https://www.facebook.com/254655448409855/

افهم صح هتخس صح, Cairo (2026)

03/08/2025

النحافة

دايما المنتشر هو السمنة وزيادة الوزن
ودايما اللي بيعاني من النحافة دايما محسود ويقولوله يا بختك
طبعاً المفهوم ده غلط بالنسبالي النحافة اخطر من السمنة

هفهمك ليه
انت لما بتاكل فاست فود وزيوت مهدرجة وسكريات فأنت لازم تتخن
70% لازم هيزيد ف الوزن وده لأن بيحصل حاجة اسمها hypertrophy الخلايا الدهنية بتزيد ف الحجم
طب بالنسبة لل 30% من الناس اللي بتاكل ومش بتزيد ف الوزن
عاوز اقولك ده الاخطر
انت مش بتاكل اكل صحي ومش بتزيد ف الوزن ده لحاجتين اولاً
بيحصل hyper plasia
بمعني ان الخلايا الدهنية مش بتزيد ف الحجم دي بتزيد ف العدد
😕😕😕😕😕
ومش بيتكون دهون تحت الجلد الدهون بتتكون حول الاعضاء كبد بنكرياس
بتاكل فاست فود وسكريات الجلوكوز هتستخدمه ف الطاقة وكمان الدهون وده لأن معدل الايض عندك عالي بس للأسف فيه كمية عالية من الكوليسترول بتتراكم ف الجسم والجسم مش بيقدر يستخدم الكوليسترول لأنه مش مصدر للطاقة فبالتالي بيتراكم
عشان كدة هتلاقي ناس رفيعة كتير وفجاة اكتشف انه عنده سكر او دهون ع الكبد او وصل لمرحلة انه يجيله امراض القلب والجلطات

الوزن بس مش مقياس للصحة
اكلك واسلوب حياتك هما المقياس👌

اوعي تفرح وتقول انا باكل ومش بيبان عليا يبقي هاكل براحتي
الفرق بينك وبين اللي وزنه زايد
ان الوزن الزايد عارف انه ف مرحلة خطر وبيحاول
انما الرفيع بيكون فاكر ان صحته كويسة
وممكن تستغرب اكتر لو قلتلك ان اللي وزنه زايد فهو بيعيش اكتر من اللي عنده نحافة او سمنة او الوزن الطبيعي
لانه اكتر حد بيحاول ياكل صحي
https://www.webmd.com/diet/news/20090625/study-overweight-people-live-longer

النحافة في الرجال مرتبطة بالوفاة المبكرة بنسبة 100% وفي النساء بنسبة 140%
والسمنة بتزود فرص الوفاة المبكرة بنسبة 50%
https://www.ncbi.nlm.nih.gov/pubmed/18519281
يعني معني كدة النحافة اخطر من السمنة
وده لأن النحافة هتسبب ضعف المناعة وزيادة الالتهاب
وزيادة فرص هشاشة العظام والكسور
كمان مشاكل في الخصوبة
https://www.ncbi.nlm.nih.gov/pubmed/18842772
https://www.ncbi.nlm.nih.gov/pubmed/11256896
كمان الكلام ده بتأكيده منظمة الصحة العالمية
كمان النحافة بتؤدي لأمراض تانية منها ضعف العضلات

طب اية أسباب النحافة
-اضطرابات الأكل وفقدان الشهية العصبي
-فرط نشاط الغدة الدرقية
-الإضطرابات الهضمية زي عدم تحمل الجلوتين
-مرض السكر
-طفيليات او فيروسات
-السرطان
يبقي أول حاجة نعملها إنك تكشف وتحلل وتطمن إن مفيش أي سبب مرضي للنحافة ولو موجود سبب لازم يتعالج الاول.

طب بعد كدة اية الخطوة التانية
تبعد عن الناس اللي بتقولك تاكل مكرونة بشاميل ورز وسكر كتير وبيبسي وحلويات وشيبس وبيتزا
الناس دي تقطع علاقتك بيهم😁

انت بتعاني من النحافة يبقي هنشتغل علي نقطتين هنزود دهون تحت الجلد وهنزود كتلة عضلية
البيتزا والشيبس والكلام ده هيعمل دهون حشوية هينتهي الامر بيك وانت عندك سكر او قلب

اول خطوة هتعملها انك تحسب سعراتك وهتزود عليهم من 300 ل 500 كالوري ده هيكون في اول فترة
بعد كدة هتزود من 700 ل 1000
هتكون اتعودت علي الاكل

تاني نقطة
هتزود البروتين في اكلك
هتوصل من 1.5ل2جرام بروتين لكل كيلو جرام
يعني لو انت 50 كيلو
هتاخد من 75 ل 100 جرام بروتين
هتعتمد ع اسماك لحوم كبدة فراخ بيض جبنة قريش
وتقدر تضيف مكملات بروتين ودي هتكلم عنها بعد كدة
بس لو هتاخد خد بروتين مصل اللبن

