Family happiness - Yasmine Tobgy

18/04/2025

طوبجي #ايجابيه #

27/01/2025

المعني والإنجاز …اكتر قيم في الحياه بنواجه صعوبه في اننا نغرسها في اولادنا في سن المراهقه …بيكون صعب انهم يحددوا أهداف واضحه ويشتغلوا علشان يوصلوا ويحققوها…لكن مش مستحيل …الحوار والترابط بينا وبين اولادنا خصوصا في السن ده من اهم الأدوات الي من خلالها اقدر أوصل اني أقنعهم …لو لسه بتلوم ..بتقارن ..بتنتقد او بتسخر وتتريق في حوارك مع ولادك ..وقف وفكر لو كنت مكانهم هتسمع شخص بينتقدك دايما ..اول خطوه اننا نساعد ولادنا علشان نظرتهم للحياه تكون واضحه هو التفاهم والحوار …بلاش نفقد الصله ..

#
by_yasminetobgy✨

20/11/2024

#تربيه واعيه # كوتش صحه نفسيه #مراهقه بسلام #

20/10/2024

نعاقب ولا لا ☘️ليه دايما احساس المراهق بالكره بيزيد مع العقاب ☘️طيب نعمل ايه بدايل للعقاب ☘️تابعوني في بيتنا سعاده هنتكلم عن بدايل العقاب في المواقف المختلفه الي ممكن تقابلنا في رحله تربيه ولادنا

#بيتنا سعاده # ياسمين الطوبجي # مراهقه امومه تربيه # حياه طيبه #

19/07/2024

جربت تقول كلمه شكرا لاولادك علي اي حاجه بيعملوها بسيطه..كوبايه ميه بيدوهالك او حاجه وقعت منك وجابوها ليك ..جربت تقول شكرا لاصحابك وحبايبك علي اي حاجه بيعملوها علشانك حتي لو كانت مكالمه تليفون او حتي رساله بيقول فيها اي حاجه وبتقول انه فاكرك ..كلمه شكرا thank you من الحاجات الي بتغير المود لسعاده ورضا ..حط نفسك مكان ولادك في وقت لو اهلك وانت في سنهم او حتي دلوقتي بيقولولك شكرا علي اي حاجه بتعملها علشانهم حتي لوبسيطه ..نفسيتك اكيد هتكون احسن وأجمل …السعاده مش محتاجه مجهود دور حواليك هتلاقي كتير حاجات بسيطه بتسعد وبتبسط .. #كلمه شكر # بيتنا سعاده # كوتش # تفاؤل #بيتنا سعاده_ياسمين طوبجي #☘️☘️

03/07/2024

موسم الامتحانات وانتظار النتيجه # كابوس كل سنه الأهل عامله ضغط رهيب علي مشاعر ولادهم ..كلام زي أملنا فيك ..هتدخل هندسه ولا طب بقه يا بطل ..طيب إعلام ولا اقتصاد..والولاد تفضل تحت الضغط ده..بيفكروا بس من منظور انهم عاوزين يبقوا عند حسن ظن اهلهم علشان ينالوا الحب والتقدير ..وامتحان يجر امتحان واحد سهل فتبقي نفسيه الولاد في السما ..امتحان صعب وعملت وحش في الغالب الولاد بتتكسر ونفسيتها بتقفل وفيه حالات كتير بتكمل امتحانات من غير تركيز ..والمفاجاه في النهايه مجموع لا دخلنا طب ولا هندسه والاسره كلها تكتءب وكان الحياه بقت بس ثانويه عامه ومجموع ١٠٠٪؜ …

يا جماعه مين الي قال ان ولادنا ونجاحهم في الحياه بيتقاس بجاب كام مجموع ولا مين الي قال ان النجاح كله كليات هندسه وطب ..لا بنحب ولادنا بشرط بس التفوق ..كانّه لو مجبش المجموع الكبير أنا مش هاحبه ولا هيبقي ابني ..ولادنا محتاجين نحبهم حب مش مشروط

