19/05/2026
كلمتين لازم تفهمهم لو هتعمل #دايت او هتنظم #اكلك 👇🏻
الارز والمكرونة هم اساس في معظم اكالات البشر بشكل يومي
وف نفس الوقت هم من اهم مسببات مشاكل الصحة والوزن ,,,
فنسمي الله ونركز كويس عشان مقال مهم جدا لينا كلنا خصوصا :-
✅مرضي السكر
✅مشاكل مقاومة الانسولين
✅مشاكل السمنة وزيادة الوزن
✅مشاكل النحافة
الارز والمكرونة فيهم اد اى سعرات ونشويات ؟!
🟢🟢حوالي 3 معالق كبار " بعد التسوية " هتلاقي فيهم
تقريبا 15 جم نشويات و تقريبا 2 جم بروتين وتقريبا 80 سعر حراري .
فانت لو هتاكل 3 معالق او 6 معالق ف الوجبة ، انت كدا مش هتاكل
كتير ولا سعرات كتير ولا كارب/نشويات كتير !
ومفيش حاجة اسمها الرز ممنوع ولا المكرونة بتتخن ولا الكلام الساذج دا !
الكلام دا بتاع ناس معندهاش علم ، او العلم ال عندها منتهي الصلاحية
مشاكل الارز والمكرونة ف الاساس هي مشاكل #كميات كبيرة ف الاكل !
تلاقي نفسك بتاكل 15 و 20 معلقة ف الوجبة ، يعني بس الارز ال انت اكلته
مديك 500 سعر حراري تقريبا ! وتقوم انت ف وجبة واحدة فقط تلاقي نفسك اكلت
+ 1000 سعر حراري !
وتلاقي محصلة اليوم بتاعك + 3000 ولا 4000 سعر حراري ،
وتيجي تقول انا بتخن ليه دا انا باكل مرتين بس ف اليوم 😅
🔴🔴
مشاكل النشويات خصوصا هي ف ان جسم الانسان مبيقدرش يخزن النشويات دي
بكميات كبيرة !
مخزون النشويات ف الجسم محدود ! واي زيادة من النشويات عن الاحتياج اليومي
بيتم تحويلها مباشرة وتخزينها ع هيئة دهون !
مش قادر تخزن نشويات ؟ الدهون تقولك تعالي يا حبيبي اخزنهالك ف الكرش ع طول
😡
والدهون تعمل كرش ,,, تعمل جوانب ,,, تعمل مقاومة انسولين !
وكتر النشويات وكتر تخزين الدهون ,,, يعمل مشاكل #السكري !
وتعمل ضغط عالي ,,, وتعمل مشاكل #القلب !
النشويات حرفيا هي ممكن تكون اخطر من الدهون !
بسبب انها بتاكل وبتفتح نفسك ، عكس الدهون ال صعب تاكل منها كميات كبيرة.
تاني حاجة لازم تفهمها وانت بتتعامل مع #الارز او #المكرونة
هي حاجة اسمها " المؤشر الجليسيمي "
✅✅
سواء الارز الابيض او البني او البسمتي " كلهم تقريبا نفس السعرات والجرامات "
ولكن !!!
الارز الابيض او المكرونة البيضاء ، بيرفعوا السكر ف الدم بشكل سريع
والرفعة السريعة دي هتخليك تاكل كتير ، وتعملك المشاكل ال وضحناها فوق !
عشان كدا ياريت لما نستخدم ارز نستخدم ارز #بسمتي او #بني
والمكرونة تكون مش بيضا ! تكون مكرونة #شوفان او مكرونة
اخر حاجة للارز والمكرونة هي طريقة الطبخ والتجهيز :-
🔴مفيش اى داعي انك تستخدمي او تحط سمنة وزبدة وزيوت وانت بتعمل الارز او المكرونة !
اصلا هم طعمهم حلو من غير حاجة ! والمشر-حة مش ناقصة 😅
🟢لو ضروري زيت ممكن نقط بسيطة زيت زيتون ويتم الطبخ ع نار هادية ، عشان زيت الزيتون بيتاثر بالسلب كقيمة غذائية مع اى حرارة عالية .
✅ اخبرت ف شوية تركات ممكن تعملها تخلي السعرات للرز ار المكرونة او النشويات ككل تنزل للنص 💪🏻 هتلاقي التوضيح ف اول كومنت.
خلاصة المقال ف نقط بسيطة :-
🔴مفيش حاجة اسمها امنع رز عشان تخس او تنشف !
🔵 الارز والمكرونة يكونوا بني او بسمتي او دقيق كامل .
🔵نطبخهم عن طريق السلق وبدون صوصات او دهون ،
وممكن فقط استخدام نقط بسيطة زيت زيتون .
🔴المهم #الكمية ! قلل عدد المعالق قدر الامكان حتي لو هتاكل رز ابيض !
كتر المعالق يعني كتر الوزن يعني كتر المشاكل الصحية .
🔵الشباب ال بتزيد ف الوزن بصعوبة او ال بيحاولوا يزودوا شهيتهم للاكل
احنا بنختار الارز الابيض او المكرونة البيضا عشان يفتحوا نفسك ويساعدوك تاكل كميات اكبر
👏
عاوز تحسن من صحتك او توصل لشكل مناسب ووزن يعجبك ويرضيك
اهم حاجة لازم تراقبها وتفهمها هي #النشويات
#تخسيس
#رياضه
