Box to Box

Box to Box بوكس تو بوكس صفحه متخصصه في اخبار الكره المصريه وتقدم تحليلات واخبار ومقالات تخص كل ما يدور علي الساح

01/05/2023

الساده الافاضل .. حابب بس اوضح ان الصفحه مالهاش علاقه ببرنامج التليفزيون واستاذ محمد شبانه . الصفحه دي من ٢٠١٩ من قبل البرنامج .
شكرا جزيلا

29/05/2022

تشكيل الاهلي الاقرب في نهائي افريقيا

الشناوي
هاني - ياسر - ايمن - معلول
حمدي - ديانج - عبد القادر
حسين الشحات - طاهر
بيرسي تاو

علي الدكه هيكون : علي لطفي - كريم فؤاد - رامي ربيعه - السوليه - وليد سليمان - قفشه - شريف - صلاح محسن - محمود وحيد

توقعاتكم للتشكيل والنتيجه ؟؟

29/05/2022

المصري في خطر

النادي المصري اخر ٩ ماتشات خسر ٨ وتعادل ١
دخل مرماه ١٨ هدف واحرز ٧ اهداف
يحتل المركز ال ١٤ وعلي بعد نقطتين من مراكز الهبوط

28/05/2022

طلائع الجيش مع العشري اخر ١٤ ماتش بدون هزيمه .
٨ فوز و ٦ تعادل
المركز ٦ في الدوري وعلي بعد ٣ نقاط من المربع الذهبي

23/02/2022

الاسماعيلي في خطر

الدراويش السنه دي لعب في الدوري ١٠ مباريات خسر ٧ مباريات وتعادل في ٣ مباريات . احرز ٣ اهداف واستقبل ١٤ هدف !!

الاسماعيلي بدا الموسم مع طلعت يوسف مع صفقات جديده زي احمد عادل وعمر رضوان وعصام صبحي ومحمد دسوقي مع الاستغناء عن شيلونجو وفخر الدين بن يوسف وشكري نجيب ومروان الصحراوي و بعد كام ماتش رحل طلعت يوسف .

تم استقدام خوان براون الارجنتيني وكان عنده فرصه بعد فتره اعداد ومباريات وديه وكاس الرابطه مع ١١ صفقه جديده منهم لاعبين من الارجنتين وبوليفيا . ولكن النتيجه كانت خساره من سموحه وبيراميدز وتعادل مع فيوتشر ورحيل المدرب وحضور حمد ابراهيم اللي خسر اول ماتش مع الجونه .

الاسماعيلي حقيقي في خطر بسبب جوده اللاعبين الموجودين في الاسكواد مع انعدام الروح والثقه .

الاسماعيلي هيلعب ٤ مباريات قادمه مع المقاصه وده منافس مباشر وبيصارع عالهبوط وبعد كده فاركو والاتحاد والمصري .

04/11/2021

بيراميدز مع ايهاب جلال ٣ مباريات ٩ نقاط
ياريت نشوف منافسه ثلاثيه علي الدوري بين الاهلي والزمالك وبيراميدز

03/11/2021

لقاء القمه
احنا علي موعد مع لقاء قمه هيكون قوي ومستواه عالي لعده اسباب .

اولا هيكون في حضور جماهيري
ثانيا التصوير والاخراج علي اعلي مستوي
ثالثا ملعب ستاد القاهره في احسن صوره
رابعا الفرقتين واقفين علي رجليهم ومستواهم الفني والبدني عاليين جدا .

التشكيل الاقرب للزمالك
ابو جبل
المثلوثي - محمود علاء - الونش - عبد الشافي
طارق حامد - امام عاشور
زيزو - اوباما - بن شرقي - الجزيري ( عمر السعيد)

التشكيل الاقرب للاهلي
الشناوي
بدر - حمدي - ايمن اشرف
اكرم - ديانج- السوليه - معلول
قفشه - تاو - ميكيسوني (محمد شريف)

توقعاتكم للنتيجه ؟؟

27/10/2021

اليوم الثالث في الاسبوع الاول
مبارتين = ٧ اهداف 👍👍

بيراميدز فاز علي المقاصه ٢-١
بيراميدز مش ناقصه حاجه عشان ينافس عالدوري . مدرب محنك زي ايهاب جلال وامكانيات ماديه ونجوم في كل المراكز بقياده السعيد ورمضان وفخر الدين وابراهيم عادل والكارتي . المقاصه واضح جدا انه اول المهددين بالهبوط بعد الاستغناء عن كل نجومه زي بيكلي وفوافي وباسم مرسي دون التدعيم بلاعيبه قويه .

