21/06/2025
بعد 6 سنين في مجال قطع غيار السيارات... قررت أسيب المجال، وأقول للجميع: سلام
اشتغلت بضمير، نية صافية، وشغل نظيف... بس للأسف، لقيت حواليَّ ناس مش بتشتغل ولا بتنجح، شغلتهم الوحيدة إنهم يتربصوا، ويكّونوا لجان إلكترونية بشرية
ناس فاكرة إنها لما تتكلم من ورا الضهر، أو تركّبلك سيناريو، تبقى جامدة... بس ناسيين إن "اللي سايبها على الله، عمره ما بيخسر، بس بيعرف ياخد حقه وهو بيضحك."
أنا مش بسيب حقي, بس باخده وأنا بشرب قهوتي ورايق
اللي جاب سيرتي، واللي حاول يوقعني، واللي فكر إنه بطل الفيلم... أحب أطمنكم إن الرد جاي, بس مش هينزل دلوقتي، أنا بحضّرله إخراج سينمائي محترم.
مشيت من المجال، بس مخي شغال... والمفاجآت حلوة.
ما تخافوش، مش هزعّل حد... أنا بس هرجّع الحق لأصحابه... بابتسامة، وهاشتاج.
وأي حد حاول يأذيني، جاب سيرتي، أو حرك عليا حد...
هشوفه، وهعرف أرد عليه، قريب جدًا... بس بطريقتي.
اللي اتقال واتفبرك واترتب ورا ضهري، اتحفظ...
ومش هسيب حقي، لا بالكلام، ولا بالفعل.
في ناس وجودك بيتعبهم، نجاحك بيستفزهم،
واحترامك لنفسك بيخوفهم.
ناس شغلتها الوحيدة إنها تطفّي أي نور مش طالع
منهم.
ناس اتحالفت على إنهم يقلبوا عليك... وإنت ما أذيتش حد فيهم.
بس على قد ما شوفت وجع وقرف...
اتعرفت على ناس من أنضف خلق ربنا, رجالة بجد، كانوا سند وظهر، وبقوا إخوات مش مجرد زملاء.
الناس دي هي المكسب الحقيقي... وهي اللي مخلياني خارج من التجربة دي رافع راسي، ومبسوط إني طلعت منها بحبايب وأهل.
مش همشي من غير ما أسيب بصمة صغيرة...
هشارككم في بوستات تانية بنصايح ومعلومات مهمة للناس اللي بتصلح عربياتها، علشان ماحدش يتضحك عليه، ولعل اللي ما شافش بعينه، يسمع من اللي شاف وتعلم.
الدنيا مش بس شغل، كرامتك أهم، وراحتك النفسية أغلى من أي مكسب.
ادعولي في المشوار الجاي... وإن شاء اللّٰه يكون أحسن، أصدق، وأنضف
ربنا يوفق الجميع .
