16/06/2023
فى البداية لازم نعرف ما هو المتزملك .. وما معنى كلمة متزملك
الأول نعرف إيه هو التزملك. دى كلمة مستحدثة
أطلقها جمهور نادى الزمالك على كل شخص يدعى الإنتماء لكيان الزمالك وهو فى الحقيقة من خلال كلامه أو تصرفاته أو تصريحاته هو ضد الزمالك. سواء كان الشخص ده مشجع أو لاعب سابق ارتدى تيشرت الزمالك.او صحفى أو إعلامى أو حتى مسؤول كان موجود في إدارة الزمالك..
طيب الشخص المتزملك ليه بيعمل كده وايه اللى يخليه يقول إنه زملكاوى وهو دايما ضد الزمالك وكلامه أو تصرفاته بينتقد النادى وبيستنى وقوع الفرقة وينزل فيها تقطيع وبيستهزا ويسخر من كل ماهو زملكاوي ..
وكمان تلاقيه بيقول شعر وبيتغزل فى الأهلى وف إدارته وفي بطولات الأهلى وعظمة الأهلى
وكيان الأهلى ولما يحب يقارن بين الناديين
يخسف بالزمالك الأرض لصالح المنافس
المتزملكين انواع كتيرة. وكل نوع فيهم عايز بوست لوحده هنتكلم عنهم أن شاء الله وهنحاول بمشيئة الله نكشفهم ونواجههم..
