03/09/2019
( الفرق بين أنواع الكاربوهيدرات) .
عندنا نوعين من الكارب(كارب بسيط - كارب معقد ).
يعنى ايه كارب بسيط ؟
يعنى سهل ان جسمك يهضمه معنى كده ايه ؟
مثلا لما تشرب بيبسى وينزل فى المعده فالمعده مش بتاخد مجهود علشان تمتص السكريات اللى جواه فبالتالى السكريات هتدخل مجرى الدم بسرعه جدا
ولما شربت السكريات بتاعتى ودخلت جوه المعده ايه اللى هيحصل ؟
معدل السكر بيعلى فى الدم فبيبعت إشاره للبنكرياس ويخليه يفرز انسولين بحجم السكريات اللى دخلت فى الدم
بعد كده بيبدا معدل السكر اللى فى الدم بينزل
فبالتالى هيحصلك هبوط وهتحس بالتعب
حاجه تانيه من عيوب الكارب البسيط انه بيعمل إفراز لهرمون الدوبامين.
-امثله للكارب البسيط (الحلويات -السكر الابيض... ).
فبالتالى النوع ده مش الانسب لامداد الجسم بالطاقه لفتره طويله
تانى حاجه يعنى ايه كارب معقد ؟
هو عكس الكارب البسيط
مثلا هتاكل شوفان الشوفان عالى فى اليافه
الالياف الالياف بتاخد مجهود من الامعاء علشان تتهضم
الجسم بيفضل يكسر فيها فبالتالى بعد ماتتكسر بتدخل الدم بشكل منتظم .
مثلا كلت 100 جم شوفان مش بيدخلو كلهم مجرى الدم مره واحده بتبدا جرام جرام يتكسر
فبتلاقى ان معدل السكر فى الدم عندك منتظم .
-امثله للكارب المعقد (الارز البنى -البطاطس -البطاطا-الشوفان..).
بالتالى النوع ده من الكارب المعقد مناسب اكتر لامداد الجسم بالطاقه لفتره طويله
