ما تيجو نتكلم كورة

24/12/2025

طيب كدة خلص الكلام عن ماتش زيمبابوى و دلوقتى الكلام على ماتش جنوب افريقيا اللى بالمناسبة مش سهل

طيب ايه مميزات اصلا فرقة جنوب افريقيا؟ ببساطة الفريق ده اهم ميزة فيه السرعة و التمرير فى انصاف المساحات و تحت ضغط كويس اوى و لكن فى نفس الوقت الفريق عنده مشاكل دفاعية كتير خصوصا من العمق و استقبلوا فرص كتير من انجولا و الشوط الاول ويليامز حارس مرمى صن داونز شال كتير و كان نجم الشوط

ده هيودينا لطريقة اللعب اللى المفروض نلعب بيها و هى ببساطة الفريق ده لازم نضغط عليه عالى و نحاول منطلعهمش بالكورة على الارض بسهولة لان مجرد ما الكورة توصل فى رجل اى حد من رباعى الهجوم بتاعهم الموضوع هيبقى صعب و هيقدروا يوصلوا .. تانى حاجة انا شايف ان مرموش لازم يبدأ ١٠ حتى و لو مصطفى محمد مش جاهز لانه الوحيد اللى هيقدر ينزل يستلم من مروان و حمدى و ينقلنا للتلت الهجومى و يعمل اختراقات من العمق اللى هما عندهم مشاكل فيه اصلا ف انا شايف اننا نبدأ زى ماتش زيمبابوى بالظبط بوجود مصطفى محمد مكان امام عاشور و يبقى ورقة رابحه على الدكة و منخسرش امكانيات لاعيب زى مرموش على الخط مع تعليمات صارمة ل حمدى فتحى بانه طول ما احنا مش معانا الكورة يبقى ليبرو وسط ياسر و حسام علشان نقفل الثغرة اللى كانت موجودة الماتش اللى فات



#الثامنة

23/12/2025

شوية تخاطيف و تفاصيل عن ماتش المنتخب امبارح:

بغض النظر عن ان المنتخب بشكل عام امبارح اقنعنى لكن فيه شوية نقط بسيطة الكابتن حسام حسن كان محتاج يظبطها

اول حاجة التشكيل: بشكل عام التشكيل على الجانب الهجومى مكنش سئ انما على الجانب الدفاعى كان عندى مشكلة كبيرة مع ان حسام عبد المحيد يبدأ امبارح مش علشان هو لاعيب وحش بالعكس لكن علشان على مدار التصفيات كلها رامى ربيعة هو اللى كان بيبدأ و تانى حاجة كنت اشوف ان ثنائية رامى و ياسر كان هيبقى فيها انسجام اكتر عكس حسام و ياسر اللى ملعبوش مع بعض غير ماتش نيجيريا بس .. و كمان لو كنت عايز تبدأ بحسام مدافع ناحية الشمال كان لازم تبدا ب احمد فتوح حفاظا بردو على فكرة الانسجام بين فتوح و حسام اللى بيلعبوا مع بعض فى نفس الفريق .. نقطة مهمة عملت ثغرة كبيرة ناحية الشمال جيه منها هدف زيمبابوي و كانوا بيلعبوا عليها الشوط الاول كله

تانى حاجة و دى الاهم ان لازم انت كمدرب يبقى عندك حلول اثناء الماتش مش لازم بتغيير من بره الملعب ممكن من جوه الملعب و ده هيودينا للنقطة التانية و هى توظيف اللاعيبة .. من بعده هدف زيمبابوي و هما بيلعبوا ناحية حمدى و حسام كان لازم تقلب الطريقة ل ٤/٣/٣ و تدى تعليمات لحد من ثلاثى الوسط انه يسقط بين محمد حمدى و حسام و يقفل الثغره دى مكنش لازم خالص تخرج امام بدرى كدة خصوصا انه احسن واحد كان بيتحرك من غير كورة و بيربط بين الخطوط

