Mai Gamal - مي جمال

05/10/2020

المسلسل الذي أساء للدين الاسلامي وفاز "بالجولدن جلوب"😐
هل أساء ؟ ام أظهر مشكلة حقيقية؟
أتمني يعجبكم ومستنية أرائكم الجميلة ❤

يدور أحداث المسلسل حول رامي نجل مهاجرين مصريين، يخوض تجربة روحانية مصيرية في حي “نيو جيرسي”، ما بين مجتمعه المسلم، و...

23/09/2020

مساء الخير 😄
أتفاجأت الفترة الاخيرة أن في ناس كتير متعرفش أن عندي قناه علي اليوتيوب 😅
دي القناة بتاعتي بعمل عليها ريفيوهات لأهم الكتب العالمية والعربية
وبعمل ريفيوا عن أفلام أثرت فيا نفسيا .
هكون مبسوطة جدا لو أنضم مجموعة جديدة للقناة وتابعتوني عليها وهكون مبسوطة أكتر بتعليقاتكم الجميلة ♥️
لينك القناة : https://www.youtube.com/c/MaiGamal

08/09/2020

في مشهد في فيلم " Get Out " اللي هو تنويم البطل بالايحاح لمعرفة ما بداخلة والسيطرة علية من نقطة ضعفة .
الحقيقة المشهد دا كان عبقري والممثل " Daniel Kaluuya " قدمة بشكل خرافي ولكن المشهد دا أتكرر مع كذا شخصية في الفيلم وهو ثبات الوجة والملامح والعضلات وكأنها في حالة ثبات وغير معبرة عن الحالة الداخلية للشخص ولكن العين بتحكي كل حاجة .
بالرغم من ثبات عضلات الوش في موقف أنفعالي زي اللي في المشهد الا أن العين كانت بتعبر عن صرخة الأم داخلية كبيرة وعميقة جدا والممثل قدر يوصلي دا بدون اي حركة ..
المشهد دا بيتكرر قدامي بشكل كبير .

مفيش حد فينا مامرش بأزمة نفسية سابت أثر جوه ..
أما فقدان شخص عزيز وأما فشل علاقة مكانش عاوزها تنتهي أما خيانة من حد كنا بنثق فية جدا أو خذلان كبير من أشخاص او من مجتمع أو من ظروف أو مرض أكل من روحنا أو فشل في شغلنا أو معاملة سيئة حجات كتير اووي ممكن تسبب أزمة نفسية لحد فينا .
المشكلة أن كل واحد فينا بيفتكر أن هو الوحيد اللي عندة الأزمة دي ميعرفش ان العالم كلة بيعاني بأزمة مشابهة بس مختلفة بسب أختلاف الظروف .

الناس أنواع ..

في نوع بيكتم الازمة دي جواه وبيعمل نفسة مش شايفها وخصوصا لو كان كاتمها من هو طفل مثلا لكن مع أول خبطة عليها الجرح بيتفتح تاني والشخص بيظهرعلية نفس أعراض أول مرة أتعرض فيها للالم دا . زي ما حصل لبطل الفيلم .

وفي نوع بيحاول يلهي نفسة من الوجع ويفضل يشغل نفسة باي حاجة وكل حاجة خروج أكل فسح سفر ضحك علي أي حاجة وأتفه حاجة دخول في علاقات مستمرة مش بيحب يكون لوحدة عشان الوجع ميتملكش منة ويضعف .

وفية نوع بيفضل طول الوقت حاسس بالذنب حتي لو مكانش هو السبب في الالم بس عشان هو شخص مسئول وحساس بيلوم نفسة علي انة طرف في المشكلة دي وأنة لو كان عمل حاجة معينة مكانش الموضوع حصل ..الناس دي بتفضل تتحمل أزاي وتصرفات الناس البايخة ويفضل يوصل اي خيط ممكن الأطراف التانية تقطعة لمجرد أنة مش عاوز يتحمل أنة يكون طرف أو سبب حتي لو صغير في أنهاء أي مشكلة أو موضوع حتي لو دا مسبب لية أزمة شخصية فا بيفضل عايش بعقدة " يمكن " ودا بيفضل طول الوقت تعبان . مع شوية تخبط في أفعالة اللي بيندم عليها طول الوقت .

