https://www.facebook.com/380410451817576/

Aqua Fit Zone Academy, Cairo (2026)

22/09/2025

✍️المدرب ماينفعش يبقي ليه أسلوب واحد بس
المدرب لازم يبقي ليه أكثر من اسلوب

و الاهم انك تعرف امته تغير اسلوبك علي حسب دماغ الطفل او ال( ADULTS ) الى معاك بس

لأن مينفعش تعامل واحد بيخاف من المية بنفس الأسلوب او ال DRILLS الى هاتديها لحد مش بيخاف منها

ماينفعش تتعامل مع كل الأطفال بنفس الوش في طفل بيحتاج يتشد عليه وطفل بيحب الهزار
بس وقت ما بيعوم بيعوم بجد 🏊‍♂️

في دايما حاجة بتجمع بين الهزار والشدة في التمرين
انت لازم تعرف توفق بينهم وتفهم شخصية الي قدامك وتتعامل علي اساسها مش علي اساس شخصيتك انت

مش كل ال DRILLS تنفع لكل السباحين ولازم يكون في ابتكار
مش غلط انك تفكر برا الصندوق وتخترع DRILLS المهم تخدم المهارة

مافيش حاجة اسمها DRILL غلط
مادام جاب نتيجة يبقى انت ماشي صح ماجابش نتيجة غيره
مافيش طفلين زي بعض وكلها فروق فردية لذالك ماينفعش تمشي باسلوب واحد.
💬 لو لسه محتار تبدأ منين ، ابعتلنا أو سيب سؤالك في تعليق، وهنرد عليك بإذن الله
مع اكاديمية Aqua Fit Zone Academy
ابدأ صح… عشان تبني كل حاجة صح 💧✨
للتواصل كلمنا على📞
01003231651
01108192615

23/08/2025

🔥 ليه السباحة في العالم العربي بتموت قبل ما تتولد؟! 🔥

السباحة مشكلتها مش في المواهب… مشكلتها في اللي ماسكين زمام الأمور.
بدل ما نشتغل بخطة طويلة المدى ونبني بطل حقيقي، إحنا شغالين بسياسة "بطولات سريعة لأي تمن".

📌 النتيجة؟

سباح عنده 12 سنة بيتمرن وكأنه هيشارك في أولمبياد بعد شهر!

تمرينات فوق طاقته، جسمه وعقله بيصرخوا "كفاية" والمدرب مش سامع.

بعد سنتين؟ إصابات مزمنة، كره للعبة، وانسحاب نهائي.

⚡ المقارنات القاتلة:
بدل ما نشجع، بنحطم!
"شوف فلان بيعمل إيه وأنت لسه واقف!"
"السباح ده جاب ميدالية… إنت فاشل ليه؟"
كأننا نسينا إن كل سباح له رحلته وظروفه… مش نسخة من حد تاني.

❗ واللي محدش بيقوله:
مش كل اللاعبين زي بعض…
ومش كل اللي بيدخلوا السباحة موهوبين أو حتى مجتهدين!
فيه اللي بيشتغل على نفسه وبيتطور، وفيه اللي موجود بس عشان الصور أو رضا الأهل.
المواهب الحقيقية نادرة… وعلشان كده لازم نحافظ عليها بدل ما نحرقها.

المصيبة الأكبر:
فيه مدربين بيقيسوا نجاحهم بعدد الكؤوس في الدولاب، مش بعدد اللاعبين اللي حافظوا على مستواهم سنين.
وفيه أهالي مستعدين يضغطوا على أولادهم عشان صورة على فيسبوك أو لقب "بطل الجمهورية".

طب والحلول؟

خطة واضحة من الصغر لحد الاحتراف.

تدريب متدرج يناسب المرحلة العمرية.

دعم نفسي قبل ما نفكر في الميداليات.

✅ مش كل الوسط وحش… فيه مدربين شغالين صح، بيبنوا اللاعب خطوة خطوة، بيحموا جسده وعقله من الانهيار، وده اللي يستحق الاحترام.
لكن للأسف… أصواتهم ضعيفة وسط دوشة "عايزين البطولة دلوقتي حالًا".