-هتاكل 3 وجبات كبيرة وبينهم 3 وجبات صغيرة
-ممنوع تأجل وجبة الفطار
-ممنوع الصيام المتقطع
-هتاخد كمية عالي من الكاربوهيدرات والدهون

طب هتاكل ايه
- البروتين واتكلمنا عنه
-تاكل كمان
شوفان وبطاطا وبطاطس ورز بني
فول عدس فاصوليا بسلة
الكينوا. الجرانيولا
مكسرات كتير وخاصة اللوز والجوز
فول سوداني وزبدة فول سوداني
فاكهة مجففة زبيب تمر مشمش خوخ
لبن كامل الدسم
زبادي كامل الدسم
شيكولاتة دارك من اول 70%
لبن جوز الهند
الموز
زيت زيتون. زيت جوز هند. زيت افوكادو

-اهتم اوي اوي بالشوفان والبطاطا دول سحر لو عاوز تزود وزنك

-العب حديد من 3ل4 مرات ف الاسبوع

-ضيف التوابل كتير لأكلك

-متشربش ماء قبل الوجبة

-ضيف الكريمة للقهوة

-تنام كويس

-اللبن كمية عالية من بروتين مصل اللبن والكازين
-الأرز الكوب المطبوخ ب 143 كالوري فيه 43 جرام كارب
بس قلل منه لانك لو اكلته كتير هتضيف لجسمك كميات كبيرة من الزرنيخ وممكن يعمل تسمم كمان فيه فايتك اسيد هيأثر علي امتصاص الحديد والزنك
-المكسرات خليها كميات صغيرة بين الوجبات خاصة اللوز كبشة ايد هتديلك 7 جرام بروتين و18 جرام دهون
- اللحمة
الليوسين وكرياتين مهمين لبناء العضلات
وده افضل مكمل بروتين
وخد اللحمة اللي فيها دهون عشان تزود السعرات الحرارية اللي بتاكلها
-البطاطا البطاطس الشوفان الحنطة السوداء. الكينوا
الفول والعدس
دول لازم تاخد منهم مع كل وجبة
هتزود مخازن الجليكوجين في العضلات و الياف ونشا مقاوم هتظبط الهضم والبكتريا النافعة

-اسماك دهنية او زيتية
ماكريل تونة سالمون سردين
كميات بروتين عالية وكمان مهمة عشان الاوميجا3
السالمون مثلا 176 جرام فيه 34 جرام بروتين
4 جرام اونيجا3
350 كالوري

-فواكه مجففة
سعرات عالية وفيتامينات ومعادن ومضادات اكسدة عالية
ضيفها للزبادي والمكسرات وخدها بين الوجبات
مثلا كوباية زبادي وعليها لوز و شيكولاتة دارك ومشمش مجفف او زبيب والشوفان
دي وجبة مثالية لزيادة الوزن

-واحدة أفوكادو كبير حوالي 322 سعرة حرارية و 29 جرام من الدهون و 17 جرام من الألياف
وغنية بالفيتامينات والمعادن
خدها عصير وضيف ليها شيكولاتة دارك ومكسرات

-الشيكولاتة الدارك70%
100 جرام منها ب 600 كالوري تخيل
غير انها غنية بمضادات الاكسدة والماغنسيوم

-الجبن مصدرا جيدا للبروتين وغني بالدهون الصحية
وهيزود سعراتك

-البيض
حضرتك تاكل البيضة كاملة اوعي ترمي الصفار تاخد يوميا مش اقل من 3 بيضات
موضوع البيض ده مفهوش هزار🤨

-تطبخ بزيت زيتون او جوز هند او سمنة وزبدة بلدي او زيت افوكادو

واحد هيجي يقولي مش هقدر اكل كلده هقوله اتعامل بذكاء
بمعني خد 3 وجبات وبينهم ضيف 3 وجبات صغيرة زي زبادي بالشوفان بالمكسرات

اشرب عصاير طبيعية وخاصة الافوكادو وضيف ليه شيكولاته دارك ومكسرات وزبادي

بيض بالزبدة هتزود 50 كالوري
السلطة ضيف ليها معلقة زيت زيتون كدة ضيفت 80 كالوري
زبدة فول سوداني علي زبادي علي تفاح هتضيفلك اكتر من 200 كالوري

تاكل وانت بتتفرج علي التليفزيون
لان ده بيزود شهيتك بنسبة 14%

تاكل في اطباق كبيرة مش اطباق صغيرة هتخدع عقلك انك بتاكل كميات قليلة وهيزيد الجوع

اشرب سعراتك بمعني زود عصاير طبيعية وضيف ليها شيكولاتة دارك وبروتين مصل اللبن ومكسرات

