22/09/2022
* في التمانينات المقاولون العرب كان فريق قوي وكان عنده حارس مرمي منتخب الكاميرون أنطوان بل اللي تم اختياره حارس القرن في أفريقيا والمقاولين حقق الدوري موسم 82 _83 وفي نفس الموسمين المقاولين حقق بطوله كأس الكؤوس الافريقيه 82 و83 وبعدها الزمالك موسم 84 جاب الكوارشي لاعب منتخب غانا وواحد من أعظم المحترفين اللي دخلوا مصر وحقق الزمالك الدوري في 84 بعد غياب 6 سنين وحقق كمان لقب دوري ابطال افريقيا في نفس السنه
المهم بعد تألق محترفين المقاولين ومحترف الزمالك اتحاد الكوره وقتها طلع قرار بلايحه جديده ومنع الاحتراف فى مصر علشان الاهلي مش عارف يجيب محترفين كويسين وقتها ومشي أنطوان بيل ومشي الكوارشي وبعدها بكام موسم اتحاد الكوره عمل لايحه جديده وسمح بالمحترفين من جديد
* في فتره الجيل الذهبي لسه الزمالك كان عندنا اتنين محترفين اسمهم لامين وسوري كانوا حاجه فلته وقتها وكان الزمالك مكتسح السله راح اتحاد السله وقتها عمل لايحه ومنع الاحتراف وبعد ما مشي لعيبه الزمالك بكام موسم رجع وسمح بوجود محترفين تاني
نفس فضايح تفصيل اللوايح اللي بتحصل من كل الاتحادات حاليا في القدم والطايره والسله واليد حصل افجر منها قبل كدا وكله بيكون ضد الزمالك وخدمه الأهلي
* في الطايره الاهلي ليه كذا سنه مكتسح الطايره برا وجوه مفيش اي لايحه اتغيرت ولما الزمالك كسب دوري وكأس افتكروا تغيير اللوايح وافتكروا أن لازم يبقي محترف واحد ولمده سنه ويبقي الدوري مرتبط بدوري الناشئين في فجر غير مسبوق
* في السله الزمالك بعد ما رجع فاق في السله وحقق 2 دوري اخر 4 سنين وحقق البال الأولي افتكروا يخترعوا لايحه أن بطل الدوري مش من حقه غير أنه يعمل صفقه واحده بس ولو هيعمل صفقات غيرها يدفع 4 مليون رسوم لاتحاد السله علي كل صفقه وطبعا دي حاجه دمرت فريق الزمالك الموسم ده وعاقبته أنه بطل الدوري وأفريقيا وكافأت الأهلي اللي كان مركز رابع أنه عمل 4 صفقات دا غيرت سرقته لمدرب الزمالك لعدم وجود مجلس اداره
يعني في اليد بيفصلوا لوايح يحشروا الأهلي في اي بطولات وحدوا فتره رابطين الدوري المحترفين بدوري المرتبط ويلعبوا بطوله السوبر ف بلد زي النيجر ومحدش يشوفها ونفس البلد اللي لغت الاحتراف حاليا في الطايره هي البلد اللي الأهلي جايب 3 محترفين فيها في اليد سبحان الله
نفس الاتحادات دي اللي بتدعم الأهلي في اي هبل وضحكه رئيس اتحاد السله ماليه وشه ف تتويج الأهلي وتكشيرته ماليه وشه ف تتويج الزمالك
اتحاد القدم اللي ليه سنين بيخترع لوايح وقوانين تتطبق علي الفرق كلها معادا الأهلي واللي بيأجل للأهلي ماتشات بالمزاح و اللي بوظ احتفاليه الزمالك ورفض نزول زوجات اللعيبه وأطفالهم وعاقب لعيبه الزمالك بالايقاف واتحاد الطايره اللي العامري فاروق مسح بيهم الأرض وبعدها بيومين كانوا حاضرين تدريب الاهلي يدعموه واتحاد اليد اللي المتحكم الاول فيه حسن مصطفي اللي بيعزم الخطيب وحسن حمدي في قرعه كاس العالم اللي في مصر ويقول اصل رئيس الزمالك مش صاحبي وفي كاس العالم للانديه اللي مشارك فيها الزمالك يتبعت دعوه للخطيب وده كله كوم ووزير الرياضه كوم إللي حل مجلس الزمالك قبل اهم بطوله في تاريخنا ودمر فريقنا واللي في نفس الوقت بيجري يفتتح جراشات وحفلات طهور في الأهلي وبيروح لرئيس الأهلي البيت علشان يقنعه يلعب ماتش
من الاخر هو ده الوضع في مصر ولو انت مش شايف أن الزمالك عظيم وحاجه اعجازيه أنه بينافس وبيحقق بطولات رغم الفساد ده كله وأنه لسه موجود يبقي روح شجع فريق احمر أهو بياخد كل حاجه ع الجاهز وكل الدنيا بتخدمه
