https://www.facebook.com/profile.php?id=100091372820454&mibextid=ZbWKwL, https://youtube.com/@nourqamar7687?si=kXP1Ejxys

Noura Elsayed, Cairo (2026)

12/02/2026

💥الحل الوحيد عشان تقدر تكمل
*(هو إنك تعفو عن نفسك)* ..
● تستوعب إن مفيش حاجة بإيدك مهما سعيت وحاولت تخلي كل حاجة مظبوطة .. .💘💘
●.احترم صوتك الداخلي لما يقولك
إنك تعبان ،
إنك مش قادر ،
إنك لازم ترتاح شوية ،
إنك مش مبسوط ،
إنك ما تجيش على نفسك..

●احترم العلامات اللي بيرسلها جسمك ليك في شكل صداع أو ضغط عِلي أو وطي فجأة أو إرهاق أريفة أو همدان
》》عشان يفهمك إنك محتاج تركز مع نفسك وصحتك أكتر..
》》وإن نفسك و روحك و جسمك ليهم حق عليك..

●مفيش حد تعافى على نفسه وعلى صحته إلا و نِدم ،
●وفي الآخر محدش هيديلك الكاس لما تتكوم في سرير من التعب..

●و في الآخر هتطلع انت اللي عملت كده في نفسك وان محدش طلب منك تضحي بكل ده!

*صحتك و نفسيتك هما عُكازك*..

💥 *قال رسول الله صلى الله عليه وسلم" إن لِجَسَدِكَ عَلَيْكَ حَقًّا "*

#وعي

05/02/2026

*لغات الحب الخمسة عند الأطفال*❤️
لو فهمتوها كويس علاقتكم بأولادكم هتتغير 180 درجة.

●الطفل زيه زي الكبير، محتاج يحس إنه محبوب، بس كل طفل ليه “باب” معين بيدخل منه الحب لقلبه.
●لو عرفنا طريق القلب، كل حاجة بعدها بتكون أسهل ،السلوك، الهدوء، الطاعة، الثقة، وشعوره بالأمان.

تعالوا نشرح كل لغة حب منهم..
》》 وإزاي تكتشفي لغة طفلك، وإزاي تستخدميها بطريقة بسيطة يوميًا:

*١- كلمات التشجيع والدعم*:
في أطفال بتفرح جداً جداً لما يسمعوا كلمة حلوة…
"أنا فخور بيك"
"أنا بحبك"
"شاطر"
"أنا مصدقك وانت قدها"...
الكلمات اللي زي دي بتكون بالنسباله زي الوقود بيمشيه، ودعم بيقويه وثقة بتبنيه.

●طيب إزاي تعرفي أن لغة حبه هي الكلمات؟
تلاقيه بيحكي كتير ومستني تعليقك.
عينه بتفرح لما تمدحيه.
بيتضايق جدًا من النقد أو الصوت العالي.

●تعملي إيه؟
استخدمي كلمات لطيفة… مدح صادق… جمل تشجيع… واحكيله قد إيه انتي شايفة تطوره ومجهوده حتى لو بسيط.

*٢- الوقت الخاص*:
في أطفال مش بيفرق معاهم حاجة أد إنك تقعدي جنبه ومعاه ولو دقايق بس، تحكي معاه، تضحكي، تلعبوا...
ثلاث دقايق اهتمام صافي بالنسباله = حب كبير.

●إزاي تعرفي إنها لغته؟
طول الوقت بيجري وراكي “تعالي شوفي يا ماما”
يزعل جدًا لو انشغلتي عنه بالموبايل.
يحب يقعد جنبك حتى لو بدون كلام.

●تعملي إيه؟
خصصوا وقت يومي ولو 10 دقايق بدون موبايلات…
اللعبة اللي هو بيحبها، تحكي معاه، تسمعيه…
الوقت ده بيتخزن جوا الطفل كأنه كنز.

*٣- الهدايا البسيطة:*
في أطفال بتحس بالحب من المفاجآت والهدايا.
مش لازم حاجة غالية، ممكن ورقة صغيرة عليها قلب، شوكولاتة، بالونة…
هو مش بيهتم بالهدية كقيمة مادية، هو بيهتم إن “حد افتكره”.

●إزاي تعرفي إنها لغته؟
يحتفظ بهدايا بسيطة لوقت طويل.
يفرح أكتر بالمفاجأة نفسها عن الحاجة اللي فيها.
يديكي هدايا من صنع إيده.

