أولادنا

أولادنا Contact information, map and directions, contact form, opening hours, services, ratings, photos, videos and announcements from أولادنا, Coach, القليوبية, Cairo.

مركز أولادنا هو مكان شامل لتقديم مجموعة من الخدمات لأولادنا (التخاطب والمشكلات اللغوية وعلاج اللدغات_تنمية المهارات - علاج صعوبات التعلم -التدخل المناسب مع المشكلات السلوكية للأطفال والمراهقين -جلسات للأرشاد الأسرى _اختبارات وتقييمات نفسية

15/03/2026

أيهما أفضل مدح الذكاء أو أم مدح المجهود؟

25/12/2025

السنوات الأولى حاسمة للتطور العاطفى واى نقص في التفاعل مع الطفل قد يخلف آثاراً تمتد لسنوات

24/12/2025

الفيديو ده مهم جداً تشوفوه لانه بيفرق في حياة الأطفال خصوصاً في المراحل العمرية الاولى (بلاش تيلفون وتفاعلوا مع ولادكم رجاءا عشان مستقبلهم 🙏)

21/12/2025

لو ابنك بيتعرض للتنمر ومش بيعرف يتصرف في المواقف المختلفة ، كل اللى عليك انك تشتغل على دعمه من الداخل تديلة كل احتياجاته ، تطمنه ، كل ما تشتغل على نفسيته كل ما هيكون أكثر اتزانا لما يتعرض لمواقف الحياة المختلفة ومش هيتأثر بيها ولو اتأثر هيكون بقدر خفيف مش حاجه تكسرة أو تحطمة
اشتغلوا على نفسية ولادكم عشان يعرفوا يحموا نفسهم من أمراض الناس والمجتمع

الأبراكسيا:فيه أطفال كتير… لما تيجي تسمعهم، تحس إنهم عايزين يتكلموا، عايزين يقولوا الكلمة اللي في دماغهم، بس الكلام مش ب...
03/11/2025

الأبراكسيا:
فيه أطفال كتير… لما تيجي تسمعهم، تحس إنهم عايزين يتكلموا، عايزين يقولوا الكلمة اللي في دماغهم، بس الكلام مش بيطلع زي ما هما عايزين.
تلاقيه يقول “ما... با...” بدل “ماما”
مش لأنه مش عارف يقولها… لكن لأن المخ مش قادر ينسق الحركات اللي تخليه ينطقها صح.

ده بالضبط اللي بنسميه الأبراكسيا (Apraxia) — صعوبة في حركة الفم واللسان المطلوبة للكلام، مش بسبب ضعف في العضلات، لكن بسبب إن المخ مش بيقدر يبعث أوامر دقيقة ومنظمة للحركات دي.

الطفل عارف هو عايز يقول إيه، بس الطريق بين الفكرة والكلمة مش واضح كفاية.
عشان كده محتاج تدريب وتكرار وصبر... تدريب يخلي المخ يتعلم من جديد إزاي يبرمج الحركات دي صح.

ومع الوقت، ومع الجلسات المنتظمة، تبدأ الكلمات تطلع أوضح، ويبدأ صوته يُسمع ❤️

🎯 الأبراكسيا مش نهاية الطريق... دي بداية مشوار محتاج دعم وفهم وصبر.

23/05/2025

طفلي شخصيته ضعيفة، بيخاف، بيرضي غيره بسرعة، وبيكدب أحيانًا… أعمل إيه؟
دي مشكلة بتيجي كتير في السن ده، وبتكون نتيجة لعدم الثقة، الخوف من الرفض، أو عدم التعود على التعبير عن النفس.
الطفل مش ضعيف… هو بس محتاج يتشاف ويتسمع ويتشجّع.

نصائح سريعة:
• اسمعه باهتمام وخليه يحكي بحرية
• شجعه يختار ويقرر في حاجات بسيطة
• علمه يقول "لأ" بأسلوب محترم
• ما تهاجموش لو كدب… اسأله: "كنت خايف؟ إحنا هنا نسمعك"
• كافئ كل مرة يعبر فيها عن نفسه
ومع الوقت، شخصيته هتقوى… وهتشوف فرق كبير.
#التربية

10 نصائح ذهبية للتعامل مع الطفل الحساسلأن الطفل الحساس مش ضعيف... هو طفل قلبه واسع، بيحسّ كل حاجة بزيادة، وبيحتاج مننا ر...
11/05/2025

10 نصائح ذهبية للتعامل مع الطفل الحساس
لأن الطفل الحساس مش ضعيف... هو طفل قلبه واسع، بيحسّ كل حاجة بزيادة، وبيحتاج مننا رعاية مختلفة.
في مركز أولادنا للتخاطب وتنمية المهارات، بنقابل أطفال حساسين يوميًا، ودي أهم النصائح اللي بنقدّمها دايمًا للأهالي:

اسمعه كويس قبل ما ترد
الطفل الحساس بيحتاج يشعر إن مشاعره مهمة ومتفهومة قبل أي توجيه أو تصحيح.

اوعى تسخر من دموعه أو خوفه
كل مشاعره حقيقية، حتى لو إحنا شايفينها "بسيطة".

علمه يتكلم عن مشاعره بالكلمات
"أنا زعلان"، "أنا متضايق"، "أنا محتاج حضن"… علّمه يعبّر.