النقطة التالته و هى اهدار الفرص و دى مش بلوم خالص فيها على كابتن حسام .. الراجل يعنى مش هينزل هو يجيب اجوال هو مهمته و عملها انه وصل المنتخب للجول كتير .. لازم اللاعيبة تبقى اهدى من كدة قدام الجول و دى ان شاء الله انا متفائل انها هتتحسن مع الوقت فى البطولة

بشكل عام المنتخب اقنعنى و لو اشتغلنا على السلبيات اللى اتكلمنا فيها هنبقى احسن و هنبقى مرشح قوى للبطولة و بشكل عام بردو الكابتن حسام اقنعنى و عمل ماتش انا بشوفه احسن ماتش له منذ توليه بغض النظر عن ضوية الاخطاء اللى ممكن تتعدل و تتحسن مع الماتشات فى البطولة و اكتساب الثقة اكتر

#الثامنة

19/06/2025

دردشة خاصة بمباراة ريال مدريد ضد الهلال السعودى

من الواضح كدة ان ريال مدريد جى البطولة بهدف التجهيز للموسم الجديد و انسجام اللاعيبة الجدد و القدامى مع اسلوب لعب تشابي الونسو اكتر من انهم واخدين البطولة بجد .. الا اذا الرتم بقى اعلى الماتشات الجاية و الفرقة جابت فورمة و انسجمه بسرعة هيبقوا منافس قوى جدا على البطولة

واضح ان الونسو مش هيغير كتير فى الهوية اللى احنا عارفينها عن كورة ريال مدريد سواء مع انشيلوتى او زيدان .. الريال كان عامل medium block فى نص الملعب مفيش ضغط عالى و اللعب كله على افتكاك الكورة و التحولات السريعة و فيه نقطتين هنا مهمين جدا

النقطة الاولى ان ريال مدريد كان هايل فى التحولات فى المباراة و مع وجود لاعيبة زى ارنولد و رودريجو و فينيسيوس و امبابي لما يرجع و انسجام الفريق اكتر هيبقى الموضوع مرعب

النقطة التانية هل مبابي هيقدر يتكيف مع طريقة اللعب دى ولا هيواجه نفس المشكلة اللى قابلته فى باريس انه بيكسل يضغط و بيكسل يرجع نص ملعبه يدافع ( و كله شوفنا المحاضرة السهيرة بينه و بين لويس انريكي على الموضوع ده اللى قاله فيها انت احسن مهاجم فى العالم انما انا عايزك تبقى كمان احسن مدافع فى العالم و لازم تتطور من نفسك فى الضغط و اغلاق منافذ الخروج بالكورة على المنافس )

و فيه نقطة تالته مهمة جدا بردو و هى مدى تأثر ريال مدريد بعدم وجود لاعيبه زى مودريتش و كروس فى نص الملعب فى جودة الخروج بالكورة .. اعتقد فالفيردى او تشواميني او كامافينجا متقدرش تعتمد عليهم فى انهم يخرجوك بالكورة لانهم معندهمش نفس الجودة فى الاستلام و التسليم اللى عند كروس و مودريتش ف هل دى هتسبب مشكلة لريال مدريد ولا لأ و هل الونسو هيبقى عنده حلول اخري فى الخروج بالكورة ولا هنشوف ريال مدريد بيدخل سوق الانتقالات تانى و بيدور على لاعيب عنده الجودة دى .. ده كله هنشوفه فى الماتشات الجاية و مع بداية الموسم الجديد

اما عن الهلال ف الهلال اظهر شخصية قوية و جودة فى الملعب و لو كانوا صدقوا نفسهم شوية كان ممكن يسجلوا و يكسبوا و لكن الهلال تأثر بشكل كبير بغياب مهاجم رهيب زى ميتروفيتش اللى اعتقد لو كان موجود النهاردة كان ممكن يسجل اكتر من هدف

الخلاصة بتعادل النهاردة فرص الهلال فى الصعود كبيرة و اعتقد انها بقت سهلة كمان لانهم بالمستوى و الشخصية اللى شوفناها النهاردة اعتقد يقدروا يكسبوا سالزبورج و باتشوكا و ممكن نشوف مفاجأة بصعود الهلال اول مجموعته و ده طبعا اللى احنا بنتمناه انهم يتفادوا مواجهة السيتي فى دور ال 16

#ريالمدريد #الهلالالسعودي
#الهلال #كاسالعالم

24/08/2024

Our TikTok Channel ❤️🔥

Check out الفانتازى الممتاز’s video.

