Swimming step by step

Swimming step by step Cap.

Bahrawi
مدرب سباحة ومدير أكاديمية سباحة
مدرب أكاديمي
باحث ماجستير

✅ خبرة في تعليم السباحة لجميع الأعمار
✅ تطوير المستوى والتجهيز للبطولات
✅ تأهيل وإعداد بدني داخل وخارج الماء
✅ شهادات معتمده من اتحاد السباحة
للتواصل والاستفسار
01154253931واتساب

🏊‍♂️💙 سؤال لكل أولياء الأمور والسباحين...لو ابنك أو بنتك اتعلموا من السباحة حاجة واحدة بس غير السباحة نفسها، تتمنى تكون ...
30/05/2026

🏊‍♂️💙 سؤال لكل أولياء الأمور والسباحين...

لو ابنك أو بنتك اتعلموا من السباحة حاجة واحدة بس غير السباحة نفسها، تتمنى تكون إيه؟ 🤔

✨ الثقة بالنفس؟ ✨ الانضباط والالتزام؟ ✨ الشجاعة والتغلب على الخوف؟ ✨ اللياقة والصحة؟ ✨ تكوين صداقات جديدة؟

السباحة مش مجرد رياضة، دي مدرسة بتعلم أولادنا مهارات بتفضل معاهم طول العمر. 🌊

💬 اكتب رأيك في التعليقات، وإيه أكتر حاجة حسيت إن السباحة غيرتها في ابنك أو بنتك؟

❤️ متنساش تعمل لايك وشير عشان نستفيد من تجارب بعض.
لو محتاج تدرب ابنك او بنتك ابعتلي ع رسايل الصفحة
او اترك تعليق
او ابعتلي ع الواتساب 011 54253931 💪👌

#السباحة

28/05/2026

Dolphin kick 👌

23/05/2026

الناس في الامتحانات:
“هنوقف تمرين شوية” 😌
إحنا:
“هنذاكر بعد الـ Warm up” 😂🔥

19/05/2026

ياعم انا دوخت😂😂
I'm dizzy 😂😂

#سباحة

#سباحين





16/05/2026

🤔 سؤال للمدربين والسباحين…
إيه الأفضل في رأيك؟

🏊‍♂️ الـ Drills تتعمل:
🔹 في بداية التمرين عشان تثبت التكنيك؟
ولا
🔹 في نهاية التمرين عشان تحافظ على الأداء تحت التعب؟ 😮‍💨

قول رأيك وليه 👇
ولو عندك Drill دايمًا بتستخدمه ابعته في الكومنتات 🔥

#سباحة

🏊‍♂️🔥 تحدي السباحين الحقيقيين!الأسئلة دي للتكنيك والفهم… مش لأي حد بينزل يعوم وخلاص 😏ورينا خبرتك في الكومنتات 👇1️⃣ ليه ل...
15/05/2026

🏊‍♂️🔥 تحدي السباحين الحقيقيين!
الأسئلة دي للتكنيك والفهم… مش لأي حد بينزل يعوم وخلاص 😏
ورينا خبرتك في الكومنتات 👇

1️⃣ ليه لاعب الـ Freestyle بيعمل Rotation للجسم أثناء السباحة؟
وايه تأثيره على السرعة والتنفس؟ 🌊

2️⃣ في سباحة الدولفين 🐬
إيه الفرق بين الـ First Kick والـ Second Kick؟
وإمتى كل واحدة بتحصل أثناء الحركة؟

3️⃣ ليه بعض السباحين بيخسروا سرعة كبيرة وقت الـ Turn رغم إنهم أقوياء؟ 🤔

4️⃣ في الباك ستروك 🏊‍♂️
إيه سبب إن دخول اليد للمياه غلط ممكن يبوظ الـ Body Position بالكامل؟

