Body Mechanic

30/04/2023

🛑 وقت الوجبه 🛑

🔰 الوجبه عامل مهم واساسي بالنسبه للشخص الرياضي .

🔰 طب عاوز اعرف التوقيت اللي هاخد فيه الوجبه بتاعتي هل أخدها بعد ام قبل التمرين؟

🔰 الوجبه بعد التمرين ليها مميزات زي :-

🔸بيزود من حرق الكالوريز و بيسرع من امتصاص المعادن نتيجه ان الچليكوجين اللي في عضلاتك خلص ( بسبب تمرينك ) فبيحول الكربوهيدات ل چليكوجين .

🔸اما عن قبل التمرين فمش مستحب انك تاكل قبل التمرين علطول ولكن لو لابُد من الامر انك تتمرن بعد الاكل يبقي تستني وقت مش اقل من ٣ ساعات .

⚠️عشان ميحصلش حرب بين عملية الهضم و عملية النشاط العضلي .

🔰 طب ليه ؟

🔸 عشان عملية الهضم بتستدعي كميات كبيره من الدم ، ونفس الكلام بالنسبه للعضلات لما تقوم بتمرينك او نشاطك الرياضي .

🔰 طب في حالة لو مسيبتش المده اللي قولتلك عليها ؟

هيؤدي ل :-

🔸 اضطرابات زي ارتفاع دقات القلب ، احساسك بالاستفراغ ، صعوبة التنفس و مش هتعرف تتمرن بالمجهود اللي مطلوب منك ( هتحس انك تقلان ) .

#معلومات

31/01/2023

🔰 زي ما شرحنا في بوست فات ڤيتامين ( أ )

هنخش علي العنصر اللي بعديه الا و هو ..

❗ ڤيتامين ب ❗

🔰 الڨيتامين الوحيد اللي بيتفصص لعدة عناصر كانها عائله بس مخاصمين بعض وكل واحد في حته .
لانه بينقسم ل ٦ عناصر .. ايوه زي ما سمعت !

تعالي بقي نفصصهم واحده واحده ومتنساش ( كباية القهوه ) في ايدك و لو مبتحبهاش تجاهل البوست .

🔰 الڤيتامين ده بينقسم ل ( ب١ , ب٢ ، ب٣ ، ب٦ , ب٩ ، ب١٢ )
هناخد حاجه حاجه ..

❗ ڤيتا ب ١❗

🔰 اكتر ڤيتامين هتحتاجه بعد التمرين المُتعب وبعد ماتفرز العرق و مهم جدا للجهاز العصبي عندك .

🔰 طب ايه مصادره ؟

🔸 ١ - مصدر حيواني 🐮 .
الكبد , لبن ، اسماك ، اللحوم ، البيض .

🔸 ٢ - مصدر نباتي 🥬 .
الياف + نشا ( قمح ، شعير ، رز ) ، بازلاء ، فاصوليا ، بطاطا ، برتقال ، وموجود في المكسرات ( جوز ، لوز ، بندق ) .

🔰 طب ايه اعراض نقصانه ؟

🔸 أعراضه كتير منها اعراض عصبيه و معويه و في العضلات و الدوره الدمويه بس هكتبلكوا الأعراض الشائعه ..
🔸 صداع ، تعب ، ارق ، قئ ، امساك ، صعوبة التنفس .


❗ڤيتا ب٢ ❗

🔰 الڤيتامين المهم اللي بيساعد علي نمو الخلايا و امتصاص الحديد ( هبقي اشرح و اعمل سلسله عائلة_المعادن قريب ) .

🔰 طب ايه مصادره ؟

🔸 ١ - مصدر حيواني 🐮 .
كل المنتجات الحيوانيه ( بيض ، لبن ، جبنه ، سمنه ) ، كبد ، سمك .

🔸 ٢ - مصدر نباتي 🥬 .
سبانخ ، جزر ، لفت ( و اظن كلنا مبنرحمش مخلل من عند عاطف بتاع الفول ) ، موز ، مشمش .

