26/08/2024
⚽️
طبعا كلنا لبسنا خوازيق أول جولتين و بنفكر في "وايلد كارد" خليني أقولك بلاش عشان:
1- سوق الانتقالات لسه شغال انت مش عارف مين ممكن يتنقل فين 🤔
استنى سوق الانتقالات يتقفل ممكن لاعيبة تمشي لاعيبة تيجي تأثر على ثبات أي تشكيل
2- بعض النقاط و نتائج الماتشات اللي خلصت متخدعكش 🧐
في فرق كانت اقرب لتسجيل اهداف و محصلش (زي أستون فيلا مثلا)
في فرق دفاعها مكنش اقوى حاجة و طلعت بكلين بالصدفة
في لاعيبة لسه مصابة أو غايبة و رجوعها هيأثر على تشكيل فرقها (والكر-فودين-هويلاند-توني-....) و غيرهم
3- في صفقات جديدة غير الاصابات او الغيابات تخليك مش عارف شكل الفريق الحقيقي (تشيلسي و السيتي و اليونايتد مثلا) 🚑
4- متشغلش بالك بأصل مين هيغلى و مين هيرخص كده كده البيع و الشراء مش هيقف و لو سحلت نفسك في الدوامة دي مش هتطلع منها 💲〽️
يا سيدي لو مستعجل أوي اصبر جولة كمان تكون الانتقالات خلصت و في توقف دولي (اه من التوقف الدولي و اصاباته) و ساعتها هيكون عند وقت تتشقلب في الوايلد و هيبان مين رجع و مين مصاب و مين ماشي و مين قاعد 👌
