Maha Emad " - Making A life difference -

Maha Emad " - Making A life difference - I am Maha Emad El-din
chemical engineer
relationship coach from ICF
ICFكوتش علاقات معتمد من

أنا مها عماد الدين كوتش علاقات انسانيه ،كنت عايشه لاولادي وبيتي بس وناسيه نفسي خالص ،مريت بمِحنْ و إبتلاءات وقعت وقمت كتيرولكن اتعلمت و فهمت اكتر
بدأت رحله التعلم بالتربيه الإيجابيه اللي ساعدتني في تعاملي مع اولادي وفهمهم بشكل احسن
وعلي مدار5 سنوات درست الكثير في العلوم الإنسانيه ..فهمت نفسي اكتر وعرفت شغفي وهدفي في الحياه عرفت اعدي من ابتلاءات صعبه.
ودرست علم انماط الشخصيات Enneagram
- وعلم ال

نفس الإيجابي
- وحصلت على شهادة كوتش معتمد من ICF المختص بدراسه علم واداره العلاقات وتطوير الذات للوصول لحياه افضل.

25/08/2026

"امتي امتي"
اللهم صلي وسلم وبارك على سيدنا
ونبينا وحبيبنا محمد وعلى اله وصحبه اجمعين
اللهم أدركنا شفاعته واجعلنا في صحبته امين

24/08/2026

مش دايما السكوت حل
ولا دايما هو علامه رضا
ساعات السكوت بيكون بدايه انهيار

حلو اننا ما نندفعش…
ما نفاجئش اللي قدامنا بكلام ممكن يوجعه.
ده مطلوب أوقات.

لكن…
في فرق كبير بين إننا نهدى قبل ما نتكلم،
وإننا نسكت خالص.

لأن السكوت الكتير…
بيعمل فجوة.
مرة على مرة…
بيبقى الطبيعي إننا نسكت
ونعدّي
ونقول: “بعدين نتكلم”…
وبعدين ده ما بيجيش.

فننسى نتكلم.
ننسى نوضح.
ننسى حتى نفهم نفسنا زعلنا من إيه.
بس الحقيقة؟
إحنا ما بننساش…
الموقف بيتخزن جوانا.
والزعل بيتراكم.
ولما يتكرر نفس التصرف…
بنزعل عليه كأنه أول مرة…
وأكتر كمان.
ليه؟
علشان ما اتكلمناش فيه من الأول.
ومع الوقت…
التراكم ده بيكبر.
لحد ما فجأة…
تلاقي نفسك واقف عند نقطة:
"أنا مش قادر أكمل."
مش علشان موقف واحد كبير…
لكن علشان حاجات صغيرة كتير…
ما اتقالتش.
أنا مش بقول نتكلم في لحظتها،
لكن بقول:
لازم نرجع نتكلم.
بعد كل موقف…
اسأل:
"إيه اللي زعلك؟"
"إيه اللي حسسك بكده؟"
"كنت تحب أتصرف إزاي؟"

الحوارات دي…
هي اللي بتحمي العلاقة.
ومرة على مرة…
هتلاقي إن نفس المشاكل
مش بتتكرر.
لكن طول ما إحنا بنسكت…
وما بنتكلمش…
هتفضل نفس الدواير تتكرر.
وللأسف…
ممكن في لحظة واحدة
تلاقي نفسك بعدت…
مش لأنك مش بتحب،
لكن لأنك بقيت مش قادر تشيل
كل اللي اتخزن جواك.

اتكلم…
مش علشان تعمل مشكلة،
لكن علشان تحافظ على العلاقة. ✨

#مهاعمادالدين
#كوتش #علاقات
#السكوت

16/08/2026

ازاي نرجع نتواصل ؟
#تواصل
#مهاعمادالدين
#كوتش #علاقات

من حق كل شخص وقع ... أنه يجرب يقوم علي حيله من تاني حتي لو هيقوم وهو مش في احسن حالاتهوارد يقع تاني ..بس ...
08/08/2026

من حق كل شخص وقع ...
أنه يجرب يقوم علي حيله من تاني

حتي لو هيقوم وهو مش في احسن حالاته
وارد يقع تاني ..بس لما يقوم مش هيكون من نقطه الصفر

ليه بنبقي جلادين اوي مع الشخصيات العامه كده
ما هما بشر زينا ليهم إخفاقات وغلطات
وبيتوجعوا ويتخزلوا ويحزنوا

وبيحاولوا يرجعوا يعيشوا تاني
وليهم كل الحق في ده
حتي ولو مش زي الاول علي الاقل
" بتحاول مش مستسلمة "


لكل حد بيحاول يرجع يقف تاني علي حيله
اطمن انت مش لوحدك
احنا كتيييرر اوي
افضل حاول حتي لو وقعت تاني...كمل
متفقدش املك فالله
لحد ما توصل لنسخه احسن كمان من اللي كنت عليها

واخيرا
تحيه لكل ست جميله جدعه لسه بتحاول تقف من جديد
رغم الوجع والانكسارات 👏👏💜

#مهاعمادالدين
#علاقات
#رحمه

04/08/2026

الخرس الزوجي
ازمه التواصل
زاد بودكاست

#مهاعمادالدين
#كوتشنج
#علاقات

04/08/2026

#مهاعمادالدين
#علاقات
#حاول

03/08/2026

اي حدث مفاجئ في حياتنا عامل زي زلزال النهارده

بيجي يهزك ، يخضك ، يلخبطك، يخوفك
و يفكرك بالثابت الوحيد في الكون. "الله"