الشمر النعناع الفلفل الاسود
القرفة الجنزبيل الكزبرة كل ده هيمنع الإنتفاخ اللي بتحس بيه وبيخليك متقدرش تكمل اكل لازم تضيفهم لأكلك مع كل وجبة
وبتسهل الهضم وانتاج الصفراء

المكملات اللي ممكن تستخدمها
النياسين نقصه بيسبب نقص الشهية
الزنك بيزود الشهية
زيت كبد الحوت
وفيه عشب قوي جدا بيزود الشهية هو إشنسا

01/08/2025

المانجا😍😍😍

فاكهة حجرية لان فيها بذرة كبيرة ف المنتصف

كوب من شرايح المانجو ب 165جرام ب 99كالوري
1.4جرام بروتين
24.7جرام كارب
0.6دهون
2.6جرام الياف
76% فيتامين C
20% نحاس
18% فوليك اسيد
10% فيتامين A. E
6% فيتامين K. B6
7% نياسين
6% بوتاسيوم
5% ريبوفلافون ومنجنيز و ثيامين و ماغنسيوم
كمان المانجا فيها كالسيوم وسيلينيوم وحديد

هنا نلاحظ رغم ان سعراتها قليلة لكنها مغذية جدا تقدر تعتبر من الفواكه السوبر

المانجا كمان غنية بالبوليفينول اهم مضادات الاكسدة ودي موجود منها ف المانجا 10انواع اهمها مانجيفيرين ، كاتيكين ، أنثوسيانين ، كيرسيتين ، كيمبفيرول ، رهامنيتين ، حمض البنزويك

ودي مهمة لانها بتحمي كل خلايا الجسم وبتحمي من علامات الشيخوخة والالتهاب والامراض المزمنة
اهم مضاد اكسدة ف المانجا هو مانجيفيرين وده مشهور جدا انه سوبر مضاد اكسدة بيحمي من السرطان وامراض السكر

كمان المانجا فيها كمية عالية من فيتامين C وده هيزود انتاج كريات الدم البيضا وهيزود مناعة الجسم
ويحسن دفاعات البشرة
كمان المانجا فيها حمض الفوليك وفيتامين ك وفيتامين هـ والعديد من فيتامينات ب ، ودي كمان تساعد في المناعة

ماغنسيوم وبوتاسيوم هتحافظ ع صحة القلب وتمنع انخفاض ضغط الدم
كمان مانجيفيرين وده بيحمي القلب من الامراض
وبيمنع الالتهاب والكوليسترول الضار
وبيحافظ ع صحة القلب

المانجا كمان فيها مجموعة انزيمات بتسمي الاميليز ودي بتساعد ف الهضم
وكل ما المانجو تكون ناضجة كل ما الانزيمات دي تكون كميتها كبيرة

كمان المانجا فيها الياف بتمنع الامساك والاسهال

كمان المانجا فيها لوتين وزيناكسين ودي مضادات اكسدة مهمة عشان تحافظ ع صحة العين
وكمان فيتامينA بيحافظ ع صحة العين وبيحسن الروءية
وفيتامينAوC. كمان بيحافظ ع صحة الشعر والبشرة
وبيساعد ف تكوين الكولاجين وده بيحافظ ع البشرة وبيمنع الترهل

المانجا كمان بتمنع السرطان وخاصة
القولون والرئة والبروستاتا والثدي

ع الرغم من ان المانجا مغذية جدا وغنية بالمواد الغذاءية المهمة للجسم وبتحمي من عدد كبير من الامراض لكن اهم حاجة الاعتدال ف اكلها
وزارة الزراعة الامريكية بتنصح يوميا من كوب ل اتنين في اليوم من شرايح المانجا مش اكتر من كدة
لان اغلب كمية الكاربوهيدرات ف المانجا من السكر

ودي نقطة مهمة للناس اللي بتقول انا بحسب سعرات مش مهم جودة الاكل
هنلاقي 3 كوب مانجا مثلا ب 300كالوري او اقل لكن في الحقيقة فيها حوالي 75جرام سكر ودي كمية كبيرة
المانجا مغذية جدا اوعي تمنعها بس تاكلها باعتدال

