Andrew I The Awakening Coach

10/01/2026

عمرك سألت نفسك
ليه زعلان إنك مهتم… وهو مش مهتم زيك؟
خليني أقولك حاجة يمكن توجع شوية
عتابك ليه
مش رسالة ليه
دي رسالة منك… ليك
رسالة بتقول
إنك سايب نفسك
وبتجري ورا اللي مش شايفك
ربنا قال في القرآن
"ولا تمدن عينيك إلى ما متعنا به أزواجًا منهم"
يعني ما تستهلكش روحك
وأنت باصص في حياة وقلوب غيرك
وفي الكتاب المقدس مكتوب
"تحب قريبك كنفسك"
مش أكتر من نفسك
ومش على حساب نفسك
أنت لما تطلب اهتمام زيادة
من شخص مش قادر يديه
أنت كده بتعاقب نفسك
مش بتصححه
وبرضه مكتوب
"فوق كل تحفظ، احفظ قلبك"
لأن مش كل الناس
تنفع تدخل القلب
الحب مش استعطاف
والاهتمام مش طلب
اللي عايزك
هيحس بيك من غير ما تشرح
فلو لقيت نفسك بتعاتب كتير
وقف
وابص جواك
يمكن اللي محتاج الاهتمام… أنت ✨🤍

Andrew I The Awakening Coach

05/01/2026

كان فاكر إن كل حاجة تمام…
مافيش مشاكل كبيرة،
مافيش قرارات مستعجلة،
وكل اللي موجوع شوية يتحط على جنب لحد “وقت أنسب”.
لحد ما دخلت 2026.
مرة واحدة
الحاجات اللي كان مغمض عينيه عنها
طلعت قدامه…
كلام متقالش
مشاعر متدفنة
اختيارات اتأجلت سنين.
حاول يهرب.
قال: مش وقته.
بس السنة دي ماكانتشي بتقبل الهروب.
كل ما تجاهل
الضغط زاد.
كل ما أجل
المطب كبر.
وفي لحظة صدق
فهم الحقيقة:
اللي طالع على السطح
مش طالع علشان يكسّره…
طالع علشان ينضّفه.
وقف.
واجه.
اتعامل.
خسر حاجات…
بس كسب نفسه.
وعدّى.
2026 ماكانتشي نهاية
كانت بوابة.
يا تدخلها شجاع
وتطلع مستوى أعلى
يا تلف وترجع لنفس النقطة.
السؤال دلوقتي:
إنت هتعمل زيّه…
ولا لسه مستني تهرب؟ 👀🔥

Andrew I The Awakening Coach

04/01/2026

من كام سنة
كان في شخص بيحلم بحاجة كبيرة
كتبها
دعا بيها
وقعد مستنيها تحصل
وفجأة…
الدنيا قلبت عليه
مشاكل من كل اتجاه
ضغط
مواقف غريبة
ناس كانت قريبة ومشيت
افتكر إن ده فشل
وإن حلمه كان أكبر منه
بس الحقيقة؟
ده كان أول درس
لأن كل نية بتحطّها
وكل هدف بتطلبه
الحياة بتسمع
وتبدأ تجهّزك له
والجاهزية دي
مش بتيجي من غير سعي
ولا من غير مواقف
تحتاج منك ردّة فعل
كل موقف صعب
مش عقاب
ده تدريب
ردّك
صبرك
واختياراتك
هي اللي بتقول
إنت قد اللي طلبته… ولا لسه
فمتزعلش من اللي بتمرّ بيه
إنت مش بتتأذى
إنت بتتجهّز
واللي جاي
على قد ثباتك دلوقتي
✨

Andrew I The Awakening Coach

29/12/2025

مساء الخير 🤍
حبيت أشارككم حاجة مهمة قبل نهاية السنة

يوم 31 / 12 / 2025 الساعة 1 ظهرًا
هيكون عندنا ورشة أونلاين اسمها
الأطوار السبعة

الورشة عن
إزاي نحط النية والهدف
مش من ضغط أو استعجال
لكن من فهم أعمق لحكمة الخلق
وتوقيت الحركة، الصبر، والترك

العدد محدود جدًا (10 أشخاص فقط)
علشان تكون التجربة أعمق والتفاعل حقيقي

اللي حاسس إن الوقت ده مناسب له
وحابب يعرف التفاصيل
يبعتلي رسالة ع الخاص 🌿

27/12/2025

24/12/2025

18/12/2025

Horrible ✨😮
هل أجدادنا توصلوا لل Lighting فى عصورهم زمان
تجربة لأحد العلماء لمشهد من معبد دندره العظيم المليان الأسرار
Credit Goes to: Guess with Diana

16/12/2025

لو حاسس إن الدنيا واقفة
وإنك بتصحى كل يوم في نفس النقطة
نفس التفكير
نفس الإحساس

ممكن المشكلة مش في الدنيا…
المشكلة إن فكرك واقف عند حدث معيّن

خسارة؟
خذلان؟
قرار ندمان عليه؟
كلمة وجعتك ولسه بتلف في دماغك؟

اسأل نفسك بصدق:
إيه الحدث اللي عقلي لسه عايش فيه ومش راضي يكمّل؟

أول ما تسميه…
هتعرف تتحرك.

مش لازم تنسى
بس لازم تبطل تعيش هناك.

Andrew I The Awakening Coach

13/12/2025

حسّيت بيها؟
ولا لسه؟

فيه حاجة غريبة بتحصل في عالمنا…
الوقت ده بالذات.
تغييرات سريعة، قرارات مفاجئة، ناس بتسيب حاجات كانت فاكرة إنها هتموت من غيرها.

الوعي بقى يخبط الباب.
مش بيستأذن.
مش بيشرح.
يا تدخل… يا تتكسر.

الغريب إن الموضوع مش على الناس العادية بس.
حتى مشاهير كبار
زي تامر حسني
زي محمد صلاح
وغيرهم كتير
تلاحظ تحوّلات… هدوء مختلف… كلام أعمق… اختيارات أغرب.

كأن فيه *صحوة روحية* بتحصل.
بس مش رومانسية زي ما الناس فاكرة.

الصحوة دي بتيجي بنوعين: – وعي وراحة لناس
– ألم وخسارة وارتباك لناس تانية

ليه؟
عشان اللي ماسك في القديم
الصحوة بتوجعه.
واللي مستعد
بتحرره.

العلاقات بتقع.
الشغل بيتغير.
الأقنعة بتقع.
والنفس اللي كنت بتهرب منها… بقت قدامك.

مش عقاب.
مش فوضى.
ده تنضيف.

مرحلة قديمة بتقفل
ومرحلة جديدة بتفتح
مرحلة فيها وعي أعلى
واختيارات أوضح
وحياة أقل زحمة… بس أصدق.

لو حاسس بتقل
أو حيرة
أو فقدان شغف
ممكن تكون مش ضايع…
ممكن تكون بتتغيّر.

السؤال مش:
“إيه اللي بيحصل؟”

السؤال الحقيقي:
هتقاوم؟
ولا هتستعد؟

Andrew I The Awakening Coach

13/12/2025

Andrew I The Awakening Coach