14/09/2024
كم من اعتذارات رهيب جدا على السوشيال ميديا بعد انتهاء او غلق المدة المحدده لتسجيل قايمة الاهلي في مباراة السوبر لا حصر له وده يديلك مؤشرين واحد حلو وواحد وحش
🔴🔴 الحلو نجاح ادارة النادي في انها تخلق حالة من الضبابية على شغل لجانها سواء اسكاوتنج او تخطيط او تعاقدات ( ده في حالة ان هما شغالين ) 😂😂😂 وفي حالة انهم مش شغالين نجاح برده في وهم الجمهور بأنهم شغالين ( ودي كلها احتمالات تؤدي لنتايج منتظرينها لحد 30 سبتمبر )
🔴🔴 الوحش بقى انه فرز كميه كبيرة من اصحاب الهبد المستمر على السوشيال ميديا ( وان كان بعضهم يملك معلومه فعلا فهيا مش كامله ) وبصراحه معجبنيش طول فترة الميركاتو دي غير Kooora Zone - كابتن دوله الي بصراحه احترم متابعينه وكان بيعرض الصوره كلها قدامهم الوحش قبل الحلو ويسيبلهم القرار وكمان Hossam Mostafa - حسام مصطفى الي برده احترم متابعينه وكان بيحاول يوصل للمعلومه من المصدر ويعرضها كاملة
🚨🚨🚨 هتقولي طيب الاهلى هيعمل صفقات
اه ممكن جدا يعمل صفقات لانه متاح عنده لسه 17 يوم قبل غلق باب القيد الافريقي واي كان الي جاي مش هيكون مؤثر بشكل كبير قوي في السوبر قدام الزمالك الا لو لعيب فالته اوي
🚨🚨🚨 طيب تتوقع ايه
السنه الى فاتت حصل نفس الفيلم ده والاهلي فضل يفاوض في سوزا وناديه الكوري وبين وافقوا على المبلغ وبعدين عايزين كاش وقالك خلاص هو كدا كدا عقده هيخلص وندعم بصفقه انقاذا للموقف بعد خسارة السوبر قدام اتحاد العاصمة ونزل علينا الحاج موديست الي لسع مليون ونص دولار معملش بيهم غير في السوبر قدام فيوتشر
طبعا مع الوضع الحالي للادارة ممكن ده يتكرر الا لو كولر باعهم وده هيحصل لا قدر الله في حالة خسارة السوبر قدام الزمالك والى الجمهور المره دي مش هيعديها زي الي حصل قدام اتحاد العاصمة لانه ببساطه هيبقى قدام غريمك التقليدي
🚨🚨🚨 تتمنى ايه
اتمنى الى حصل السنه الي فاتت ميتكررش السنه دي والادارة الجديده بعد انتهاء مدة المجلس الحالى تتعلم من الكلام ده وطبعا اتمنى السوبر اهلاوي 🦅🦅🦅🦅🦅🦅🦅🦅🦅🦅🦅🦅🦅🦅🦅🦅🦅🦅🦅
الباشلعيب ELBashlaaeb
Al Ahly SC