الناس بقي اللي بتاكل قشرة المانجا تجيلي هنا بقي ع جنب
معلومة علي السريع

قشرة المانجا فيها الياف
وفيتانين AوC وB6
وفيتامين E وبوتاسيوم
كمان فيها كاروتين وبوليفينول
لكن للاسف فيها مادة urushiol
ودي مادة سامة زي اللي موجودة ف اللبلاب السام
كمان فيها بقايا المبيدات الحشرية اللي بتضر الغدد الصماء وبتسبب السرطان

https://www.ncbi.nlm.nih.gov/pubmed/15701120

01/08/2025

نصائح في الحر

اهم نصيحة هي شرب الماء
تشرب ماية عشان تشرب مش عشان انك عطشان
اهتم جدا بالموز والافوكادو
خاصة الافوكادو مصدر للدهون الصحية لانك لازم في فترة الحر تقلل من الدهون في اللحوم والفراخ بقدر الامكان
الليمون لازم يوميا لانه غني بفيتامين سي وده هيحمي من الشمس
الليمون مهم جدا الفترة دى وكل ثمار الحمضيات زى البرتقال واليوسفي
الخيار مهم عشان غني بالماء وكمان الياف هتسهل الهضم
ماء جوز الهند غالي بس مهم عشان فيه كمية معادن رهيبة
هنقلل من اللحوم والفراخ ممكن كفترة مؤقتة تستبدلها بالبقوليات زى الفول والعدس وفول الصويا
التوت فيه مضادات اكسدة هيحمي من الشمس والسموم
البطيخ كويس لانه 90%ماء بس مش مصدر للمعادن
فاكهة لوحدها لا
فاكهة + خضار تبقي زى الفل
اعمل عصير فاكهة وخضار
الفاكهة هي مصدر للفيتامينات ومضادات الاكسدة
الخضار هو مصدر المعادن
حط في بالك المعادن اهم حاجة حاليا خاصة البوتاسيوم والماغنسيوم
اعمل عصير جرجير مع تفاح
او جرجير مع موز هتلاقي علي اليوتيوب وصفات كتيرة لعصير الفاكهة والخضار
قلل السكر بقدر الامكان
اشربي شاي نعناع او بابونج قبل النوم هيساعد علي الاسترخاء والترطيب
ممنوع تلعب رياضة والجو حر
حاول تقلل الخروج من الساعة ١٠ ل ٢ وممكن لغاية الساعة ٣
البس الوان غامقة ابعد تماما عن الليون الاصفر والابيض
والبس نضارة شمس وقبعة لو امكن
قسم وجباتك ل ٦ وجبات بلاش تاكل وجبة كبيرة
شاور بارد علي الاقل مرة يوميا وتنشف جسمك كويس
اقفل الستاير في البيت لو الشباك متعرض للشمس

01/08/2025

الحر

في درجات الحرارة العالية ممكن تتعرض لحاجة اسمها الاجهاد الحرارى
ودى اللي بتحس بيها بعد مشوار في الحر والشمس
بتحس بصداع وارهاق و اجهاد في العضلات
الجسم درجة حرارته بتزيد نتيجة عوامل كتير منها
فرط نشاط الغدة الدرقية
الجفاف وقلة شرب الماء بيخلي جسمك يقلل من العرق اللي بيساعد علي التبريد
كمان لو حصل عدوى
واهم العوامل هي الطقس الحر والتعرض المباشر للشمس
وده اللي يهمنا

في الحر لازم تحاول دايما انك تقلل من درجة حرارة جسمك
وفيه حاجات كتير تقدر تعملها
-حاول بلاش تبذل مجهود بدني عالي في الحر
-بلاش اللبس الضيق خلي لبسك واسع
--تحط قدمك في ماء بارد لمدة 20 دقيقة و يفضل كمان لو حطيت كام نقطة من زيت النعناع
-ماء جوز الهند
من المشروبات اللي هتمنع الجفاف وتديلك كمية كويسة من الفيتامينات والمعادن وده بينشط الجسم وبيمنع الاجهاد الحرارى
-النعناع
النعناع فيه منتول وده ليه خصائص تبريد
كمان لو هتشرب نعناع اشربه سخن مش بارد
المشروبات السخنة افضل في الحر لانها هتخلي جسمك يعرق وده هيقلل من درجة حرارة الجسم
-اهتم بالفواكه اللي فيها ماية كتير زى البطيخ والكنتالوب والخيار و الفراولة
-اهتم بتمارين التنفس لانها بتساعد علي تهدىة الجسم وتقليل درجة حرارة الجسم
-الالوفيرا او الصبار علي البشرة هيساعد علي التبريد
-اللبن الرايب
غني بالبروبيوتيك والمعادن والفيتامينات
ودى بتساعد علي استعادة طاقة الجسم وممكن تضيف ليه معلقة عسل
-قلل من الدهون والبروتينات وخاصة الدهون وقت الحر لان هضمها صعب وبياخد وقت اطول
-الشطة عكس المتوقع فهي كويسة وقت الحر
لانها بتزود التعرق من الجسم وده بيقلل درجة حرارة الجسم
-الحلبة
بتساعد علي ازالة السموم وزيادة العرق
وزى ما اتعلمنا كل ما زاد العرق كان افضل
-ولازم طبعا تشرب ماية كويس وتبعد عن الحر والشمس بقدر الامكان

