Asska Swimming Academy

25/04/2026

✍🏻 ليه تختار اكاديميتنا دون عن باقي الاماكن ببساطة شديدة لانها:
🌟 الاكاديمية الاولي في مصر التي تجمع بين التميز العلمي والعملي 💪🏻
🌟 ابن حضرتك هينزل يتمرن مع مشرفيين فنيين متخصصين متواجدين في المياه وليس مدربين عاديين 💪🏻
🌟 برنامج ونظام وسيستم امريكي موضوع بعناية نعتمده في تعليم المهارات 💪🏻
🌟 ابن حضرتك بيستلم شهادة كل اخر شهر حين الصعود من مستوي لمستوي 💪🏻
🌟 السباح بينزل يتمرن 3 تمارين في الاسبوع 12 تمرينة في الشهر ودي حاجه مختلفة عن اي اكاديمية 💪🏻
🌟 لدينا تدريب اطفال من سن ٢ سنه الي ٧٠ سنه💪🏻
🌟لدينا فريق تجهيزي لدخول اختبارات النجوم الاربعة وقطاع بطولة 💪🏻
🌟 يوجد مواعيد خاصة للسيدات وللرجال 💪🏻
👌🏻وطبعا في مميزات كتيرة جدا جدا هتندم اذا معرفتهاش مستنيكم 💛
📌للتواصل
📍واتساب 01021458497
📍فون 010 21458497
📌 فروعنا
📍مدينة نصر
📍التجمع الثالث
📍التجمع الخامس

17/04/2026

02/02/2026

الجديد من meet mobile في تحليل السباق 👌
برنامج meet mobile عمل upgrade لطريقة عرض النتايج وبيطلعلك كل تفاصيل سباقاتك في شكل بياني 📊📉📈 علشان تعرف اتحركت ازاي داخل السباق وكمان تقسيمات ال lap و split سواء لل٥٠ او ١٠٠ او ٢٠٠ او ٤٠٠ كمان
خطوه حلوه جدا من البرنامج ومعلومات بتتقدم بشكل سهل للمدرب والسباح وتعرف منه ال drop-off فين وايه المشاكل اللي عندك 👌🙏

07/12/2025

🚨 عاجل وهام: قضاء مصر يقول كلمته.. 🚨
الشكر والتحية الواجبة 🇪🇬
في البداية، ألف تحية وتقدير إلى النيابة العامة وقضاء مصر النزيه الشامخ!

لقد أثبتم مجدداً أن لا أحد فوق القانون، وأنكم صمام الأمان الوحيد في وجه كل من يحاول التلاعب بمستقبل أبنائنا الرياضيين. التحفظ على رئيس لجنة الحكام كمال موسى و ٤ منفذين وحكام آخرين هو دليل الإدانة القاطع على وجود فساد مُمنهج في منظومة السباحة.
الى رئيس اتحاد السباحة ومعاونيه، انتهى زمن الصمت والمراوغة!

تحفظ النيابة على رأس لجنتك يعني أن المنظومة التي تديرها قد سقطت أخلاقياً وإدارياً! صرخة والدة اللاعب يوسف ، والتي خرجت باكية، لن تمر مرور الكرام. هذه دموع غالية تكشف حجم الاستبداد والظلم الذي يعانيه أبطالنا على يد إدارات لا ترى إلا مصالحها الشخصية.

لا عذر بعد اليوم!

نداء عاجل ومباشر لمعالي الوزير! 📢
معالي وزير الشباب والرياضة،

لقد وفر لكم القضاء المصري الآن الإدانة الرسمية الكاملة!

لم تعد هناك حاجة للانتظار: القرار الآن في يدك لإنقاذ ما تبقى من سمعة اللعبة.

نطالب وبقوة: الاستناد إلى هذه الإدانة لإيقاف رئيس اتحاد السباحة ومعاونيه فوراً وتجميد نشاطهم.

الأهم من ذلك: يجب إرسال لجنة عاجلة الآن لـ "التحفظ الفوري على جميع الأوراق والمستندات الموجودة داخل مقر الاتحاد"، إن كان هناك أوراق سليمة أصلاً!

لا تتردد يا معالي الوزير، مستقبل السباحة المصرية أمانة في عنقك.

05/12/2025

بسم الله الرحمن الرحيم
في البدايه انا عارف اني كلامي هيزعل ناس كتير
بعض الصفحات بداات تجيب اللوم علي المدرب اللاعب
يوسف عبدالملك رحمه الله
اولياء الأمور بيتكلموا كتير عشان الموقف صعب جدا وحقيقي الناس كلها متاثره جدا بالموقف
الموضوع موت يوسف من يوم الثلاثاء باليل
الموضوع بقالوا كذا يوم الخبر الوحيد الي طلع اني وزير الشباب والرياضه القضيه اتحولت الي النيابه العامه
طيب وبعدين قاعدين احنا مستنين فين القرارت
محدش لحد هذا الوقت طلع واتكلم ويلا عرفنا اي قرار
وزير الصحه طالع يقولك عربيه الاسعاف كانت مجهزه
يااخي حرام عليك اعتبر الطفل ده ابنك الشهاده والقرارت بتاعتك دي انته هتتحاسب عليه لو مش في الدنيا يبقي في الآخرة
الموقف هيعدي زي المواقف التانيه الي عديت
واللاعيبه الي توفاه الله قبل كده ومحدش عرف ياخد حقه
ده كله عشان احنا في بلد ماشيه بالواسطه واهم حاجه المصلحه.
~النيابه العامه مستني ايه بعد الفيديوهات الي ظهرت
نفسي افهم ليه مفيش قرار ضد رئيس الاتحاد
ليه مفيش قرار ضد الحكام والمنقذين كل النااس ده مسؤله عن المهزله دي.

اتمني ان حق يوسف يرجع وكلامي يطلع خطا
#ربنايرحمك #يايوسف #ويصبراهلك
#وحسبي #الله #ونعم-

05/12/2025

حسبي الله ونعم الوكيل 😔😔

#ربنايرحمك #يايوسف😔😔

02/12/2025

شاهد التصفيه الاخيره لسباق 50م ظهر الذي شاهد بعده حاله الاغماء للسباح يوسف

#ربنايرحمه #ويغفرله #ويسكنه #فسيح #جناته

02/12/2025

🚨الاتحاد المصري للسباحة ينعى لاعب الزهور يوسف محمد ويعلن الحداد 3 أيام

يتقدم مجلس ادارة الاتحاد المصري للسباحة بخالص العزاء والمواساة في وفاة اللاعب/ يوسف محمد سباح نادي الزهور، الذي وافته المنية منذ قليل عقب نقله إلى مستشفى دار الفؤاد المجاورة لاستاد القاهرة، وذلك بعد تعرضه لحالة إغماء خلال مشاركته في منافسات بطولة الجمهورية تحت 12 سنة المقامة حاليًا بمجمع حمامات السباحة باستاد القاهرة الدولي.

وتقدم الاتحاد المصري للسباحة بخالص العزاء وصادق المواساة لأسرة اللاعب الراحل، معربين عن بالغ حزنهم لرحيله المفاجئ، وداعين الله عز وجل أن يتغمده بواسع رحمته ومغفرته، وأن يسكنه فسيح جناته، وأن يلهم أسرته وذويه الصبر والسلوان في هذا المصاب الأليم.

وأعلن الاتحاد المصري للسباحة، الحداد 3 أيام حزنًا على وفاة اللاعب يوسف محمد لاعب نادي الزهور.