🚨 السؤال اللي هز الدنيا:
إحنا عايزين أبطال يلمعوا سنة ويختفوا… ولا أبطال يعيشوا في اللعبة 10 أو 15 سنة يرفعوا اسم البلد بجد؟

💬 لو لسه محتار تبدأ منين ، ابعتلنا أو سيب سؤالك في تعليق، وهنرد عليك بإذن الله
مع اكاديمية Aqua Fit Zone Academy
ابدأ صح… عشان تبني كل حاجة صح 💧✨
للتواصل كلمنا على📞
01003231651
01108192615

20/08/2025

عاوز أمرن ابنى أو بنتى سباحه ومش فاهم حاجه فى مجال السباحه وعاوز افهم هو الاولاد والبنات بيعوموا ايه وازاى
والسؤال الاكثر شهره 🛑هو ايه الفرق ما بين السباحه القصيرة 🌊 والخماسى 🌊والزعانف🌊🛑

نجاوب ببساطه ونوضح ونلخص

🛑اولاً : السباحه القصيرة 🏊🌊
و يلزم على اللاعبين تعلم ٤ عومات وهم
حرة🏊. باك 🏊.بريست 🏊.الفراشه او الدولفين 🏊
بيكون ليهم اختبارات النجوم للعومات ..بتكون 4 أختبارات نجوم ⭐⭐

وعند اجتياز الاختبار بيسجل فى اتحاد المصري السباحه ويشاركه فى بطولات السباحه
ويتم تخصيص كل سباح وسباحه حسب رؤيه المدرب ونظام التدريب اللى بيمر بيه و والمنافسات بتكون كالاتى
حرة و مسافتها 50متر / 100متر /200متر / 400متر / 800متر / 1500متر
باك (الظهر) و مسافتها 50متر / 100متر/ 200متر
بريست(الصدر) و مسافتها 50متر / 100متر/ 200متر
الفراشه ومسافتها 50متر / 100متر/ 200متر
اما سباق المتنوع بيكون من 200متر/400متر
ويوجد ايضا سباقات تتابع في المتنوع او الحرة

🛑 ثانياً : الزعانف 🏊🌊
وتنقسم الي نوعين
١ : زعانف مزدوجة
الزعانف مزدوجة... وبيكون له بطولات خاصه بها ..
و الزعانف المزدوجه هى السباحه الحرة بارتداء الزعانف المزدوجة و تعتمد علي اتقان السباحه الحرة فقط
ومسافات السباقات الخاصة بها تكون
50متر / 100متر/ 200متر
400متر / 800متر / 1500 متر

٢ : زعانف المونو🧜‍♂️🥇
بيكون ليها بطولات خاصه
و زعانف المونو هي زعنفه واحدة فقط
ويوجد سباقات فوق الماء و سباقات تحت الماء
وسباقات التى تكون فوق الماء تبدا من 50متر و تصل الى 10 كيلو مترات .
اما سباقات التى تكون تحت الماء تكون مسافتها كالاتى
100متر/ 200متر / 400متر
ويشارك لاعب فى بطولات المنطقه والجمهوريه وكاس مصر

🛑 ثالثاً : الخماسى🎄
بيكون من ٥ لعبات
سباحه🏊
جرى🏃
رمايه 🎯
شيش 🤺
فروسيه🏇
بيبدأ لاعب ... الثنائي سباحه وجرى 🏊🏃
والثلاثى.سباحه. جرى . ركوب الدرجات 🏊🏃🚴‍♂️
او الليزرن . جري ورمايه🎯🏃
وممكن لاعب يكمل فقط فى ثنائى . السباحه والجرى
وبيكون ١٠٠٠ نقطه سباحه. و ١٠٠٠ نقطه جرى
وبيكون له ترتيب فى السباحه
وترتيب فى الجرى
وترتيب مجمع مابينهم

-كده حضرتك عرفت تدريب السباحه عباره عن ايه ومشوار ولادك ملامحه ايه
الباقى أنك تاخد القرار وطبعا تستشير المدرب فى المناسب لطفلك
💬 لو لسه محتار تبدأ منين ، ابعتلنا أو سيب سؤالك في تعليق، وهنرد عليك بإذن الله
مع اكاديمية Aqua Fit Zone Academy
ابدأ صح… عشان تبني كل حاجة صح 💧✨
للتواصل كلمنا على📞
01003231651
01108192615

13/08/2025

💦الأحمال التدريبية العالمية للمراحل العمرية (10-14 سنة) وربطها بنموذج LTAD 💦

يا جماعة خلونا نتكلم بشكل علمي ومنظم عن الأحمال التدريبية (Training Loads) للمراحل العمرية الصغيرة (10-14 سنة) ونربط ده بنموذج
‏LTAD (Long-Term Athlete Development)
أو التطوير طويل الأمد للرياضيين اللي بيعتبر من أهم النماذج العالمية في التخطيط الرياضي السليم