🔰 طب ايه اعراض نقصانه ؟

🔸 نزول في الوزن ( و طبعا خطير ) ، التهابات في السنان و اللثه ، صعوبة عملية الهضم ، الكسل ( وركزو هنا كويس ) .

❗ڤيتامين ب٣ ❗

🔰 اكتر ڤيتامين بيساعدك علي تكوين كرات الدم الحمراء و النمو ( و مهم جدا لنمو الاطفال ) .

🔰 طب ايه مصادره ؟

🔸 ١ - مصدر حيواني 🐮 .
كبد ، البيض ( بالذات الصفار ) ، اللحوم .

🔸 ٢ - مصدر نباتي 🥬 .
سبانخ ( و اظن كلنا فهمنا ليه بيسموها بنبات الحديد) ، جزر ، فاصوليا ، بازلاء .

🔰 طب ايه اعراض نقصانه ؟

🔸 وجع الرأس ، الصداع ، حرقة الجلد و اللسان ، تشويش فكري و ضعف الذاكره .

باذن الله كل بوست هنمسك تلاته تلاته نفصصهم ونختصرهم علي قد مانقدر ..



#ڤيتامينات

17/01/2023

🔰 في بوست قبل كده اتكلمنا عن الڤيتامينات بشكل عام لكن معرفناش عمل وفوائد و مصادر كل ڤيتامين .

🔰عشان كده قررت اعمل سلسلة .

🔸 هشرحلكم فيها بالتبسيط الممل كل ڤيتامين وتبقي معلومه علي السريع ..

❗ ڤيتامين أ ❗

🔸 ضروري لتقويه شبكة العين , وسلامة الاسنان والجلد .. وضروري جدا في نمو جسمك ! .

🔰 طب ازاي اخده او ايه مصادره ؟

🔸 (عندك مصدرين ( ١- طبيعي = نباتي) ، ٢- حيواني .

🔰 المصدر الاول :- الطبيعي 🥦🥬 .

الجزر - البرتقال - المشمش - البطيخ - الموز - السبانخ - الجوز - اللوز .

🔰 المصدر التاني :- الحيواني 🐮 .

الكبده ( وديه داخله معانا في كل حاجه و مصدر كويس لجميع الڤيتامينات بلا استثناء ) - البيض وبالأخص ( صفار البيض ) - المنتجات الحيوانيه ( لبن - جبنه - زبده ) - اوميجا ٣ غني عن التعريف .

🔰 طب دلوقتي عرفنا مصادره امتي اعرف بقي اني محتاج الڤيتامين ده او بالاخص ( ايه اعراض نقص ڤيتامين أ ) ؟ .

🔸 جفاف الجلد - تاخر النمو - تاخر التئام الجروح (لو اتعورت او اتصابت بتاخد وقت عقبال ما تلتحم ) - اسهال - خسارة الوزن ( بتلاحظ ان لو ماكلتش بتنزل نزله رهيبه وده طبعا خطر ) .

⚠️ وممكن تاخده في حالات خاصه زي
ظهور حب الشباب - ضعف السمع - تقصف الاظافر و الشعر - التهاب الحلق - القرحه .

و بكدا نكون خلصنا اول عائله من .

#ڤيتامينات

31/12/2022

🔸 زي ما شرحنا في البوست اللي فات السكريات البسيطه والمعقده .
هشرحلكم بشكل تفصيلي اكتر وهنفصصها اكتر..

🔰 زي ماقولنا ان السكريات البسيطه بتتصنف من الكربوهيدرات الا انها بتتكون من حاجاتين.

❗(١) سكريات احاديه❗

🔸 وهي جزئ واحد من السكر 🔸

🔰 طب ايه انواعها ؟

١- الجلوكوز
مفيش اكتر من الجلوكوز في الطبيعه وبيدخل مع سكريات تانيه وبيمد الجسم بالطاقه وبينظم جلوكوز الدم .

٢- الجلاكتوز
وده سكر موجود في اللبن وده بيرتبط مع الجلوكوز وبيكونلنا سكر ثنائي يقوم جايبلنا ( سكر اللاكتوز ، هشرحه 😉 ) .

