Hamza swimming academy

Hamza swimming academy تعلم السباحه و زد من خبراتك و مهاراتك بها

Morning 😎 😎😎
29/09/2025

Morning 😎 😎😎

Morning 😎😎😎🏊‍♀️🏊‍♀️🏊‍♀️
22/09/2025

Morning 😎😎😎🏊‍♀️🏊‍♀️🏊‍♀️

مش هبالغ لو قلتك إن ٧٠٪ من نجاح أي سبّاح مش بس تمرين ومجهود… لأ، ده بيبدأ من "الدعم النفسي"! 🫶🏼لما يكون فيه حد مصدّق فيك...
15/07/2025

مش هبالغ لو قلتك إن ٧٠٪ من نجاح أي سبّاح مش بس تمرين ومجهود… لأ، ده بيبدأ من "الدعم النفسي"! 🫶🏼

لما يكون فيه حد مصدّق فيك، بيشجعك من قلبه، وواقف في ضهرك في كل لحظة، بتلاقي نفسك بتعدّي الصعوبات وبتوصل لمستوى عمرك ما كنت تتخيله! 🌊💙

حتى في الأيام اللي بتحس فيها إنك تعبان ومفيش طاقة، بتفاجئ نفسك إنك واقف، وبتكمل، بس علشان فيه حد وراك شايف فيك بطل 💪🏻

وجود مدرب مش بس بيعلمك تكنيكات السباحة، لكن كمان بيدعمك ويشجعك ويمدّك بطاقة نفسية حقيقية… ده مش مدرب وبس، ده "نعمة" 💙

في أكاديميةHamza swimming، إحنا مش بس بنصنع سبّاحين… إحنا بنبني أبطال!
احنا معاك من الطفوله لحد البطوله 👏🏼👏🏼🏊‍♀️🏊‍♀️




🏊🏻‍♂️✨

Good morning 🏊‍♀️🏊‍♀️🏊‍♀️
10/07/2025

Good morning 🏊‍♀️🏊‍♀️🏊‍♀️

عندما يصبح المدرب عائقًا بدلًا من أن يكون داعمًا: أثر التحطيم النفسي والمقارنة على الأطفال في الرياضةفي عالم الرياضة، ال...
22/02/2025

عندما يصبح المدرب عائقًا بدلًا من أن يكون داعمًا: أثر التحطيم النفسي والمقارنة على الأطفال في الرياضة

في عالم الرياضة، المدرب هو العنصر الأساسي في رحلة الطفل، فهو ليس مجرد معلم للمهارات، بل قدوة ومصدر إلهام. ولكن للأسف، هناك مدربون يتبعون أساليب قاسية تقوم على التحطيم النفسي، والمقارنة المستمرة بين الأطفال، مما يحول تجربة الرياضة من شغف ومتعة إلى عبء نفسي ثقيل.

التحطيم النفسي: عندما يُهدم الحلم بدلًا من بنائه

يعتقد بعض المدربين أن الضغط القاسي والتوبيخ المستمر هما المفتاح لصناعة أبطال، لكنهم ينسون أن الطفل كائن حساس، يحتاج إلى الدعم والتحفيز لينمو نفسيًا وجسديًا. الأساليب القاسية مثل:

التوبيخ العلني أمام زملائه، مما يجعله يشعر بالإهانة.

التقليل من مجهوده، مهما حاول وأعطى أقصى طاقته.

التركيز على الأخطاء فقط، دون الاعتراف بأي تقدم أو نجاح.

هذه الأساليب لا تصنع رياضيًا قويًا، بل تخلق طفلًا خائفًا، فاقدًا للثقة بنفسه، وقد يصل الأمر إلى انسحابه من الرياضة تمامًا، كما حدث مع العديد من الأطفال الذين تركوا أحلامهم بسبب بيئة غير داعمة.
C/ Hamza 🩵🩵🩵🏊🏊🏊

#مدربك هو الشخص الوحيد الذي لا يبحث عن تكريم أو شهادة أو أي شيء سوى أن يراك ناجحا و محققا هدفك فأنت هو شهادته و نجاحه ....
21/02/2025

#مدربك هو الشخص الوحيد الذي لا يبحث عن تكريم أو شهادة أو أي شيء سوى أن يراك ناجحا و محققا هدفك فأنت هو شهادته و نجاحه ..
#مدربك هو الوحيد الذي يتألم و يتأثر ويجهز لك حصصك و غذائك ونصائحك حين تصل الى هدفك
شكرا لكل كلمة حلوة تقولو فيها للمدربين كلها مودة و رحمة و حب و أخلاق
صفية 🩵🩵🏊🏊💪🏼💪🏼

اهميه وضع خطه من بدايه كل سباح فى مجال السباحه هاااااااااام جداً لكل سباح ولكل مدرب ولكل ولى أمر 👌🏼👌🏼👌🏼🩵🩵🩵🏊🏊🏊 كنت سباحة...
20/02/2025

اهميه وضع خطه من بدايه كل سباح فى مجال السباحه
هاااااااااام جداً لكل سباح ولكل مدرب ولكل ولى أمر
👌🏼👌🏼👌🏼🩵🩵🩵🏊🏊🏊
كنت سباحة في منتخب مصر وانا صغيرة. كنت بطلة الجمهورية لسن تحت 11 و 12 و 13 سنة بارقام قياسية باسمي في تقريبا كل السباقات اللي بلعبها من 50 متر صدر و فراشة ل 200 متر متنوع و كنت اصغر و يمكن اول سباحة مصرية تحصل علي ميدالية ذهبية و ميدالية فضية في بطولة جنيف الدولية وانا سني 11 سنة.

