Ahmed Abdelgawad Lifecoach -unleash your soul-

28/07/2025

مساء الخير للجميع
فيه رقم واخد صورة البيدج و بيتكلم باسمي
و بيطلب فلوس من الناس

الرقم ده انا غير مسئول عنه تماما

الرقم هو ده
01145139404

03/07/2025

صباح الخير علي الجميع
و يارب تكونوا بخير يارب

احب ادعوكم للبيدج الجديدة بتاعتي
و اللي هيبقي عليها كل الشغل ان شاء الله بدلا من دي
https://www.facebook.com/profile.php?id=61578070198692

صالح نفسك
( مساحة دفا ووعي و تغيير )
Certified Life coach from ICF / neuro semantics
اخصائي ارشاد اسري و زواجي من المعهد العربي للصحة النفسية

لحجز الجلسات
https://forms.gle/BDJpYCVwKNzRA9tS6

02/05/2025

مساء الخير علي الجميع .. اولي حلقات البودكاست الخاصة بالخلافات الزوجية و طرق حلها

01/05/2025

جزء كبير منا لما بيحصل مشكلة او موقف صعب لينا.. بنقعد نفكر في ** ليه **

زي ليه حصل معايا كده ؟

وليه انا بالذات ؟؟

وليه تجر ليه و ندخل في دوامة ملهاش آخر
لانك حتي لو حصلت علي اجابات برضه عقلك هيصورها ليك انها مش كفاية و خليني اقولك ان ** ليه ** عمرها ما كانت الحل و بتخليك عاجز انك تفكر في حل المشكلة او ازاي تخرج

طب الحل ايه ؟
لما يحصل مشكلة وقف ** ليه **

و اعترف ان المشكلة حصلت و ان مشاعرك اللي بتحس بيها حقيقة

و دور علي الحل

للاستفسار عن الجلسات يرجي التواصل علي الخاص

24/04/2025

"العلاقة اللي بتوجعك أكتر ما بتفرحك، لازم تراجعها"
مش طبيعي تبقى دايمًا متوتر، قلقان، بتحاول تفسر كل كلمة اتقالت، وكل تصرف اتعمل.
مش طبيعي تبقى حاسس إنك لو قلت رأيك ممكن تخسر الشخص اللي معاك.

العلاقات معمولة عشان تريحنا، مش ترهقنا.
لو اللي معاك بيقلل منك، بيشكك فيك، بيخليك تحس إنك ولا حاجة…
فأنت مش في علاقة، أنت في حرب نفسية.

وأسوأ حاجة إنك تبدأ تصدق الكلام ده، وتقول "يمكن أنا فعلاً قليل".
بس الحقيقة؟ انت مش قليل… انت كنت مع الشخص الغلط اللي خلى صوتك الداخلي يبقى ضدك.

امشي… حتى لو بتتعب. التعب مرة وانت بتفكّ قيودك، أحسن من تعب سنين وانت جوه سجن مش شايف بابه

18/04/2025

Ⓜ️
*"تلمسوا مواطن الاستئناس في قلوب الآخرين . انتشلوا ضيقة خواطرهم بكلمة طيبة. بعبارة حنونه. وحديث لطيف. ودعاء صادق . فإن أحب الأعمال إلى الله سرور تدخله على قلب مسلم"*



#الكلمةالطيبة

18/04/2025

"الصحاب اللي بيجيبوا سيرتك بالسوء"

فيه نوع من الصحاب بيقعد معاك يضحك، ويسيبك ويمشي يتكلم عليك.
يقول للناس أسرارك، أو يحرف كلامك، أو يحاول يطلعك في صورة مش بتاعتك.

الناس دي أخطر من العدو...
لأنك بتحكيلهم بحُب، وهما بيستعملوا كلامك ضدك.

اللي يغدر بصاحبه، ملوش أمان.
ولو حد كسر ثقتك مرة، ما تستناش إنه هيصلحها تاني.

امشي وانت مرفوع الراس... لأن كرامتك أغلى من أي عشرة.

15/04/2025

"أصعب حاجة في العلاقة السامة إنك بتتعود"

أكتر حاجة مرعبة في العلاقة السامة إنك ممكن تتعود. تتعود على الزعل، على التجاهل، على الصوت العالي، على الكذب... وتبدأ تقنع نفسك إن ده طبيعي.

تبدأ تقول: "هو كده"، "يمكن أنا السبب"، "مافيش حد كامل"، وتفضل تبرر وتتألم في سرك.

بس الحقيقة؟ أنت تستاهل تبقى مرتاح. تستاهل حد يسمعك، يقدرك، يحترمك، ويفرح لفرحك.

العلاقة السامة مش حب... دي سجن، حتى لو مافيهوش قضبان. وساعات مفتاح السجن بيكون في إيدك... بس محتاج شجاعة.

لو لسه عندك طاقة تقرأ البوست ده، فـ لسه عندك طاقة تنقذ نفسك. متتأخرش.

14/04/2025

"العلاقة السامة مش بس ضرب وإهانة"

في ناس فاكرة إن العلاقة السامة يعني بس عنف وصوت عالي وخناق كل يوم، بس الحقيقة إن فيه علاقات سامة بتموتك بالبطيء... من غير ما تحس.

العلاقة السامة ممكن تكون لما الطرف التاني يقلل منك على طول، يحسسك إنك مش كفاية، أو إنك دايمًا غلطان حتى لو كنت صح. لما يحسسك بالذنب على أي حاجة، حتى لو غلطته هو.

العلاقة السامة بتسرق منك راحة بالك، بتخليك دايمًا قلقان، متوتر، بتحاول تراضي في اللي قدامك طول الوقت ومش لاقي نفسك.

العلاقات دي بتأثر على النفسية، على شغلك، على شكلك حتى! بتخليك تبعد عن صحابك، تبطل تعمل حاجات بتحبها، وتفضل تدور على رضا شخص عمره ما هيرضى.

لو حاسس إنك في علاقة زي دي... أرجوك اختار نفسك. الخروج من العلاقة السامة ممكن يكون صعب، بس البقاء فيها أصعب بكتير.