07/08/2026
السباحة مش بس رياضة… دي حكاية عمر! 🏊♂️💭
فيه طفل بيصحى من بدري، والبرد لسه ساكن في عظامه، بس بيقوم…
مش عشان حد صاحيه، لأ… عشان هو عنده "تمرين".
وفيه أم بتصحى قبله، تحضّره وتدفّيه وتشجّعه… وهي أصلًا مش بتنام كويس من كتر القلق عليه.
فيه سباح بيرجع من التمرين جسمه واجعه، بس بيحس إنه "أنجز".
وفيه ولي أمر واقف وراه، بيصرف، وبيشيل، وبيتحمّل، بس مش بيشتكي.
فيه ميدالية الناس بتشوفها معدن…
بس الحقيقة، الميدالية دي متعلقة على دموع… على تعب… على وقت اتاخد من الطفولة واتزرع مكانه حلم كبير.
🎖️كل سباح ناجح… وراه جيش!
وأول فرد في الجيش ده؟ "الأم"!
اللي بتوصل، وتستنى بالساعات، وتهتف باسمه كأنه بطل العالم.
وعلشان كده…
لما تشوف سبّاح بيتكرم، افتكروا اللي وراه.
قولوا "برافو" كمان لأهله، مش بس عليه.
السباحة مش مجهود فردي…
دي بطولة بتتكتب بأكتر من إيد، وبأكتر من قلب.
