Cap manar

Cap manar personal trainer,Fitness and Aerobic trainer,Rehabilitation of injuries,Special needs coach,Children's sports coach

09/02/2023

اتمرنوا 🏋️ بأي امكانيات التمارين بتطور كل شئ في الحياه مش بس شكل الجسم ، حتي مستوي التفكير بيتطور 👌وتجنب السكريات والحلويات والزيوت
حجات بسيطه ومش محتاجه مصاريف لكن نتايجها كبيره جدا 💪

09/02/2023

3اسباب للعب الرياضه 🤸
_تقويه الاربطه والمفاصل وكثافه العظم
_زياده إفراز هرمون السعاده
_تحسين كفاءة الرئه والتنفس ورفع المناعه 💪

27/01/2023

الناس اللي مابتحبش الكارديو (الايروبيكس أو زومبا أو كروس فيت أو اى كلاس ) قللو اوقات الراحه في تمرينة المقاومه(تمرينه الحديد ) , "الراحه بين المجموعات وبين التمرينات "
لو قدرت تحافظ علي هيرت ريت عالى طول التمرينه , حرق الكالوريز هايكون اكتر 💪

27/01/2023

نتائج الناس اللى بتلعب معايا 🏋️💪

استرتشات للجسم مهمه جدا لأى شخص مش شرط تكون بتروح الچيم . 💥الوقت :الصبح بدرى ، وقت العمل ، بعد فتره جلوس أو وقوف طويله ...
02/07/2021

استرتشات للجسم مهمه جدا لأى شخص مش شرط تكون بتروح الچيم .
💥الوقت :
الصبح بدرى ، وقت العمل ، بعد فتره جلوس أو وقوف طويله ،قبل وبعد التمرين
💥 أهميتها :
تنشيط الدوره الدمويه
بتأهل العضله للمجهود العضلى الشديد
الشعور بالتحسن العام للجسم
تمنع الإصابات
تسهل وتسرع من حركه الجسم

02/07/2021

💥 ️الأكل بالليل مبيتخنش

💥 ️الميه علي الاكل مبتعملش كرش

💥 ️تمارين البطن الكتير مبتحرقش دهون ومبتنزلش الكرش

💥 ️عضلات البطن بتظهر لما الدهون اللي عليها تخف ودا بتاثير الدايت مش التمرين

💥 ️الدهون اساسيه زي البروتين مينفعش دايت زيرو فات

💥 مفيش تمرين معين يحرق دهون من منطقه معينه جسمك بيحرق بترتيب معين حسب جيناتك الوراثيه

💥 مفيش مشروبات بتحرق الدهون والميه السخنه علي الريق مبتخسسش والزبادي باللمون اكل صحي بس مش حارق دهون

💥 مفيش اكل بيخسس واكل بيتخن الموضوع معادله رياضيه بسيطه بتدخل كام سعر وبتحرق كام سعر

💥️الحديد مفيد زى الكارديو لحرق الدهون علي المدي البعيد

💥️اي دايت هدفه مده زمنيه محدده الصح تغير عاداتك الغذائيه

02/07/2021

💢 معلومة للمبتدئين

١.قبل ما تبدأ سخن جسمك ٥ - ١٠ دقائق
٢.لو أنت جديد فى الجيم أبدأ تمارين بوزن الجسم زى ( البطن والضغط والإسكواد)
٣.اشتغل على تمارين المقاومة بوزن خفيف او وزن الجسم او الأجهزة
٤.التركيز ثم التركيز اثناء التمرين
٥.اشرب مياه بكمية قليلة فى المرة الواحدة
٦.مدة التمرين من ٢٠ إلى ٣٠ دقيقة واتمرن يومين او ثلاثة ايام فى الاسبوع وخد يوم راحة بينهم
٧.لما تستخدم اوزان اعمل ٢ - ٣ مجموعة للعضلة من ٨ - ١٥ عدة ماتشيلش اوزان تقيلة حتى لو قدرت
٨.استرخى بعد التمرين لمدة ٥ - ١٠ دقائق اعمل استريتشات
٩.افضل تمارين كارديو للصحة والتخسيس هى المشى السريع او نط الحبل لعدة دقائق.
١٠. لو انت جديد ف الچيم قبل ما تستخدم اى جهاز أو قبل ما تشيل اى وزن أسئل الكابتن طريقه الاستخدام لأن بيحصل إصابات بسبب كدا

29/06/2021

الناس اللى فاكرة المايه غلط أثناء التمرين .. احب اقولك متمنعيش شرب المايه وقت التمرين دا بالعكس المايه بتهدء من الاجهزه الداخليه للجسم وبتساعدك انك تلعبى اكتر
شوفى اى ماراثون ف الاولمبياد هتلاقى اللاعيبه ووسط الجرى بيقف يشرب ويكمل عادى .