●تعملي إيه؟
اعملي ليه مفاجآت بسيطة… حاجات رمزية…
ورقة، رسمة، شوكولاته، لعبه ،حاجة من البيت…
المهم “افتكرتك"

*٤- اللمس الجسدي والاحتواء*:
في أطفال بتحس بالحب من الحضن ،من إيدك على كتفه، من إنك تشيليه…
من إنكم تبقوا قريبين من بعض.
الطفل ده الحضن بالنسباله ،أمان… إعادة شحن.

●إزاي تعرفي إنها لغته؟
بيحضنك كتير.
يحب يقعد في حضنك، ينام جنبك، يمسك إيدك.
لما يزعل يجري عليكي مخصوص.

●تعملي إيه؟
احضنيه كتير، المسي شعره ،خليه يقعد في حضنك…
اللمسة الصادقة بتطمن الطفل أكتر من ألف كلمة.

*٥- المساعدة وقضاء الاحتياجات:*
في طفل لما تساعديه يحس إنك بتحبيه…
لما تساعديه يلبس، تعملي معاه واجبه، ترتبي معاه…
مش لأنه عاجز عن ده، بالعكس…
هو شايف إن المساعدة = اهتمام
(ومساعدة فقط مش تعملي بداله)

●إزاي تعرفي إنها لغته؟
يحب يعمل حاجات معاكي “سوا”
يطلب منك تساعديه حتى في حاجات بسيطة.
يساعدك هو كمان، يجيب المية، يشيل طبقه... تحسي إنه بيعبر عن حبه ليكي بمساعدتك.

●تعملي إيه؟
ساعديه بحب، بدون عصبية، وخليه هو كمان يساعد في حاجات تناسب سنه…
ده بيعلمه الاعتماد على النفس وفي نفس الوقت بيشبع لغة حبه.

🤔*طيب إزاي نعرف لغة الحب الأساسية عند الطفل؟*

》》اسألي نفسك:
ايه الحاجة اللي لو عملتها طفلي بيكون في أحسن حالاته؟
راقبيه…
》》ايه أول حاجة يعملها لما يكون عايز اهتمامك؟
》》ايه أكتر حاجة تخليه مبسوط؟
》》ايه اللي بيزعله بسرعة لو اختفى؟

☆هتلاقي واحدة من الخمس لغات واقفة قدامك واضحة قوي.

*وإزاي نطبقها يوميًا؟*
١- خلي لغة حبه أساسية في روتينك.
٢- بس مهم جدًا تستخدمي باقي اللغات بشكل موزون.
٣- الطفل محتاج يشوف الحب بطرق مختلفة لكن “لغته الأساسية” لازم تبقى أوضحهم.
٤- لو شبع منها هتلاقيه هادي، متزن، واثق، وسلوكه اتحسن.
٥- الطفل اللي حاسس إنه محبوب سهل جدًا يتعلم ويتغير ويسمع الكلام ويتطور.

*لما بنحب الطفل بلغته هو*
نص مشاكله السلوكية بتختفي
ونص مخاوفه بتروح
ونص عناده مش بيكون موجود.
لأن الطفل وقتها بيحس إنه متشاف… مفهوم… ومحبوب.

*حبوا أولادكم بلغتهم هم مش لغتكم انتوا وهتشوفوا نسخة جديدة منهم أجمل بكتير*.❤️

24/01/2026

النرجسي : هل جاء هذا الإسم في القرآن والسنة؟؟!!!

