Zamalekna

29/09/2025

🤬🤬قابل ياطيب🤨🤨

عيل ع*ص زي ده كانو هيشحنوه عالدوري الليبي في يناير وماكانش هيشمها لولا إصابه الجعان قبل الماتش وطاهر في الماتش ربنا كرمه ونزل وجاب جون وبلنتي
يحمد ربه ويشكر فضله
لأ يتنمر على بزيرا ويتريق على خلقة ربنا بمبدأ 👇👇
(حبوني ياجماهير الأهلي)

وده يبين اللي بزيرا حارقه أوي هو وجماهيره 🇧🇷

يلا هتعيش شهرين على الجون ده وبعدين
هايشتموك تاني ويطالبو برحيلك نينجا

29/09/2025

واحد اسمه محمد وواحد إسمه عيد محمد مات يتفضل مين؟🤬🤬

زمالك🏹زفت الطين فيريرا يعطي قبلة الحياه للمره الرابعه هذا الموسم ويهزم 2/1 من الأهلي 🦅

مدرب يليق بفرق منتصف الجدول لايجيد قراءة المنافس والدليل

أي عيل زملكاوي صغير عارف إن الأهلي هيهاجم وهيسيب وراه مساحات ودفاعه شوارع وبزيرا 🇧🇷هيتمسك بي ٢ أو ٣ لاعيبه يقوم فالتة زمانه عامل إيه
يخرج شيكو بانزا وسيف الجزيري من القايمه 🤬🤬

لايجيد إدارة ال٩٠ دقيقه نفسها والدليل

الشوط الأول خلص وانتا متقدم 1/0 وشايف لاعيبتك نازلين تلت ملعب بشكل مبالغ فيه ماتزعق فيهم ياعم بين الشوطين قلوهم يلعبو لعبهم عادي، طيب بلاش
لحد الدقيقه ٧٠ مفيش أي رد فعل واقف في ال١٨ زعق في اللاعيبه طلعهم يقابلو من نص الملعب حتى
لأ مستني في ١٨ لحد ما الأهلي يجيب جون والتاني وياريت عرفت تعمل مرتده عليها الطلا

وجودك في الزمالك بعد ماتش المحله جريمه
ولازم جون إدوارد يدور على مدرب أجنبي من دلوقتي وإلا قول على تجربتك يا رحمن يارحيم الراجل ده هيودي الزمالك كله في داهيه، ده المدرب وجون

نيجي بقي للإداره

نفسي أعرف إنتو بتعملو إيه على كراسيكم
لا بتعرفو تديرو
ولا عارفين ترجعو الأرض
ولا بتعرفو تبنو فريق ولا بتعرفو تجيبو لاعيبه
جبتو واحد اسمه جون إدوارد مدير رياضي علشان بيعرف يعمل الحاجات اللي مابتعرفوش تعملوها
وفرو بقي مستحقات اللاعيبه والمدير الفني علشان الراجل يعرف يشتغل ويعرف يطبق مبدأ الثواب والعقاب على الجميع
لأ بردو مش بنعرف نوفر المستحقات أمال بتهببو إيه في المجلس وجاهه بس

☝️الجمهور☝️
أنتم الأفضل في هذه المنظومه، أنتم السبب الوحيد في بقاء الزمالك ليومنا هذا ولولاكم لكان الزمالك مثله مثل الترسانة الأولمبي والإسماعيلي حاليا

ماتزعلوش مكتوب علينا كده الدوله عايزانا نفضل كده
مجالس إداره لايفقهو شيئ في الإداره من مرتضى لعباس ومن عباس لمرتضي وأما نخلص منهم يجيبولنا الرجاله اللي تبع عباس وأما يمشو يجيبو الناس اللي تبع مرتضى

23/09/2025

الزمالك 🏹يعكنن على جماهيره كالعاده ويخسر النقطه السابعه ويتعادل مع براميدز في عدد النقاط المهدره بفارق نقطتين عن الأهلي🦅 الذي فقد تسع نقاط

في مباراه تسيدها الزمالك من أولها لآخرها لدرجه أن الإستحواذ وصل ل٧٠ في الميه
ولكن الرعونه في إستغلال الفرص حال دون فوز الزمالك 🏹فوز مريح ليعاقبنا الحظ في آخر دقائق المباراه بهدف من خطأ في التمركز من حسام عبد المجيد 🤬صاحب الأخطاء القاتله سواء النهارده أو ماتش دجله؛ لتنتهي المباره بالتعادل

الزمالك لم ولن يتعلم من أخطاءه
الماتشات الصغيره هي اللي بتضيع الدوري نقوم نعمل إيه نقول لبزيرا🇧🇷 ياخد إنذار
وبن تايج كمان شغل هواه 🤬🤬