31/07/2025

احتباس الماء ف الجسم

جسم الانسان بيتكون من 60%ماية
لما الجسم مش بيقدر يتخلص من الماية الزيادة ده بيكون احتباس الماء
وده هيعمل تضخم ف الجسم وخاصة ف الاطراف
وخاصة الرجل والكاحل وممكن كمان انتفاخ ف الوجه والبطن

طبعا احتباس الماء ده ليه اسباب كتيرة منها نقص البروتين. فقر الدم. نقص فيتامينات
انك تقف فترة طويلة او تقعد فترة طويلة
انظمة الدايت القاسية اللي بتقلل فيها اكلك جامد. وبتقلل الكارب والبروتين فبالتالي الجسم بيخزن الكارب وبيكسر البروتين ف العضلات واغلب الوزن اللي بتفقده بيكون ماية عشان كدة بترجع تزيد وزن اكبر بعد اي دايت قاسي
بالنسبة للنساء ف احتباس الماء ده ممكن يكون علامة علي خلل ف الهرمونات وكمان بتحصل اثناء البريود نتيجة طبعا تغير مستويات الاستروجين والبروجسترون وده بيكون احتباس وهمي لان الجسم بيرجع يفقد الكمية دي تاني
كمان ادوية الاكتءاب وضغط الدم بتزود احتباس المية
كمان اثناء الحمل. واستخدام حبوب منع الحمل بيزيد احتباس الماء
انا هتكلم عن الحاجات اللي ممكن تعملها تقلل احتباس الماء

اولا البوتاسيوم والصوديوم
لازم تزود البوتاسيوم ف اكلك زي السبانخ. البطاطا الموز. المكسرات. الافوكادو
كمان الماغنسيوم مهم وخاصة للنساء قبل البريود بيقلل الاحتباس هتلاقيه ف الخضار الشيكولاتة الدارك. المكسرات
وتزود كمان فيتامين ب6 مكسرات. لحمة. بطاطا
وتقلل بقدر الامكان الملح من اكلك
وزود السلطة ف اكلك. القرنبيط والكرنب والخيار والبقدونس دي مدرات للبول وهتاخد بوتاسيوم وماغنسيوم منها

تشرب من 8 ل 12 كوب ماء ف اليوم
اهتم اوي باللمون والبرتقال اغلب الحاجات اللي فيها فيتامين سي مدرات للبول
عصير الليمون وعصير التوت البري دي من مدرات البول هتزود عدد مرات التبول والكافين كمان من مدرات البول بس زيادة الكافين هيجيب نتيجة عكسية

ممكن تستخدم ادوية مدرات للبول بس انا مش بفضلها عشان بتعمل دوخة وممكن جفاف

الاسباب اللي قلتها دي كلها بسيطة بس تخلي بالك ممكن احتباس الماء ده نتيجة مشكلة كبيرة ف القلب او الكلي او اورام
بالنسبة للنساء لازم استشارة دكتور النسا لو السبب تغير ف الهرمونات
القراص من افضل الاعشاب لعلاج احتباس السواءل

احتباس الماء مش حاجة سهلة تستهين بيها دي لازم استشارة دكتور فيها لان احتمال يكون فيه مشكلة ف الكلية او الكبد او الهرمونات

29/07/2025

الماء

60% من جسم الانسان عبارة عن ماء
وده ليه دور مهم جدا لعمل الجسم وصحته
زي تنظيم درجة الحرارة
حماية الاعضاء والانسجة
اخراج الفضلات
الحفاظ ع المفاصل
ترطيب الجسم
بيمنع التعب وبيقلل الاجهاد
بيحافظ ع القولون وبيمنع الامساك
بيحسن وظائف المخ والذاكرة
بيمنع الصداع
بيحافظ ع ترطيب الجلد وبيحافظ ع البشرة
بيمنع تشنج العضلات
بيقلل خطر حصوات الكلي
بيقلل خطر السرطان وخاصة سرطان المستقيم والمثانة والقولون

طب المفروض تشرب كام
هتسمع كتير عن حكاية ال8اكواب ف اليوم
ودي بيسموها نظرية ال8*8

لكن فيه توصيات تانية عي عبارة عن 2.3لتر ماء للنساء
3.3لتر ماء للرجال
والناس اللي بتعيش ف اماكن حارة والرياضيين النسبة دي ممكن تزيد ل 4لتر
عامة الرياضيين بيفقدوا من 6ل10%ماء من وزن الجسم عن طريق العرق
فقدان 2% بس من وزن الجسم هيكون ليه تاثير كبير ع الاداء الرياضي
ولازم تعويض كميات الماء اللي فقدت
كمان نسبة المياة بتزيد للحامل
وتزيد اكتر كمان للمرضع لان بيزيد عندها فقد الماء عشان انتاج اللبن
كمان ف حالات الامساك والتهاب المسالك البولية و الحمي بتزيد كميات الماء

