في لعيبة؟

22/03/2026

فاكرين التصريحات دي، وكل اللي قالوا عليه خاين وعايز يبوظ شكل الأهلي 😄

22/03/2026

فاكرين اللاعيبة الرجالة اللي كانت بتحب التيشيرت وبتخاف عليه وحساباتهم في البنك مش أهم من النادي اللي شايلين اسمه؟

كلهم مشيوا واتبدلوا بشوية عيال كل همها هتدفعلي كام عشان تلاقي مني شوية جري بس في الملعب ميجوش نص مجهود وكورة واحد من الاتنين اللي في الصورة دول.

الإدارة دي لازم تتحاسب على كل ده وتمشي فوراً.

#الأهلي

21/03/2026

خروج مهين لايق أوي على كمية التخبط اللي بيحصل بقاله سنتين.
الإدارة تتحاسب قبل أي حد.
من أول قرار خروج شيد عبد الحفيظ بدون أي سبب ومفيش غير قرارات غلط في غلط
انا مش هلوم أي لاعب
لما واحد يجيلي يقولي انت نجم الكوكب خد ملايين كتير والنبي وتعالى عشان انا هبقى بيك حاجة تانية.

الإدارة دي لازم تتحاسب على كمية الصفقات اللي ملهاش أي معنى
على المدربين اللي بييجوا ياخدوا فلوس منك ويمشواعلى الفرقة السايبة اللي ملهاش ظابط ولا رابط.

على عدم التخطيط لأي خطوة في فريق الكورة وكمية تخبط رهيب مش مفهوم.
وكمية فلوس اتصرفت على اللاشيء.
وكمية العواجيز اللي لازم يبقوا موجودين في الصورة عشان هم ولاد النادي

#الأهلي
#الأهليالترجي

15/09/2023

#الأهلي واتحاد العاصمة الجزائري و 🏆 .. هو الأهلي اتغلب تكتيكياً فعلاً؟ 😖

#الأهلي

15/09/2023

توقعاتكوا لماتش النهاردة إيه ؟

11/09/2023

مهاجم الأهلي الجديد .. إضافة أم عبء! .. أحكم بنفسك
#الأهلي #موديست

09/09/2023

مين هو؟

دي سلسلة مين هو!هنتكلم فيها كل مرة عن أسطورة بس مش هنقول هو مين وانتوا اللي هتقولوا بنفسكوا أنا أحمد فؤاد ودي قناتي هنعمل سوا فاهمين في كرة القدم ونقول كل ال...

18/03/2023

شد أعصاب ينتهي بإن الكورة ترجع لملعبنا تاني ..

مستنينكم في القاهرة

14/03/2023

هو بيرسي تاو لاعب كويس ولا لاعب أي كلام؟

السؤال ده بصراحة أنا كمان مكنتش عارف إجابته لحد مباراة صن داونز في جنوب أفريقيا تحديداً!

إكتشفت إن بيرسي تاو خرج أفضل نسخة عنده على الإطلاق في الماتش ده.

طيب ليه؟

بيرسي تاو المباراة دي لعب وهو أولاً عايز يثبت لناديه السابق إنه إختار النادي الصح اللي يرجع عليه في مصر.
وتاني حاجة هو نفسياً كان مرتاح جدا وهو بيلعب هناك رغم إنه بيلعب ضد مش مع صن داونز.

لكن عشان تعوده على اللعب هناك وفي الأجواء دي خلى رهبة أنا هبان حلو ولا وحش مش موجودة عنده وأصبح بيلعب بدون قيود مكتفاه ومخلياه خايف يبقى مش حلو!

يعني في لعيبة كورة كدة .. لاعيبة جامدة جدا وإمكانياتها عالية جداً ولكن الضغط النفسي بيخليه جوة الملعب مش بطبيعته وده ممكن ينزل ٥٠% من مستواه حرفياً

فشوية تلاقيه فاكك وعامل ماتش حلو وشوية مش عارف هو ده في الملعب ليه لحد دلوقتي

بس كل اللي أقدر أقوله
إنه لاعب عنده إمكانيات كبيرة جداً
وشوفناها في ماتش صن داونز هناك
كان بيلعب بدون أي ضغوط نفسية للأسباب اللي قولتها فشوفت أفضل نسخة من بيرسي تاو.
وشوفنا هدف مش أي لاعب يقدر يجيبه في ظل ظروف الماتش الصعبة جدا
بس هو جابه وبكل ثقة وحرفنة

الخلاصة .. بيرسي تاو لما يتعامل نفسياً صح ويتفك من الضغوط اللي مكتفاه
هتلاقي جناح بيلعب برجله الشمال خطير ويتعمله مليون حساب في الملعب.

ملحوظة:
إصاباته الكتير اللي مكانتش بتظهر لما كان في صن داونز .. سببها نفسي مش جسدي.

؟

11/03/2023

الأمور الحقيقية وراء هزيمة صن داونز النهاردة

11/03/2023

اللي حصل النهاردة ده للأسف أنا كنت مستنيه ومتوقعه وللأسف كنت متوقع نتيجة كبيرة زي اللي حصلت النهاردة!

بقالنا فترة عاملين نفسنا مش واخدين بالنا إن إحنا ماشيين غلط وكنت مستني الماتش ده تحديداً عشان يحط الأمور في صورتها الحقيقية الواضحة واللي مفيش فيها جدال.

إنت بتتعطل قدام نادي ومش بقول فريق لإن القصة مش بس جودة لاعيبة محترمة ..
لأ

القصة إن إدارة النادي عارفة كويس هي بتعمل إيه
ولو لاعبتهم بعد 10 سنين حتى لو بأسماء مختلفة هتلاقي نفس الجودة ونفس طريقة اللعب واحتمال لو مبطلتش عند واعترفت إنك غلط تبقى نفس النتيجة!

الفرق كبير جداً بين إدارة عندها هدف واضح وصورة واضحة عايزة توصل بيها للجودة إللي بنشوفها دايماً من صن داونز.. وبين إدارة فاكرة إنك لو حطيت أي 11 لاعب يلبسوا تيشرت الأهلي فشخصية الأهلي هتخليهم يتحولوا!

والروح والإصرار هو اللي هيخليهم يطيروا!

وأي مدرب النهاردة كان هيبقى موجود كان هيشيل نفس النتيجة دي ويمكن أكتر.

وانت لما قدرت تعدي صن دارونز في 2021 مش عشان انت كنت أفضل وقتها.
لأ اتفرج على الماتشين دول واتفرج بردو على فرق الإمكانيات اللي كان بينك وبينهم الكبير!

إنت عديت عشان اتعاملت على قد إمكانياتك وقتها وقدرت توظف إمكانياتك الأقل منهم بشكل يخدمها ويخليك تعدي بطلوع الروح وتقول الحمد لله إن ماتشهم عدى وخلصنا.

إحنا قبل ما نبقى محتاجين لاعبين فاحنا محتاجين إدارة غير عنيدة تقدر تدير باحترافية ومتبقاش ضعيفة في التعامل مع ملفات الكورة في النادي.