06/10/2026
من فترة كنت بتفرج علي حلقة كريم نيدفيد مع ابراهيم عبدالجواد ..
فبيساله مين الاعب اللي حاليا في الاهلي رغم العروض المالية المغرية وعصر الاحتراف اللي بنعيشه دلوقت مينفعش يروح الزمالك
قاله : محمد هاني مستحيل يلعب ف الزمالك لانه بيحب الاهلي جدا .. هو حاليا عنده 29 سنة دلوقت ومش هيلعب في اي فريق في مصر غير الاهلي ...
من فترة بسيطة برضو كنت بتفرج على حلقة لـحسين الشحات على قناة ON Sport وسيف زاهر سأله: مين أكتر لاعب في الأهلي مش مهتم بكلام الإعلام أو السوشيال ميديا مبيأثرش فيه؟
حسين الشحات قاله : محمد هاني ..
قال إن محمد هاني أصلًا مش بيدي أي اهتمام للسوشيال ميديا، ودايمًا بينصح زمايله إنهم ميشغلوش نفسهم بالكلام اللي بيتقال عليها ، لأن التركيز جوه الملعب أهم من أي انتقاد أو إشادة من اعلامي او اي قناة وآراء الناس دي بتتغير من ماتش للتاني.
محمد هاني واعي جدًا، وعارف كويس مصير كل لاعب اختار الرحيل من الأهلي إلى بيراميدز ، لانه ببساطة شايف الصورة كاملة… ومش مستعد يبيع مستقبله في الأهلي علشان سنتين أو تلاتة.
خليك عارف ان محمد هاني ليه مستقبل كبير جوه الأهلي وعشان كده، هو مش هيضحي بعلاقته وتاريخه ومكانته داخل الأهلي، واللي بناهم سنين طويلة، علشان كام سنة زيادة في عقد أو عرض مالي أكبر ..
محمد هاني بينزل يلعب ويخلص مهمته ويروح ينام من غير ما يرد على أي حد شتمه أو قلل منه ولا يوجع دماغه بالدوشة دي
