17/07/2024
لاول مرة مفرحش بصفقة حلوة لمانشستر يونايتد… ليني يورو ابرز موهبة دفاعية شابة عمره ١٨ سنة و انضمامه لمانشستر وفوزه بالصفقة على حساب ريال مدريد دة انتصار جامد بس اللاعب عايز الريال و حلمه اللعب لريال مدريدو انتقاله لليونايتد عشان بس عرضه كان الافضل لنادي ليل الفرنسي … موضوع الضغط على اللاعب عشان ينتقل لنادي معين مبحبوش لان اللاعب مش هيأدي معاك و دي شفناها مع دي ماريا اللي كانت رغبته اللعب لباريس سان جيرمان و لعب موسم سيئ مع اليونايتد بعدين انتقل لسان جيرمان و اللاعب التاني كان لوكاكو اللي كانت رغبته اللعب لتشيلسي و انتقل لليونايتد و لعب موسمين متوسطين قبل ما يروح الانتر و ينفجر هناك و يرجع لتشيلسي هو صحيح فشل معاهم بس مش دي قصتنا … الفكرة هي انتقال لاعب غصب عنه ارضاء للنادي فأتمنى انه يكون موافقته على انتقاله لليونايتد نابع عن اقتناعه بمشروع النادي مش بس عشان ريال مدريد ماحاربش عليه و قاله اصبر سنة و تعالى فري ⚽️
