Power Gym Almataria

Power Gym Almataria مع باور جيم اكيد ان شاءالله هتكون بطل

10/01/2021

ان شاء الله الاسبوع القادم فرع صفيه هنشتغل تانى بس حاجه تليق بكم

30/07/2020

كل عام وانتم بخير
تم نقل تراست جيم فرع التروللي الي شارع اسماعيل الريس فوق استوديو رسلان محطه خالد فريد الشارع اللي قبل مسجد الوعي
الجيم فاتح رابع يوم العيد الساعه واحده والدخول من مدخل خاص الجيم وممنوع الدخول من مدخل العماره
منتظرينكم ..

25/06/2020

مواعيد الجيم من يوم السبت
*** تراست فرع العقاد يوميا من ١٢ ظ الي ١٢ ص
الخميس والجمعه من 2ظ الي ١٠ م
*** تراست فرع صفيه يوميا من ١ظ الي ١٢ ص
الخميس والجمعه من ٢ظ الي ١٠ م
*** تراست فرع الكابلات يوميا من ١٢ ظ الي ١٢ ص
عدا الجمعه من ٢ م الي ١٠ ص
منتظرينكم تنورونا... وحشتونا
متنساش الفوطه والمزيل والشيكر

23/06/2020

الإجراءات الاحترازيه بدءا من السبت القادم اعمل حسابك علي الاتي :

١ - الفوطه بتاعتك والمزيل معاك يعني اى حد ريحته عرق مش هانكسف منه ومش هينفع يكمل تمرينه مش هتبقي كورونه وريحه كمان .. الرحمه حلوه😀😀

٢- زجاجه مياه علشان تملاها من الكولدير مفيش كوبايات نظام هاحط بوقي تحت الحنفيه واشرب مش هينفع⁦☠️⁩⁦☠️

٣- زجاجه معقم معاك علشان استخدامك الخاص

٤- كمامه قماش أو طبيه وانصحك باستخدام الفيس شيلد هايكون عملي في الفلوس لأنه بيقعد معاك شهر ويخليك تتنفس افضل في التمرين هتلاقيه في مكتبه أو صيدليه

٥ - كوتشي التمرين يكون في شنطتك هاتلبسه في الجيم مخصص للتمرين فقط مش للشارع .

٦ - تمرينك يكون بأوزان معتدله يعني بلاش اوزان تقيله مش هينفع نكون لازقين في بعض وجو ساعدني مش هينفع

٧ - وانت داخل الجيم هتلاقي معقم علي المكتب واللي هايكون استخدامه عن طريق مسؤل الاستقبال.

٨ - طول ما انت بتتمرن أبعد ايدك عن عينك وفمك وانفك

٩ - كل واحد حاجته في شنطته نظام المشاركه في شنطه واحده ده خطر جدا وغير مقبول

١٠ - احرص علي غسل يديك بصفه مستمره علي مدار اليوم

١١ - واخيرا لو حاسس انك تعبان أو عندك برد خليك في بيتك

واحنا علينا التعقيم المستمر وعدم الزحام بس بالله عليكم التعاون حلو وكله في مصلحتنا كلنا ..احنا في مركب واحده اى حد مش هايلتزم مش هايدخل الجيم ومفيش استثناء لحد
نتقبل منكم اي اقتراحات بناءه

اى حد غير ملتزم بالكلام ده مالوش مكان بينا كلنا هانخاف علي بعض وهنقوى مناعتنا بالاكل الصحي والرياضه والصلاه والاذكار

اللهم احفظنا وأهلنا من كل مكروه وسوء

23/06/2020

إن شاء الله من يوم السبت القادم الجيم مفتوح من ٢ ظهرا حتي ١٠ مساءا
هات فوطه وماسك وزجاجه
من غيرهم مفيش تمرين

16/03/2020

السلام عليكم ورحمه الله
حرصا منا علي سلامتكم وسلامه عائلتكم سيتم غلق الجيم (الثلاث فروع ) علي أن يتم اعاده الفتح أن شاء الله يوم الثلاثاء الموافق ٢٤مارس
انا عارف ان في ناس هاتزعل علشان التمرين بس انا اللي يهمني مصلحتكم بغض النظر عن المكسب أو الفلوس ولازم تعرفو اني عامل ده من باب لا ضرر ولا ضرار وحب لأخيك ما تحب لنفسك
نرجو تفهم الوضع وتقبله الموضوع اسبوع بس
شكرا وتحياتي لكم
اللهم اصلح الاحوال

09/09/2019

السبت الجاي ١٤سبتمبر عندنا مسابقه في فرع العقاد عباره عن
الثبات فوق علي العقله لمده ١٠٠ ثانيه والفائز الاول هياخد كيلو مكمل والثاني اشتراك شهر مجاني
اللي عايز يشترك يسجل اسمه في الاستقبال ويعمل لايك
منتظرين الوحوش

19/05/2019

تم تشغيل bein sport في فرع صفيه

15/05/2019

الان في تراست جيم يمكنكم مشاهده جميع المباريات العالميه علي قنوات bein sport .. يعني ماتفوتش تمرين تاني.

ان شاء الله هيشرفنا يوم الاريعاء القادم من الساعه 8م الي 11م في تراست جيم الكابلات البطل العالمي شاكوش الحاصل علي اول ار...
15/04/2019

ان شاء الله هيشرفنا يوم الاريعاء القادم من الساعه 8م الي 11م في تراست جيم الكابلات البطل العالمي شاكوش الحاصل علي
اول ارنولد كلاسيك 2016
مركز ثاني اولمبيا 2016
المركزالثاني في بطوله بلانس بروو 2019
مستنينكم للرد علي اي سؤال او استفسار

09/04/2019

اعضاء صفحتنا الاعزاء المحترمين
عايزين نقولكم ان الجيم اتغير اسمه تراست جيم بدل باور جيم وصفحتنا الجديده trust gym
برجاء عمل لايك للصفحه الجديده علشان مش هيكون لينا غيرها
https://www.facebook.com/Trust-Gym-1307651042710323/

28/03/2019

الف مبرووووك يا كابتن حماده علي المولوده كارما
تتربي في عزك يا اخويا

Address

Cairo

Website

Alerts

Be the first to know and let us send you an email when Power Gym Almataria posts news and promotions. Your email address will not be used for any other purpose, and you can unsubscribe at any time.

Shortcuts

Share

Category