شرب الماء العادي مش بس المصدر للماء كمان بعض الاكل زي الخس والخيار والقهوة والشاي
القرنبيط البروكلي الكوسة كمان الخضروات زي البطيخ والشمام والجريب فروت
في الغالب 80% من الماء جاية من شرب الماء العادي
20%جاية من الاكل

شرب الماء كمان بيساعد ف تحسين معدل الايض وكمان بيساعد ف فقدان الوزن
https://www.ncbi.nlm.nih.gov/pubmed/14671205
https://www.ncbi.nlm.nih.gov/pmc/articles/PMC3809630/
شرب 2لتر يوميا بيساعد ع حرق 96كالوري ف اليوم
كمان الجسم هيستهلك سعرات اكتر عشان يوصل المياة لدرجة حرارة الجسم
شرب الماء قبل الوجبات بيساعد ع الشعور بالشبع
يمكن أن يسبب شرب الماء زيادة معتدلة ومؤقتة في عملية الأيض ، وشربه حوالي نصف ساعة قبل كل وجبة يمكن أن تجعلك تأكل سعرات حرارية أقل تلقائيًا. كل من هذه الآثار تسهم في فقدان الوزن.

نقطة كمان مهمة تسمم الماء
وده عبارة عن شرب كميات كبيرة من الماء ف وقت قصير
وده بيعمل انخفاض ف مستويات الصوديوم ف الجسم
ونقص الصوديوم دي حاجة خطيرة مش سهلة
فيه حالات حصلها وفاه نتيجة شرب من 6ل8لتر ماء ف وقت قليل حوالي بضع ساعات

28/07/2025

الاسنان و ازاي تحافظ عليها
الانسان عنده 32 سن (لو ضروس العقل موجودة)، والأسنان بتنقسم لـ:
قواطع (اللي قدام).
أنْياب (اللي جنبها).
ضروس أمامية وخلفية (للمضغ والطحن).

-تعمل ايه عشان تحافظ على اسنانك
فرّش مرتين في اليوم، الصبح وبالليل قبل النوم.
خيط الأسنان مرة في اليوم عشان يطلع الأكل بين السنان.
مضمضة مطهرة (لو فيه مشاكل في اللثة أو ريحة فم).
و ده بوست عن غسول الفم 👇🏻
https://www.facebook.com/share/p/1DkfqUaYwu/
-نصايح مهمة
استخدم فرشة ناعمة ومعجون فيه فلورايد و ده بوست عن معجون الاسنان 👇🏻
https://www.facebook.com/share/p/1CRohPqwYw/
قلل السكر والمشروبات الغازية.
اشرب مياه كتير طول اليوم.
ما تفتحش حاجة بأسنانك (زي الكانز أو الكيس).
كل حاجات تقوي السنان: بيض – سمك – خضار – جبنة.
ابعد عن التدخين خالص.
الكشف عند الطبيب كل 6 شهور حتى لو مفيش وجع، عشان تطمن على اللثة والأسنان.

ـ الاسئلة اللي ناس كتير بتسألها
التبييض بيضر؟ لو مش عند دكتور ممكن يضر المينا.
غسول الفم لوحده كفاية؟ لأ، لازم فرشة وخيط.
ضرس العقل لازم يتخلع؟ لأ، بس لو عامل مشاكل أو ضغط لازم كشف.

-الخلاصة
تفريش الأسنان+خيط الأسنان+مضمضة +تغيير فرشة الأسنان+كشف عند الطبيب =انت كدة بتحافظ على سنانك طول العمر👌🏻

27/07/2025

التين الشوكي

تخيلي فاكهة ما فيهاش سكر ؟! وحتى لو بتعمل دايت ممكن تاخد اتنين تلاته منها ؟!
والواحدة منها ب 45 سعر حراري
وفيها نص جرام دهون و جرام إلا ربع بروتين و10 جرام كارب أقل من جرام سكر و 4 جرام ألياف !
تخيل أنها كمان
- بتقوي العظام والأسنان عشان بتحتوي علي 58 ملي جرام كاليسوم
- تخيل فاكهة تساعدك علي فقدان الوزن لأن فيها سعرات قليلة وإلياف عالية
- بتساعد على تقوية المناعة لاحتوائها على فيتامين سي
- بتساعد علي تنظيم مستوي السكر في الدم لأن الألياف بتقلل سرعة امتصاص السكر وهي فاكهة غنية جدا بالألياف
- بتعالج تضخم البروستاتة وسرطان البروستاتة وتعالج قرحة المعدة
- فيها ربع احتياجك اليومي من فيتامين c يعني أربع وحدات تاخد احتياجك اليومي من فيتامين سي وفيتامين سي مسؤول عن النمو ونمو العظام واللتأم الجروح