الاهلي فاز علي الاسماعيلي ٤- صفر
الاهلي فايق جدا وواقف علي رجله مع موسيماني والصفقات الجديده بقياده الخطير تاو وميكيسوني وحسام حسن واللي رجعوا من الاعاره زي عمار وعبد القادر . الاسماعيلي اعتقد انه هيعاني الموسم ده زي المواسم اللي فاتت بالرغم من وجود طلعت يوسف ولكن التدعيمات مش علي المستوي

26/10/2021

ملخص اليوم الثاني في الاسبوع الاول
٣ ماتشات واجمالي ٥ اهداف 😞

المقاولون فاز ١- صفر علي الشرقيه للدخان
المقاولون بالرغم ان معاه مدرب محترم زي عماد النحاس بس اعتقد انه هيعاني السنه دي في الدوري بسبب ضعف التدعيمات . الشرقيه للدخان معاه برده مدرب كويس محمد عوده بس هيعاني السنه دي .

الجونه اتعادل مع سيراميكا ١-١
الجونه مستقر مع رضا شحاته وعمل صفقات كويسه زي خالد قمر وبيكلي وكريم طارق وعمرو طارق واتصور ممكن يحافظ علي وجوده في الدوري بالرغم من الاستغناء عن نجويم وسيرجي اكا وعمر السعيد . سيراميكا ايضا مستقر مع هيثم شعبان وعمل صفقات مميزه زي باسم مرسي ومحمود البدري ومانساه ومصعب البطاطي وممكن يكون في منتصف الجدول .

الزمالك فاز علي انبي ٢- صفر
الزمالك محروم من القيد بس رجع ليه لاعيبه مهمه زي عمر السعيد ومصطفي فتحي واوناجم ورزاق سيسيه . كارتيرون مستقر مع الفريق بيعرف يشتغل علي الجانب البدني والنفسي كويس جدا . التكتيك بتاعه واضح جدا وهو التوازن بين الدفاع والهجوم وبمجرد احراز هدف او اكتر بيعرف يقفل مساحات الملعب كويس ويعتمد علي المرتدات . انبي بالرغم من وجود مدرب كبير زي حلمي طولان بس اعتقد انه هيعاني السنه دي بعد الاستغناء عن رامي صبري وعبد الرحمن عامر وزياد بوغطاس والتدعيمات مش علي مستوي عالي بس اعتقد انه قادر علي البقاء في الدوري

25/10/2021

يوم مثير في افتتاح الدوري المصري
٣ مباريات واجمالي ١٢ هدف

البنك الاهلي فاز ٣- صفر علي الجيش
البنك الاهلي عنده استقرار فني مع خالد جلال من الموسم اللي فات وعمل صفقات قويه زي هلال وبامبو واسحاقو واسامه فيصل واعتقد انه يقدر يكون متواجد في منطقه آمنه. الجيش مستقر مع بسيوني بس اللاعيبه محتاجه انسجام وهيحصل مع الوقت

الاتحاد وسموحه اتعادلوا ٤-٤
الفرقتين عملوا فتره اعداد كويسه وجابوا صفقات كويسه ومعاهم مدربين كويسين حسام حسن واحمد سامي واعتقد الفرقتين هينافسوا علي الوجود في المربع الذهبي الموسم ده

فيوتشر فاز ١- صفر علي فاركو
فيوتشر عمل ٢٧ صفقه قويه ولاعيبه عندها خبرات الدوري الممتاز مع مدرب قدير زي علي ماهر. اعتقد يقدروا يكونوا موجودين في منطقه قريبه من المربع الذهبي . فاركو فرقه عملت صفقات كويسه زي عمرو جمال وسيف تيري ورامي صبري ومحمد صبحي واعتقد يقدروا يستمروا في الدوري السنه دي مع مدرب محترم زي مجدي عبد العاطي

الفرق المتأهله لدور ال ١٦ في دوري ابطال افريقيا
24/10/2021

الفرق المتأهله لدور ال ١٦ في دوري ابطال افريقيا

25/09/2021

أرقام كارتيرون مع الزمالك في الولايه الثانيه

لعب ٢٥ مباراه في كل البطولات
فاز في ١٩ مباراه بنسبه ٧٦٪؜ ودي نسبه عاليه
خسر في مبارتين فقط بنسبه ٨٪؜

أحرز ٤٩ هدف بمعدل تقريبا هدفين في المباراه وده
معدل تهديفي جيد جدا

استقبل ١٧ هدف بمعدل اقل من هدف في المباراه

فاز بالدوري المصري
وصل قبل نهائي كاس مصر
خرج من دوري المجموعات في بطوله افريقيا مع العلم انه مسك الفريق بعد مرور ٣ جولات

الزمالك عمل صفقات قليله زي محمود شبانه من اسوان وعمر كمال من المصري وحمدي النقاز مع رجوع مصطفي فتحي و محمد اوناجم ورزاق سيسيه وعمر السعيد والاستغناء عن جنش وصبحي وعبد السلام وحميد احداد

اعتقد الزمالك محتاج لاعب وسط ملعب قوي وراس حربه افريقي وحل موضوع القيد عشان يقيد الصفقات الجديده ويقدر يعتمد علي اهم مهاجم عنده وهو سيف الجزيري

Address

Cairo

Website

Alerts

Be the first to know and let us send you an email when Box to Box posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Box to Box:

Shortcuts

Share

Category