19/08/2024

نظرة عامة على الجولة:

انا شايف ان الجولة دى بشكل عام جولة wait and see مش كل الفرق جايبه فورمه و مش كل اللاعيبة جابت فورمة بحكم انها اول جولة لسه .. ف انا شايف ان مش مستاهله تغييرات الا فى اضيق الحدود و بلاش خالص تغيرات بالسالب .. لان ببساطة عندك واحد زى ميرفي اتغير بدرى بسبب طرد ف انت لسه مشوفتوش .. هجوم استون فيلا لسه بيجيب فورمة ف سواء معاك واتكينز او روجرز او بيلي ف انت لو بعتهم ممكن بعد جولتين تحتاجهم تانى متعرفش هيجيبوا فورمة امتى .. كوانساه ممكن عادى جدا تلاقيه بادئ اساسى جنب فان دايك .. عادى جدا بردو تلاقى كولوسفيسكي اساسي الجولة الجاية .. علشان كدة wait and see + ان مفيش لاعيب نور اوى و انفجر ف انت لازم تضحى و تشتريه .. اللاعيب الوحيد اللى انا شايف انه يستاهل اعمل تغيير علشانه و الفترة الجاية هينفجر هو جارناتشو الراجل نزل وقت قليل عمل اسيست و كان ممكن يجيب جول و الفترة الجاية هيبدأ اساسي

*هنزلكم بوست نصايح كمان شوية ل GW 2*

#فانتازي
#بريميرليج

18/08/2024

الفرعون المصري محمد صلاح يصبح اكثر لاعب فى تاريخ البريميرليج تسجيلا فى المباريات الافتتاحية ❤️

18/08/2024

احلى صباح على كل حريفة الفانتازى ❤️

ان شاء على بعد نهاية الجولة هنزلكم تحليل تفصيلي ليها ماتش ماتش و فريق فريق هتعرف منه نقاط قوة و ضعف كل فرقة و اللاعيبة المهمة اللى نحط عنينا عليها الفترة الجاية .. استنوا البوست ده علشان هتستفادوا منه جدا فى تغييراتكم للجولة التانية

13/11/2023

صلاة الفجر يا شباب اثابكم الله .. و متنسوش اخواتنا فى فلسطين بالدعاء 🙏 🇵🇸

13/11/2023

💶💶
لاعيبة سعرها ارتفع:
Salah 13.0
Bowen 7.7
Saliba 5.4
Mykolenko 4.4
لاعيبة سعرها قل:
Maddison 7.9
Alvarez 7.1

لا تنسوا اخواننا فى فلسطين بالدعاء .. اللهم انصرهم على عدوهم و ثبتهم يارب العالمين 🙏

10/11/2023

💶💶

لاعيبة اسعارها زادت:

⬆ Son £9.7M
⬆ Saliba £5.3M
⬆ Dalot £5.0M
⬆ Raya £4.9M

لاعيبة اسعارها قلت:

⬇ Brownhill £4.7M

09/11/2023

https://youtube.com/-zh7xh7pv8f?si=K_LH73CyDYXTqmit

لينك قناتنا على يوتيوب ان شاء الله هنبدأ شغل عليها و هيكون فيه فيديو قبل الجولة و فيديو ملخص ما بعد الجولة و هتبقى مناسبه للباقة متقلقش 😂 ياريت تدعمونا ب subscribe ❤️

Share your videos with friends, family, and the world

09/11/2023

فى البداية ياريت ندعى كلنا لاهلنا فى فلسطين بالثبات و ان شاء الله ربنا ينصرهم و يقويهم 🙏

افضل كباتن للجولة ال 12 مضمونه و ديفرنشال:
الكباتن المضمونة:
١- هالاند ( تشيلسى A )

