيل راجل كسبان 3 كاس امم ورا بعض 2006 و 2008 و 2010...
31/01/2024

البداية كانت من ان حسن شحاته يمشي لانه معرفش يصعد كاس الامم 2012 ..تخيل راجل كسبان 3 كاس امم ورا بعض 2006 و 2008 و 2010 وبيكسب كل منتخبات افريقيا سنغال والجزائر وكوت ديفوار والكاميرون وغانا وبيكسبهم بدل المره اتنين وتلاته . كان قريب من الصعود لكاس العالم لولا ان الهدف متطبقش باتنين .. فبدل ما نحافظ عليه لا نقوله امشي هنجيب غيرك

بيلعب كاس قارات يعمل اداء عظيم قدام البرازيل ويخسر في الاخر بيكسب ايطاليا بطل العالم وتوصل انه لو مصعدش لدور نصف النهائي بسبب هدف واحد في الترتيب

وبعد ده كله قررنا نمشي حسن شحاته لانه مصعدش كاس الامم 2012 وجبنا مدربين تانيين بس مصعدناش كاس الامم 2013 و 2015 بردو من غير حسن شحاته

هيفضل قرار رحيل حسن شحاته اغرب قرار شوفته في حياتي

للمرة الثالثة على التوالي 3⃣🔥والتاسعة في التاريخ 9⃣💪منتخب مصر بطلاً لكأس أمم أفريقيا لكرة اليد 🤾‍♂️🏆حيث توج منتخب مصر ...
28/01/2024


للمرة الثالثة على التوالي 3⃣🔥
والتاسعة في التاريخ 9⃣💪
منتخب مصر بطلاً لكأس أمم أفريقيا لكرة اليد 🤾‍♂️🏆
حيث توج منتخب مصر لكرة اليد بلقب كأس الأمم الأفريقية بالفوز على الجزائر 29 / 21 فى نهائى النسخة التى إختتمت بمصر بإستاد القاهرة و المؤهلة لأولمبياد باريس 2024 ، ليخطف تذكرة الصعود للدورة الأولمبية

‏بصرف النظر عن انتماءاتنا تسلم العين اللي طلعتلنا راجل مخلص مكافح دكر بمعنى الكلمةشكراً تريزيجيه🤍
26/01/2024

‏بصرف النظر عن انتماءاتنا
تسلم العين اللي طلعتلنا راجل مخلص مكافح دكر بمعنى الكلمة
شكراً تريزيجيه🤍

قرار صادم من فيفابقرار رسمي من «فيفا» لن يتمكن إمام عاشور، لاعب منتخب مصر، من المشاركة في مباراة دور الـ16 المقبلة، حتى ...
26/01/2024

قرار صادم من فيفا
بقرار رسمي من «فيفا» لن يتمكن إمام عاشور، لاعب منتخب مصر، من المشاركة في مباراة دور الـ16 المقبلة، حتى إذا تعافى من الإصابة في الرأس، والتي لحقت به في تدريبات المنتخب الأخيرة، استعدادا لمواجهة الكونغو الديموقراطية
وتنص لائحة «فيفا» التي صدق عليها «كاف» على: «وفق بروتوكول إصابات الرأس لن يستطيع أي لاعب المشاركة في المباريات إلا بعد تطبيق برنامج علاجي مدته 6 أيام» ما يعني أن مشاركة إمام عاشور مع منتخب مصر في مواجهة الكونغو الديمقراطية غير متاحة وبالتالي غياب اللاعب حتى إذا تعافى من إصابة الرأس

اصابة امام عاشور بارتجاج في المخ اثناء التمرين ونقله للمستشفي تحت الملاحظة لمدة 24 ساعة
25/01/2024

اصابة امام عاشور بارتجاج في المخ اثناء التمرين ونقله للمستشفي تحت الملاحظة لمدة 24 ساعة

مباراة مصر والكونغو دور ال 16 يوم الاحد القادم الساعه 10 مساءا
25/01/2024

مباراة مصر والكونغو دور ال 16 يوم الاحد القادم الساعه 10 مساءا

Address

Cairo
11311

Telephone

44801550/1/2

Website

Alerts

Be the first to know and let us send you an email when كابتن مصر posts news and promotions. Your email address will not be used for any other purpose, and you can unsubscribe at any time.

Contact The Business

Send a message to كابتن مصر:

Shortcuts

Share