5️⃣ أيهما أهم في السرعة؟
✔️ معدل الضربات العالي
أم
✔️ طول الضربة الأكبر
وليه؟ 👀

6️⃣ سؤال المحترفين 😈
إيه العلاقة بين وضع الرأس وارتفاع الـ Hip Position في المياه؟

7️⃣ لو سباح بيطلع رجله من المياه زيادة أثناء الفلاتر… المشكلة غالبًا بتكون فين؟ 👇

🎯 جاوب على قد ما تقدر… ومتغشش من الكابتن 😂
وأقوى إجابة هننزلها ستوري 👑🔥

#سباحة

#سباحين





12/05/2026

“لما حد يقولك السباحة مجرد تحريك إيد ورجلين” 😂🏊‍♂️

الفيديو دا يثبت إن كل عومة ليها: 📌 تكنيك
📌 Timing
📌 Muscle Control
📌 Body Wave
📌 وإلا هتبقى بتحارب المية مش بتعوم 😅

في الـ Butterfly تحديدًا… الحركة مش رجلين بس 👀
الموضوع بيبدأ من: الصدر ➡️ الحوض ➡️ الركبة ➡️ القدم
يعني جسمك كله لازم يشتغل كموجة واحدة 🌊

وده الفرق بين: ❌ واحد “بيخبط” في المية
و ✅ سبّاح بيطلع فوق المية كأنه صاروخ 🚀

الفيديو فيه شرح وتحليل لكل العومات بطريقة تخليك تشوف الأخطاء اللي أغلب الناس بتعملها من غير ما تحس 👌

ومتنساش… أصعب حاجة في الدولفين مش الحركة 😏
أصعب حاجة إن شكلك يفضل محترم بعد أول 25 متر 😂🔥

#سباحة #دولفين

لو انت معلم سباحه جديد تعالى اقولك على تركايه هتفرق معاك جدا😂❤️الـ 10 دقايق الأخيرة دي هي اللي "بتسيب بصمه" للطفل، وهي ا...
09/05/2026

لو انت معلم سباحه جديد تعالى اقولك على تركايه هتفرق معاك جدا😂❤️

الـ 10 دقايق الأخيرة دي هي اللي "بتسيب بصمه" للطفل، وهي اللي بتخلي الولد يزن على أهله عشان ييجي التمرين المرة الجاية وهو نفسه يتعلم.

عشان تخرج الطفل "فارِد الضحكة" ومبسوط، جرب تستخدم معاه الألعاب دي:

1. لعبة "صائد الكنوز" (جمع الأدوات)
بدل ما تقوله "يا بطل لم البوردات والنودلز"، ارمي "حلقات غطس" أو لعب ملونة في القاع وقوله: "الوحش اللي هيطلع الكنز ده قبل ما نعد لـ 10 هو اللي هيفوز". هنا أنت بتخليه يغطس ويتحرك وهو فاكر إنه بيلعب، مش بيلم وراك الأدوات.

2. تحدي "هزيمة الكوتش"
الأطفال بيموتوا في فكرة إنهم غلبوا الكوتش الكبير. اعمل معاه سباق 5 متر بس، ومثّل إنك "بطيء" أو "بتغرق" بتمثيل كوميدي وهو بيسبقك. الضحكة اللي بتطلع منه وهو واصل قبلك للحافة بتمحي أي تعب شافه في الـ 50 دقيقة اللي فاتوا.

3. وقت "الروقان" (الفري تايم)
آخر 5 دقايق، سيبه يعمل اللي هو عاوزه بس تحت عينك. قوله "معاك 5 دقايق أعمل فيهم أي حركة مجنونة بتحبها". اللي عاوز يتشقلب، واللي عاوز يلبس الزعانف ويجري، واللي عاوز يركب النودل كأنها حصان.. سيبه يحس إنه "ملك المايه" من غير أوامر.