٣- الفركتوز
سكر الفاكهه وده من احلي السكريات 🤤 او السكريات الاحاديه وبيبقي موجود في الفاكهه والخضروات وتركيب العسل .

⚠️ بس خد بالك ان سكر الفركتوز ده بيستخدم في المشروبات الغازيه والحلويات عشان يزودو التحليه يعني لا هو الا سعرات حراريه .

❗(٢) سكريات ثنائيه❗

🔸 وهي جزئين من السكر 🔸

🔰طب ايه انواعها ؟

١- السكروز
وده بيبقي عباره عن ( فركتوز و جلوكوز )
وبيتشكل علي شكل حبات السكر يعني من الاخر ده سكر المائده اللي بتستخدمه في حياتك اليوميه .
🔸 انما سكر البودره بيبقي من قصب وبنجر السكر ولو شوفت اي كلمة ( سكر ) في القوايم الغذائيه يبقي يقصد سكر ( السكروز ) .

٢- اللاكتوز
وده بيبقي عباره عن ( جلوكوز و جلاكتوز )
و بيبقي موجود في معظم حليب الثديات 🐮 عشان يدي لللبن طعمه الحلو .

⚠️ بس خد بالك معظم الناس معندهمش قدره انها تتحمل سكر اللاكتوز ، عشان كده اللبن و منتجاته بيتخانقوا مع معدة الأشخاص اللي معندهمش او عندهم نقص في الانزيمات المسؤوله اللي بتهضم و بتمتص سكر اللاكتوز .

٣- المالتوز
وده بيبقي عباره عن ( جزئين جلوكوز ) و بيبقي موجود في الشعير و النشا و نادر تلاقيه في الاكل .

وبكدا نكون خلصنا انواع واشكال السكريات البسيطه بكل تفصيله ..
وان شاء الله البوست اللي جاي هنتكلم عن انواع السكريات المعقده .

الجلوكوز ⬅️ Glucose
الجلاكتوز ⬅️ Galactose
الفركتوز ⬅️ Fructose
السكروز ⬅️ Sucrose
اللاكتوز ⬅️ Lactose
المالتوز ⬅️ Maltose

#كربوهيدرات

24/12/2022

🔰 لازم تعرف ان الكربوهيدرات كلمه بتشيل كلام ومعاني كتير ..
مجرد ما قولتلك كربوهيدرات يبقي هنتكلم عن الكربوهيدرات البسيطه و المعقده ..

❗الكربوهيدرات البسيطه ❗

🔰وديه معروفه انها ابسط انواع الكربوهيدرات .. واهم السكريات البسيطه بالنسبه للانسان الا وهو ( الجلوكوز ) و ده موجود في حياتنا كلها ( فاكهه - رز - خضراوات - الخ الخ ..) و هنشرحه بالتفصيل خلال ساعات .

🔰 طب اشمعني الجلوكوز من اهم السكريات البسيطه؟

🔸 ببساطه لانه بيتهضم وبيمتص بسهوله وبيتحول لطاقه عشان زي ماقولنا قبل كده انه بسيط .

❗ الكربوهيدرات المعقده ❗

🔰 وديه معروفه بتبقي اعقد من البسيطه بتاخد فتره معينه من الوقت عشان تمتص و عشان تتحول لطاقه و بيتم التقاطها من النبات و الشمس من الاخر من النباتات ..

🔰 طب زي ايه ؟

🔸 ١- النشا ، وده موجود في الخلايا النباتيه ( زي الرز و المكرونه و الخ ) .

🔸 ٢- الجليكوجين ، وده موجود في الخلايا الحيوانيه .

⚠️ و لازم تعرف ان الكربوهيدرات المعقده برضه بتحتوي علي جلوكوز و سكريات بسيطه ..
بس اندمجت مع الطاقة اللي بتيجي مع الشمس وطاقة الشمس بتاخدها النباتات فعملتلنا كربوهيدرات معقده .