ما هو LTAD؟

‏LTAD اختصار لـ Long-Term Athlete Development، واللي معناه “التطوير طويل الأمد للرياضيين”

الهدف الأساسي إعداد رياضي قوي ذهنيا وبدنيا على المدى الطويل مش مجرد نجاح مؤقت في مرحلة عمرية معينة

المراحل المرتبطة بالفئات العمرية (10-14 سنة)

11-10 سنة Learn to Train (تعلم التدريب)
13-12 سنة Train to Train (التدريب من أجل التدريب)
14 سنة Train to Compete (التدريب من أجل المنافسة)

———————————————————-

أولا مرحلة 10-11 سنة (Learn to Train - تعلم التدريب)

التركيز الأساسي علي
تعلم المهارات الأساسية للسباحة (Foundation Skills)
تحسين القدرات الهوائية (Aerobic Capacity)
تطوير المهارات الحركية الأساسية

الحمل التدريبي المناسب
• عدد الحصص الأسبوعية 3-4 حصص
• مدة الحصة 60-75 دقيقة
• الحجم التدريبي الأسبوعي 6-10 كم سباحة
• التقسيم
70% تدريبات هوائية (Aerobic Training)
20% تكنيك وتحكم (Skill & Control)
10% تدريبات قوة عامة (Bodyweight Exercises)

———————————————————-

ثانيًا مرحلة 12-13 سنة (Train to Train - التدريب من أجل التدريب)

التركيز الأساسي علي
صقل وتطوير المهارات الفنية
زيادة التحمل الهوائي (Aerobic Endurance)
بداية إدخال تدريبات لاهوائية خفيفة (Anaerobic Training)
تحسين القوة العامة والمرونة

الحمل التدريبي المناسب
• عدد الحصص الأسبوعية 4-5 حصص
• مدة الحصة 75-90 دقيقة
• الحجم التدريبي الأسبوعي 10-15 كم سباحة
• التقسيم
60% تدريبات هوائية (Aerobic Training)
25% تكنيك وسرعة (Technique & Speed)
15% تدريبات قوة عامة (Dryland Training)

———————————————————-

ثالثا مرحلة 14 سنة (Train to Compete - التدريب من أجل المنافسة)

التركيز الأساسي علي
زيادة شدة التدريبات مع الحفاظ على الكفاءة الفنية
تطوير التحمل اللاهوائي (Anaerobic Endurance)
تخصيص تدريبات القوة بما يتناسب مع متطلبات السباحة
التركيز على الجوانب الذهنية والنفسية للمنافسة

الحمل التدريبي المناسب
• عدد الحصص الأسبوعية 5-6 حصص
• مدة الحصة 90-120 دقيقة
• الحجم التدريبي الأسبوعي 15-20 كم سباحة
• التقسيم
50% تدريبات هوائية (Aerobic Training)
30% تدريبات سرعة وتكنيك (Speed & Technique)
20% تدريبات قوة وتحمل (Strength & Endurance)

———————————————————-

المراجع والمواقع التي أتكلمت عن ما سبق
‏FINA Youth Development Program
‏USA Swimming & ASCA
‏Swimming Science
‏LTAD Framework

الخلاصة
نموذج LTAD (التطوير طويل الأمد للرياضيين) هو خارطة الطريق لأي مدرب عايز يبني سباح محترف مش مجرد بطل مؤقت
و الالتزام بالمراحل والأحمال المناسبة لكل عمر بيضمن تطور صحي واحترافي للسباحين و هنا حنشوف التطور و الإستمرارية و الاستدامة

💬 لو لسه محتار تبدأ منين ، ابعتلنا، وهنرد عليك بإذن الله
مع اكاديمية Aqua Fit Zone Academy
ابدأ صح… عشان تبني كل حاجة صح 💧✨
للتواصل كلمنا على📞
01003231651
01108192615

11/08/2025

📢 لكل ولي امر لو ابنك او بنتك عندهم قياس قريب في السباحة

خد بالك من شوية حاجات ممكن تفرق جامد جدا في الاداء ومحدش بيتكلم عنها

🧠 اول حاجة العضلات لوحدها مش كفاية اللي بيحرك الجسم فعليا هو المخ
يعني لو ابنك متوتر او صاحي من النوم تعبان ده بيأثر على الاشارات بين المخ والعضلات وبيخلي الحركات ابطأ واقل دقة