للأسف ده اللي خلانا نتعادل النهارده
لأننا لعبنا ماتش كبير بس للأسف إتعدلنا

بس بإذن الله هنكسب الأهلي الماتش الجاي ☝️☝️بإذن واحد أحد

14/09/2025

🤹 🪄🎩🪄الساحر بزيرا 🇧🇷🇧🇷

اللي ربنا ☝️ بعتو علشان يطبطب بيه على قلوب الزمالكويه بعدما تعرضو للخيانه من الجعان 🍽️وباباه
🦅تسلم العين اللي جابتك ويحميك ربي من عيون
🧿🧿🧿🧿🧿🧿🧿🧿🧿🧿🧿🧿🧿🧿🧿🧿

13/09/2025

الزمالك يفوز على المصري بالثلاثه ⚽⚽⚽ويعتلي صدارة الدوري مره أخرى ويكسر اللي كانو بيقولو عليها عقده 😏ويلحق بالبورسعيدي أول هزيمه له في هذا الموسم

اللاعيبه النهارده كانو عندهم روح قتاليه عاليه وده اللي بنطالبهم بيه في كل المباريات بغض النظر عن النتيجه 👏👏👏برافو

عدي الدباغ خرجني عن شعوري في الإنفراد اللي ضيعه 🤬🤬
الفار والمخرج🎥مجابوش الأوفسايد اللي في بلنتي الدباغ ليه ؟؟؟؟ ؟
اه أخيراً اتحسب لينا بلانتي!!!!!!!!

أما بقي خوان بزيرا 🇧🇷
؛الواد متعه لوحده يمتعك يحلل فلوس تذاكر المباراه اللي الناس دفعاها
تحس إنه إبن النادي 🏹ربنا يحميك يابني والله 🤲
ده إحنا كان منصوب علينا في الجعان اللي كان بياخد أضعاف مرتبه ويعد يحنكش ودرجن درجن لحد مايخبط في الإعلانات 😂😂

فوز مهم يهدي الدنيا ويضغط على المنافسين مليون مبروك لجماهير الملكي 👑

09/09/2025

🎥الكاميرا جت عليا طيب 🎥

لما أزعق لخالد صبحي وأحمد عيد وكوكا علشان ابان إن انا جرينتا ومدرب فاهم ومفيش من ديك أمي اتنين
😂😂😂😂😂😂😂😂😂😂😂😂😂😂😂😂

كنت فاكرك مدرب وكنت بطالب تمسك المنتخب وتاخد فرصه بس للأسف طلعت مدرب فاضي وبتاع أفلام

07/09/2025

🤬🤬لأ وانتا يلا دمك شربات🤬🤬

طب خلي حد غيرك يتكلم عن خفة الدم ياراجل يا
🥚🥚🥚🥚🥚🥚🥚🥚🥚🥚🥚🥚🥚🥚🥚🥚

لأ والرجاله الزمالكويه زمايل الملعب بيضحكو
على أكثر من حمل البطولات ككابتن للزمالك
Bondok

31/08/2025

جمهور الزمالك🏹البوست ده قبل ما الدوري يبدأ الناس دخلت اللي شتم واللي طلعنا تبع الموسيقار واللي طلعنا لجنه
إيه رأيكو في الصفقات شيكو مش لاعب سوبر بس شغال
بزيرا الوحيد اللي نقدر نقول عليه لاعب سوبر

الباقي بقي ركش ولا مش ركش

إيه رأيكو في المدرب سباك ولا كفتجي

🇧🇷بيزيرا ايه اللي رايح تجيبو وقدامك ماتيوس 🇧🇷
هي ناقصه لاعيبه كسر مش كفايه اللي انتا جبتو

المدير الفني اللي انتا جبتو مفيش أي خبرات
خالص وشكله هيضيعنا وقال إيه ده ب٢٥ الف دولار بس يامعلم مشروعك كله اللي هينجحه المدير الفني

خدت البرزتين من ممدوح عباس ضيعتهم في لاعيبه
هيعدو إحتياطي عشر صفقات مفيش فيهم لاعب سوبر

على رأي العالمي Santy Tube
كله سلطات مفيش كباب

إحنا مش في فاركو ياحج إحنا الزمالك🏹 يعني خمس صفقات يشيلو الفرقه يغنيك عن الركش اللي انتا جايبه ده
طارق حامد برجل واحده أحسن من حامد حمدان
هو كل الفرقه هتبقي عيال مش لازم يبقى في خبرات

عالعموم انتا شكلك بتتعلم فينا زيك زي مجلس الإداره اللي جايبك بس مفيش قدامنا غير ندعمك عشان الزمالك وعشان انتا في إدارة الكوره أحسن من مجلس البلاليص اللي موجود
ونداء أخير للدوله شفولنا مستثمر خليجي يشترو النادي وأرحمونا من العالم دي اللي جايه تتعلم فينا
هيدخل دولارات للبلد من البيع
والزمالك يبقى نادي مؤسسي بجد