هوقف لحد هنا عشان ملغبطكوش لان الشرح اللي جاي كله كبير وعاوز تركيز أهم حاجه لو مفيش عندك بن اشتريلك عشان هتحتاج كبايه قهوه كبيره في البوست اللي جاي 😉 .

..

كربوهيدرات ⬅️ Carbohydrate
كربوهيدرات بسيطة ⬅️ Simple Carbohydrate
كربوهيدرات معقدة ⬅️ Complex Carbohydrate

#كربوهيدرات

22/12/2022

🔰 لازم تعرف ان فيه نوعين من الڤيتامينات ..

🔸١ - ڤيتامينات بتدوب في الماء زي ڤيتامين ( ب - ج ) .
وده بيدوب في الماء عادي وبيتم امتصاصه مع الماء ، و خد بالك الڤيتامينات ديه سريعة الامتصاص وبتتحرك بسهوله في مجري الدم و بسبب انها بتدوب في الماء فبتروح لكل جزء في جسمك .

❗ ( نوع الفيتامينات ده مش بيتخزن في الجسم و بيخرج مع البول و عشان كده لازم تاخدها بشكل مستمر لانها مبتتخزنش ) ❗

🔸٢ - ڤيتامينات بتدوب في الدهون زي ڤيتامين ( أ - د - ك - ه ) .
وديه عشان تدوب ويتم امتصاصها لازم يكون فيه اجزاء دهنيه او دهون في العمليه الغذائيه .

❗ ( نوع الڤيتامينات ده بيتخزن في الجسم خصوصا في الانسجه الدهنيه اللي عندك وفي الكبد ) ❗

⚠️ خد بالك لو اخدت نوع الڤيتامينات ده بكميات كبيره هتتخزن بمستويات عاليه وهتسببلك ( تسمم ) و فيه بعض المنتجات الغذائية بتسبب تراكم الڤيتامينات بس لو اخدت نفس المنتج بكميات عاليه .. عشان كده الله يخليك بقولك بص علي الجدول اللي ورا اي منتج غذائي..
( هسيبلك لينك البوست تروح تشقر عليه 😉 )

و بعض من الناس شايفه ان الڤيتامينات ملهاش دور مهم او ميعرفش الادوار اللي بتلعبها ..

الڤيتامينات مهمه جدا لوظائف جسمك 💪 - بتحسن ادائك الرياضي او اعاقته - لو عاوز اعلي اداء رياضي خدلك كميات كافيه من الڤيتامينات 🏋️ - مبتعانيش من نقص الغذاء .

الڤيتامينات ⬅️ vitamins

#ڤيتامينات

لينك بوست شرح ال Nutrition Facts

https://m.facebook.com/story.php?story_fbid=115228181437137&id=100088498672802&mibextid=Nif5oz

🔸 عمرك قبل كده اشتريت منتج وبصيت علي المعلومات الغذائيه بتاعته؟
طب كنت بتشوف جدول فيه شوية كلام ومكنتش بتديله اهتمام 🫣 ؟

عاوزك بعد البوست ده يبقي صديقك المقرب اول ما تشتري اي حاجه ايآ كانت..

بيبقي ورا اي منتج اذا كان كيس او علبه جدول كده مكتوب فيه كل المعلومات الغذائيه بتاعته فهديك المعلومات اللي هتشوفها في الجدول عشان تعرف تفصصها بنفسك ..

🔸 المعلومات ال بيكتبوها غالبا بتبقي نسب ( البروتين - الكربوهيدرات - الدهون اذا كانت مشبعه او غير وهشرحها في بوست لوحدها - كوليسترول - صوديوم - الخخ )

البروتين والكربوهيدرات بيدهالك نسبتها صريحه مفيهاش تعقيد بس نيجي هنا لحاجه الا وهي الدهون هيفضل يلعبلك بالكلام ..

🔸 طب زي ايه؟

❗هيكون كاتبلك مصطلح ( خالي - free ) ❗

1- خالي من الدهون - fats free
وديه مبتبقاش فعلا خاليه من الدهون هو بيقولك ان نسبة الدهون فالمنتج اقل من ٠.٥ جرام .