🍞 تاني حاجة الاكل قبل القياس مش اختياري ده وقود حقيقي
لو نزل الميه وهو مش واكل حاجة مناسبة جسمه هيشتغل بنص طاقته
احسن وجبة قبل التمرين بساعتين توست بالعسل او موزة بزبدة فول سوداني او بطاطا مع زبادي

💧 تالت حاجة الجفاف بيبطله ومحدش واخد باله
لو جسمه ناقصه ميه حتى بنسبة بسيطة التركيز والسرعة بيقلوا
خليه يشرب كوباية ميه كل نص ساعة على الاقل قبل واثناء التمرين

😌 رابع حاجة اخر نص ساعة قبل القياس اهم من التدريب كله
لو قاعد متوتر جسمه بيدخل في حالة توتر وبيشتغل غلط
كلمه بكلمتين يطمنه انت تمام القياس عادي احنا جايين نستمتع

👈🏼 دورك كا أب او ام مش بس تشجعه انت اللي بتحضر جهازه العصبي والمناعي قبل ما يدخل الميه

💬 لو لسه محتار تبدأ منين ، ابعتلنا أو سيب سؤالك في تعليق، وهنرد عليك بإذن الله
مع اكاديمية Aqua Fit Zone Academy
ابدأ صح… عشان تبني كل حاجة صح 💧✨
للتواصل كلمنا على📞
01003231651
01108192615

06/08/2025

السباح بيشتكي من الإجهاد بسرعة إصابات متكررة مستواه ثابت أو بيقل
غالبًا المشكلة مش في التدريب
المشكلة في الاهمال خارج التدريب

فيه 3 محاور لازم أي سباح يشتغل عليهم بجانب السباحة

التغذية = وقود الأداء

الجسم بيتمرن 90 د ل ١٢٠ د بس محتاج 24 ساعة تغذية سليمة عشان يستفيد
وجبة ناقصة = تمرين رايح على الفاضي
البروتين مش بس للعضلات ده كمان بيحمي من الإصابات
الكالسيوم وفيتامين D = مفصل قوي + نمو صحي + منع الإجهاد المبكر

الفتنس = أساس القوة والتحمل

السباحة لوحدها مش كفاية لبناء جسم قوي ومتوازن
تمارين القوة (بوزن الجسم) والاتزان والمرونة لازم تدخل البرنامج
الجسم اللي مش قوي… مش هيقدر يضغط في التمرين أو يكمل سباقات

3 تمارين فتنس أسبوعيًا بتمارين مناسبة للسن =
انخفاض الإصابات بنسبة 30–50% وزيادة التحمل والأداء

النوم = المكمل رقم 1 الحقيقي

أقل من 8 ساعات نوم = تركيز أقل + استشفاء أضعف + خطر إصابة أعلى
الرياضي الناشئ محتاج من 8 لـ 10 ساعات نوم عشان جسمه يشتغل بكفاءة

رسالة للمدربين وأولياء الأمور
“لو بنبني بطل… لازم نبني جسمه وعقله بره الميه قبل جواه
السباحة محتاجة جسم سليم مش بس تكنيك حلو

💬 لو لسه محتار تبدأ منين ، ابعتلنا أو سيب سؤالك في تعليق، وهنرد عليك بإذن الله
مع اكاديمية Aqua Fit Zone Academy
ابدأ صح… عشان تبني كل حاجة صح 💧✨
للتواصل كلمنا على📞
01003231651
01108192615

04/08/2025

في السن الصغير… الاستعجال هو العدو الأول للتطور الحقيقي في السباحة!

في مراحل التأسيس، أول وأهم حاجة لازم نفهمها إن الطفل مش "بروجيكت سباق"، ولا آلة هتكسبنا ميداليات بسرعة.
الطفل في السن الصغير محتاج "تأسيس" مش "تنافس"، ومحتاج "فهم للحركة" مش "ضغط بالتكرار".

💬 ليه منستعجلش في التدريب؟

🔹 لأن الجهاز العصبي لسه بيتكوّن:
التكرار الكتير من غير تكنيك مظبوط بيرسخ عادات خاطئة من الصعب نغيرها بعدين.
التأسيس الغلط = سبّاح بيعافر كتير وبيتحسن ببطء.