بلاش حد تخدعوا نتيجة ماتش تشيلسى و توتنهام لان الماتش اصلا كان غريب و احداثه غريبة و مش هتتكرر ان توتنهام من الدقيقة ٥٠ تقريبا تكون بتلعب ٩ لاعيبة و دفاع متقدم و مع ذلك عامله خطورة على تشيلسى و كانت قريبه انها تسجل كذا مرة ف ده يدل ان دفاع تشيلسى لسه فى اسوء حالاته و بيستقبلوا فرص كتير من كور ثابته و من العمق .. ف ده يخلى هالاند الاختيار الاول بالنسبالى ككباتن

٢- صلاح ( برينتفورد H ) :

صلاح هو اخطر لاعب فى ليفربول و المنظومة الهجومية كلها قايمه عليه هو سواء فى صناعة اللعب او التهديف و لو كان فيه توفيق كان على الاقل هيصنع قصاد لوتون تاون لكن نونيز كان له رأى تانى 😂 ف ده يخليه خيار كويس الجولة دى للكبتنه خصوصا انه هيلاعب برينتفورد فى الأنفيلد و دفاع برينتفورد مش احسن حاجة الموسم ده

٣- ساكا ( بيرنلى H ) :

زى ما قولت على صلاح هقول على ساكا .. ساكا هو اخطر لاعب فى منظومه ارسنال الهجومية و معاه ضربات الجزاء و رأيي ساكا لو سليم ف هو اختيار حلو اوى للكبتنه الجولة دى لانه هيلاعب بيرنلى اللى مصممه انها تلعب كورة مفتوحة و هجوميه و ده بيخليهم يستقبلوا اهداف زى الرز
📌📌 ساكا خرج مصاب قصاد اشبيلية فى الابطال و ارتيتا قال انها ضربة خفيفة بس متستبعدش انه ممكن يريح قصاد بيرنلى او ع الاقل ياخد دقايق قليلة

٤- سون ( ولفز A ) :

توتنهام هتبقى عايزه تعوض خسارة تشيلسى فى الماتش ده و سون بقاله كام جولة فى فورمة حلوة و هو الفينشر الاول فى الفريق خصوصا انه بيلعب معاجم ف اعتقد لو ماديسون جاهز هيبقى سون خيار حلو انك تكبتنه خصوصا بردو ان ولفرهامبتون دفاعها مش مستقر و بيستقبل فرص كتير

الكباتن الديفرنشال:

١- فيرجسون ( شيفلد H ) :

شيفلد اكتر فريق فى الدورى استقبل الفرص من العمق السنة دى و دفاعها من اسوء دفاعات الدورى حتى الان و اعتقد ان فيرجسون هو اللى هيبدأ اساسى لانه ملعبش غير حوالى ٢٥ دقيقة بس النهاردة قصاد اياكس فى اليوروباليج ف ده يخليه الخيار الديفرنشال الاول فى الجولة

٢- برونو فيرنانديز ( لوتون تاون H )

برونو هو الاكثر صناعة للفرص فى الدورى حتى الان و من اكتر اللاعيبة صناعه للفرص فى الدوريات الخمس الكبرى و لولا مستوى يونايتد كان زمان الراجل ده راح فى حته تانية و لكن .. بردو خيار ديفرنشال حلو للكبتنه الجولة دى خصوصا انهم هيلاعبوا لوتون تاون من اسوء الفرق فى الدورى فى اولد ترافورد و راجعين من خسارة قصاد كوبنهاجن و هيبقى عندهم دافع انهم يكسبوا و يركزوا اكتر فى الدورى لان موقفهم بقى صعب اوى فى الابطال

٣- واتكينز ( فولهام H ) :

عارف انك صبرت على واتكينز كتير بس الجولة دى اعتقد انه هيجيب نقط لانه بيلاعب فولهام فى الفيلا بارك و فولهام دفاعها مش احسن حاجة و بتستقبل فرص كتير ف اعتقد ان واتكينز خيار كويس بس هو تالت خيار فى الديفرنشال بعد فيرجسون و برونو