03/04/2025
تجربتي في السفر 80 كم بالعجلة من كفر الشيخ لبلطيم
في تالت يوم العيد، قررت أعمل حاجة مجنونة شوية، وطلعت بالعجلة من كفر الشيخ لحد بلطيم، مسافة حوالي 80 كم! الرحلة كانت مليانة تحديات وصعبة جدًا، واستغرقت مني حوالي 6 ساعات من الجهد والتركيز.
لكن اللحظة الأصعب كانت قبل الوصول بحوالي 15 كم، فجأة جالي شد عضلي رهيب في رجلي، الألم كان لا يوصف، لدرجة إني رميت العجلة ونمت على الأرض جنب الطريق! كنت حاسس إن جسمي مش قادر يتحرك، وبدأت عربيات تقف علشان تطمن عليّ، والناس كانوا فعلاً طيبين ومستعدين يساعدوا.
الغريب في الرحلة إن الناس اللي كانوا بيعدّوا بالعربيات كان عندهم ردود فعل غريبة ومشجعة في نفس الوقت! 😂
"إنت بتعمل إيه؟ في طريق زي ده بالعجلة؟!"
البعض كان بيشجع، والبعض كان مستغرب، والبعض كان بيضحك، لكن كل ده كان بيديني دافع أكمل وأوصل للنهاية.
بعد ما ريّحت شوية وشربت مية، جمعت قوتي وكملت الرحلة، ورغم الألم، الإحساس بالإنجاز لما وصلت كان لا يوصف! التجربة دي علمتني إن مفيش مستحيل، وإن التحدي الحقيقي بيبدأ لما تكون على وشك الاستسلام! 💪
ياريت لو تقدر توصلي ب Sponser اكون شاكر ليك