ابنِ بينك وبينه علاقة أمان
خليه دايمًا يحس إنك المكان اللي بيرجع له وقت التوتر.

تقبل تقلباته المزاجية
الطفل الحساس ممكن يبكي من أقل حاجة… وده طبيعي جدًا.

ادعمه وقت الفشل، بدل ما تلومه
كلمة "أنا فخور بيك إنك حاولت" أحيانًا بتكون أقوى من أي تصحيح.

علمه أدوات تنظيم الذات
زي التنفس العميق، والرسم، أو ركن هادي يلجأ له وقت الانفعال.

قلل من النقد المباشر
وحاول دايمًا توصل المعلومة بأسلوب إيجابي يشجعه مش يكسفه.

ساعده يفهم الفرق بين الحساسية والتسامح
مش لازم يقول "آسف" كل شوية أو يرضى على حساب نفسه.

احتفل بصفاته الحلوة
زي التعاطف، واللطف، والذكاء العاطفي… لأنها نقاط قوته الحقيقية!

من أكثر المشاكل اللى بتعدى عليا فى الشغل هى شكوى الأمهات من إن إبنهم عنيد ومش بيكونوا عارفين يتعاملوا معاه ازاى عشان كدا...
22/04/2025

من أكثر المشاكل اللى بتعدى عليا فى الشغل هى شكوى الأمهات من إن إبنهم عنيد ومش بيكونوا عارفين يتعاملوا معاه ازاى عشان كدا فى البوست ده هاتكلم عن أفضل 10 نصائح للتعامل مع الطفل العنيد:

الهدوء هو السر:
رد الفعل العصبي بيخلي الطفل يزيد عناد! كل ما كنت هادي… كل ما قدرت توصل له أسرع.

اختيارات مش أوامر:
بدل ما تقول "البس دلوقتي!"… جرب: "تحب تلبس التيشيرت الأزرق ولا الأحمر؟"
العنيد يحب يحس إنه بيختار.

افهم "ليه؟":
أوقات العناد بيكون تعبير عن احتياج مش مفهوم… جوع؟ توتر؟ تعب؟ محتاج حضن؟ اسأل نفسك قبل ما تعاقب.

الثبات في القواعد مهم:
ما تغيرش كلامك كل شوية… الطفل بيختبرك. الثبات بيخليه يحس بالأمان.

اسمعه بجد:
حتى لو بيقول حاجة مش منطقية، خليه يحس إن صوته مسموع… ده بيفرّق كتير في التقبل.

اللعب وسيلة مش ضغط:
دخل اللي عايزه يحصل في لعبة: "يلا نلبس بسرعة ونعمل سباق مين يوصل الباب الأول
اللعب يقلل المقاومة.

اديه وقت قبل التغيير:
الطفل مش بيحب التغييرات المفاجئة… قلّه: "قدامك 5 دقايق ونقفل التلفزيون"

كافئ السلوك الكويس بصوتك:
مش لازم هدية، أحيانًا كلمة زي "أنا فخور بيك" بتعمل فرق كبير!

العناد مش عيب... دي شخصية محتاجة توجيه:
طفلك مش بيتمرد، هو بس عنده إرادة… ومعاك، هيتعلم يستخدمها صح.

ما تنساش تحضنه:
في وقت الزعل، أو بعد لحظة عناد، الحضن بيكسر الحاجز ويفتح باب التواصل من أول وجديد.
لو حابين اكتب نصائح عن سلوكيات معينه اكتبولى هنا 👇

العياط مش دايماً الحل.. نتعامل معاه إزاي؟ الطفل بيستعمل العياط عشان يعبّر عن إحتياجه، ده طبيعي.. بس لما الموضوع بيزيد وك...
13/04/2025

العياط مش دايماً الحل.. نتعامل معاه إزاي؟

الطفل بيستعمل العياط عشان يعبّر عن إحتياجه، ده طبيعي..
بس لما الموضوع بيزيد وكل حاجة بتبقى بالصراخ والعويل، هنا ممكن نكون بنعلّمه عادات مش كويسة هتأثر عليه دلوقتي وبعدين.

ودى بعض المشاكل اللى بتحصل لو ربيناه إنه
ياخد كل حاجة بالبكاء:

هيتعود إن العياط هو اللي يخلّيه ياخد اللى هو عايزه

مش هيتحمل أي رفض أو تأخير بفى أى حاجة

هيستغلك عاطفياً ويضغط عليك دايما بالطريقة دى

إزاي نتصرف من غير ما نزعق أو نستسلم؟
١. خد نفسك.. وابقى هادئ
٢. قدر مشاعره بس متسيبش له الحاجة كده
٣. حاول تدي بديل
٤. متتراجعش بعد ما تقول "لأ"

كلمة أخيرة 💙
الطفل اللي بيحس إنك سامعه وفاهمه، حتى لو رفضت طلبه، هيتعلّم إن المشاعر مش بالصراخ.. حضن وبساطة هتقوله إنك موجود جنبه، وده أهم من أي حاجة!

التربية مش سهلة، بس دي أجمل استثمار 🌹🌹

التوحد والتأخر في الكلام
10/04/2025

التوحد والتأخر في الكلام

Address

القليوبية
Cairo
11828

Website

Alerts

Be the first to know and let us send you an email when أولادنا posts news and promotions. Your email address will not be used for any other purpose, and you can unsubscribe at any time.

Shortcuts

Share

Category