4. قفزة "الوداع" الكوميدية
ما تخليهوش يخرج من السلم بشكل روتيني. خليه يخرج "بنطة" غريبة، زي "قفزة الضفدعة" أو "الصاروخ"، واعمله تشجيع جامد أول ما ينط. خليه يخرج من المايه وهو حاسس إنه عمل إنجاز عظيم.

5. "تثبيت" الحصة الجاية (التشويق)
وأنت بتطلعه من المايه، وشوشه في ودنه بسر: "عارف الحصة الجاية هعلمك حركة بتخليك تمشي زي الدولفين؟ جهز نفسك عشان دي للأبطال بس". كدة أنت خرجته وعقله شغال في "المفاجأة" اللي مستنياه، مش في فرهدة التمرين.

6.لعبة " الأرقام"
دي بقى بتخلي الطفل ينسى تماماً خوفه من إنه يفتح عينه تحت المايه أو ينزل براسه.
الطريقة: قوله "أنا هنزل تحت، وأول ما تخبط على المايه انزل وقولي أنا فاتح كام صباع".
ممكن بقا تخليه يجمع او يطرح الارقام ويقولك فودنك.

7.الراديو الغرقان" (أنا قولت إيه؟)
دي كوميدية جداً وبتبني ثقة رهيبة في التحكم في النفس والفقاعات.
الطريقة: أنت بتنزل تحت المايه وتعمل صوت "دندنة" لغنوة هو عارفها، أو تقول كلمة واضحة (زي "بطة" أو "سوبر مان")، وهو ينزل يسمعك ويطلع يقولك الكلمة إيه.

علميا لي الطفل بيكون عاوز يجى التمرين كل مره بلتركايه دى
قاعدة "الذروة والنهاية" (The Peak-End Rule)
دي نظرية في علم النفس للعالم "دانيال كانيمان". بتقول إن الإنسان مابيقيمش التجربة كلها بدقة، لكن عقله بيفتكر حاجتين بس:
الذروة (Peak): أحلى أو أصعب لحظة في التمرين.
النهاية (End): آخر 10 دقائق.
عشان كده لما بتنهي التمرين بلعبة وضحك، أنت بتعمل "خداع بصري" لعقل الطفل، بتخليه ينسى التعب والمجهود ويفتكر بس إن "النهاية كانت ممتعة"، فبيسجل في ذاكرته إن التمرين كله كان "لعبة حلوة"

منقول

08/05/2026

💡 أغلب السباحين بيركزوا على حركة الإيد…
لكن الأبطال الحقيقيين بيركزوا على “حركة الكتف” 👌🔥

في الفيديو ده تدريب مهم جدًا لتعليم الإحساس بالحركة الصحيحة في:
🏊‍♂️ الدولفين
🏊‍♂️ الباك
🏊‍♂️ الحرة

📌 الفكرة إن السباح يقدر يحس بالحركة من الكتف والجسم بالكامل
مش مجرد إنه يحرك إيده وخلاص

✨ نص الفيديو جوه المية
و
✨ النص التاني برا المية

لكن الحركة واحدة 👀
عشان الجسم يحفظ الإيقاع الصحيح والتكنيك المظبوط 💪

🎯 كل ما تحكمت في حركة الكتف والجسم…
كل ما سباحتك بقت أسهل وأنعم وأسرع 🔥

🚨 التكنيك الحقيقي يبدأ من التفاصيل الصغيرة

05/05/2026

عايز تعوم أسرع بدون مجهود زيادة؟ 🤔
السر في تكنيك واحد بس:
✔️ High Elbow
التمرين ده هيظبطلك:
زاوية دخول الإيد
مسار السحب
الإحساس بالمياه
🎯 النتيجة: سرعة أعلى + مجهود أقل
📌 Save عشان متنساش التمرين
📩 ابعتلي لو عايز أظبطلك تكنيكك
#سباحة

Address

Cairo

Telephone

+201154253931

Website

Alerts

Be the first to know and let us send you an email when Swimming step by step posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Swimming step by step:

Shortcuts

Share

Category