2- خالي من الدهون المشبعه - saturated fat free
وديه نفس الكلام ال ٠.٥ .

3- خالي من الكوليسترول - cholesterol free
وديه يقصد بيها ان نسبته تتراوح بين ١ ل ٣ ملليجرام في المنتج .

4- خالي من الصوديوم - sodium free
نسبته فالمنتج تتراوح بين ٣ ل ٥ ملليجرام .

ساعات بيكتبلك خالي من السعرات الحراريه ده مش معناه انه فعلا مفيهوش سعرات بمفهوم حرفي..
❌ لا هو فيه سعرات بس بنسبه قليله تتراوح بين ٣٠ ل ٥٠ سعر حراري .

فيه مصطلحات كتير طبعا لو قعدت اكتبلك فيها من هنا لبكره مش هخلصها بس هديك نبذه عنهم..

5- مصطلح ( قليل الدهون - low fats )
وده نسبة الدهون بتتراوح بين ٣ ل ٥ جرامات .

6- مصطلح ( عالي الدهون - high fats )
وده يقصد انه عالي الدهون لدرجة انه بمقام ٢٠٪ من احتياجك اليومي ، هتقولي والمنتج عرف منين احتياجي اليومي هقولك معرفش بس كويس انه كاتبلك لان دهونها بتتراوح من ٢٠ جرام لفوق .

7- مصطلح ( مصدر جيد - good source at Fats - protein - Carbohydrates )
وده بيقولك ان المنتج فيه كميه كويسه من العنصر ( الخ ) ونسبته تتراوح من ١٠ ل ٢٠٪ للشخص الطبيعي ..

🔸 اخر مصطلحين ممكن تلاقيهم وممكن لا فمكنتش عاوز اكتبهم عشان ملغبطكوش لان مبقاش حد يستخدمهم اصلا بس عشان اكون ريحت ضميري ..

❗ ( مصطلح lean - extra lean )❗

خفيف و خفيف جدا وتقريبا النسبه بتبقي اقل من ١٠ جرامات للعنصر ال هيكتبه .

⚠️ بس خد بالك المعلومات والقيم الغذائيه اللي هتتكتبلك احيانا يا بتكون لكل ١٠٠ جرام من المنتج ( يعني لو المنتج ٥٠ جرام ومديك القيم لكل ١٠٠ جرام يبقي اقسم القيم علي ٢ وهكذا.. ) ، و احيانا بتكون القيم للمنتج كله ف اقرء كويس كويس كويس .

فخليك عارف ان الراجل الرياضي لازم يبقي بصحه كويسه عشان يتدرب وينافس والتغذيه السليمه بتلعب دور كبير انها تحميك من الامراض وتعوضك عن النقص اللي حصلك في التمرين 💪 .

المعلومات الغذائيه ⬅️ Nutrition Facts
دهون ⬅️ Fats
بروتين ⬅️ Protein
كربوهيدرات ⬅️ Carbohydrates
صوديوم ⬅️ Sodium
كوليسترول ⬅️ Cholesterol
خالي من الدهون/البروتين/... ⬅️ Free Fats/protein/.....
السعرات الحراريه ⬅️ Calories

#تغذيه

21/12/2022

❗ ❗

🔰 ليه دايما بنقول ان الكربوهيدرات مصدر حلو لانتاج الطاقه ؟

كباية القهوه في ايدك وصحصح معايا وقوم اغسل وشك كده وركز ..

انت اول ما تاخد كربوهيدرات ايآ كان نوعها ( سكريات بسيطه او .. او .. او ) مجرد متدخل الدم علطول بدون تفكير بتتنقل لعضو واحد الا وهو ( الكبد ) .

🔰 الكربوهيدرات مجرد ما بتوصل الكبد ( وخلي بالك الكربوهيدرات لسه مش في شكل جلوكوز )
نعتبر ان نفسيتك هفتك علي تفاحه فاكلتها فهنقول انك دخلت سكر فراكتوز ( سكر الفاكهه ) فاول تحويل بيحصل ان السكر اللي اخدته بيتحول لجلوكوز بدون نقاش .

