Final Findings

Final Findings Life Experience

17/06/2025

مش عارفه اتكلم في ايه انهارده
لكن لقيت نفسي بفكر في صفة موجودة عند ناس كتير وهي صفة النقص
هل هي حاجة جواه؟
ولا نتيجة تربية فيها مقارنة وتقليل؟
ولا يمكن بسبب تجارب كسرت ثقته في نفسه؟

اللي مؤكد إني قابلت ناس بتحاول تغطي النقص ده بطريقة مؤذية
يدّعوا إنهم هما بس فاهمين كل حاجة
دايما شايفين نفسهم صح
يتكلموا عن الكل كأنهم محللين نفسيين
ويلبسوا الناس في بعض
ويتكلموا في ضهر اللي بيضحكوا في وشّه
بيتكلموا بإسم غيرهم
ويحكموا على نوايا الناس وكأنهم شايفين اللي في ال قلوبهم

اللي بيحس بنفسه ناقص ممكن يعوض ده بالهدوء والتطور مش بالهجوم والتشويه وللأسف ناس كتير بتختار الطريق التاني

بس الحقيقة اللي واثق من نفسه مش بيحتاج يحط غيره تحت رجليه علشان يبان
والمتربي على الأصل مش بيغدر ولا يشوّه حتى لو اتوجع

نقصك مش عيب لكن تعويضه بإيذاء الناس هو العيب الحقيقي

16/06/2025

في لحظات كتير في حياتنا بنحس إننا بنغرق في صراعات وخيبات وتعب نفسي ووحده وكسرة قلب وبنفتكر إننا مش هنخرج منها أو إن مفيش حاجة حلوة جاية بعد ده كله

لكن الحقيقة ربنا دايمًا بيختار الوقت الصح وبيكرمنا مش شرط بمال ولا بمكانه لكن ممكن يرزقك بأسرة طيبة وبأخ أو أخت بيحبوا الخير ليك كأنهم بيحبوه لنفسهم وبإنسان أو إنسانة يصونوك ويبقوا ضهرك وسندك ويبقوا أمان مش خوف ويبقوا نعمة بتهون عليك كل اللي فات

وساعات بنسأل نفسنا ليه مرّينا بكل ده بس الإجابة البسيطة
علشان نعرف طعم الكرم
وعلشان نحس بقيمته
ونشكر عليه بصدق

ربنا مش بيحطنا في الصعب علشان يكسرنا هو بيحضّرنا وبيجهز قلوبنا علشان تعرف تفرح لما الخير ييجي ولو لسه مستني تعويض ربنا صدقني هييجي في وقته وبطريقته وبلي يناسب ويراضي قلبك

16/06/2025

نفسي أفهم
ليه الإنسان بيتغير فجأة
ليه بعد سنين من الحب والعِشرة والضحك من القلب والسهر والخروج والاسرار المتبادلة
ممكن يتحول كل ده لنفاق او غيره او نفسنه وأنت فعلا متعرفش السبب

مش الموقف بس المؤلم ده بيخلي الواحد يشك في نفسه مع إنه متأكد إنه كان وفيّ ومخلص ومحب و قلبه ابيض اتجاه كل الناس

هل فعلاً في نفوس بتتغير بدون سبب واضح ولا كل تغيير وراه حاجة إحنا مش شايفينها؟
هل ممكن الحب يتحول لغيره لما التاني ينجح وحاله اتغير للاحسن؟
هل فعلا الطيبة الزياده بتستفز النفوس المريضة ولا الناس بتلبس وشوش وأول ما تسقط الظروف بيظهر وشهم الحقيقي

أنا باتكلم عن قصص حقيقية بتحصل حوالينا ناس كانت بتحبنا بصدق وبقوا فجأة بيتمنوا لنا الزوال مع إن إحنا لسه إحنا بنفس القلب وبنفس الولاء.،،،

15/06/2025

كل ما بكبر سنة كل ما بتأكد إن جشع الإنسان وطمعه مش دايمًا بييجي من قلة تربية ممكن يكون ببساطة شيء جواه مفيهوش فكرة "أنا اكتفيت او انا شبعان"

وعلى قد ما أنا لسه بقول إن خبرتي في الحياه مش كافية للحُكم الاخير لكن الـ29 سنة اللي عشتهم كانوا مليانين دروس شفت فيهم الحلو والوحش من أول ما اتخرجت من المدرسة وابتديت أتعامل مع الناس في الجامعة.. في الشارع.. في المواصلات.. في الكورسات.. في الشغل

وحاجة واحدة بس فضلت ثابتة قدامي ان الناس نادرًا ما بتحط ربنا في حساباتها وسط الجري ورا الدنيا
بيفتكروه بس وقت المرض.. وقت الخوف.. وقت التعب
لكن في وقت القرارات اللي فيها ظلم أو أذى قليل جدًا اللي بيقف مع نفسه

اللي أصعب من الظلم نفسه إنك تكون سبب في تعب حد نفسيًا
في أذيه مش بتسيب أثر خارجي بس لكن بتكسر جواه حاجة وعارفة ان ربنا غفور رحيم لكن ما ننساش إنه ذكر في القرآن دعوة المظلوم وإنه قال كما تدين تُدان

ممكن تظلم وتقنع نفسك إنك صح ١٠٠٪ لكن الظلم ده يرجع في أقرب الناس ليك وساعتها تقول يا ريت الجري ما كان لكن الندم وقتها مش هيغير حاجة.،،،

17/07/2023

Even if you're on the right track, you'll get run over if you just sit there.,,,

17/07/2023

I'd rather regret the things I've done than regret the things I haven't done.,,,

16/07/2023

He is no fool who gives what he cannot keep to gain what he cannot lose.,,,

16/07/2023

It's not what you look at that matters, it's what you see.,,,

16/07/2023

The journey of a thousand miles begins with one step.,,,

11/07/2023

Everything comes to us that belongs to us if we create the capacity to receive it.,,,

11/07/2023

If you set out to be liked, you would be prepared to compromise on anything at any time, and you would achieve nothing.,,,

11/07/2023

Being entirely honest with oneself is a good exercise.,,,

Address

Cairo
12345

Website

Alerts

Be the first to know and let us send you an email when Final Findings posts news and promotions. Your email address will not be used for any other purpose, and you can unsubscribe at any time.

Shortcuts

Share

Category