07/10/2026
المكسب والخسارة… وجهان لنفس العملة.
والإنجاز الحقيقي مش دايمًا في النتيجة، لكن في التطور، والمجهود، وإني أعمل اللي عليّا للنهاية.
لأن الحقيقة إن النتيجة مش بإيدينا…
اللي بإيدينا إننا ندي كل اللي عندنا، ونلعب بجد، وبحب.
الرياضة حياة صغيرة بتعلّم أولادنا إزاي نتعامل مع الحياة الكبيرة، وإن الحياة مش كلها مكسب.
وأوقات كتير، الخسارة بتعلّمنا أكتر من المكسب.
كل بنت النهارده أدّت اللي عليها، ولعبت بقلبها، وخرجت وهي كسبانة حاجة أهم من أي نتيجة: احترامها لنفسها وفخرها بمجهودها.
أما النتيجة؟
مش دايمًا بتاعتنا…
ممكن تكون مكسب، وممكن تكون درس جديد يعلّمنا إزاي نرجع أقوى ونكسب أكتر. 🩷