مشكلة الانواع دي من البشر واحدة بس الظروف مختلفة فا شعورهم بالالم مختلف علي حسب شخصيتهم بس الحاجة الوحيدة اللي مشتركين فيها هي "عيونهم "

عيونهم هي الصرخة الداخلية اللي بتعبر عن مدي ألأمهم الداخلي مهما يضحكوا ويفرحوا وينجحوا الا أن عيونهم بتعبر عن كل اللي جواهم .. عيونهم مفهاش روح مش بتلمع عملة زي عين السمكة وهي ميته فيها دموع كتير بس متجمدة تعابير وشهم بتضحك وفيها أنفعالات بس عينهم ثابتة من الوجع .

الاشخاص دول ممكن يكونو بيدارو وجعهم بس بيجي وقت حد بيدوس علي الجرح دا بتلاقي عينهم بتصرخ بيعيطوا من غير اي أنفعالات في الوش او لحركة الجسم .. عاوزين يقولوا حاجة بس وجعهم بيكون أكبر من الكلام .

فية بقي نوع تاني ودا نادر شوية هو بيحصل لية بردة حالة من حالات الألم وبتكون شديدة بس بيعرف يتجاوزها ويخرج منها بس مش بيكون الموضوع سهل بس محتاج قوة و.. وقت .

النوع دا مش بيتجاهل ألمه ولا بيحس بالذنب طول الوقت فا يظلم نفسة أكتر هو بيتعايش مع الموضوع بياخد وقتة في الزعل مش بينكره ولانة عارف حقيقة الدنيا وأن الألم فيها أكتر من السعادة وأن الألم بيختلف من شخص لاخر وأنة مش حاجة وحشة بالعكس دا تربية ونضج وتهذيب لروحه ومفيش نبي ولا أنسان صالح ألا لما أختبرة ربنا بالألم عشان يشوف كل حاجة علي حقيقتها ومايعيش في الوهم ويتعب نفسة الشخص دا بيتجاوز الألم بس بالتدريج .. لانة طول الوقت بيحاسب نفسة ..مدرك وجعة قد أيه ..

سعات مش بيعرف يتعامل معاه فا بيفضل تايهه شوية لكن مش بيدخل في تجارب فشلة .. مش بيحاول يأزي حد بالعكس بيحس بالمظلومين اوي لانة واحد منهم ..بيحط هدف لية وبيفضل يحاول يوصلة عشان ينجح .

في الأخر كل واحد بيعبر بطريقتة عن شعورة بالالم ودا مش عيب ولا غلط هو الغلط أننا نتجاهلة نسيبة يأكل فينا لحد لما يموت روحنا ونأزي بيه ناس تانيين .

الألم مش حاجة وحشة نخاف نحس بيها أو نداريها بالعكس دا شعور بيعلم وبيخلي الواحد ينضج وكمان بيعرفنا أن الدنيا مش المفروض نتعلق بيها .

أنا فكرة أن الكاتبة نور عبد المجيد في روايتها " لاسكالا "
كتبت أهداء لللألم وقالت " الي الألم الذي أدبني وأظنة أحسن تأديبي"

هي فهمت وجود الألم في حياتها فا نجحت ووصلت ..
الألم دا شيء ثابت في الحياه مش شرط نهزمة لانة مش بينتهي لكن نقدر نتعامل معاه وفي نفس الوقت ميسبش أثر جوانا أزاي ؟!!!