علشان احقق الانجازات دي كان لازم وانا عمري تقريبا 8-9 سنين اكرس حياتي للسباحة. تمرينات و تحميل و عقلة و حديد و تضحيات مني و من اسرتي و مجهود مستمر و طاعة للمدرب و صحيان الفجر و مياة ثلج في الشتاء و عدم تركيز في المدرسة و شعر علطول مقصوص و لون بشرة غامق و مفيش دلع ولا وقت يضيع، يا بتمرن ، يا بذاكر،يا نايمة. و حتي لو طلعنا نصيف 10 ايام في السنة كان والدي بيستكمل تدريبي حسب تعليمات و توجيهات المدرب. و بالفعل كان الحمد لله و لوالدي اللي ثابر علي استكمالي علي نفس المستوي لمدة حوالي 7 سنين.

و بعدين سافرنا مع والدي لضرورة عمله خارج مصر. لكن الحقيقة اللي مش بعترف بيها هي ان السفر مكنش السبب الاساسي اني بطلت سباحة، هو كان حجة رحمتني بشياكة من لقب اللي راحت عليها .. الحقيقة اني من قبل ما اسافر و انا كان بدأ مستوايا بنزل مع ان مجهودي زاد. كنت بحس اني زي ما اكون متكلبشة في المياة بعد ما كنت حقيقي بطير فوق المياة. ليه؟ الاجهاد البدني و النفسي و العصبي المفرط في سن صغير و اللي بيؤثر بالسلب علي النمو العضلي و مرونة اللاعب وبالتالي عمره الافتراضي كرياضي.. هو ده السبب. اننا بنتدرب بنفس الطريقة و الاسلوب لمدة سنين في سن النمو و ده بيخلي العضلات و المفاصل اكثر عرضة للاجهاد و الاصابات. و الدليل علي كده اني لما سافرت نفس البطولة مع نفس الناس اللي كسبتهم و اخذت الذهبية في جنيف بعدها بسنتين اثنين ، موصلتش للنهائيات!!

التحقت بفريق السباحة في البلد اللي سافرنا ليه .. و لما التحقت بالفريق الجديد مبقتش فاهمة التمرين اساسا ولا الهدف منه . يعني انا دلوقىي بعمل سبرنتات ولا بنحمل ولا بنسخن ولا مجموعات ولا ايه؟ نظام مختلف و فترات اقل بكثير في التمارين و 4 مرات في الاسبوع مش 7 ايام و مرتين في اليوم!! والتركيز اعلي علي التقنية و كل سباح بيتمرن بطريقة مختلفة حسب مستواه و احتياجاته و كل يوم تمرين مختلف و التركيز علي شيء مختلف. مبقتش فاهمة ولا عارفة اتدرب و فقدت اهتمامي بالسباحة و عند سن 15 سنة بطلت تماما.

كل القصة دى بقولها ليه .. لان زيي كثييييير جدا من المواهب التي اهدرت و اتحرقت و لسا بتهدر و تتحرق بدري علشان سوء الادارة و الفكر و الفهم و قصر النظر و الثقافة السليمة. كوادر عندها الموهبة و الامكانيات و العزيمة لكن بتحقق لا شيئ لما بتوصل لمستوي العمومي. قيس علي كدة معظم الرياضات في مصر.

فشلنا مش شخص ولا مدرب ولا لاعب ولا امكانيات. فشلنا منظومة فكرية عقيمة و محدودة . فشلنا الغوغائية و العشوائية و الهلهلية.. فشلنا عدم التخطيط و قصر النظر .. فشلنا الاستهانة بالبشر و اهمية كل موهبة عندنا .. فشلنا جهلنا بكل شيئ الا صناعة الفشل الممنهج و الاصرار علي

تعقيب : علي الجنب الايجابي، انا السباحة فادتني كثير جدا ! علمتني الجلد و قوة التحمل و العزيمة و المثابرة و الثقة بالنفس وحتي الهزيمة و وجعها وازاي اكمل بعدها .. حلاوة الفوز و الانتماء لفريق .. مع اني صحيح بحزن علي عدم استغلال موهبتي بعد كل المجهود اللي بذلته انا و والدي من قبلي، الا اني لو ترجع بي الايام اعمل كل ده ثاني !

Good morning 🏊🏊🩵🩵💪🏼💪🏼
23/01/2025

Good morning 🏊🏊🩵🩵💪🏼💪🏼

Address

Cairo

Telephone

+201220484518

Website

Alerts

Be the first to know and let us send you an email when Hamza swimming academy posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Hamza swimming academy:

Shortcuts

Share

Category