هذا تساؤل بعض ممن ينتهجون "المغالطات المنطقية": هل حقاً لم يذكر القرآن النرجسية؟
: عدم وجود المصطلح لا ينفي وجود الوصف.
الدين وصف "الداء"، والعلم وضع له "الأسماء".
وإليكم الحقيقة في نقاط:
القرآن وصف الأعراض بدقة مذهلة:
الطب النفسي يسميه "اضطراب الشخصية النرجسية"، والقرآن سماه أمراض القلوب. وصف لنا مَن "أَخَذَتْهُ الْعِزَّةُ بِالْإِثْمِ" عند النصح؟ أو مَن "يُحِبُّونَ أَن يُحْمَدُوا بِمَا لَمْ يَفْعَلُوا"؟ هذا هو جوهر الاستحقاق الزائف.
إبليس.. النرجسي الأول:
المنطق النرجسي بدأ بكلمة "أَنَا خَيْرٌ مِّنْهُ". الاستعلاء، احتقار الآخر، وعقدة الأفضلية هي المنهج الإبليسي الذي يسير عليه كل نرجسي اليوم. النرجسية ليست "موضة"، هي مذهب الشيطان في التكبر.
السنة النبوية وضعت أدق تعريف علمي:
يقول النبي ﷺ: "الكِبرُ بَطَرُ الحَقِّ وَغَمْطُ النَّاسِ".
بَطَرُ الحَقِّ: هو "الغازلايتينج" وتزييف الواقع وإنكار الحقائق.
غَمْطُ النَّاسِ: هو التقليل من شأن الضحية وتحقيرها.
أليس هذا هو عين ما نشتكي منه في النرجسيين؟
"الفجور في الخصومة":
يقول ﷺ عن المنافق: "وإِذَا خَاصَمَ فَجَرَ". هذا الوصف النبوي هو التوصيف الدقيق لما يفعله النرجسي عند نهاية العلاقة؛ حيث يفقد كل مروءة ودين لينتقم ويشوه السمعة.
العلم والدين لا يتعارضان:
القرآن لم يذكر مصطلحات مثل سرطان، اكتئاب، فصام، ثقب الأوزون حتى، فهل ننكر وجودها؟ الدين أعطانا القواعد الأخلاقية، والعلم الحديث أعطانا الأدوات "لتشخيص" من يتلاعب بهذه القواعد ويؤذي عباد الله.
ختاماً:
الهجوم على المصطلح هو محاولة "تكميم أفواه" الضحايا لكي لا يجدوا اسماً لمعاناتهم.
النرجسية هي "الشر" مغلفاً باضطراب نفسي،
والتحذير منها هو صلب الدين الذي جاء لحماية النفس والعقل والعرض.
فقط البعض يريدون استخدام الدين كدرع لحماية المفسدين في الأرض تحت حجة "المصطلحات الحديثة".

و المهاجمة تأتينا في صورة : أفسدتم على الناس عيشتهم
فكل من يجد أن توعية الناس هي افساد لعيشتهم، بلا شك هو شخص نرجسي أو من القرود الطائرة الذين لا تقل بشاعتهم عن النرجسي
عزيزي كل ناج على طريق الوعي
أنت لست المشكلة و لا الخطأ ..أنت قلب نقي و تستحق الأفضل بكثير
دمتم على طريق الوعي صامدين

08/01/2026

عارفين الناس الي أول ما تبطّل تسيبهم يستغلوك و تحط حدود في العلاقات المؤذية معاهم ..
تلاقيهم فجأة بيقولوا عليك صعب أو طباعك بقت حادة او قليل الادب ؟

》》الكلام ده غالبًا مش عنك…
لا دا عن شعورهم بالانزعاج من تغيّر الديناميكية التي اعتادوا عليها.
》》وإنك ما بقيتش الشخص اللي كان دايمًا ساكت ومتسامح و بيجي على حساب نفسه.

💥 *في علم النفس ده اسمه*
*Threatened Control*

●يعني إحساسهم بالخوف نتيجة إنهم فقدوا السيطرة عليك.
●اللي اتعود على إن مافيش حدود، وجود الحدود فجأة يقلقه، لأنك ما بقيتش متاح زي الأول، وما بقيتش بتلبي احتياجاته و تيجي علي نفسك.

●الناس دي كانت مستفيدة من طيبتك، فلما تحط حدود، يحاولوا “يعاقبوك” اجتماعيًا عن طريق كلام سلبي، او تشويه صورتك، او اتهامك اتهامات كاذبه

●ودي كلها محاولات علشان يرجّعوك للدور القديم ( العبد المطيع ).

●كرههم ليك هو عباره عن إسقاط (Projection) لغضبهم الداخلي نتيجه فقدان امتياز كانوا واخدينه وافتكروا إنه حق مكتسب.

●وضع الحدود مش عدوانية، ده مهارة نفسية علشان تحمي طاقتك وحدودك

●لكن لازم تتعلم مع وضع الحدود انك تبطل الإحساس بالذنب بسبب تفعيل هذه الحدود.