26/08/2025

الزمالك 🏹يغرد منفردا على صداره الدوري

مبروك لجماهير الملكي 🫅

بعيدا" عن البيبي 💩اللي بيقدمه كل من ناصر ماهر، دونجا ،عبدالله السعيد ، عمر جابر، بنتايج

لكن أهم حاجه عندي التلاته بونط يفرقو جامد في المنافسه وفي وضع ضغوط على المنافسين الأهلي وبيراميدز اللي هيوقعو بعض الماتش الجاي بإذن الله 🙏🤲🙏، بس على لاعيبه الزمالك 🏹الفوز على وادي دجله المنافس الصعب اللي لو لعبت معاهم زي النهارده هيزعلوك فلازم تاخد بالك

بقي يارجالة فريق تعبان زي ده ومطرود منهم واحد من بدري نكسبهم واحد بس 🤬🤬🤬طلعتو ميتين ابونا

أما بقي خوان ألفينا بزيرا 🇧🇷
شيكو بانزا 🇦🇴
مش عارف من غيركو النهارده كان هيبقي شكلنا عامل إزاي ربنا يسهل الماتشات علينا لما ليناير
الفريق محتاج تدعيمات كمان علشان الدوري طويل وعندك نقص في الأجنحه

24/08/2025

بيان جماهير نادي الزمالك بشأن سحب أرض 6 أكتوبر من النادي

السيد الرئيس عبد الفتاح السيسي، رئيس جمهورية مصر العربية،
السيد الدكتور مصطفى مدبولي، رئيس مجلس الوزراء،
تحية طيبة وبعد،،

نحن جماهير نادي الزمالك العريقة، بمختلف أطيافنا وفئاتنا من أبناء الشعب المصري، نتقدم إليكم بهذا البيان من منطلق حرصنا على حقوق نادينا العريق، الذي يمثل واحداً من أعمدة الرياضة المصرية وأحد أكبر وأهم الكيانات الرياضية والاجتماعية في مصر والشرق الأوسط.

لقد تابعنا بأسف بالغ قرار سحب أرض نادي الزمالك في مدينة 6 أكتوبر بدون وجه حق، والتي تم تخصيصها منذ سنوات بغرض إقامة فرع متكامل يخدم أعضاء النادي ويسعد وجوده ملايين من الزملكاوية الذين لايريدون سوى رفعة راية ناديهم، وسيمثل متنفساً حيوياً وريادياً لأبناء النادي والمنطقة.

نود أن نؤكد أن نادي الزمالك لا يمثل فقط كياناً رياضياً، بل هو قيمة وطنية وثقافية واجتماعية يشجعه ويدعمه الملايين من أبناء هذا الوطن، من جميع المحافظات والفئات. ومن غير المقبول لدى جماهيره أن يُنتزع منه حق تم تخصيصه لصالحه، دون مراعاة لحجم النادي وتاريخه، ودون تمكينه من استثمار هذه الأرض لخدمة جماهيره وأعضائه، مثلما هو الحال مع الأندية الأخرى.

ونحن نؤمن أن دولتنا، بقيادتكم الحكيمة، لا تفرق بين الأندية، ولا تسلب حقاً من كيان بحجم نادي الزمالك، خاصة في ظل توجه الدولة نحو دعم الشباب والرياضة والاستثمار في البنية التحتية الرياضية.

لذا، نناشد سيادتكم بالتدخل العاجل والعادل لإعادة الحق إلى نادي الزمالك، والسماح له باستكمال مشروعه على أرض 6 أكتوبر، بما يتناسب مع قيمته الجماهيرية، وتاريخه الوطني الكبير، ولدعم المساواة والعدالة بين جميع الكيانات الرياضية في مصر.

الزمالك ليس مجرد نادٍ، بل هو وجدان الملايين،
ونحن على ثقة أنكم، كقائدٍ عادل، لن ترضوا بظلم هذا الكيان أو انتقاص حقوقه.

وتفضلوا بقبول فائق الاحترام،،

جماهير نادي الزمالك

‎

16/08/2025

فيه لقطه في أخر ثواني في الشوط الأول
الحكم حسب فاول بعد نص الملعب بشويه بدل مانطلع بالاعيبه كلها في ال١٨ ونرفع ونحاول نجيبها جول نطلع كسبانين في الشوط الأول

نقوم بقي نعمل أيه نباصي باصتين والحكم يصفر
اللقطه دي كانت كفيله تخرجني عن شعوري بقيت الماتش
وعلى فكره فيريرا كان قاعد يتنطط بره على الكوره اللي بحكيلكم عليها دي

وده بيدل إن أغلب اللاعيبه كانت في غيبوبه النهارده
ولازم يتخصم منهم 💵💵فلوس زي ما خدو مكافأه الماتش اللي فات