بالأيمان .. الايمان بقدرتنا علي تجاوز الألم دا وأن ربنا خلق فينا قوه أننا نتجاوزة ونتعامل معاه ونفهم أن أي مشكلة بتحصل لينا ليها سبب أما نتيجة تصرفتنا الغلط أو نتيجة أبتلاء لازم نمر بيه عشان ننضج ونتعلم ونواجهه الحياه بنفوس سليمة .
ربنا مخلقناش نمر بأزمات من غير ما يخلق جوانا ممر نعدي منه بالأزمات دي ونفهمها كل الموضوع محتاج أدراك لنفسك وأيمان بقدارتك اللي ربنا خلقها فيك وأنك تفهم الرسالة الربانية اللي مبعوتة دأخل الالم دا .

ودا اللي عملة بطل الفيلم في النهاية .😊😇

04/04/2020

كل شيء له بداية وله نهاية!
إن شاء الله سوف يمر كل شيء.
أنتم من عباد اللطيف ❤

06/01/2020

الحب ليس أول لقاء بينكما.
الحب هو السنوات المديدة التي تقضيانها معاً ومحاولاتكم المستمرة لحراسة ذالك التوهج. ❤

20/10/2019

"أسوأ جزء في الإصابة بمرض عقلي هو أن الناس يتوقعون منك أن تتصرف كما لو كنت بصحة جيدة"

04/10/2019

أكثر الناس الذين عانوا في تجاربهم العاطفية، هُم أولئك الذين تسمّموا بفكرة أنهم أقل من الآخرين، وبالتالي فهم لا يستحقون أن يحصلوا على ما يحصل عليه الآخرون.

لذلك، عندما وقع أولئك الناس في الحب، كان لزاماً عليهم دائما أن يكونوا ألطف من الباقين، وأن يضحّوا أكثر من الباقين، وأن يمشوا أميالاً إضافية زيادة عن الباقين، وأن يتحمّلوا ما لم يمكن للآخرين أن يتحملوه، مُعلّلين كل هذا بالحب، بينما هو في الحقيقة لحماية شعورهم الدائم بالتهديد بخسارة كل شيء، وحتى عندما خسروا كل شيء.. لم يكن لديهم الشجاعة أبدًا للوم الطرف الآخر، بل حمّلوا أنفسهم الخطأ كله.
ربما ليس هنالك خطيئة أكبر من أن تقلّل ثقة طفل في نفسه، لأنه وبشكل تلقائي سيميل إلى الاعتقاد بأن ما يحصل عليه الآخرون كحق، لن يحصل عليه إلا كهبة، وهذه معاناة يعلم الله وحده كم تطول.. وماذا تطول..

— ديك الجن

01/10/2019

نوح أغرقَ الكرة الأرضية كلها بدعاء من ثلاث كلمات:
‏" أنّي مغلوبٌ فانتصرْ "
فأن الله يسمع ويري ولكن يحب الصدق والألحاح في الدعاء..

01/10/2019

الزواجُ أعلى درجاتِ الأمل في بلاد اللا طموح. إنّه الخلاصُ المِثالي لأية امرأةٍ مداركُها العقلية ضيّقة. مُصابة بقِصر النظر و لا تُجِيد تأمين مستقبلها. على أيّ حال، لا يتمُ اختيار زوجٍ مُناسب، بلْ اكتشافُه.
هناكَ واحدٌ بين كلّ ألف رجل يصلُح للزواج. الحُبُّ أو الزواج هو السرابُ الكبير في حياتنَا.
لنتجنّب الوِحدة، نضْطر لاختيار أسوأ الاحتِمالاتْ : أنْ نكون مع أيِّ شخص.
الفتياتُ عادةً يَقُمنَ بذلك. و تنتهي القصّة ببِضعة أطفالٍ يصرخُون : " ماما " لامرأةٍ حَزينَة.

― ياسِر ثابتْ .

15/09/2019

ريفيو كتب جديد مين لسة مشفهوش ؟!! 🤓
ومين لسة مشتركش في القناة ؟ 😃
كتب مش هتخليك تعرف تنام 😍👀

كتب مش هتخليك تنام - Book He has not sleep