بعد ما بيتحول لجلوكوز هنا بقي هيبقي موجود اختيارين..
🔸 الاختيار الاول : يا الكبد ياخده يستخدمه .
🔸 الاختيار التاني : يا يحوله لجليكوجين (تم شرحه تحت ) .

فخليك عارف لما تاخد كربوهيدرات .. هوب الجلوكوز هيعلي .. فهوب الانسولين هيتفرز ..

طب ايه العضو المسؤول عن افراز الانسولين اصلا؟
❗( البنكرياس ) ❗

البنكرياس يا فورمه لما يفرز الأنسولين ييقي اعرف ان مستوي الجلوكوز عندك عالي فبيتسبب أنه بينقل الجلوكوز لخلايا العضلات وانسجة الجسم عشان تمنع ارتفاع مستوي الجلوكوز عندك وعشان تمنع اصابتك بمرض السكر واشفي كل مريض يارب
سبحان الله
سهله وبسطيه انت بس اللي معقدها والله 😏.

كل الليله ديه بقي عشان اقولك الجملتين دول ..

🔰 بمجرد ان الجلوكوز اتنقل لانسجة الجسم والعضلات فبيساعدك جدا في انتاج الطاقه
ومش بس كده لا ده بوشكاش بيضحي
ده كمان بيخزن الجلوكوز علي هيئة جليكوجين في العضلات عشان تستخدمه لانتاج الطاقه وقت الحاجه .

الجلوكوز ⬅️ Glucose
الجليكوجين ⬅️ Glycogen
الانسولين ⬅️ Insulin

#كربوهيدرات

20/12/2022

🔸 عمرك قبل كده اشتريت منتج وبصيت علي المعلومات الغذائيه بتاعته؟
طب كنت بتشوف جدول فيه شوية كلام ومكنتش بتديله اهتمام 🫣 ؟

عاوزك بعد البوست ده يبقي صديقك المقرب اول ما تشتري اي حاجه ايآ كانت..

بيبقي ورا اي منتج اذا كان كيس او علبه جدول كده مكتوب فيه كل المعلومات الغذائيه بتاعته فهديك المعلومات اللي هتشوفها في الجدول عشان تعرف تفصصها بنفسك ..

🔸 المعلومات ال بيكتبوها غالبا بتبقي نسب ( البروتين - الكربوهيدرات - الدهون اذا كانت مشبعه او غير وهشرحها في بوست لوحدها - كوليسترول - صوديوم - الخخ )

البروتين والكربوهيدرات بيدهالك نسبتها صريحه مفيهاش تعقيد بس نيجي هنا لحاجه الا وهي الدهون هيفضل يلعبلك بالكلام ..

🔸 طب زي ايه؟

❗هيكون كاتبلك مصطلح ( خالي - free ) ❗

1- خالي من الدهون - fats free
وديه مبتبقاش فعلا خاليه من الدهون هو بيقولك ان نسبة الدهون فالمنتج اقل من ٠.٥ جرام .

2- خالي من الدهون المشبعه - saturated fat free
وديه نفس الكلام ال ٠.٥ .

3- خالي من الكوليسترول - cholesterol free
وديه يقصد بيها ان نسبته تتراوح بين ١ ل ٣ ملليجرام في المنتج .

4- خالي من الصوديوم - sodium free
نسبته فالمنتج تتراوح بين ٣ ل ٥ ملليجرام .

ساعات بيكتبلك خالي من السعرات الحراريه ده مش معناه انه فعلا مفيهوش سعرات بمفهوم حرفي..
❌ لا هو فيه سعرات بس بنسبه قليله تتراوح بين ٣٠ ل ٥٠ سعر حراري .

فيه مصطلحات كتير طبعا لو قعدت اكتبلك فيها من هنا لبكره مش هخلصها بس هديك نبذه عنهم..

5- مصطلح ( قليل الدهون - low fats )
وده نسبة الدهون بتتراوح بين ٣ ل ٥ جرامات .