27/07/2025

اتكلمت عن ناس شكلها يبان اصغر او اكبر من عمرها
دلوقتي هقولك على طرق تخلي شكلك أصغر من سنك

أولاً: العناية بالبشرة (الوجه هو أول حاجة بتبان)
غسل الوجه يوميًا بماء فاتر + غسول مناسب لنوع بشرتك.
ترطيب يومي (خصوصًا بعد الغسيل) – حتى لو بشرتك دهنية.
واقٍ من الشمس (SPF 30 على الأقل) قبل الخروج الصبح، حتى في الشتا.
تقشير البشرة 1–2 مرة في الأسبوع لإزالة الجلد الميت.
زيوت طبيعية مفيدة: زي زيت فيتامين E أو زيت بذور العنب قبل النوم.
ممنوع تنام وانت مرهق أو من غير غسيل وشك.

ثانياً: التغذية اللي تعكس شبابك
خضار وفواكه يوميًا (الفواكه باعتدال يكفي ثمرة في اليوم) – فيهم مضادات أكسدة بتقاوم التجاعيد.
أوميجا 3: من (الاسماك و كمان بذور الكتان والشيا والمكسرات)– يرطب البشرة ويقلل الالتهابات.
اشرب مياه كتير (2–3 لتر يوميًا) – ده سر من أسرار نضارة الوجه.
امنع السكر، المقليات، المشروبات الغازية – دول بيكبروا شكلك فعلًا.

ثالثاً: النوم السليم
نام 6–8 ساعات يوميًا.
نام بدري (قبل 12 بليل لو أمكن).
تجنب الموبايل قبل النوم بساعتين.
النوم الكافي بيخلي الجلد يتجدد ويخلي وشك منور.

رابعاً: النشاط البدني

حتى لو تمشية 20–30 دقيقة يوميًا.
تمرين مقاومة مرتين أسبوعيًا (زي الضغط، المعدة، أو مقاومة بسيطة).
التمارين بتحسّن الدورة الدموية وبتديك "glow" طبيعي في وشك.

خامساً: الحالة النفسية
تجنب القلق والتوتر المزمن.
اتكلم مع ناس بتحبهم – الضحك بيقلل التجاعيد وبيفتح الملامح.
مارس تأمل، ذكر، و شغل قرآن يوميًا.
القلق والاكتئاب بيحفروا خطوط في الوجه ويطفوا العين.

سادساً: الاهتمام بالمظهر
لبس نضيف ومرتب حتى لو بسيط.
نظّف سنانك واهتم بابتسامتك – دي بتصغّرك جدًا.
قصة شعر مناسبة وشكل دقن مظبوط = فرق ضخم في الشكل.
بلاش تتكاسل في التفاصيل الصغيرة، هي اللي بتديك الشكل "الصغير والمرتب".

مثال ليوم واحد من نمط الحياة ده:
تصحى تغسل وشك بماء فاتر، ترطيب خفيف.
تشرب كوب مياه دافي + معلقة زيت زيتون أو ليمون.
تمشية 20 دقيقة.
فطار فيه بيض + خضار + زيت زيتون أو سمن بلدي.
مياه على مدار اليوم.
وجبة واحدة أو اتنين صحية، نوم بدري.
ماسك طبيعي مرة في الأسبوع (زي عسل + زبادي + شوية كركم).

26/07/2025

ليه ساعات بنشوف ناس شكلها اكبر من عمرها و العكس
ايه الأسباب اللي ممكن تخلّي حد شكله أكبر أو أصغر من عمره الحقيقي

أولاً: العوامل البيولوجية (الوراثة والجينات)
الجينات بتلعب دور كبير، يعني ممكن تلاقي عيلة كاملة شكلهم بيبان أصغر أو أكبر من عمرهم
بعض الناس جيناتهم بتحافظ على نضارة الجلد وتأخير ظهور التجاعيد، والعكس صحيح.

ثانياً: أسلوب الحياة (نمط الحياة الصحي أو غير الصحي)
1. التغذية
اللي بياكل أكل صحي فيه بروتين طبيعي و خضار وفواكه وأوميجا 3، بيبان على بشرته وعينيه.
أما اللي بياكل سكريات ومقليات كتير، الجلد بيتهد بسرعة وبيبان عليه السن.
2. النوم
قلة النوم بتسبب هالات سوداء، إرهاق، شحوب.
النوم الكافي بيجدّد الخلايا وبيخلي الشكل حيوي.
3. التدخين والكحول
بيأثروا على الأوعية الدموية والجلد وبيسرّعوا الشيخوخة.
4. التعرض للشمس بدون حماية
بيكسر الكولاجين في الجلد وبيسبب تجاعيد مبكرة.