🔹 لأن الجسم لسه بيتعرف على الحركة:
في السن الصغير، إحنا بنزرع إحساس الميّه، وبنشكّل ستايل السباحة.
أي تعجل في مراحل التدريب بيأذي التنسيق الحركي وبيبوّظ شكل الأداء.

🔹 لأن الحب أهم من الإنجاز في البداية:
لو الطفل حب التمرين، واستمتع بالحصة، هيكمل ويمشي لوحده بعد كده أسرع من اللي اتضغط وتخنق وتكرّه.
اللي بيبدأ قوي وهو حابب بيكمل أقوى.

🔹 لأن عضلاته لسه مش جاهزة لضغط بدني عالي:
التدريب القوي ليه توقيت، ولو جِه بدري، هيجيب نتائج عكسية..
إصابات، تعب نفسي، كره للتمرين، وثبات في المستوى.

🛑 كتير من المدربين وأولياء الأمور بيقارنوا أطفالهم بأطفال تانيين سابقينهم خطوة، وبيقولوا: "هو ليه ابني لسه مش بيعمل زي فلان؟"
الإجابة بسيطة:
السباحة مش سباق مين يسبق الأول، هي سباق مين يكمل صح.

✅ في السن الصغير، أولوياتنا تكون كده:

تكنيك نظيف

إحساس بالماء

تنفس مظبوط

توازن حركي

مرونة وتنسيق

حب وشغف بالتمرين

🏁 لما كل ده يتبني كويس، الطفل هينطلق لوحده بعدين زي السهم..
بس وقتها هيبقى بيعوم بعقله قبل جسمه.

---

💬 لو لسه محتار تبدأ منين ، ابعتلنا أو سيب سؤالك في تعليق، وهنرد عليك بإذن الله
مع اكاديمية Aqua Fit Zone Academy
ابدأ صح… عشان تبني كل حاجة صح 💧✨
للتواصل كلمنا على📞
01003231651
01108192615

21/07/2025

النفس جوه الميّه… السر الحقيقي للراحة

💬 ا
اللي بيخاف من النفس جوه الميّه عمره ما هيطمن وهو بيعوم 😶‍🌫️
بس في تمرين سهل جدًا هيغير كل ده!

📌 تمرين البوبينج (Bobbing):

أمسك سور البسين.

نزل جسمك كله تحت الميّه واطرد الهوا.

اطلع برا الماء وخد نفس.

عيد التمرين كذا مرة… وخلي الزفير أطول من الشهيق.

🧠 ده بيعمل إيه؟
بيخلي مخك يتعود ياخد نفس بثقة حتى لو مش شايف الأرض تحتك.

💬 لو لسه محتار تبدأ منين ، ابعتلنا أو سيب سؤالك في تعليق، وهنرد عليك بإذن الله
مع اكاديمية Aqua Fit Zone Academy
ابدأ صح… عشان تبني كل حاجة صح 💧✨
للتواصل كلمنا على📞
01003231651
01108192615

20/07/2025

ناس كتير أول ما تنزل الميّه عايزة على طول تتعلم تعمل ضربات رجلين أو تعمل كاتشات … بس الحقيقة إن السباحة الصح تبدأ من قبل كده 👇

🏊‍♂️ الخطوة الأولى: الطفو – أساس السباحة

قبل أي حركة، جسمك لازم يتعلّم يطفو على سطح الميّه. لأن الطفو هو اللي بيخلي جسمك مرتاح، متوازن، ومش بيغرق

❓يعني إيه طفو؟
يعني جسمك يكون مرتاح على وش الميّه من غير ما تحرك إيد أو رجل
لو عرفنا نوصله = نعرف نتحكم فكل حاجة بعد كده

✅ ازاي تتعلم الطفو؟

خليك على وش الميّه

خُد نفس كبير وخليك هادي

افرد جسمك بالكامل (من راسك لرجلك)

خليك مسترخي وسيب الميّه تشيلك

اللي هتلاحظه؟
جسمك هيبدأ يعوم لوحده مع النفس… وده أول إحساس بالراحة تحت الميّه

💥 الخطوة التانية: ضربات الرجلين – سر الدفع للأمام

بعد ما جسمك بقى مرتاح في الميّه وبقيت بتعمل طفو كويس… نبدأ نشتغل على رجلينا

كتير بيفكر إن الضرب القوي هو الصح… لكن الصح هو الضرب الخفيف والمتناسق

✅ ازاي تعمل ضربات رجلين صح؟
خلي جسم مفرود على سطح المايه

الحركة تبدأ من مفصل الفخذ، مش من الركبة

الرجل تكون مفروده ومرنة

الحركة تبقى سريعة وخفيفة – زي السوط

💡 جرّب تمرين اللوح (Kickboard): امسك لوح وركّز على رجلك بس… هتلاحظ التوازن بدأ يثبت والدفع بدأ يزيد

