17/05/2025
الف مبروك للنادي #الاهلي علي الثلاث نقاط و اقتراب الدوري من القلعه الحمراء و لكن في بعض الملاحظات الفنيه المأخوذه علي كابتن و هو التوتر و ده ظهر في التغيرات خروج مبكر للاعب #جراديشار علي الرغم كان من الممكن الاستفاده منه الي جانب مع خرج و رجوع نجم المباراة الأول و تبقي الطريقه ٤/٤/٢ مع إعطاء حرية لامام في التقدم و هذا الخطأ الفني .
كان يمكن تداركه بالابقاء علي مع تحويله الي رأس حربة في عمق الملعب الي جانب #وسام مع سحب #اكرم و تحويل #امام الي جناح ايسر مع نزول #افشه في عمق الملعب كلاعب مركز ٨ بمهام هجوميه و صناعة اللعب .
التأخر في نزول #معلول و كان من المفترض يكون بدري و مكان #كوكا مش #امام اللي ما شاء الله عنده استعداد يلعب ماتشين كمان فوق الماتش لاعب عنده روح و عزيمه مشفتهومش من زمان و لكن المبرر بالنسبه لي لهذا التغيير مع وجود #معلول علي الجناح مع الإبقاء علي #كوكا كباك ليفت هو عدم الجاهزيه البدنيه للتونسي مع أن وجود #معلول من بدري و كباك ليفت كان هيدي حلول هجومية من الخطوط الخليفه و كان هيصنع الفارق .
و اخيرا النادي #الاهلي استحق نقاط المباراه عن جدارة و استحقاق ضغط استحواذ صناعة للفرص مع تنوعها من الأطراف و العمق مع حل التسديد من خارج المنطقة.
هذا الموسم دوري مجنون دوري قوي يستحقه الاقوي نسخه مشوفنهاش من وقت المباراة الفاصلة في الدوري بين #الاهلي و #الاسماعيلي في موسم ٢٠٠٨/٢٠٠٩ .
كل الشكر لرجال الاهلي اللي بيقدموا ملحمه كرويه قويه علي مدار الموسم .
قرار رحيل كولر و وجود عماد النحاس علي رأس الجهاز الفني تأخر كثيراً و أضاع علي الاهلي الكثير و كان القرار ده يتاخد من بعد ماتش باتشوكا