ثالثاً: الضغط النفسي والظروف الصعبة
اللي عاش حروب أو فقر أو مسؤوليات تقيلة ممكن يبان عليه السن بدري.
القلق والاكتئاب كمان بيأثروا على الملامح والنظرة في العين.

رابعاً: النشاط البدني
اللي بيتمرن دايمًا بيكون شكله أصغر وحيوي.
الرياضة بتحسن الدورة الدموية وتجدد الخلايا.

خامساً: الاهتمام بالشكل والمظهر
اللي بيهتم بنفسه (نظافة، ملابس، شعر، بشرة) بيبان أصغر حتى لو سنه كبير.
وفيه ناس مش بتهتم، فبتبان أكبر حتى لو سنها صغير.

سادساً: السمنة
السمنة فعلاً بتخلي الشكل يبان أكبر من العمر الحقيقي

أمثلة من الواقع
واحد عنده 40 سنة لكنه بياكل أكل صحي، بينام بدري، بيلعب رياضة، ما بيدخنش = شكله 30.
واحد تاني عنده 30 لكنه بيسهر، بيدخن، بياكل اكل غير صحي، عايش في قلق = شكله 45.

الخلاصة
اللي بيخلي الناس تبان أكبر أو أصغر من سنها هو خليط من الجينات + نمط الحياة + الحالة النفسية.
ممكن تتحكم في جزء كبير من ده وتغير شكلك تمامًا للأحسن.

25/07/2025

علاقة الزيوت النباتية المهدرجة بأنظمة اللوكارب

الاول بس يعني إيه "الزيوت المهدرجة"؟
الزيوت النباتية زي زيت الذرة، فول الصويا، دوار الشمس… لما بتتعرض لعملية اسمها الهدرجة (يعني بيضيفوا لها هيدروجين)، تتحول من زيت سائل لشبه صلب زي السمنة النباتي أو المارجرين.
وده بيخلق نوع خطير من الدهون اسمه "الدهون المتحولة" (Trans Fats).
ليه الزيوت دي ممنوعة "في العموم"؟
ـ ترفع الكوليسترول الضار (LDL) وتقلل النافع (HDL).
ـ بتسبب التهابات مزمنة في الجسم.
ـ بترفع خطر أمراض القلب، السكتات الدماغية، والسكري.
ـ بتؤثر على وظائف المخ والذاكرة.
ـ بتتراكم بسهولة في الخلايا وتسبب أكسدة ضارة.

* ليه بقى "ممنوعة أكتر" في الكيتو واللو كارب؟
لأنها بتأثر على الكيتوزيس مباشرة
وانظمة اللوكارب و الكيتو بيعتمدوا على دهون صحية لإنتاج طاقة من الكيتونات.
ـ الدهون المهدرجة بقى بتمنع الجسم من حرق الدهون كويس.
وبتعيق عمل الميتوكوندريا – وهي مركز إنتاج الطاقة.
يعني حتى لو كنت على لوكارب او كيتو، ممكن ما تدخلش في كيتوزيس قوي أو تخرج منه بسببها.
https://www.ncbi.nlm.nih.gov/pmc/articles/PMC6366403/

كمان الزيوت دي تؤدي لإلتهابات داخل الجسم
انظمة اللوكارب و الكيتو هدفهم تقليل الالتهاب.
الدهون المتحولة بتعمل العكس تمامًا، ترفع CRP والإنترلوكين 6 (مؤشرات الالتهاب).
وده يخلي الجسم يرجع يخزن دهون بدل ما يحرقها.

و كمان بتضغط على الكبد بشكل مباشر
الكبد مسؤول عن إنتاج الكيتونات.
الزيوت المهدرجة بترهق الكبد، وده يقلل قدرته على إنتاج الكيتونات.
https://www.ncbi.nlm.nih.gov/pmc/articles/PMC6140691/
و كمان بتبطّأ نزول الوزن
لأنها بتكبح عملية الحرق وبتزود مقاومة الإنسولين.
حتى في اللو كارب، الدهون المتحولة ممكن تمنع الجسم من استخدام الدهون كمصدر طاقة فعال.

البدائل الصحية في الكيتو واللو كارب
زيت الزيتون البكر.
زيت جوز الهند.
الزبدة الطبيعية.
السمن البلدي.
دهن المواشي (زي الشحم أو اللية).

حتى بعض الزيوت "النباتية" غير المهدرجة زي زيت الذرة ودوار الشمس، ممكن تكون غير مناسبة لأنظمة اللوكارب و للكيتو بسبب:
محتواها العالي من أوميجا-6 المؤكسدة. و سرعة تأكسدها عند الطبخ

افهم صح هتخس صح

03/08/2025

01/08/2025

01/08/2025

01/08/2025

31/07/2025

29/07/2025

28/07/2025

27/07/2025

27/07/2025

26/07/2025

25/07/2025

Address

Telephone

Website

Alerts

Shortcuts

Share

Category