🔥 الخطوة التالتة: الكاتش – أول استخدام لإيدك في السباحة

بعد ما جسمك بيطفو، ورجلك بتتحرك كويس… نبدأ نشتغل على الكاتشات

مش أي حركة إيد = دفع!
في حاجة اسمها "الكاتش" Catch = النقطة اللي بتبدأ منها السحبة الصح

✅ ازاي تبدأ الكاتش؟

الإيد تدخل الميّه في خط مستقيم قدام كتفك

تكوّن شكل "معلقة" وتشد الميّه بجسمك كله

ما تشتغلش بإيدك بس… الكتف والجزع لازم يلفوا مع الحركة

الكاتش هو أول نقطة سحب قوية… كل ما تكون مظبوطة، كل ما سرعتك زادت

💬 لو لسه محتار تبدأ منين أو بتقع في واحدة من دول، ابعتلنا أو سيب سؤالك في تعليق، وهنرد عليك بإذن الله
مع اكاديمية Aqua Fit Zone Academy
ابدأ صح… عشان تبني كل حاجة صح 💧✨
للتواصل كلمنا على📞
01003231651
01108192615

12/07/2025

أول خطوة في رحلتك مع السباحة – ليه تتعلم السباحة أصلاً؟

هل عمرك سألت نفسك…
"ليه أتعلم سباحة؟"
"هي السباحة فعلاً مفيدة؟ ولا مجرد فسحة في الصيف؟"

خليني أقولك الحقيقة 👇

السباحة مش رفاهية
السباحة مهارة "حياة"... ممكن تنقذ بيها نفسك أو تنقذ غيرك في لحظة.
ومش بس كده 👇

✅ فوائد السباحة مش بتوقف عند الأمان:

جسم أقوى وأصحّ 💪

عضلات مرنة ومتوازنة

ثقة بالنفس بتزيد يوم بعد يوم

تحمّل نفسي وجسدي أعلى

تركيز وانضباط وإحساس بالإنجاز الحقيقي

وكل ده بيأثر على شخصيتك بالكامل برّه الميّه

طيب ليه ناس كتير بتتأخر تبدأ؟

ناس بتخاف…
ناس اتكسفت…
ناس بتقول "كبرت"
وناس فاكرة إن الموضوع صعب ومعقد.

بس الحقيقة؟
اللي بيبدأ… هو اللي بيعدّي.

❌ مفيش حاجة اسمها "اتأخرت"

سواء كان عندك 6 سنين أو 60 سنة…
اللي يقرر يبدأ، هو اللي هيوصل.

في أكاديمية Aqua Fit Zone academy
بنقابل ناس من كل الأعمار، وكلهم ليهم بداية… بس اللي استمر، بقى بطل حقيقي.

💬 سمعنا من ناس كتير:

> "أنا مش بعرف أطفو!"
"أنا بخاف من الميّه!"
"جربت وتكسفت!"
"نفسي أتعلم بس مش لاقي مكان مناسب!"

وجوابنا واحد دايمًا:
ابدأ... ومعانا هتوصل.

📌 في السلسلة دي هنتعلم سوا من الصفر:

إزاي تتعامل مع الميّه

إزاي تطفو من غير مجهود

إزاي تاخد نفس صح

وإزاي تتحرك بثقة في كل عومه
لحد ما تبقى سبّاح حقيقي… محترف ✨

📣 ولو عندك سؤال عن أي حاجة في السباحة…
سيبه في تعليق أو ابعتلنا، وهنخصصلك بوست مخصوص بالإجابة!
مفيش سؤال صغير… كلنا بدأنا من الصفر!

📞 للحجز أو الاستفسار:
📞01003231651
📞01108192615

🏅Aqua Fit Zone academy
خليك بطل من أول نفس… وابدأ رحلتك من هنا 💙

Aqua Fit Zone Academy

22/09/2025

23/08/2025

20/08/2025

13/08/2025

11/08/2025

06/08/2025

04/08/2025

21/07/2025

20/07/2025

12/07/2025

Address

Website

Alerts

Shortcuts

Share

Category

Listing takedown request