25/06/2021

ياكابتن هى السونا بتخسس ؟؟؟ او حمام البخار ؟! طب لما البس بدله حراريه وانا بتمرن ؟! او بلف بطنى باسترتش ؟ او بلبس حزام تخسيس البطن ؟!!! هل كل دا بيخسس ولا لا ؟!!
👈الاجابه باختصار : لا ( عوامل مساعده مش اكتر )
👈نشرح ليه بقى : لان كل اللى بتعمليه دا بيزود العرق يعنى حراره الجسم بتبدا تزيد فالجسم بيعرق عشان يرطب الجلد . يعنى كل اللى خسرتيه مايه مش دهون فاول ما تطلعى م السونا لازم تشربى مايه لانك لو مشربتيش هتتعبى فلازم تعوضى المايه اللى الجسم خسرها وبالتالى وزنك رجع لوزنه الطبيعي
👈بس هى ليها فوائد كتير منها انها مفيده جدا للجلد وبتساعد ع زياده الحرق بس بنسبه بسيطه تعمل على فتح مسامات الجلد وتخلص الجسم من السموم والشوائب من خلال التعرق.
- تعمل على إرخاء العضلات و التخفيف من آلامها .
- تعمل على استرخاء الجسم و بالتالي تخفيف التوتر والقلق.
- تنشط الدورة الدموية و تعمل على تمرين الأوعية القلبية.
- استنشاق البخار الموجود داخل حمام البخار يؤدي الى فتح القصبات الهوائية و تخفيف التهاب الجيوب الأنفية ، التهاب القصبات، والسعال .

👈طب نعملها كام مره وامتى ؟!
تدخلى السونا والبخار مرتين ف الاسبوع مش اكتر من كدا عشان جلدك وجسمك ميتعبش بسبب زياده درجه الحراره
وممكن تعمليها قبل التمرين بس تشربى مايه كويس بعد ما تطلعى منها وتهدى نص ساعه وتاخدى التمرينه بتاعتك لان السونا هتساعدك ع زياده سرعه الحرق بنسبه بسيطه جدا بتستمر بعدها بخمس ساعات
💪بالنسبه لحزام البطن والاسترتش ؟!
هى بتساعدك بس ع وضع شد عضله البطن بس مش اكتر لأن وقت التمرين أو على طول طول ما انتى شده بطنك هتقوى عضله البطن وهيبقى صعب انها تتكون دهون ف المنطقه دى بس نلبس الحزام وقت الرياضه فقط مينفعش على طول لانه هيسبب مشاكل العضله. 💪

24/06/2021

حرق الدهون 💪

✋-سؤال : هل كثرة التمارين والاوزان بتحرق الدهون ؟
💪جواب : لا..التمارين بتحرق السعرات وشئ بسيط من الدهون وبأول وجبة حتتناولها بعد التمرين حترجع السعرات تاني.

✋-سؤال : طيب ايه اللي بيحرق الدهون؟
💪جواب : نظام غذائي منخفض السعرات ونضيف (نضيف يعني قليلة الكاربوهيدرات وفقيرة بالدهون المضرة وصفر او اقل مايمكن من السكريات المعقدة ) + نظام تدريبي مخصص لحرق الدهون يتضمن كارديو او HIIT (زي المشي 🚶أو نط الحبل أو رقص زومبا )

24/06/2021

اهلا بيكم فى صفحتى

الصفحه هدفها هو تعلم التمارين الرياضيه 💪ومناقشه المواضيع الصحيه 👌

Address

Cairo

Website

Alerts

Be the first to know and let us send you an email when Cap manar posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Cap manar:

Shortcuts

Share

Category