6- مصطلح ( عالي الدهون - high fats )
وده يقصد انه عالي الدهون لدرجة انه بمقام ٢٠٪ من احتياجك اليومي ، هتقولي والمنتج عرف منين احتياجي اليومي هقولك معرفش بس كويس انه كاتبلك لان دهونها بتتراوح من ٢٠ جرام لفوق .

7- مصطلح ( مصدر جيد - good source at Fats - protein - Carbohydrates )
وده بيقولك ان المنتج فيه كميه كويسه من العنصر ( الخ ) ونسبته تتراوح من ١٠ ل ٢٠٪ للشخص الطبيعي ..

🔸 اخر مصطلحين ممكن تلاقيهم وممكن لا فمكنتش عاوز اكتبهم عشان ملغبطكوش لان مبقاش حد يستخدمهم اصلا بس عشان اكون ريحت ضميري ..

❗ ( مصطلح lean - extra lean )❗

خفيف و خفيف جدا وتقريبا النسبه بتبقي اقل من ١٠ جرامات للعنصر ال هيكتبه .

⚠️ بس خد بالك المعلومات والقيم الغذائيه اللي هتتكتبلك احيانا يا بتكون لكل ١٠٠ جرام من المنتج ( يعني لو المنتج ٥٠ جرام ومديك القيم لكل ١٠٠ جرام يبقي اقسم القيم علي ٢ وهكذا.. ) ، و احيانا بتكون القيم للمنتج كله ف اقرء كويس كويس كويس .

فخليك عارف ان الراجل الرياضي لازم يبقي بصحه كويسه عشان يتدرب وينافس والتغذيه السليمه بتلعب دور كبير انها تحميك من الامراض وتعوضك عن النقص اللي حصلك في التمرين 💪 .

المعلومات الغذائيه ⬅️ Nutrition Facts
دهون ⬅️ Fats
بروتين ⬅️ Protein
كربوهيدرات ⬅️ Carbohydrates
صوديوم ⬅️ Sodium
كوليسترول ⬅️ Cholesterol
خالي من الدهون/البروتين/... ⬅️ Free Fats/protein/.....
السعرات الحراريه ⬅️ Calories

#تغذيه

19/12/2022

🔰 نيجي لموضوع مهم معظمنا بيتغاضي عنه الا وهو التسخين ..

يعني ايه تسخين اصلا ؟ او امتي اعرف ان جسمي سخن ؟
🔰 بكل بساطه التسخين لا الا هو بيساعد علي جريان وضخ الدم في جسمك عشان تقول لجسمك ومفاصلك انك هتتمرن ! ، هتقعد تسخن لحد ما سرعة تنفسك تزيد او تعرق .

لازم تبقي عارف ان التسخين بتعمل نفس التمرين اللي عليك او تمرين شبهه بس باوزان اقل ..

طب تسخن ايه؟
🔰 التسخين بيبقي دايما علي العضله المساعده للعضله الرئيسيه زي مثلا انت عليك تمرينة بنش هتسخن تراي و كتف ..
دايما دايما التسخين بيبقي علي العضلات المساعده مش علي العضلات الرئيسيه خليك فاهم ، و ممكن تسخن ٥ دقايق علي الكارديو هيبقي كافي جدا .

نيجي للسؤال ال اكترنا بنسال عليه .. ينفع اسخن عقله ومتوازي ؟
لو شايف ان العقله والمتوازي سهله بالنسبالك يبقي انت تنين مجنح سخن عليهم..

⚠️ بس خد بالك فترة التخسين متسخنش اوي لدرجة انك تدخل تمرينك تعبان ولا تسخن خفيف لدرجة انك تتصاب في اول تمرينه !

اخيرا وليس اخرا ..
❌ مفيش حاجه مفيش حاجه مفيش حاجه اسمها هسخن استريتشات لان انت يافورمه داخل تسخن يعني عاوز ترفع درجة حرارة جسمك 🔥 .
مش داخل تبرد جسمك لان الاستريتشات بطبعها بترخي الجسم ❄️ .