●احترامك لنفسك و وضع حدود صحيه مش غرور، ده هوية نفسية سليمة.
●والسلام النفسي عمره ما بيبدأ بإرضاء الجميع…
*السلام الحقيقي بيبدأ لما تبطّل تأذي نفسك علشان غيرك يكون مرتاح*

#وعي

25/12/2025

*عقلية التقبّل (Acceptance)*
●في علم النفس، التقبّل معناه الاعتراف بالمشاعر والأفكار كما هي دون مقاومة أو إنكار.
●محاولة الهروب من القلق أو الغضب بتزود شدته،
●لكن التقبّل بيقلل الحمل النفسي وبيخلّي المخ أهدى وأقدر على التعامل.

*التقبّل لا يعني الاستسلام*
》》بل يعني إننا نوفّر طاقتنا
》》ونستخدمها في الاستجابة الصحية بدل الصراع الداخلي.

*التقبّل = وعي + تهدئة + مرونة نفسية* 🌱
#التقبل

18/12/2025

درب عقلك توصل لسعادتك
عيش مشكلتك بدون اضافات
نزل حمولك قدامك تكون رؤيتك اوضح

18/12/2025

درب عقلك توصل لسعادتك
عيش مشكلتك بدون اضافات
نزل حمولك قدامك تكون رؤيتك اوضح

02/12/2025

ضع حدودك كما تشاء
احمي نفسك فأنت من يجني ثمره شقاءك او رخاءك

22/11/2025

*في علم النفس: لماذا يؤذيك من أحسنتَ إليهم؟*

●يُفسّر علم النفس هذه الظاهرة الغريبة والمؤلمة بأن بعض الناس لا يعرفون كيف يتعاملون مع الطيبة الزائدة، لأنهم يرونها ضعفاً لا قوة.
●حين تقدم لهم الحب والدعم بلا حدود، يشعرون لا شعورياً بأنك لن ترحل مهما فعلوا، فيتمادون في الأذى.

ودا راجع لاسباب...
▫️ *1. ضعف النضج العاطفي*:
الأشخاص غير الناضجين نفسياً لا يعرفون قيمة العطاء الحقيقي، فيفسرون اللطف بأنه تبعية أو حاجة، لا أنه نُبل.

▫️ *2. عقدة الشعور بالنقص*:
حين يُحسن إليهم شخص راقٍ أو طيب، يشعرون بأنهم أقلّ منه، فيحاولون – بشكل غير واعٍ – إيذاءه لتقليل هذا الفارق النفسي.

▫️ *3. الخوف من التعلق*:
بعض الناس يخافون من التقدير الزائد، لأنهم لا يثقون بالحب أو بالنية الطيبة. فيختارون الإيذاء كطريقة للهروب قبل أن يُؤذَوا هم.

▫️ *4. الاعتياد على اللطف*:
عندما تُحسن كثيراً دون حدود، يصبح الإحسان عادة لا تُقدَّر. النفس البشرية تميل إلى الاستهانة بما تحصل عليه بسهولة.

💥 *الخلاصة* : 📝✅️👇
ليس كل من تُحسن إليه يستحق إحسانك.
العطاء الجميل يحتاج إلى وعي وحدود، لأن الكرم بلا وعي قد يتحوّل إلى أذى للنفس.

*كن طيباً، لكن بحكمة… فالقلب النقي لا يعني أن يكون بلا حدود.*

20/11/2025

كل ما بنكبر بنبدأ نفهم إن كل شخص بنقابله في حياتنا هو درس مهم لينا، وبنستوعب إن مش كل الدروس لازم تكون حلوة، لكن الأكيد إن كلها بتعلمنا حاجه..

فيه ناس بنتعلم منهم الحب والطيبة وجمال النيّة وسلامة القلب،
وناس تانية بنتعلم منهم ازاي نتجنب الأذى، وازاي نكون حذرين في تعاملنا مع اللي زيهم بعد كده..

حتى أسوأ شخص قابلته وأذاك، هتتعلم منه ازاي تتجنب إنك تحسس غيرك بالألم اللي انت حسيته منه،
وده بيخليك تكون رحيم أكتر باللي حواليك..

ربنا يفهّمنا ويعلّمنا ويلهمنا البصيرة اللي تخلينا ندرك حكمته وإشاراته، ويجعلنا دروس طيبة في حياة الناس. 🤍

Noura Elsayed

12/02/2026

05/02/2026

24/01/2026

08/01/2026

25/12/2025

18/12/2025

18/12/2025

02/12/2025

22/11/2025

20/11/2025

Address

Website

Alerts

Contact The Business

Shortcuts

Share

Category