وده يعلمنا...
اانك اول ما تحس الهزه واللخبطه في حياتك
من اي شئ
ارجع بسرعه لله
ال هيعيد توازنك وهدوءك وثباتك

معاه مهما كانت الهزه قويه
هيرزقك السكينه ويطمن قلبك ويثبتك

عشان كده
لازم نفتكر

- انت عبد لله فقط
- متخليش حاجه واحده محور حياتك
- ولا حاجه تتحكم فيك

الزلزال كان تذكره خفيفه
عشان نراجع أنفسنا

ونفتكر
إن يوم الفصل كان ميقاتا

من الهامات كورس سيكولوجية الحب

ه Noha Zahra ربنا ينفع بيكي دائما 🤍

#تذكره
#مهاعمادالدين
#علاقات
#تذكره
#مهاعمادالدين
#علاقات

02/08/2026

#مش زي الاول
#مهاعمادالدين
#كوتش
#علاقات

في العلاقات مش لازم تفضل طول الوقت تدافع عن نفسك أو تثبت للناس مين أنت.علم النفس بيقول إن أول انطباع أحيانًا بيكون له تأ...
01/06/2026

في العلاقات
مش لازم تفضل طول الوقت تدافع عن نفسك
أو تثبت للناس مين أنت.

علم النفس بيقول إن أول انطباع أحيانًا بيكون له تأثير كبير،
وناس كتير بتتمسك بالصورة اللي كونتها عنك حتى لو اتغيرت.

عشان كده،
ركز على أفعالك أكتر من تبريراتك،
وخليك على طبيعتك من غير تصنع.
خليك مع ناس شبهك دائما بتحسن الظن فيك

والجميل في المعنى ده
إن ديننا علمنا إن رضا الناس غاية لا تُدرك،

وإن الإنسان عليه السعي للإصلاح وحسن الخلق،
أما القبول والمحبة فبيد الله.

اعمل اللي يرضي ربنا،
وكن نسخة صادقة من نفسك،
وسيب للوقت والأخلاق مهمة التعريف بيك. 🤍

"ليس كل من أساء فهمك عدوًا، وليس كل من فهمك صديقًا...
فكن ثابتًا على مبادئك، ولا تجعل قيمتك رهينة لآراء الآخرين.

#مهاعمادالدين

31/05/2026

بتتعصب جدا
وقت الصدمات المفاجئه أو المواقف الكبيره

او بتهرب
وبتبقي عايز تبعد تماما رغم أن ده مش مناسب.

✨في مواقف مفاجئة أو صادمة
ممكن تلاقي نفسك بتتصرف بشكل "غريب" أو مش شبهك

بس الحقيقة إن ده رد فعل طبيعي جدًا، اسمه:

"آليات الدفاع النفسي" – Trauma Responses

ودي استجابات تلقائية بيعملها جسمك عشان يحميك وقت التهديد،
واتعرفت علميًا من خلال أبحاث( د. Peter Levine )و
(د. Bessel van der Kolk.)

فيه ٤ ردود فعل أساسية:

🥊 القتال (Fight):
تتعصب، تهاجم، ترفع صوتك فجأة
(جسمك شايف إنك محتاج تدافع عن نفسك بأي طريقة)

🏃 الهروب (Flight):
تحس إنك عايز تهرب فورًا أو تنسحب من الموقف
(كأنك بتدور على "مخرج أمان")

🧊 التجميد (Freeze):
تتجمد، مش عارف تتكلم ولا تتحرك
(العقل بيوقفك عشان ينجّي نفسه من الخطر)

🤝 التمايل (Fawn):
تحاول تراضي كل الناس وتصلّح اللي حوالك
(كأنك بتأمّن نفسك عن طريق إرضاء اللي قدامك)

وكل دي استجابات طبيعية مش ضعف ولا جنون.
بس فهمها بيساعدنا نهدى ونتعامل.

✨ طيب تعمل إيه؟
شوية خطوات بسيطة ممكن تساعدك:

1. لاحظ رد فعلك من غير ما تحكم على نفسك
(الوعي هو أول طريق التغيير)

2. خد نفس عميق
٤ عدات شهيق – ٦ عدات زفير
(بيهدّي الجهاز العصبي)

3. اتحرك حتى لو بخطوتين
الحركة بتفك التوتر وبتطمن الجسم

4. احكي لحد ترتاح له أو اكتب مشاعرك
التفريغ بيريّح ويقلل الضغط

5. اهدي نفسك بلُطف
موسيقى بتحبها، شاور دافي، حضن لنفسك
(الراحة الجسدية بتهدي النفس)

6. لو ده بيحصل كتير أو بيأثر على حياتك، اطلب مساعدة من مختص
(طلب المساعدة قوة مش ضعف)

📌 افتكر دايمًا:
جسمك مش ضدك… جسمك بيحاول يحميك ❤️

#مهاعمادالدين
#كوتش
#علاقات
#وعي

Address

Cairo

Telephone

+201097866156

Website

Alerts

Be the first to know and let us send you an email when Maha Emad " - Making A life difference - posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Maha Emad " - Making A life difference -:

Shortcuts

Share

Category