Coach. Mostafa Ali

16/04/2025

قريبا ..
#الورشة

12/04/2025

ممكن أسألكم سؤال كده:
إمتى آخر مرة وقفت مع نفسك؟ مش وقفة قدام المرايا .. لا وقفة جواك؟

طب عارف لما تكتشف بعد يوم طويل إن في بقعة على هدومك ومحدش قالك؟
أهو ده نفس الإحساس اللي بيجيلك لما تبدأ تواجه نفسك... بس الفرق إن البقعة دي جواك، ومش حد هيشوفها غيرك.

مراجعة النفس مش معناها إنك وحش، ولا إنك بتجلد ذاتك...
بالعكس، دي أكتر حاجة بتثبت إنك بني آدم عايز يتغير ويكون أحسن.

زي ما بننضف البيت علشان نرتاح، لازم ننضف جوا نفسنا علشان نحس بالفرق.

وأيوة .. الموضوع مش سهل... بس كل مرة هتواجه حاجة صغيرة، هتلاقي نفسك أخف وأريح

فكر فيها كده:
هتبدأ تشيل التراب النهارده؟ ولا هتفضل تأجل وترميه تحت السجادة لحد ما الدنيا تتراكم؟"

#الورشة


#الكوتش

29/10/2024

يعني ايه "التقدير" بالنسبالك ؟



Coach. Mostafa Ali
life coach
relationship coach
NLP trainer

12/10/2024

لحظات الإِنسحاب من أي علاقة مهما كان مسماها هي الأَقسى على الإِطلاق ..

إِدراكك أن الأُمور خلاص كده انتهت ,
الكَلام اللي اتقال معناه إِنه مفيش أَمل وإِنك وقعت في اختيار خاطِيء قد يضاف لقائمة اختيارات طويلة كلها خاطئة ,

بعد إِنهاء الأُمور , هتعيش فترة طالت أو قصرت بِحاجة إِلى التعافي من طُموحاتك الوهمية ,
واصطدامك بِواقع كُنت بتتفاداه بكل الطرق ,
ومن الكلام اللي اتقال ,

واللي ممكن يزود المشكله ثقتك في شخص جديد فيخذلك وأنت حاكيله عن كل اللي خذلوك ومكنش ينفع يبقى زيهم ,
ويزود القايمة الطويلة اللي هي مش ناقصة اصلا

اهم ما في مرحلة الانسحاب هو ادارك طبيعة المرحلة بكل تحولاتعا ومطباتها ,
ادراكك ومعرفتك باللي بيحصل جواك من اختلاط مشاعر وتضاربها وتنافضتها ,
ودي بتكون أول خطوة .. ,
الخطوة الأولى للتعافي ,
وبلاش استعجال

Coach. Mostafa Ali
life coach
relationship coach
NLP trainer

07/10/2024

لو انت من الناس اللي مبتعرفش تقولا ( لأ ) يبقى البوست ده ليك

عمرك سألت نفسك ليه مبتقدرش تقول ( لأ ) ؟
طيب فكرت انك ممكن تحس بالذنب لو قولت ( لأ ) ؟

تعالى اقولك ده بيحصل معاك ليه ..

في مجموعة من المخاوف ممكن تكون واحدة منهم أو كلهم مجتمعين السبب الرئيسي ورا كده ومن اهمهم :

1️⃣ الخوف من أن يتم التخلي عنك
2️⃣ الخوف من خسارة الآخرين أو من زعلهم
3️⃣ الرغبة في الاندماج مع الجميع
4️⃣ الاعتقاد أن كده هتحصل على الحب من الجميع
5️⃣ الاعتقاد بأن ملكش الحق تقول ( لأ ) اصلا

لو لقيت واحدة من النقط سواء المخاوف أو المعتقدات دي او كلها السبب الرئيسي في انك مبتقدرش تقول لأ ,
يبقي هما لازم تسأل نفسك بصراحة هو ليه انا بخاف , وهل خوفي حقيقي فعلا !؟
ولو معتقدات طب ايه سبب وجودها !؟

ولما توصل للاجابه وقتها ممكن تبطل ,
وتبدأ تقول( لأ )


Coach. Mostafa Ali
life coach
relationship coach
NLP trainer

03/10/2024

29/09/2024

كام مره حسيت أن طاقتك مسحوبة منك وخلصانة ؟

اوقات كتير بيهاجمنا احساس أن طاقتنا مسحوبة بس مش بنبقى عارفين سببه ولا بدايته ,

السر هنا في دايرة علاقاتك ,
أو بمعني أدق وتحديدا الدايرة السامة ,

لو الأشخاص دول موجودين في دايرة علاقاتك :
( الشكاك - الاتكالي - الاستغلالي - المتطفل - السلبي )

اتأكد على طول أنهم السبب المباشر في سحب الطاقة منك ,

وبالتالي لازم تاخد خطوتين مهمين على الترتيب :

الاولى .. زيادة مناعتك النفسية

الثانية .. تحجيم علاقتك بيهم وإبعادهم عن دايره علاقاتك الاساسية
"في حالة عدم قدرتك لابتعادك عنهم لسبب أو لآخر"


Coach. Mostafa Ali
life coach
relationship coach
NLP trainer

15/09/2024

امور مش هتحصل عليها في يوم وليلة ..,
- التعافي من الصدمات ,
- تغيير عقليتك ومعتقداتك وأسلوب تفكيرك ,
- التخطي والتعافي من الم الانفصال أو فقد شخص عزيز ,

كل حاجة من دول محتاجة رحلة اسمها رحلة التعافي ,
وبيكون ليها بداية ومراحل ومحطات بتتم بناء على بلان واستراتيجية محدده ,

وطبعا الرحلة ومدتها بتفرق من شخص لشخص ,
على حسب استعدادة لمساعدة نفسه ,
وقوة إرادته ,
ومدي استقباله ,
ومعايير تانية بتتحدد على حسب الفروق الفردية ,

"التعافي رحلة وليس محطة أو وجهه"

يومكم جميل



Coach. Mostafa Ali
life coach
relationship coach
NLP trainer

14/07/2024

سر الشنطه ..!
كل حد فينا عنده شنطه بتمثل حاجة مهمة في حياته ممكن تسهل عليه مشواره وممكن تبقى عبئ عليه
واللي بيحدد ده هو صاحب الشنطة
معايا ومعاكم في كوباية شاي مع مصطفى الدكتورة Maha Hussein مها حسين علشان نفتح الشنطة ونعرف سرها

Maha Hussein مها حسين & Mostafa Ali