وخليك عارف ان لو معندكش وقت للتسخين يبقي معندكش وقت للتمرين .

العضله المساعده ⬅️ Assistant Muscle
العضله الرئيسيه ⬅️ Major Muscle
التسخين ⬅️ Warm Up

#معلومات

18/12/2022

اللي انا هقوله دلوقتي ممكن تستغربه 🙁 ، او يصدمك بسبب انك كنت بتعمله ولسه بتعمله .
جربت قبل كده الشوفان باللبن ؟
نعم ! .. ده انا مبروحش تمريني غير لو اخدتلي طبق شوفان باللبن !

⚠️ احب اقولك اللي بتعمله غلط من ناحيه امتصاص الڤيتامينات لان فيه عناصر بتتعارض مع عناصر تانيه !
عارفك متنح مش فاهم اللي بقوله ، تعالي افهمك...

دلوقتي انت عارف ان الشوفان مصدر من مصادر الجميله لل (كربوهيدرات) بس ده مش موضوعنا لاننا هنتكلم عن الالياف اللي موجوده في الشوفان .

🔰 الالياف بكل بساطه لما بتنزل معدتك بتبطئ من معدل إفراغ الاكل من معدتك .. بالبلدي كده ( بتشبعك لفتره معينه ) .

بس لو جيت تضيف علي الشوفان لبن .. الألياف اللي موجوده في الشوفان بتمنع امتصاص عنصر ( ڤيتاميني ) مهم الا وهو ( الكالسيوم ) ويعني ايه لبن من غير الكالسيوم .!


لو عاوز تضحي بالكالسيوم علي سبيل الألياف اتفضل .
لو عاوز تستفاد بكالسيوم اللبن يبقي اشربه لوحده قبل الشوفان بفتره وبعدين خد الشوفان باللبن او بالمياه زي ماتحب .

🔰 ومتنساش تنبه اصحابك عتاولة الشوفان باللبن وقولهم #كفايه ✋ .

الالياف ⬅️ Fibers

#معلومات #ڤيتامينات

17/12/2022

باذن الله الصفحه هتقدم كل عناصر ( التغذيه - التمارين - المكملات - تشريح العضلات )

ازاي تبني نفسك بنفسك؟ .. ازاي تقدر تدخل وجباتك وتحسبها؟ .. تدخل مكمل ايه و امتي؟ .. وايه المكمل اللي مالوش لازمه؟ .. ازاي تعمل جدول تمرينك؟ .. ازاي تبقي كوتش نفسك !

و كل الشرح هيبقي بالمختصر المفيد اللي كله فهم و اللي محتاج فعلا تفهمه وتقراه بعيدا عن كمية الهبد والدَش والكلام الجديد اللي بنسمع عنه اليومين دول .

و ده هدف الصفحه اننا نغير الناس ونبعدهم عن غسيل المخ اللي حصلهم بسبب السوشيال ميديا اللي اتسببت فخراب لعبة ( كمال الاجسام ) فعملنا الصفحه عشان نوقفهم ونقولهم #كفايه ✋ .

و الشروحات هيتم تقديمها عن طريق دلائل وبحوث علميه - كُتب و كورسات - سنوات من الخبره والقراءه .

بمشيئة الله ثم وقوفكم معايا هنبدا قريب مع العلم اني لسه في فترة الجيش بس مش هيكون عقبه بيني وبين الصفحه .

و إن شاء الله هيتم كتابة هاشتاج في نهاية كل بوست هينزل ( #معلومات - #عضلات - #ڤيتامينات - #كربوهيدرات - #بروتينات - #دهون - #تغذيه - #تمرينات - #مكملات ) ، و ده عشان لو شوفت بوست وعرفت بيتكلم عن ايه وعاوز ترجعله هترجعله بكل سهوله عشان متتوهش مننا ، و هيتم كتابة المفاتيح الدلاليه في اخر كل بوست بالعربي والانجليزي بتاعها لان بعض المنتجات الغذائيه او التمارين مش هتلاقيها باللغه العربيه ،
و السلام عليكم .