حتي لو مقلناش ده اولادنا تصرفتنا بتقول كده ..وحتي الولاد الي اتوفقوا وجابوا المجاميع الهايله لو أنا رسخت فكر أنا باحبك وانت شاطر أنا باحبك وانت مثالي …الولاد ديه لما هاتكبر مش هيقبلوا إلا إطار المثاليه في حياتهم علشان اعتقادهم أنا باتحب علشان انت مثالي ونموذج …وإلا مش خلاقي حد يحبني وده فكر مرهق وبيدمر صحبه ..فكر المثاليه للابد لانه مفيش حد مثالي كلنا في رحله حياتنا بنغلط وبنتعلم …وننجح ونفشل وبنكمل عادي …

حبوا ولادكم حب غير مشروط ..الثانويه العامه بجموعها جزء من رحله ولادنا في الحياه جزء من نصيبهم في حياتهم مش رحلتنا احنا …والرحله اكيد فيها ألم وفرح ..فيها كسره وألم ..فيها نجاح وتقدم وانجازات …غيروا فكركم حبوا ولادكم شجعوهم ..ادوههم الثقه …النجاح في حياتنا مليان ..رجال أعمال ناجحين مهندسين ناجحين مدرسين ناجحين باحثين ناجحين …ارجوكم النجاح مش بس مهندس ولا دكتور..
#الثانويه العامه وسنينها #تربيه ايجابيه #

#كوتش _تربيه ايجابيه #مراهقه بدون مشاكل #بيتنا سعاده #💕💕😉

16/06/2024

عيشوها بسعاده ..اتبسطوا ..بصوا علي نص الكوبايه المليان .أملوا النص الفاضي دايما..عيد سعيد عليكم وعلي اولادكم ..دايما مبسوطين وبالكم مرتاح #بيتنا سعاده #تربيه ايجابيه #ياسمين الطوبجي #

05/05/2024

https://www.instagram.com/p/C6lhvKvscW2/?igsh=aWlnZ280bG1qejZl

28/02/2024

التربيه الايجابيه مش معناها دلع وكل حاجه مجابه طول الوقت ومش معناها ان مفيش وقفات وحزم …لكن معناها تربيه رحيمه واعيه …تربيه قايمه علي الحزم مع العطف والحب …فيه قواعد وقوانين …فيها لا بس بحبك …فيها حوار وفيها نعلم ونفهم ليه غلط ليه مينفعش …من فضلكم أوعوا تخافوا تربوا ولادكم بس في نفس الوقت بلاش نعملهم تروما 💕💕

27/12/2023

اذكر نفسي واياكم ب quality time …مهم اوي اننا نقضي وقت مستقطع مع اولادنا ✅علشان نقرب ونسمع كويس ✅نفكر معاهم بصوت عالي في مشكله وجهتهم ✅نهزر ونضحك بعيد عن جو المذاكره والتركيز ✅علشان قبل ما اصحح سلوك او اعدله لازم اقرب الاول💕 #تربيه رحيمه ايجابيه

22/12/2023

لما قررت من سنتين اني اعمل career shift مكنتش اعرف اني بأغير حياتي كلها…قررت أسيب شغلي بعد تقريبا ٢٠ سنه شغل ما بين multinationals , banking sector and NGO …وقلت خلاص كفايه كده محتاجه ابقي اكتر مع البيت وللأولاد وبما اني باحب الفرك جدااا 🙈مش بأعرف اقعد كده من غير حاجه في حياتي ألاقي فيها نفسي ودماغي قررت اني اولاً اقرب شويه من ربنا واخدت اول خطوه في رحلتي مع القران الكريم …عاوزه افهم كل ايه فيه …عاوزه احفظه ويبقي في دماغي دايما …كمان قررت اني استغل قدرتي فاني أتكلم وأقنع واعبر واوصل رسايل في اني ادرس حاجه تناسب قدرتي ديه وابدأ بيها صفحه جديده في حياتي العمليه …وفعلا درست حاجه ليها علاقه بالتربيه …الحمدلله وفي اسبوع واحد احتفلت بختمي لجزئين من القران الكريم تلاوه وحفظا ( بعد سنه تقريبا) 💕💕كمان احتفلت النهارده بتخرجي من Parenting and Family coach program وديه اول خطوه في رحلتي مع coaching career .

الحمدلله حمدا كثيرا طيبا مباركا فيه …
#حياه جديده #سعادتنا #سعي #كوتش تربيه #بيتنا سعاده 💕💕

14/12/2023