5 𝕜𝕠𝕠𝕣𝕒 𝕞3 3𝕞𝕠𝕣𝕒 ٥ كورة مع عمورة

03/12/2022

⚽️الطواحين دخلوا في اللعبة .. فوز مستحق علي أمريكا ⚽️


#المغرب

#قطر2022

27/11/2022

⚽️المغرب هرست بلچيكا وادتها علقة زي بتاعة مصر 😂⚽️


#المغرب

#قطر2022

26/11/2022

لأجل متعة كرة القدم بفرح لفوز الأرچنتين عشان اللعيب ده أعظم لعيب في تاريخ كرة القدم شاء من شاء وأبي من أبي 💪

#الأرچنتين
#ميسي


#قطر2022

26/11/2022

كل الدعم للمنتخب السعودي ويصعد اليوم أن شاء الله 🤲

#السعودية

#قطر2022

25/11/2022

براڤو إيران … شابوه كيروش … فوز مستحق وتاريخي 👏👏
#قطر2022

24/11/2022

أفريقيا السمراء في المونديال 🤔🤔🤔

🇸🇳 صفر 🇨🇲 صفر 🇬🇭 صفر

شمال أفريقيا معقولين إلي حد ما 🏃🏃
🇲🇦👍🇹🇳 👍

#قطر2022

23/11/2022

وانا من زمان بسأل ليه اسمكم المكن الألماني 🚲🚲🚲🚲

🤔😂🤣🙈

#قطر2022

23/11/2022

👏👏👏

#قطر2022

01/07/2022

⚽️أحلي خبر كان نفسي أسمعه … هو ده الصح يا ملك 👏⚽️

عـاجـل🚨

الملك باق على عرشه.. صلاح مستمر مع ليفربول لفترة أطول.

ليفربول يعلن تمديد عقد صلاح رسميًا.

وللحكاية بقية..

18/06/2022

⚽️⚽️محمد صلاح ⚽️أيقونة عالمية⚽️⚽️

واحد من أعظم الحكايات اللي الفيفا عاملها عن أسطورة عالمية لازم كل مصري يشوفه ويفتخر بيه…وسبب قوي أني أرجع أكتب تاني في الصفحة دي وأستعيد النشاط من تاني 👏

#ليفربول #فيل...

27/04/2022

⚽️ماتش امبارح 👈ماتش للتاريخ 7 أهداف 🔥🔥🔥⚽️

⬅️مع احترامي لصلاح وصحابه في ليڤربول … الماتش ده كان نهائي مبكر للشامبيونز 👏👏👏👏… ابداع جوارديولا وشلته وتألق أنشيلوتي وصحبته 👏👏👏… دي بروين ومحرز وفودين 👍🆚 بنزيما وڤينيسيوس ومودريتش 👌… لعيبة من كوكب تاني 👈جري ولياقة وفرص 💪وكل حاجة الواحد يتمني يشوفها في ماتش كورة حقيقي مش ماتشات السير كيروش نصباية منتخب مصر 🤔

‏⚽2' مانشستر سيتي 1-0 ريال مدريد
⚽11' مانشستر سيتي 2-0 ريال مدريد
⚽33' مانشستر سيتي 2-1 ريال مدريد
⚽53' مانشستر سيتي 3-1 ريال مدريد
⚽55' مانشستر سيتي 3-2 ريال مدريد
⚽74' مانشستر سيتي 4-2 ريال مدريد
⚽82' مانشستر سيتي 4-3 ريال مدريد

04/04/2022

⚽️مصر مش في كاس العالم … حقيقة الوهم 🤔☹️😡⚽️

بعد مرور أسبوع علي مأساة عدم التأهل لكاس العالم وهي فعلا مأساة بس مش كحدث في حد ذاته ولكن في أسبابه والظروف المحيطة بيه وتبعاته … بمعني أن أي واحد عاقل وبيفكر وبيحب بلده وعايزها تتقدم خصوصا في الرياضة وخصوصا المسئولين لازم يدرس اللي حصل كماضي ويحلل الوضع الحالي كحاضر ويخطط للقادم كمستقبل … من رأيي أن أولا قبل ما أتكلم في أسماء نبدأ ندرس ونتعمق أكتر في الأدوات والأمكانيات اللي كانت وهتبقي تحت أيد الشخص ده وهي طبعا لعيبة تكون متأسسة صح وملاعب محترمة صالحة للتدريب ومسابقات منتظمة ومعروف مواعيدها علي الأقل لسنتين تلاتة جايين وادارة قوية وحاسمة مش بتبص للون فانلة نادي أيًا كان اسمه … لو كل ده موجود أحط الأهداف وطريقة وزمن وكيفية تحقيقها وتوضيح طرق المحاسبة في حالة الأجادة أو الأخفاق لا قدر الله …
مبدئيا اللعيب المصري السوبر الستار زي صلاح بيطلع بالصدفة مش نتاج تخطيط ومتابعة وبناء لأن نشاة اللعيب في مصر غلط في غلط ومدارس وقطاعات الناشئين في الأندية وحتي الأكاديميات الخاصة اللي هما أساس وبداية التكوين في وادي تاني وماشية بالحب والمحسوبية وولاد الكابتن فلان وعلان … تيجي بعد كده ثقافة وفكر الأهل في دعم وتشجيع ولادهم علي الرياضة من وهما صغيرين وتوعيتهم بأهميتها وأهدافها ودورها في الحفاظ علي الصحة واللياقة بجانب تحقيق البطولة وتعليمهم الروح الرياضية وثقافة تقبل الهزيمة والبعد عن التعصب …الأدارة سواء أندية أو اتحادات بفكر احترافي وتخطيط طويل المدي ونظام حاسم وصارم وارساء مبادئ العدالة والشفافية في التعامل بين كل أفراد المنظومة الرياضية …
اخر حاجة في رأيي لازم الواحد ينوه عنها في وسط المأساة زي ما قلت هي سؤال لأتحاد الكورة : انتو عملتوا ايه من يوم التلات لحد النهاردة ممكن نقول أنه بداية تصحيح ؟ وأجابته ولا حاجة غير شوية تصريحات مستفزة في أول يومين وتنويم الناس في شكوي وتصعيد ووهم اعادة ماتش مستحيل هيحصل وبعدين بصراحة تراخي ووقوف علي الحبل وعدم حسم في موضوع مصير المدرب وقمة الضحك أنه يعتبره في أجازة غير محددة المدة لغاية حسم موضوع الشكوي واعادة الماتش اللي ممكن تطول تقريبا لكذا شهر في ظل أنهم هيصعدوا للمحكمة الرياضية لو الفيفا خدوا قرار مش علي هواهم … واحد جه لهدف معين وما حققوش وعقده بينص علي أنه يمشي واحنا بنتحايل عليه ونديله أجازة علي أساس أنه كان مبهر وممتع وورانا فكر وطرق لعب خارقة وخسر بشرف واتظلم يا عيني … بصراحة مش متفائل واحنا من سيئ لأسوأ ومستقبل الرياضة المصرية مظلم 😕 😡